-
السلام عليكم.
رح نتابع الموضوع مع انو صرلو زمان ......المهم انا حسب رأيي الاجابة عن هذا السؤال ما رح تكون حاسمة و تختلف من حسب المنظور يلي عم نشوف فاي البلدة. و رح ؤلكم كيف و حسب المعايير.
لو جينا لمسألة الحجاب الحمد لله هناك الكثير من الاخوات المحجبات في القلمون و كل سنة هناك محجبات جدد فإذاً البلدة عندها طابع اسلامي من هالرؤية هادي بينما لو شفنا مثلاً انواع معينة من المحجبات و بعض التصرفات الخاطئة عندهم ستختلف النظرة ......
و الكثير من الامور.....هناك الحمد لله مصلين كثر....وقد لا ترى نسبة مصلين في المساجد في غير القلمون كما في القلمون التي تعتبر لا بأس بها وحتى عالصبح يعني بغير رمضان فاي 3 صفوف شي كويس....و بالمقابل فاي عندك نسبة لا بأس فيها من اهل القلمون لا يصلون و لا يصومون و حتى يجاهرن بالمعاصي و الكفر العلن امام الناس في الشوارع.
و ايضاً النشاطات الدعوية هناك عدة جماعات في القلمون تعمل في مجال الدعوة سواءً اجيال او الجماعة او العباد ...الجماعة مثلاً تأتينا بمشايخ لوعظ الناس كما يعملون في اعمال خيرية اخرى و كذلك الامر بالنسبة لأجيال الدورات الشرعية و العباد تربية الاسر ..و معهد القرآن و دورة الجامع الغربي...و كل هالشغلات بتدل انو اسا فاي خير و هادا كمانا يدل ولو دلالة صغيرة على ان العمل الاسلامي الذي يعكس طابعه ما زال منتشراً...
و فينا بالمقابل نشوف انو تيار المستقبل يلي كان يعمل حفلات رقص عالانتخابات بالقهوة و يتاجر بعقول الناس و للأسف الناس باعت عقلها و تفكيرها لهيك عالم لمقابل او لغير مقال و دايرين عالجدبنة و الهوبرة...و هيك!!!....فأكيد اذا انسان شاف البلدة من هالناحية ما رح يحكم عليها بالطابع الاسلامي....
بالنسبة للكزدار بالشارع اكتفي بالقصة (مرة حضينا بالصيفية بأحد الدكاترة عنا بالجامعة مارء من تحت بيتنا تقريباً...و هادا الدكتور كيفك؟؟؟ اهلين...مبين عنا بالضيعة..اي و الله ...طيب شرأيك بالقلمون؟؟؟ قام قال هالجملة يلي تجسد الواقع حقاً....كناّ عم نسمع انو القلمون وزيرستان بس وءت مشينا بالشارع افتكرنا حالنا بهاواي ستان)...
فالناظر الى الشارع و انتهاك لحرمة المسجد ما رح يفكر ابداً انو القلمون بلدة اسلامية لأنو الشي يلي عم يصير هونيك منافي لكل مفهيم الاسلامي التي تدعو الى السترة و الحشمة و عض البصر و كف الاذى .......
عنا بالضيعة مشايخ و شباب ملتزمين و اصحاب فكر اسلامي ......ولكن بالمقابل عنا علمانيين و قوميين و من جميع الانواع....
فلا يمكننا تحديد الطابع الاسلامي في القلمون بشكل واضح فهو موجود في ناحية و غير موضود من نواحي اخرى....
طيب شو المطلوب؟؟؟؟
هل لازم نضلنا هيكا عكريشة النصّ.....حتى الآن لا يوجد عند اي جمعية او فئة او مجموعة برنامج دعوي شامل و متكامل....يعني ما رح نتقدم بحياتنا اذا ضلينا عم نحكي غفلان و فلان اديشن منن مناح!!!!!....و لك على العكس الكثير من الشباب الضايعين و البعيدين عن الدين عندهم اسا ولو ذرة من الخير. وكلنا منشوفهم برمضان عصلاة الصبح و عالتهجد .........بس ناقص انو حدا يشيلهم من الجو يلي عايشن فيه.
القلمون لا يمكن ان تستمر هكذا.....ولا يمكن ان تبقى على حالها فإماّ ان تزداد في الميل الى الهاوية واماّ ان نقوم بإنقاذها من الفتن..........
و نوطر الرد من الشباب عكلامي....لأني انا هيك شايف....و يمكن فاي مين هو اوعى مني و افهم مني بهالشغلات فيا ريت نتساعد...
و انا بدي ارجع اكد عشغلة بؤصة الدعوة...عنجد شغلة مهمة انو يكون فاي مشروع دعوي كبير و متكامل بالقلمون......و تستلموا جهة معينة....يعني احسن ما كل كم واحد وحدهم عم يشتغلوا و فزعانين و بدهم دعم....!!...و اذا صار هيك مشروع بكون شي مهم للقلمون......
يعني بيعملوا دورة في اساليب الدعوة و الكل بشارك فيها و يكتسب الخبرات وبكون المشروع عصعيد القلمون ككل....بس اكيد عم احكي انا اوهام وسراب....اي و ان شاء الله و فكرة حلوة...بس هل من مجيب!!!!....
و آخر دعوانا ان الحمد لله رب العالمين.
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
رد مع اقتباس