عن اذنك ست لينا هادي وصية ام

يا امي شايف عيونك حزينة
وش المزعلك يا تقبريني
يا ريت الناس بتبيع السعادة
تجبلك كل فرحة وكل زينة
حرام الحزن يغمر هالايادي
يالكنتي فوق منها تحمليني
صباك يلبس اللون الرمادي
قلبك متل زهر الياسمينة
بعد ما كنت ازحف ودادي
دروس رجال صرتي تعلميني
يا ابني ارضك اعبدها عبادة
الدهب شو قيمتو لولا الخزينة
يا امي بعرفك عندك شهامة
وصدر فيه الرضى والطمأنينة
مين ال عوكرك يا بحر هادي
طفى الشمعة الي ضوت ع مدينة
رفعت راسها بحزم وارادة
ومسحت جمرة الدمعة الثخينة
جرحت صوتها وصارت تنادي
القدس يا ابني
.... القدس السليبة
يا ابني جارت عليها الاعادي
وتاهت عن مراسيها السفينة
برضايي عليك يا فلزة فؤادي
تحررها ولا تتركها رهينة
يا ابني القدس اغلى من ولادي
وانتو والقدس من فرد طينة
كانت فرحتك قصدي ومرادي
وحتى بعرسك اتزهر سنيني
بدي لبسك توب الشهادة
واحمل نعشك وارفع جبيني
هو قلها بلسان شادي
انا ابنك متل ما بتعرفيني
وحياتك اذا نادى المنادي
انا مقاوم فدائي بتوجديني
يا امي مين اغلى من بلادي
بعد الله العرض والارض ديني
انا من واجبي تابع جهادي
بوصيكي قبل ما تودعيني
ازا بغيبتي نلت الشهادة
بزلغوطة وبسمة استقبليني
ما بدي تلبسي توب الحدادة
دخيلك اوعى تبكي بتحرقيني
انا رفاقي بيحملوني على الايادي
لبناني وعراقي وفلسطيني
نعشي زعفران وزهر ناري
وقبري بين زيتونة وتينة
وحتى تريحيني ونام هادي
بقبري تخيم عليي السكيني
تحت راسي وضعي المصحف وسادة
وعصدري صورة المسجد الاقصى
وامانة يضل رشاشي بيميني