الصراحة راحة...!!!

[lina k]

سلام, آسفة على التأخير,إن شاء الله عن قريب منرجع للموضوع..

[Nader 3:16]

انا برأيي يكون التالي هو الاخ moustafa ::::::::::::::::::::::::::::::::::::::::::::::سألو ه اذا موافئ او لأ!!!!.....
و اذا ما وافأ سألوا وسيم حكم و ازا هاداكا التاني كمانا ما وافأ ما تسألوني انا لأني انا اصلاً مني موافأ و بالتالي رح تأيبلو ععضو يكون قابل للموافقةو التوافق.....
و السلام عليكم

[الزاهر]

أنا !!! .... وريحنا من غلاظتك يا نادر بيك

[lina k]

السلام عليكم ورحمة الله وبركاته:

ضيفنا اليوم من الأعضاء القدامى في منتدى القلمونْ
تختبئ وراء كتاباته شعلة من الإيمان والنورْ
يحلّق دائما فوق ساحات الحوار ويدورْ
فيناقشنا ويحاورنا بكلّ محبة وهدوءْ
إنه العضو "وسيم غنوم"..........

لقد شاركنا الأخ "وسيم" بمواضيع عديدة طرح من خلالها أفكاره وآراءه.والآن جاء دوركم أيها الأعضاء لتقييمه وإدلاء النصائح له.

ملاحظة:-أيّ إهانة أو تجريح تحرم صاحبها من المشاركة في الموضوع وبالتالي إلى إفشال الموضوع.
-مدة تقييم العضو هي 4 أيام.
-الرجاء من العضو "وسيم"عدم إدلاء أي ردّ قبل إنتهاء مدة تقييمه.

دمتم بخير....

[مايا]

السلام عليكم ورحمة الله وبركاته
شرف كبير لي أن أكون أول المشاركين
الأخ وسيم من معرفتي البسيطة له عبر المنتدى علمت انه شخص مميز رغم مشاركاته القليلة الا أنها هادفة فلا يكتب الا المفيد .
محترم بكل ما للكلمة من معنى .
مثقف .
سأكتفي بهذه الكلمات القليلة لأني مهما كتبت لن أستطيع تقييمه .
وأنا أشكره كثيرا على توجيهي ونصائحه لي .
وشكرا

[الزاهر]

وسيم ...........ههههههههههههههههه


ما بينزل عن جحشتو ..... حامل ألف بطيخة بئيد واحدة .... ضــــــــــــــــــــــــــــــــــــــايع ... هاد وسيم باختصار!!!

بس أكيد وسيم إنسان واعي ومثقف .... وشغيل .... لكن عدم تركيزو على جبهة واحدة بيخرب الجبهات كلها!!!

وبفترة من الفترات وئت كان نشيط هون عمل أزمات نفسية لبعض ناس ... ما هيك يا نادر ؟؟

وعلى أمل إنو يرجع يحمل بطيخة بكل إيد ويرجع يكتبلو كلمتين بالمنتدى ...


السلام عليكم

[lina k]

سلام,مشكورين على مشاركاتكم وبإنتظار آراء بقية الأعضاء.

[Nader 3:16]

ولك ديبكم انا......هادي الجملة بدلو يقولها....للأسف الواحد ما فيه يوصيه عشلغة لأنو مستهتر لدرجة عالية جداً....و هو يتمسك برأيه ....
و لكن من الجهة المقابلة افكاره تدل على انه انسان مفكر من الدرجة الاولى و انا بحبو بلاااااوي...

و كان لازم يكون ابداء الآراء عن ابو صطيف و اذا ما قبل.............اقرأوا المشاركة السابقة

[lina k]

سلام,بالنسبة للأعضاء الذين أختارهم فـأنا الآن أقوم بطرح الأسماء التي سألتها سابقا ورحّبت بفكرة طرح أسمائهم.وإن شاء الله سوف أسأل باقي الأعضاء عن رأيهم وإن وافقوا أطرح أسماءهم دون تردّد

ملاحظة: أرجو من الأعضاء التعبير عن رأيهم وذلك من خلال كتابات العضو في المنتدى فقط.

[lina k]

سلام,بقي يومين وتنتهي مدة تقييم الأخ "وسيم".

[أبو حسن]

كان بودّي أن ألتقي بالأخ وسيم (لقاء موسعا) خلال زيارتي الأخيرة إلى لبنان لكن الظروف لم تيسّر ذلك لانشغالي وانشغاله ...

نصيحتي الوحيدة له... أن يخفف من حدّته ...

[مصطفى معتوق]

الاخ وسيم زينة شباب الضيعة

مشكورة على الموضوع يا اخت لينا

[The Angel]

الأخ وسيم , شخص هادف بمشاركته , رغم قلتها ...
شخص محترم ...
هذا ما أعرفه عنه ...

[دوكر]

يا هلا بالجميع......
دائمن متأخر انا....ولا مرة يمكن ظبطت معي اني احكي بالوءت المحدد.....
يلا منا مشكلة......
طيت ت نشوف.....عم تحكو عن المعلم وسيم و ما بتعيطولي؟.....ؤف.....
في شغلتين بدي ؤلون.....يمكن وسيم بعرفو من المنتدى اكتر من الحياة العادية بكتير......و هادا الشي المطلوب بالموضوع على ما بظن.......وسيم من اوائل المحاورين في المنتدى......من الاوئل من تارخيا بس ......كمان كجودة افكار و كثقافة عالية و اطلاع و .....و فيكن تعملو جردة ع مشاركاتو......
و من خلال شوية مشاركات فينا نشوف الهم الدعوي لي حاملو هل الانسان و الافكار الراقية لي حاملا و بدافع عنا بأسلوب بينحطلو علامة ممتاز برياحة.......
و نصيحتو لو متل ابو حسن و بزيد عليا و هي الشغلة لي حكي فيا هوني حاول ركز ع كم محل افضل من تشتيت عملك بكل المحلات........
طيب .....كمان بدي ؤلك يا معلم وسيم اني معك مية بالمية......رغم انشغالاتي و هل ؤصص عم دلني حاول طل ع المنتدى و متابعة كلشي جديد.......بس ما بعرف المواضيع المهمة عم تختفي و عم تأل بسرعة كتير......و حتى المواضيع عم تميل كلا صوب المنقولات كنو بالفكرة او حتى بالنص.......و مشاركات الاعضاء عم تكون اغلبا شكر ......و هل الشي عم يخنؤ المنتدى لي مؤ فاي عم يلبي دورو الحواري.......
يعطيكن العافية......
اخوكم دوكر المعوكر......

[الزاهر]

- ثانيا ، بالنسبة للتعدد الأعمال ، بالفعل هذا أمر متعب ، ويشتت المجهود الذهني والعملي ، ولكن ما باليد من حيلة ، الحل ليس عندي بل هو عند الجمعيات الإسلامية ، للصراحة وإلى الآن لم أجد جماعة إسلامية تحمل الإسلام جملة واحدة ، نعم يوجد جمعيات متعددة وكل واحدة منها تتكفل بجانب معين ، فهذي تتكفل بتحفيظ القرآن فقط ، وتلك بالأعمال الكشفية .......

سؤال:

ذهب عوكر لصانع أحذية ... فطلب منه أن يصنع له حذاء له ... وحذاء لزوجته ... فأخبره بأنه لا يصنع أحذية نسائية ... وأن أخاه في المحل المجاور يصنعها وبسرعة .. وأخبره بأن حذائه سيكون جاهزا خلال أسبوعين ... (أسبوعييييييييين!!!!!!) ... أما الثاني فأخبره بأن يأتي غدا ويستلم حذاء زوجته!!

وحصل ذلك ..

الأول يحرص على إتقان عمله ولو تطلب منه وقتا إضافيا وهو لا يصنع إلا أحذية رجالية .. والثاني يهمه أن ينجز أكبر قدر من الأحذية ويصنع كل أنواعها تقريبا ... ولادي نسائي شحاطات مشبكات نعال ... بتاع كلو !!!!!!


استلم عوكر حذاء زوجته في اليوم التالي ... وجائها به ... لبسته أسبوعين فانخلع .. وأخذه للتصليح ...

أما حذائه خدمه لسنوات!!!!

فعمل أي من صانعي الأحذية سيكون مقبولا عند عوكر؟؟؟


قس على ذلك الأعمال عند الله سبحانه وتعالى ... فتسبيحة في سجود أعطيتها حقها خير من 3 تسبيحات سالله سالله سالله!!!

[lina k]

سلام, لقد إنتهت مدة تقييم الأخ "وسيم".وأوجّه شكرا لكلّ من شارك كما أوجّه شكرا للأخ "وسيم"على التوضيح.ومن يريد الإستفسار عن شيء بهذا الخصوص فيمكنه إرسال رسالة على الخاص للأخ "وسيم".
دمتم بخير.

[lina k]

السلام عليكم ورحمة الله وبركاته:

ضيفنا اليوم غامض ومجهولْ
وهو من أبرز أعضاء منتدى القلمونْ
تميّز بجرأته التي تخطّت الحدودْ
إنّه الأخ "الريّس" ينتظر الآراء والردودْ

لقد شاركنا الأخ "الريّس" في مواضيع عديدة رمى من خلالها قنابل محمّلة بأفكاره الثمينة.والآن جاء دوركم ايها الأعضاء للردّ وإبداء النصائح المناسبة له؟

ملاحظة:-أيّ إهانة أو تجريح تحرم صاحبها من المشاركة في الموضوع وبالتالي إلى إفشال الموضوع.
-مدة تقييم العضو هي 4 أيام.
-الرجاء من العضو "الريّس"عدم إدلاء أي ردّ قبل إنتهاء مدة تقييمه.

دمتم بخير...

[دوكر]

يا هلا بالست لينا......
الحمد لله اني طلعت اول واحد شارك .....
الريس ؤصتو ؤصة .......
الريس تعرفت علي هوني بالمنتدى .....تعرفت علي من خلال افكارو لي كتير من الاحيان توافقنا مع بعضنا فيا .........الريس انسان مثقف كتير........و انسان عندو وعي فكري مهم ........و نظرة مهمة بالحياة.....نظرة عملية ........بعد انعجابي بشخصيتو ......و هادا الشي لي دفعني لأتعرف علي ......تعرفت علي اكتر ......صار بيني و بينو حوارات كتير حول كتير مواضيع ....يمكن ما كنت متوقع انو يصير بيناتنا تعرف مباشر.......بس قدر الله و ما شاء فعل.......تعرفنا مباشر.......ما شاء الله انسان غير شكل .......بس مني ح احكي على شخصيتو برا المنتدى من شان ما ننزعلك الموضوع يا ست لينا ........انتي بدك من خلال المنتدى........
الريس ما شاء الله من الناس لي فادو المنتدى بالحوارات الهادفة و الافكار المهم ......

بكتفي بهل القدر و الريس بيعرف اديش بكنلو احترام و محبة ........
ريس .......اني احبك في الله...........
يعطيكن العافية .......
اخوكم دوكر المعوكر...............

[lina k]

سلام, أشكر الأخ"دوكر" على مشاركته الجميلة.وبإنتظار المزيد من الردود

[lina k]

سلام,بقي يومين وتنتهي مدة تقييم الأخ "الريس".

[Nader 3:16]

متل ما قال تحسينو:

الريس محل ما بفرفط الحيط بليّس!!!...........اكتفي بهذا القدر و عندي بعض التعليقات عليه و لكن ما رح قولها منشان ما يزعل.

[أبو حسن]

أنا بصراحة متابع غير جيّد لمواضيع الريس ومشاركاته

رغم ذلك أطلب منه أن يسمح لي بهذا التعليق وأن يتقبله مني بصدر رحب وأن يجيبني عليه لاحقا حين يعلق على الموضوع...

بكل صراحة، أنا، وغيري أيضا (ولن أذكر أية أسماء)، مستاؤون جدا من الطريقة التي بدأ بها الريس مشاركاته في هذا المنتدى ثم كيف انقلب 180 درجة... أعتقد أن هذا يضر بمصداقيته كعضو...

هذا ما عندي وأنتظر سماع رأيه حول الموضوع

[الزاهر]

بسم الله الرحمن الرحيم

ما رح نحكي عن الريس برات المنتدى ... خلينا ضمن الشروط....


الريس بلش "..." وتاني يوم صار شيخ الإسلام الريس ابن أبو زوبعة ... متل ما تفضل الأخ أبو حسن .... وبلش بعد ما تحول بكل مشاركة يستدل بجملة للإمام الفلاني من الكتاب العلتاني من الصفحة الفلانية بالسطر العلتاني!!! ... أنّا لذاك من هذا ؟!


من جهة تانية كان مشكلجي وئتها من الدرجة الأولى ... سواء قبل التحول ولا بعدو .... أما هلأ فصار جوي (عكس بري ) شوية ...


مع ذلك ... الريس بيمتاز بأمر "كان" إنو بوسط المشكلة وعز الأزمات ما بحياتو تهجم عشخص لشخصو متل ما كان يفعل بعض المشكلجية السابقين بالمنتدى ... بل كان عطول اعتراضو عالأفكار وبيناقش الأفكار وليس الأشخاص.


وبالتأكيد هاد كلو مستمد من شخصو الحئيئي ...

[مايا]

السلام عليكم ورحمة الله وبركاته
الأخ الريس باختصار : جريء , قليل التواجد بالمنتدى , مثقف .

[gardinia]

سلام
بالنسبة لتقييم "الريس" فكلّ ما يمكنني قوله أنه عضو جريء وصريح جدا.هذا ما إستنتجته من بعض مشاركاته.

[lina k]

سلام,لقد إنتهت مدة تقييم الأخ"الريس"وجاء دوره للردّ.

ملاحظة:أرجو من جميع الأعضاء المشاركة في الإستطلاع الذي أضفته.

[مصطفى معتوق]

السلام عليكم ورحمة الله وبركاته

عن اذن الاخت لينا ..


يبدو اني من جاء متأخراً هذه المرة بدل اخي وصديقي دوكر , ان تأتي متأخراً خير من الا تأتي ابداً .

اما بالنسبة للريس فالوصف الصحيح له برأيي هو " لا تهدي من احببت ان الله يهدي من يشاء ."

لقد بدأ الريس مشاركاته في المنتدى ساباً وشاتماً ولاعناً حين كان جميع الاعضاء يتكلمون بنفس اسلامي صرف محاولاً ان يضيف الى المنتدى خط جديد او منطق جديد في المواضيع بهدف اشعال النقاش فيها .
وحين دخل الخط العلماني الى المنتدى وازداد تنوع المواضيع تنوع الى تنوع لا سيما من خلال المناقشات الحضارية والفكرية بين بين الاعضاء ( على الرغم من بعض الشوائب ) عاد الريس الى قواعده سالم بعد ان تحققت الغاية المنشودة وهي اشعال فتيل النقاش بين الاسلاميين والعلمانيين ان صح التعبير .

لق مررنا في هذا المنتدى بحقبة ذهبية نوقشت خلالها اصعب وادق التفاصيل وكان احد ابرز نجوم تلك الحقبة الريس الذي انتهج النقد الاذع والعبارات النارية واسلوب الاستفزاز في حين كان غيره ينتهج اسلوب الاقناع والبعض الاخر كان يردد ببغائياً ما لقنه اياه اساتذته

تحية الى الريس

شكراً مرة اخرى على هذا الموضوع الرائع

[الريس]

أول شي بحب اتشكر الأخت لينا على هيدا الموضوع المميز ويلي بشوفوا أهم موضوع بكل المنتدى حاليا ولولاه ما كنت فتت على المنتدى أبدا ، وبتمنى عليها تستمر فيه وما ترد على حدا ، واذا في أخطاء حصلت فلازم يتصلح الغلط مش ينلغى الموضوع كلو ، يعني لو الحجة لينا شافت انو في واحدة زادت شوية بتوديلها على الخاص انو يا بنت الناس هالشغل هيدا منو صحيح وبتقلها اتعدل المشاركة تبعيتها ، على كل هلأ بناقش معك هونيك ، لاقيني على الشباك التاني هلأ بس كفي كتيبة هون بنط لعندك .

أول شي عندي تعليق على الحجة لينا بالنسبة للمقدمة ، يعني بتصور انها لازم اتكون موضوعية أكتر من هيك ، مثلا في ناس بتمدحي فيهم وفي ناس بتشحديلهم نصائح متل حضرتي

تاني شي بالنسبة للمعلم أبو حسن ، مني مضطر وضح كتير كلامي ، بس بقول باختصار أنا فعلا بفترة من الفترات كنت مقتنع انو المسلمين كلو مجاديب وانو ما في شي اسمو آخرة ومن هالحكي هيدا ...

بعدين في صحابة أسلموا وبنفس اليوم راحوا على المعركة شو فيها ، يعني اذا الواحد كان يقول فكرة ورجع غير وجهة نظروا وقال غيرها بكون كذاب !!!!؟؟؟

بالنسبة للزاهر اقراهم هنة ذاتهم ، يعني الكلام يلي كتبتوا لأبو حسن

كما بحب وجه تحية للست أنجل ومايا وغاردينا وان كنت ما بعرف مين هيدول ، ما كانوا على إيامي هالصبايا ؟ ممكن حدا يقلنا مين هنة ؟

وبالأخير تحية خاصة للمعلم مصطفى معتوق ، وان شاء الله بعد رمضان حابب ارجع افتح معك موضوع القومية مستعد ؟؟

[lina k]

سلام,بداية أتشكر الأخ "الريس"على ردّه.وبالنسبة للمقدّمات,فأنا أستوحيها من كتابات الأعضاء في المنتدى.وأريد توجيه ملاحظة للأعضاء,من كان لديه تعليقا على ردّ الأخ "الريس"أرجو مراسلته على الخاص تفاديا للمشاكل.
بالنسبة لهذا الموضوع فمبدئيا لن أوقفه ولكن في حال تزايدت الإنتقادات حوله وتسبّب في حدوث مشاكل بين الأعضاء فسأقوم بإلغائه فورا لأن هدف الموضوع تقريب وجهات النظر وليس العكس.
دمتم بخير..

[الريس]

ولك أهلين بالمعلم دوكر ، كبير وبتضلك كبير ، ويمكن انت أكتر شخص بيفهمني بهالمنتدى كلياتو .

وأحبك الله الذي أحببتني فيه وان شاء الله منلتقى مع بعض بالجنة

[lina k]

السلام عليكم ورحمة الله وبركاته:

بداية,أتشكر كلّ من إستجاب لطلبي وشارك بهذا الإستفتاء.وبالنسبة لهذا الموضوع فأريد توضيح بعض الأشياء لنا جميعاً:
1-هذا الموضوع هو لتقييم مشاركات وردود الأعضاء.
2-يُمنع منعاً باتاً الخروج عن شروط الموضوع.
3-أرجو من الجميع التعامل مع هذا الموضوع بكلّ جدية.
4-أيّ ردّ يشمل الإهانة أو الإستهزاء سيتمّ حذفه دون نقاش.فهذا الموضوع ليس للتسلية والإستهزاء إنما للإستفادة.

دمتم بخير..

[The Angel]

و بإذنه تعالى سوف نقوم بجميع هذه الشروط ...

و أنا أشكركي كثيرا ً و أهنئكي على هذا الموضوع , لأنه بالفعل رائع بالنسبة لي ...

[Nader 3:16]

المشاركات و طريقة الردود تعطي فكرة عن شخصية الكاتب او العضو و لو لم تكن صحيحة مية بالمية لذلك الواحد رح يقييم الشخصية.

[مايا]

السلام عليكم روحمة الله وبركاته
بارك الله بك أخت لينا على الموضوع الرائع وباذن الله تعالى سوف نلتزم بالشروط .

[lina k]

أشكركم جميعا وغدا بإذن الله سأطرح إسماً جديداً.
سلام..

[الزاهر]

أشكركم جميعا وغدا بإذن الله سأطرح إسماً جديداً.
سلام..

شكلا هالغدا من تبعون الختيارية

[lina k]

السلام عليكم ورحمة الله وبركاته:

عضو مثير للمشاكل حسب تعبير الأعضاءْ
جريءٌ,صريحٌ,يتحدىّ الصعابْ
من أبرز مواضيعه"فضح الألقابْ"
يخاف على الفتيات أن يعنّسن ويتُهن في الفضاءْ
إنّه الأخ "7maytoun",فإستعدواّ لمواجهته يا أعضاءْ

من أبرز مواضيعه:
-فضح الألقاب.
-مين بدوّ ياخدن؟
-إزالة الألواح الخشبية من المسجد البحري؟

لقد كتب الأخ"7maytoun" مواضيع عديدة إتسّمت كلّها بالجرأة.والآن جاء دوركم يا أعضاء لتقييمها وإبداء رأيكم بكلّ صراحة.هل أفادتكم مواضيعه؟

ملاحظة:-أيّ إهانة أو تجريح تحرم صاحبها من المشاركة في الموضوع وبالتالي إلى إفشال الموضوع.
-مدة تقييم العضو هي 4 أيام.
-الرجاء من العضو "7maytoun"عدم إدلاء أي ردّ قبل إنتهاء مدة تقييمه(=تقييم مواضيعه).

دمتم بخير...

[الزاهر]

حميطون!!! ......... ههههههههه



أولة ما بيؤولو الشباب ... (وعن روعة كمان) ... بيكتب كلمتين موضوع جديد وبروح ... بتأوم الدنية وبتأعد وبيصير الشيوخة عمنابر الجمعة بتحكي بالموضوع !!!! .. وهو ما عمل شي ... كتب كلمتين !!!


لكن لا شك إنو مواضيعو مهمة ... ما عدا فضح الألقاب ... بس بدنا منو يتحفنا بأفكارو ورأيو بمواضيع تانية ... لأن الأمر بيهمنا جميعا !!! .. يعني بدنا شوية نشاط أكبر وبدنا متابعة للمواضيع اللي بيفتحها (ونفس الشي للست حميطونة !!!)

[دوكر]

يا هلا بالست لينا .......
المعلم حميطون.....هلأ يمكن لي ؤلو المعلم أطر عنو مظبوط بشكل من الاشكال هو و الست متل ما سماها حميطونة ....هههههه.....بعتقد انا مظبوطة هل التسمية .....المهم ......ف هادا المعلم حميطون عندو مواضيع مهمة و مشاركات كتير مفيدة و فينا نؤل انو من المحاورين الاشاوس بالمنتدى.......
يعطيكن العافية ......
اخوكم دوكر المعوكر................

[روعة]

هي جيت الفرصة,

ما رح إحكي بس من المنتدى ( بيحقللي ):

- في يطلع عالضنية بالسيارة وينزل بالتاكسي, حتى هو ونازل في يقول "يا ريتنا طلعنا هالمشوار بالسيارة كانت أوفر وأسرع"

- بتكون شاعلة الدنيا مو ببيروت ولا بطرابلس بالقلمون ها, وحاطين الخبر عالجزيرة , بيجي بيطفي التلفزيون وبيقول : " خبر اليوم بمصاري بكرة ببلاش"

+ سمعتو بمحاضرة الطراس " اجعل يومك 24 ساعة" أكتر واحد بيطبقها بحياتو هو محمد!!!

- ما ممكن حدا يلحقلو لا بالمشي ولا بالأكل ولا بالحكي

خلصت حرام!

[lina k]

سلام,لقد سمحت ل"روعة"بتجاوز شروط الموضوع كونها أخت العضو"7maytoun"ولديها الكثير لتخبره به وكانت هذه الفرصة الأنسب.ولكن بالنسبة لباقي الأعضاء,أرجو منهم الإلتزام بالشروط تفاديا للمشاكل.
دمتم بخير.....

[روعة]

نسيت قول إنو اللي بدو ياخدا بدا تعرف تعمل مصران و معمول وورق عنب و........................

[مصطفى معتوق]

حميطون ؟؟؟
يـــــــــــــــــــــــــــا لطيف

انا بعرفو من شي 15 سنة ........ حرام عليك يا روعة حميطون زينة شباب الضيعة ...
بالنسبة للمواضيع فحميطون بينطبق عليه قول الشاعر .

انام ملئ جفوني عن شواردها ......... ويسهر الخلق جراها ويختصم .

يخوض مواضيع حساسة ويذهب حيث لا يجرؤ الاخرون , يمتاز اسلوبة بالرصانة الا ان ردوده تفتقر الى حسم الرأي فيترك الباب خلفه مفتوح دائماً على الاقاويل والاخذ والرد

[lina k]

سلام, بقي يومين وتنتهي مدة تقييم العضو"7maytoun".

[line]

ana bihasab ra2yi ma laizaim liann moumkin il chakhis yinhirij idaim il koull fa iza kain fi aya ti3li2 3l chakhis fikoun tib3atoulou mssg 3la email walla intou chou ra2iykoun ma haik laizim yikoun

[lina k]

ana bihasab ra2yi ma laizaim liann moumkin il chakhis yinhirij idaim il koull fa iza kain fi aya ti3li2 3l chakhis fikoun tib3atoulou mssg 3la email walla intou chou ra2iykoun ma haik laizim yikoun

سلام,بداية إسمحي لي أن أرحّب بك في هذا المنتدى الحبيب.وبالنسبة لهذا الموضوع,فسأذكّر ببعض الأشياء:
-يتمّ طرح إسم العضو بعد أخذ موافقته تفاديا للإحراج.فأنا لا أقبل على نفسي أن أوضع في موقف محرج وما لا أقبله على نفسي لا أقبله على الباقين.
-هذا الموضوع ليس لتقييم العضو بل لتقييم مواضيعه ومشاركاته في المنتدى.

أرجو أن أكون قد أوضحت لك.........
دمت بخير.

[هاني]

الاخ حميطون اخ صريح لابعد الحدود عنيد جريء بعض الشيء طيب جدا


احبك في الله

[أبو حسن]

إضافة إلى كل ما سبق...

الأخ حميطون عنده ميزة لم يذكرها أحد، وهي ميزة نادرة في هذا المنتدى وخارجه أيضا، ألا وهي قراءة كلام محاوره جيدا وألا يجد غضاضة في موافقته وترك قوله هو إن رأى أن كلام محاوره صوابا وحقا

[Nader 3:16]

السلام عليكم.....
شبدنا نقول عن حميطون منا عارفين!!!!........رح اكتفي بهالكلمات الخفاف (إنسان فوق العادة).
بس ما بعرف شمعناتا...

[حُسَينْ ... !]

حميطون يطول الكلام فيه ، داخل و خارج المنتدى
فهو لم يتجرد في المنتدى من صفاته التى يحملها خارجه
لن اضيف على ما قاله الشباب سوى اني افتخر انه شيخي