رح كفي كمانا بقضية مهمة نسيت احكي فيها.

قصة المدارس.....ما حدا يضحك عحالو و يقول انو في شي مدرسة اسلامية بالقلمون...يمكن المنار بتسمي حالها اسلامية بس متل ما قالوا الشباب صارت مدرسة المنار الوطنية بعد ما اعلنت ولائها لتيار المستقبل.....

يعني المدرسة كانوا يعلمونا نحنا وصغار انو هي بيتنا الثاني.....يااااااي اديش حلو هالحكي...كنا وءت نروح عالمدرسة نحس انو الاستاذ هو ابونا و المعلمة هي امنا...
ولكن نتفاجأ انو بعض الاساتذة بقول للتلميذ يا حمار و يا جحش و من هالحكي؟؟؟؟؟؟
و حاطين مادة اسمها تربية...بس هي مادة كذب و دحك عالدءون.......يعني شوفو الولاد الصغار بالشارع اديش مهذبين و اديش عندهم احترام للأكبر منهم..احياناً بكون مارء بالشارع و بشوف ولد ..شإسمك يا حلو ...فبجاوبك روح اإبر ما لاك علاقة!!!....ولك هادا لو متربي بالبيت او بالمدرسة صح!!...كان بجاوب هيك جواب...بس ما بعرف لأيش المدرسة اذا ما كانت عالقليلة بتعلم الاخلاق يلي هي بالنهاية اخلاق الاسلام...

اذا طلعنا عالثانوية حدث ولا حرج ...يعني متل منن عم يحكولي ..صايرا كاباريه عالاخيييييييير....يعني عإيامنا كانت شوية مضبوطة انو كنا نسبة كبيرة دينين و مسيطرين تقريباً عليها..و كذا مرة الشباب منبهين بعض الاشخاص انو ما يكفر او يسب بس هلء عنجد صاير فيا شياطين الانس!!!!!!!!......ما رح كتّر بالحكي بس يلي عم يصير شي كبير و شغلات بستحي قولها......
المديرة السابقة كانت ملتزمة ولكن لم تكن تضرب بيد من حديد رغم انو كنا نوصلها يلي عم يصير.......

فبإختصار مدارسنا بعيدة عن كل ما هو اسلامي....وكان في فترة بعض الشباب الاوادم بالثانوية او بالمدارس عاملين شوية هيبة و لكن الآن الثانوية كلها يمكن ما فيها 20 واحد بصلّوا....

فمدارسنا قصتها عويصة...لكن هل المشكلة من المناهج ؟؟؟هل من الاساتذة؟؟؟ هل من الطلاب؟؟؟؟

فإذاً الناظر الى القلمون من مدارسها يحكم بأنها بعيدة كل البعد عن الطابع الاسلامي...هادا رأيي بالنسبة للمدارس.


فيا وسيم روءلي بالك شوية......وشوف الموضوع بالشكل يلي شفتو ....ولاحط انو ما فيك تحدد بشكل واضح كنّو القلمون بلدة اسلامية خالصة...ففيها الخير و فيها الشر.....
ولنعمل سوياً على اعادتها الى طريق الحق......


وانا بدي حط اللوم على الجمعيات الاسلامية بالضيعة....يا اصحاب الجمعيات...انتو نشأتوا للدعوة فالله يرضى عليكم خلي يكون عندكم مشروع دعوي واسع شامل للقلمون و تكاتفوا مع بعضكم و انا اضمن لكم ان كل الشباب سيكونون في هذا القطار ان شاء الله.
لأنو بجاي الشب بقول بدي اشتغل بالدعوة هو و كم واحد..يوم و يومين بلاقو انو عندهم افكار بس ما عندهم الامكانات او الماديات الكافية..ولك ممكن ينصحوا واحد و تنين قريبين منهم....بس في ناس ما فيك توصلهم وحدك بدك حدا وراك و يدعمك لأنو ممكن تتعرض للأذى خلال الدعوة وممكن تتعرض كمانا لشغلات تانية...فمن هيك لازم يتنظم مشروع دعوي كبير...تستلموا احدى الجمعيات تبدأه بتهيئة الدعاة متل ما قلنا...
انا مقتنع بهالفكرة اتمتنى ان لا يكون فيها معوقات تحول دون تطبيقها...

و ارجو من الجميع العودة للمناقشة في الموضوع المهم..انتا اولهم يا وسيم...

و آخر دعوانا ان الحمد لله رب العالمين

و السلام عليكم.