أنا والحمد لله ، كنت كل عمري واساتني لهلأ ما فرقانة معي حدا ، بحكي الكلمة يلي بشوفها صح وبنصح وبوجه ، وبالآخر يلي بدو يقتنع بكون عم يقتنع لحالوا ويلي ما بدو يقتنع بكون عم يضر حالوا.
أنا مش أول مرّة بحكي مع الناس ، ومش أول مرّة بحكي بهيك مواضيع ، وعارف شو رح يكون الرد ، وعارف انو غبا المسلمين يلي مفكرينوا طيبة قلب هو أكبر مسوغ لدخول هيك ناس إلى المساجد ، يعني بفوت الواحد منحذر الشباب منو ، ببلشوا يقولولك لأ ما اتظن ظن سوء و.... بتقلون يا عمي القصة كذا وكذا .... بقولولك لأ و.......... وهيدا الفلم اتكرر مرّة وتنين وتلاتة و.......... لحديت ما انتلى الجامع ، ولهلأ اساتوا عم يتكرر ، ورح انضل ، كل ما يمرق واحد من حد الجورة بدو يوقع فيها ، لأن الجحش أفهم منا
أنا ما بق مستعد وجع راسي بهالمواضيع ، لأن طلع الشعر علساني أنا وعم احكي ، واللبيب من الإشارة بيفهم ، والغشيم ما تفتحلوا راسوا وتحطلو الفكرة جوا رح يرجع يبذقها ، بس للأسف ما كنت متوقع انو يكون الدين بيوم من الإيام عند البعض باب من االغشمنة . هلأ صار فيكون تتبينوا ، يلي بهموا الموضوع يتفضل يسأل ، ناس ثقات .
بس في منطق تبريري انحكا فيه ، وللأسف هو منطق أعوج ، انو بدي افهم أنا شغلة ، كل ما واحد صلى الفجر يعني بطل مخبر ؟؟؟ وكل ما واحد حكي بالدين بطل مخبر ؟ وكل ما واحد هز اصبعوا بطل مخبر ؟؟؟ عنجد حلو هالفهم ! ومنطق قوي ! وحجة دامغة !
رد مع اقتباس
