مقابلات مع الأعضاء!!!

[za3a]

ana bemsa7ak ya zaher te3mel i3lemi tlo3 men koulliyet l3ouloum

[الزاهر]

شو بدنا نعمل.........الكتيبة أهين من الحكي وبتوصل لنتيجة!!!.........

آه والله..........طبعي ما بحكي كتير............بس مدا ما بلشت الله يستر!!!

على فكرة ............. أبل ما أطلع عالجامعة فكرت جديا بخيار كلية الإعلام لكن بيضل العلم بيسري بدمي ..........هادي حالنا!!!..........

أهلا بكم

[za3a]

ya a5i zaher ana botlob minnak tetra7 hada lmawdou3 linniqachlmawdou3 houwa isti5dam ba3d l2a3da2 lilmountada bigarad ibraz nnafs mouch lisabab almoucherakeh lbanna2a bilmawadi3,, heda chay lo7eztou 3ind ktir a3da2plz baddi tar7 lmawdou3 bsour3a

[الزاهر]

ترقبوا عودة الموضوع للحياة من جديد خلال الأسابيع القادمة إن شاء الله

ونتمنى على من عنده أي ملاحظة أو نصيحة تساهم في تطوير الموضوع أن لا يبخل علينا

إنتظرونا

[الزاهر]

بسم الله الرحمن الرحيم

ها قد عدنا ... وأبدأ بالتقديم للمرحلة الثانية ... فهي ستكون إن شاء الله مختلفة عن المرحلة الأولى حيث لن تكون المقابلات أسبوعية بل ستكون على التيسير ... على أن لا يمر شهر بدون مقابلة (أو أكثر) إن شاء الله ... دعولنا !!!

[الزاهر]

إن قرأت موضوعا ولم تفهمه ... فاعلم أنها خلفه
مشاركاتها نهر واسلوبها غمز ونقر
من العناصر الأنثوية القديمة في المنتدى
حملت لواء الدفاع عن المرأة وتحصيل حقوقها
كانت رائدة التحرر فالتزمت
حيرت الجميع وطالما رفضت أن تجري المقابلة
إلا أنها عادت وقبلت أن تستجيب
إنها هناء، لا بل نارا، لا بل ...
فعليها أن توضح الصورة وأن تجيب
فلها ولمراسلنا الكلام ...

الأخت الكريمة Nara ... عرفينا أكثر عن نفسك.
من مواليد مكه المكرمه . اسمي الحقيقي هناء وإذا بتسألني شو اسمي بقلك ناره تعودت على اسمي من أنا وظغيره
. هاديه أكتر ماكون عصبيه. مستمعه بشكل جيد حتى لوكان يلي عم يحكيني حديث ممل وغير مفيد. صبوره وكتومة كتير مستحيل طلع كل يلي بقلبي او شو يلي عم فكر فيه لاي شخص كان.


حدثينا عن تحصيلكِ العلمي.....أين درست.....وإلى أين وصلت .... وما هي أهم طموحاتك ؟
درست للإعداديه بالسعوديه بعدين اخت الإسم تاني (الشهادة الثانوية) بسوريه وختمت دراسه بي مهنية القبه. وبعام 2005 انتقلت للإمارات. بعام 2006 انتقلت للعمل بي بنك دبي التجاري حتى نهاية عام 2007 وهلأ والحمد لله رب العالمين إجاني عرض كان كتير مهم بي بنك نور الإسلامي بي دبي وأنا هلأ بشتغل بنور الإسلامي ومبسوطه كتير لأن راح ارتاح من زحمة دبي وينتقل قسمنا للشارقه. طموحاتي حاليه وبالسنوات القليله بإذن الله تعالى أوصل لمركز مهم بشغلي.


ما هي أهم هواياتك واهتماماتك ؟
بحب القرآه كتير وكتابة شعر النثر بس حاليا اهتماماتي هي قرآة القرآن الكريم وإن شاء الله تعالى ضل مستمره بقرآة القرآن الكريم لأن بصراحه انا كنت من الحالات النارده إني اقرأ القرآن.


كيف تعرفت الأخت Nara على موقع ومنتدى القلمون ؟
أختي دانية


هل لكم نشاط في مواقع ومنتديات أخرى ؟
طبعا لأ وقتي ما بيسمحلي شوف او شارك بمنتديات تانيه ممكن قبل ايه بس حاليا لاء


ما هو رأيك بمواضيع المنتدى وبمستوى الحوار الحالي ؟
بفضل تسأل غير هل سؤال ممكن يقدر يجاوبك احسن مني يمكن جاوبك واظلم. بس بحس إنو قبل كان أفضل


ما رأيك بمستوى الأعضاء في المنتدى حاليا ؟
كل الأعضاء فيون الخبر والبركه وماشاء الله تعالى عليون منورين المنتدى


هل تفضل الانسة Nara ان يناديها الناس باسمها الرسمي أم باسمها المتداول ؟
بحب هناء وناره والاسمين بسمعون بس بحس اسم ناره قريب لشخصيتي أكتر


سمعنا مؤخراً انك تسعين لفتح مشاريع خاصة على حسابك في الامارات، ما هي صحة هذه المعلومات ؟ وما هي نوعية هذه المشاريع ؟
بإذن الله تعالى مني حابي احكي عن الموضوع حتى يتم بإذن الله تعلى على خير والله سبحانه وتعالى يوفقنا
(اقضو حوائجكم بالكتمان)


مرت علاقتك بالمنتدى بالكثير من المد والجزر فكنت تشاركين حيناً وتعتكفين احياناً ... هلى يعتمد ذلك على مزاجيتك ... ام انك تملكين اسباب حقيقية لذلك ؟
بصراحه الفتره الأخيرة صار في عندي ضغط شغل وخلص شغل بي وقت مأخر ومتل مابتعرف ايا شيء بكون جديد مضطر تشتغل ليل نهار حتى ينجح ويطور وبنك نور كان اول منو فاتح ومسؤليتنا إنو نشتغل حتى نطور البنك ونطور نفسنا ومزاجيتي يا أستاذ زاهر مادخلا بالقصه والحمدلله بحياتي ماكان عندي مزاج متقلب بين الإبتسامه والعبسه


كيف تصفين علاقتك بالاعضاء لا سيما الذين تعرفينهم شخصياً ؟
حاليا مافي أخبار عن الأعضاء يلي بعرفون شخصيا بس قبل كنت بسمع أخبارون من فتره لفتره بس كتير بعزون وبحترمون


لكل تغيير كبير في حياة الإنسان سبب كبير، حبذا لو تحديثينا عن السبب وراء التغيير الجوهري في حياتك يوم قررت الإلتزام بالحجاب الشرعي الذي فرضه الله عز وجل على المسلمات.
أنا لما قررت الحجاب كنت بالفتره الأولى متردده بس الصبح بكير قبل ما انزل الدوام لبست الحجاب الشرعي الكامل ونزلت الدوام. كان 99% مبسوطين ومصدومين ماكانو بيطوقعو إني اتحجب لان ولا مره كنت افتح سيرة إني بدي اتحجب بس والحمد لله الكل باركالي وتمنالي التوفيق والثبات وال1% قالو بعدك ظغيره على الحجاب وإنما الأعمال بالنيات المهم شوبدنا بي ال 1% يولو.......


نارة قبل الحجاب ونارة بعده، هل تختلف نارة الأولى عن الثانية، وكيف ؟
بصراحه بختلف كتير وحاسي حالي شخصيه تختلف كليا عن ناره قبل الحجاب بس الحجاب غيرني للأحسن والحمد لله عطاني ثقه بنفسي اعرف آخود قرارات بدون تردد الإنسان المحجبه قلها احترامها أكتر من البنت العاديه وأنا كتير مبسوطه بالحجاب لو بخيروني بملاين وكنوز الدنيا عن حجابي مابتخلى.


يسأل أحدهم ... هل كان للمنتدى أي دور في التزام الأخت نارا بالحجاب الشرعي ؟
بصراحه لأء لأن مابسهولي حدا بيقدر يقنعني علي ايا شيء


مواضيع الأخت Nara مرحة جداً، ولكن هل هي إنعكاسٌ لشخصيتها الحقيقية أم هي هروب من حزن عميق يستحوذ قلبها ؟
أنا طبيعتي مزوحه مبتسمه ديما .طبعا كل إنسان عندو مراراه بحياتو بس أنا مرارتي بالسنوات الماضيه يلي مرت فيه عيلتي بسبب مرض البابا والحمدلله رب العالمين يعني رغم إنو الله سبحانه وتعالى عاطاني أكتر مابستاهل ومني بحاجه غير لرضا الله سبحانه وتعالى وغفرانو . بس ديما في عندي ألم بس أتذكر السنوات يلي مريت علينا.


تقول إحداهن: من خلال بعض ردود ومشاركات الأخت Nara يظهر لنا بأنها وكأنما مرت بتجارب قاسية في حياتها. فهل هذا صحيح؟ وماذا تعلّمت منها؟
صحيح لأن مافي إنسان مابيمرأ بتجارب منيحه وتجارب قاسيه ومن التجربتين لازم نتعلم شو الصح وشو الخطأ والحمدلله رب العالمين على كل شي. يلي تعلمتو الحذر من كل يلي حولي

يظهر لنا بأن الأخت نارا لها باع طويل بالأسفار .... فما أكثر ما تحن له في القلمون ....؟
بصراحه مشتاقه لكل لقلمون والفتره الأخيره انزل القلمون مايقارب 5 أيام ومابلحق شم ريحة ورق الزيتون ولا شوف كل يلي بعرفو

من خلال مشاركاتكم السابقة يظهر لنا كم عانيتم من مشاكل المرور والتنقل ... وحوادث السير .... فهل من نصيحة توجهينها للأعضاء في هذا الشأن ؟
منخلقا على الحياة بدون لانعلم ومنموت فجأه من دون مانعرف . التروي والتروي وثم التروي وياروح مابعدك روح


كلمة توجهينها للمشرفين
يخففو مراقبه عن الأعضاء وعلى مواضيع الأعضاء


كلمة توجهينها للأعضاء
راح اعمل متل الفنانين وقول بحبكون كتير ولولا دعمكون وحبكون إلي انا مابنجح


وكلمة ختامية
إن شاء الله تعالى ماكون كترت حكي وخير الكلام ما قل ودل والسلام عليكم ورحمة الله وبركاته


وشكرا للأخ زاهر يلي استضافني بموضوعو

نشكر الأخت الفاضلة نارا على الإجابات الشافية على أسئلتنا ونقدر لها وقتها الثمين الذي خصتنا به
كما ونشكر كل من ساهم في التحضير لهذه المقابلة
على أن نلتقي في المقابلة المقبلة مع المهندس محمد عبيد (أبو حسن) إن شاء الله ...
نترككم في رعاية الله وحفظه
والسلام عليكم ورحمة الله تعالى وبركاته

[مصطفى معتوق]

الله يكون بعون يلي حضرو المقابلة ويلي عم يقروها ؟؟؟