تعين الألقاب لمن يستحق اللقب

[eve]

انا اصوت للأخ(ت) the terrorist لأن مشاركاته مهضومة.

[مايا]

السلام عليم ورحمة الله وبركاته
شكرا لتصويت الأعضاء
وننتظر الباقي .

[яiиda]

لك شو صار بالتصويت و أيمتن بيخلص و مين أكتر شي هلأ و .... و .....
و سلام

[مايا]

السلام عليكم ورحمة الله وبركاته
نحن بانتظار لينا لتصوت وبعد متختار العضو يلي لسا لحد هلق ما عرفت مين هو منغير التصويت

[lina k]

السلام عليكم ورحمة الله وبركاته
نحن بانتظار لينا لتصوت وبعد متختار العضو يلي لسا لحد هلق ما عرفت مين هو منغير التصويت

أوف أوف هلأ أنا يلي مأخرة التصويت وماني منتبهة
عكلّ أنا بصوّت لمايا.............................

سلام

[أبو الشوارب]

انا سأضم صوتي الى أخي the terrorist .
واذا اردت التصويت لشخص آخر فأختار الأخ زاهر لأن ردوده و مواضيعه تدل على انه انسان يفكر.

[THE TERRORIST]

السلام عليكم....
أنا أصوت لنفسي مع كل تواضع...لأني كتير مهضوم و كتير ذكي....واسا ايش؟
وكل الاسماء المطروحة ما بتستاهل اللقب الجديد....
عكل حال خلونا نحنا منأيد التصويت و هيكه....وخلونا اصدقاء لو ما ربحتوا المهم انا اربح....
بس تعليق بسيط ليش ما حطيتوا لحسين سامي زيدان تحت اسمو صاحب العضو القليل التواجد و التفاعل في المنتدى والذي يحب مناقيش عيشة و الطلعا عالنبعة و المواضيع الحلوة...لأنو هيكه بتكونوا منكم عادلين...غيروا منو احسن منو لحتى تحطولهم تحت اسمهم اللقب يلي ربحوو.

وشكرا لل ايفي و لأبو شوارب(شواربو اطول من ابو ساطور و أبو شهاب و أبو عصام و الداية ام زكي)....

وكمانا ما رح ننسى اللجنة يلي بلاها المنتدى هادا ما بيسوى شي....و بحب وجه تحية للماما و لأختي....
و بتمنى عليكم تقبلوني صديق للموضوع....

[moustafa]

وانا كمانا بضم صوتي للأخ the terrorist و ما حدا يسأل ليش.؟؟؟ لأنو عدوّي الأول.....

[abed]

بما انو الاكثرية مع الاخ (ت) the terrorist فانا اعتقد انو يستحق اللقب و بصوت له.
وشكراً لكم على الموضوع المميز.

[مايا]

السلام عليكم ورحمة الله وبركاته
شكرا لجميع الأعضاء يلي صوتوا
وان شاء الله تعالى غدا سيتغير الاستفتاء ( بس هالمرة عنجد دون تراجع باذن الله تعالى ) .

[أبو الشوارب]

اعتقد انني عرفت من هو الملقب ب (الارهابي) ولكن لن اكشف عن اسمه و ساسمح له بالتمتع بالفوز.

[مايا]

السلام عليكم ورحمة الله وبركاته
(وهي طلعت اد كلمتي وغيرت التصويت )
فاز بلقب عاشق المنتدى الأخ : the terrorist
مبارك عليك اللقب .

[مايا]

وهي رجعنا مع لقب جديد وتصويت جديد وشروط جديدة
من هو العضو المرح
نتمنى قراءة الشروط لأن حصل بها بعض التغيير .
شروط التصويت :
نضع اللقب ولكن دون أعضاء مرشحين وكل عضو يصوت للشخص يلي بيلاقيه مناسب وبالنهاية العضو الذي يأخذ أعلى تصويت يكون هو من يستحق اللقب .
يحق لكل عضو أن يصوت لشخصين فقط .
ممنوع تصويت العضو لنفسه .
والتصويت اما انو يكتب مشاركة يضع فيها اسم العضو يلي بدو يصوتلوا أو يبعت رسالة خاصة للأخت مايا يكتب فيها أسم العضو يلي بدو يصوتلوا .
كل عضو يصوت يكتب سبب تصويته لهذا العضو بالذات ويكتب له كلمة سواء نصيحة أو ملاحظة أو نكتة ( لكن بدون تجريح)
وعذرونا طولنا عليكم .

[مايا]

السلام عليكم ورحمة الله وبركاته
ترقبوا غدا باذن الله تعالى أجوبة الأخ the terrorist على بعض الأسئلة التى طرحتها عليه ..........

[مايا]

باعتبار ما حدا صوت حنحط الأسئلة :
أخي باعتبارك أنت الفائز بلقب العضو عاشق المنتدى اسمح لي بطرح بعض الأسئلة عليك:
1- ما هو تقييمك لموضوع تعين الألقاب لمن يستحق اللقب ؟

السلام عليكم و رحمة الله..
1- يعني بصراحة الموضوع مهم و مهضوم و بيعطي نكهة للمنتدى و كمان فيه نوع من أنواع التحدي...



2- من مِن الأعضاء ترى أنه يستحق اللقب غيرك؟


2- أنا أعتقد أن أخي الحبيب الزاهر هو أولى منّي بهدا اللقب.. بس عكل حال أنا يللي ربحت ...


3- ما هي أمنيتك في الحياة ؟

3- هيدا أصعب سؤال مرء عليي بحياتي ... بس رح حاول خلص حالي بشي جواب منطقي.... و الله كيف بدي إحكي .. أمنيتي تتحقق بانتصار الإسلام و بظهور الحق ... يعني كأني عم إتنافق... بس عنجد هدي أمنيتي بهالحياة..


4- كلمة توجها للأعضاء الذين صوتوا لك ؟

4- الله يبارك فيكم جميعاً و إن شاء الله يربحوا بشي لقب...



5- كلمة توجهها للمنتدى ؟

5- !!!! إن شاء الله يكمّل بهالطريق أو بالأحرى يتحسن عن هالحالة ... لأن متل مني شايف إنو ناقص كتر.... بس إن شاء الله بجهودكم و بجهود المشرفين و المبرمجين ثم بجهود الأعضاء الفعالين بيتحسن و بيطور و بصير وسيلة للتواصل و لتصحيح المفاهيم الخاطئة و ...
وأنا بدوري أشكر الأخ the terrorist على ردوده
وشكرا .........

[nana]

السلام عليكم ورحمة الله وبركاته
هل مره حبيت يكون لقب يختلف عن كل مره

مين يلي من الأعضاء يلي بيحكو كتير وبكون قلون تعليق بكل مواضيع المنتدى تقريبا يعني بس هيدا مش معناتو إنو مش محبوبين طبعا لاء بس كل وما هنالك عندون طبع إلا وهوي الثرثرة
ممكن يتم ترشيحي مثلا بس ماراح ازعل مجرد لعبه وعم نلعبا بالمنتدى

يعني بتمنى من الأعضاء يلي بيترشح إسمون مايزعلو بالعكس لو ما منحبون ومنقدرون ما منرشح إسمون بالمنتدى

أنا مختاره تلات أسماء ومن هولي التلاته راح نرشحون للقب

ببلش بي
دانيه _ زاهر(قطر الندى)- دوكر

ليش طبعا عم تفكرو ليش اخترت هول الأسماء مع إنون من الأعضاء المحبوبين للقلب

دانيه :يلي هي أختي .صحيح بطول لطل على المنتدى بس إذا لحقت وفاتت ما في شي بيخلص من تعليقاتا مع إنا بحياتا الطبيعيه بيناتنا كتتتتتتير مهضومه يعني بتلاقيها عم تنكت على نسمة الهوى ومستحيل ما تنبسط بي قعدتتا

الزاهر: لان على طول عامل الاب والمعلم والدكتور والعالم والمستكشف وكل شي ومستحييل موضوع حلو منو حلو ما تلاقي زاهر ما إلو تعليق بس على فكره كتير طيوب

دوكر: صاحب الواجب على طول كيفكون كيف الاهل كيف لولاد كيف الصحه اشتقنالكون هيدي مجرد مقدمه قبل ما يبلش تعليق على ايا موضوع . بس بصراحه روعه يعني كل الاعضاء بحبو

بلشنا التصويت وانا صوتي بعطيه لزاهر

[مايا]

السلام عليكم ورحمة الله وبركاته
اهلا بعودتك اخت نارا ( هلق الموضوع صار احلى )
وانا سأصوت للأخ دوكر .......

[dania]

ههههههههههههههه

شو ناراا انا ثرثاره ؟ ما عليه رح ترجعي من القلمون ومنشوف هههههههههههههه

وانا برشح حالي هههههههههههههههههههههه

حلوه هاي ( دانيا الثرثاره) لا بس حرااام والله ما بحكي كتيررر

شو رأيكون انتو؟

[Nader 3:16]

اصوت للأخ Ramo tayyoute . وشكراً.

[nana]

الموضوع توقف صرلو فتره وبصراحه الفتره الاخيره ماكتير كنت فاضيه وانا سبق وعرضت فكره جديده يعني ألقاب مختلفه من نوعها هل مره كان لقب الاول عن ثرثار المنتدى وتوقف التصويت لان ماكان في كميه منيحه من التصويت حتى نتابع النتيجه
وشورأيكون نكفي الترشيح

بس هل مره راح ضيف اسمين جداد

فرح ونادر

يعني صار عنا
دانيه-الزاهر- دوكر-فرح-نادر


شو نبلش التصويت

[Nader 3:16]

شيلولي اسمي..........مني حابب عيش الضياع معكم

[THE TERRORIST]

يا عمي وين صار الموضوع؟؟؟
أناشدكم بالله أن تعيدوا فتح الموضوع....

[Nader 3:16]

يا عمي وين صار الموضوع؟؟؟
أناشدكم بالله أن تعيدوا فتح الموضوع....

اخي هل تذكر كيف غششنا في المسابقة و فزت انت بلقب عاشق المنتدى؟

[المبـــارك]

والله يا زاهر صار قلك معجبات إذا ما كان محبات عالمنتدى..
أنا أصوت لدوكر المعوكر...

[nana]

إذا حابين ينفتح الموضوع مره تانيه بس طبعا راح نعمل تعديل بسيط بالموضوع بس قبل لازم نعمل تصويت
ياريا ياأخ زاهر تعمل استفتاء

- مين بدو الموضوع يستمر
-ومين معارض على الفكره

حتى نعرف احسن مانفتح الموضوع مايكون فيه مشاركات

[الزاهر]

أنا أول واحد معارض

[مايا]

انا مععععععععععععععععع انو يرجع بنفتح الموضوع مرة تانية

[nana]

أنا أول واحد معارض

طيب يازاهر خليك معارض بس لو امكن تعمل الاستفتاء

[nana]

انا مععععععععععععععععع انو يرجع بنفتح الموضوع مرة تانية

عنجد ياميوش اشتقنالك انا صرلي فتره طويله ماعم ادخل المنتدى
إن شاء الله تعالى الخميس الضهر بكون بي لبنان لازم هل مره تظبط ونلتقي

[المبـــارك]

طيب يازاهر خليك معارض بس لو امكن تعمل الاستفتاء

تركولنا أبو علي بقى !!!!!