هالمرّة يا وسيم أول مرّة بتحكي كلمة صح ، ما لازم الشب والبنت يمضو فترة الخطوبة كلها غزل بغزل ، يعني متل يلي بشبع حالوا بالمقبلات قبل ما تجي السفرة ، وهنة هيك بيعملوا .

بس كمان ما لازم يطرقها عبسة كل الوقت ، يعني يحسسها انو مهتم فيها شوية .

يعني بكون الواحد جايية لعند خطيبتوا وهية مظبطة حالها على آخر طرز كرمالوا ، فما بعبرها ، والمخلوقة بتقلك اذا من هلأ من إيام الخطيبة واحنا بعداد عن بعضنا معبرني هلأد ، شحال بكرا بس نصير منشوف بعضنا ليل نهار ، بلالي هالشغلة بدي كفي علمي ، وبتلبطو لبط عن الدرج .

أنا ما عم قول انو يكتبلها شعر وقصائد و...... خلص كلمة واحدة وبس ، "شو هالحلو " ، "ما مصدق عنيي شو عم شوف" ، "طل القمر" ، "ما مشاء الله عليكي" ، "الله يحميلي ياكي" ... ومن هالحكي ...... (لازم نبقا نعمل معجم فيون ، بفيد المزوجين و الزعران متلنا .... ، يعني انتو بلشتو بأسماء الولاد قبل ما تخطبوهم ، بس على كل ببقا بفتحوا بإذن الله فيما بعد )