اقتباس المشاركة الأصلية كتبت بواسطة vegatayoute مشاهدة المشاركة
السلام عليكم و رحمة الله و بركاته

يعني صراحة تفكيرك يا أبو مريم بلا زعل فيه بعض من العلمانية لأنو بصراحة عم تحكي متل هيدول يلي بيقولو إنو الواحد يعمل يلي بدو ياه لأنو الدين يسر و ليس عسر ..... يا أخي الدين كله يسر و لكن بالحلال

تاني شي عفكرة الموضوع يلي فاتحو أنت كتير حطير لأن ممكن كتير من الشباب الملتزمين حديثا أو الأخوات الملتزمات حديثا يلي بعد ما ثبتوا منيح عالدين ياخدوا رأيك على أساس إنو هو الصح ....لأن الإنسان الداخل جديد عالدين و على حياة الطاعة و العبادة بيكون بعدو ضعيف بهالمجال لأنو يكون إسا ما عندو الخبرة و بيكون كمان عم يحاول ياخود معلومات و يجمع فتاوى من هون و هون(متل الطفل الصغير ما بيكون عندو مناعة و بيكون عم يجرب يكتشف العالم من حولو و حيلا شغلة صغيرة بتمرضو)..... فتخيل معي أخي إنو شاب ملتزم حديثاً قرأ موضوعك و تشبثت في ذهنه فكرة أن التبسم في وجه الفتات المحجبة يعطيها المعنويات..

فبدل ما نعتني بهالإنسان الملتزم حديثا يلي هو متل الطفل الصغير الضعيف المناعة بنكون عم نعرضو لحيلا ميكروبة دينية ممكن تبعدو عن السراط المستقيم متل ما الميكروبة البيولوجية بتقتل الولد الصغير

ثم من ناحية تانية الموضوع منو موضوع إذا البنت بتحب إنو الشب يتطلع فيا أو لأ لأنو هذا شي بالفطرة بس الموضوع هو إنو إذا الإنسان بدو يعمل كل شي بحبو بتصير مصيبة كبيرة لأنو متل ما بتعرف حضرتك إنو النفس أمارة بالسوء و النفس البشرية قريبة للشر أكترمن الخير ....

مثل على هالشي إنو كل الناس بتحب الأشياء الجنسية و بتفكر فيا بس تخيل إنت لو كل إنسان حب يعمل يلي عم يفكر في بتكون مصيبة تانية كبيرة

مثل تاني إنو أنت إذا شفت سيارة بالطريق و عجبتك بس ما معك حقا بتسرقها ؟؟ ..... بهالحالة إنت بتكون حبيت السيارة و حبيت تسوقا و كمان حبيت الجنس بس طبعا و بعون الله ما حا تعمل شي منن لأنو الدين وضع ضوابط الحلال و الحرام .....

فالفكرة هي إنو مش كل شي منحبو لازم نعملو لأن في حلال و حرام بهالدنية

بعدين أنا عندي ملاحظة عطريقة ردك ... كل ما حدا يفتح معك الموضوع بتقلو ليش عم تغيرو الموضوع و ما بعرف شو كمان مع العلم مع إنو ما حدا من يلي ردو عليك طلع برا الموضوع ...

بتمنا الحكي يلي حكيتو إنو كان يطلع من الأخوات لأن هن أجدر بالرد على مواضيع بتتعلق بنفسيتن و بشخصيتن بس شكلن تأسروا بكلام أبو مريم بس عنجد المهم إنو ما حدا تعجبو هالفكرة

و الأولى أن يسأل شيخ أو إمام أو صاحب فتاوى عن هذه المواضيع مع العلم أن الجواب واضح و هو أن فكرة أخي أبو مريم لا يجوز تطبيقها على أرض الواقع .... با أخي أبو مريم الشيطان أذكى مني و منك يعني لما بيكون شب عم يدحك لبنت ملتزمة بحجة إنو عم يعطيا معنويات بتكون هيدي طريق من طرق الشيطان لحتى بالمستقبل يكبر الغلط لأنو الشيطان بوسوس للإنسان بطريقة غير مباشرة و بطريقة متدرجة (يعني بيكبر الغلط شوية شوية)

أنا هلأ بستأذن و أرجو أن تقتنعوابكلامي و السلام عليكم و رحمة الله و بركاته ....

يا هلا ب(h.g(كيفك يا عمي منك عم تبين ...