حقوق الرجال!!!!

**الريس** · 26-05-2007, 10:04 PM

صلي على النبي يا أخ فيصل

الرجال أكثره بيحترموا حقوق النسوان ، أصلا ما طالع بإيدهم غير هيك ، لأن اكتريتهم بهل الإيام مشلفين ، يعني خصب بنعنهم ، بس النسوان هنة يلي لا بيحترموا الرجال ولا شي .

**Nader 3:16** · 27-05-2007, 12:57 AM

اللهم صل على حضرة النبي..........

الخلاصة الحلوة : يجب على الاثنين تبادل الاحترام................

**فشلان** · 28-05-2007, 07:57 AM

والله سامحوني. بس أنا شايفها عوجة ورح تضل عوجة...

إذا عن بعيد ما بتقدرو تتفقو على المنتدى.. كيف بكرة بدنا نتزوج ونتفق مع نسوانا؟؟

نحنا إذا متذكرين اتفقنا إنو يصير هالموضوع موضوع الحلول مش موضوع الخلافات... يعني مطلوب من الرجال يحطوا كيف بحبوا يكونوا النسوان... ومن النسوان يحطوا كيف بحبوا يكونوا الرجال...

صار تجاوب من الرجال.. بس ما صار تجاوب من النسوان... والبعض جعل السبب هو الحياء..

بس ما بعرف ليش رجعتوا عملتو مشكلة من ولاشي. أنا بعتقد إنو التنازل للآخر هو بداية المشكلة... ما لازم الرجل يتنازل لزوجتو... وما لازم هية تتنازل لزوجها...

ما تتسرعوا وتحكموا عليي.. خلوني اشرح...

الرسول عليه الصلاة والسلام بقول: لا يؤمن أحدكم حتى يكون هواه تبعاً لما جئت به...
يعني لازم الواحد يكون بحب وبيهوا الأمور الدينية.. مش بيعملها عن تنازل وغصبن عنو... وساعتها بكون مؤمن...

ونفس الشي هون: لا يحب أحدكم حتى يكون هواه تبعاً لمحبوبه.. يعني الرجال لازم ينبسط إنو عم يسعد مرتو... مش عم يتنازل منشان بيسطها.. والمرأة لازم تنبسط وتطير من الفرح إنها عم تطيع وتسعد زوجها.. مش تنازل منها.... وهادي أعلى مرتبة

أما التنازل فهو مرتبة أقل من مرتبة الحب.

وأما النكايات والأوامر الاستفزازية فهي دليل الانحطاط في الحب...

يمكن المتزوجين رح يقولو: هادى كلام عن أول مرتبة غير قابل للتطبيق..

يمكن معهم حق.. الله أعلم.. خلو كل واحد يجرب ويحكم برأيو...

بس يرضى عليكن لا تعلقوا قبل ما تتزوجوا خلو شوية لبعد الزواج..........

وسامحونا...

**Nader 3:16** · 28-05-2007, 04:04 PM

معك حق يا مبعرف شو اسمك!!!!!!!!!

**الزاهر** · 23-11-2007, 03:00 AM

أها......والخلاصة بئا؟؟؟

**فشلان** · 10-02-2008, 12:13 PM

شحنة كهربا منشان الموضوع يفيء...

هههههههههه

**الزاهر** · 27-04-2008, 05:15 AM

يبدو حصلنا على جميع حقوقنا لما حدا بئا عم يطالب بشي!!!!.............

**الشامي** · 27-04-2008, 09:35 AM

السلام عليكم

**محمد الكوسا** · 27-04-2008, 09:49 AM

المشاركة الأصلية كتبت بواسطة الزاهر

يبدو حصلنا على جميع حقوقنا لما حدا بئا عم يطالب بشي!!!!.............

اسا انتظر يا زاهر مع زيادة عدد البنات مقابل الشباب(كل شاب في لبنان مقابله 11بنت)
بكرا بيصير ما فيك تمشي بالطريق بتفزع ما يعاكسوك البنات
و بتصير امك ما الها الب توديك بعد ال8 باليل برات البيت لانو بتخاف عليك من البنات
وبيصيروا البنات بيعاكسو الشباب والشباب بيردو علين"ولك حرام عليكن ما عندكن اخوة شباب!)
اتخيل نوصل لهال ايام؟
ساعتها طالب بحقوق الرجال

**مايا** · 27-04-2008, 12:14 PM

ههههههههههههههههههههههههههه
والله يا محمد شبه عم تصير هيك اشيا بهل الايام
على كل حال الكن الله شو بدكم تعملو بكرا بتصير البنت هي يلي بتطاب الشب وبتتفعلو مهر كل شي ممكن يصير بهل الايام

**Nader 3:16** · 16-10-2008, 08:28 PM

المشاركة الأصلية كتبت بواسطة فشلان

وا
نحنا إذا متذكرين اتفقنا إنو يصير هالموضوع موضوع الحلول مش موضوع الخلافات... يعني مطلوب من الرجال يحطوا كيف بحبوا يكونوا النسوان... ومن النسوان يحطوا كيف بحبوا يكونوا الرجال...

و.

والله انا شايف انو لا بد من اعادة فتح الموضوع لأنو صرنا عم نشوف بمواضيع الخطيبة و الزواج و بعض مواضيع النعنوع تبعون الحب و الغرام عم يصير فاي تهجم على الشباب و الرجال.
فيا ريت الكل يجاوب على طرح فشلان..

كعرتونا بحقوق النساء و كأنو حقهم مهضوم!!...الله وكيلكم ما في غير الشباب آكلينها بهالايام..

و متل ما قال الريس مزبوط!!!!!!.....الرجال مجبورين يحترموا الحقوق...بس البنات مو دائماً...طيب ليش؟؟؟
يا الله ورجونا شطارتكم و قولولنا شو موقفكم من هذا الموضوع.

**hadid** · 17-10-2008, 07:04 PM

يا نادر شوف أنا حقي بإنو الناس تناديلي بإسمي ضائع !!!!!

يعني صعبة اللفظ كلمة هــــــــــــديد ؟؟ ولا كيف؟؟؟

**яiиda** · 17-10-2008, 08:04 PM

ما تبكوووووووووووووني

.....

بس بلا اهانه ها

.....عم امزح ....
هلأ معكن حق بإنو عندكن حقوق و احنا عنا حقوق و بانن مختلفين كتييير ....بس ...

ما شي ....
سلام ....

**فشلان** · 22-10-2008, 11:16 AM

الحلو بالقصة عند النسوان... انو بيحصلو على كل شي.... وبدهم المزيد....

يعني بس إذا لما يجي الشب يخطب بنت... شو بصير؟؟؟؟

البنت تبلش تحط شروط... والأهل ببلشو يحطو لائحة المطالب...

شي مرة سمعتولي انو الشب جاي يخطب ومعو ليستة طلبات؟؟؟؟؟؟؟

آ خلص بقا.... القصة مكشوفة... رأي العين..... كاسرين ايدن وعم يشحدو عليها..... اعترفو بقى اعترفو.....

**Nader 3:16** · 22-10-2008, 04:02 PM

الحلو يا فشلان صار فيون متل جحا ايام زمان.
كذبوا الكذبة و نادوا بالحقوق و صدقوا حالهم...قالو بينهم و بين نفسهم هادي فرصة لا تعوض....المناداة بالحقوق...
ولك دوووووووووووووع

**فشلان** · 23-10-2008, 11:07 AM

بعدان يا شريك... قارن بالعقل والمنطق...
نحنا كل شي بدنا ياه من النسوان شغلة واحدة...
أما هنى.... فعد ومد ليوم القيامة ما بتخلص طلباتهم....

**عمر ملاط** · 25-10-2008, 10:09 AM

السلام عليكم...

والله لو فترة ما تحركش هالموضوع... وطالما انو تحركش.. خلينا نحكي... ترى اليوم جايين بالأدلة والبراهين العملية والواقعية... وكل شي موثق بالصورة والصوت...

النسوان... ديمن لهن حقوق مهضومة.... والرجال كمان لهن حقوق بس مهدومة... (حرف واحد فرق)...

الرجال لازم يشقى... ويتعتر... ويعل قلبو... حتى يأمن للمرة العيشة الهنية وتكون مبسوطة...
بالمقابل... المرأة شغلها الشاغل... انو تصرف مصاري الرجال حتى تشتغل وتزبط بحالها هي...

الرجال عليه يشتغل طول النهار... منشان لما يرجع على البيت... يروح يكزدر المرة والولاد.... والمرة تتعب نفسيا وتضيق خلاقها وهي منتظرة الرجال حتى يرجع يكزدرها... (شوفو كيف عندهم نفس الأهداف)

الرجال بعل قلبو ويشغل مخو كيف يأمن مصاري ويقوم بالواجب ناح مرتو وولادو... والمرأة همها كيف تقوم بالواجب ناح بنت عم زوج خالة ابن خال خالها.. لأن بالأول قالتلها مرحبا أو يمكن ابتسمتلها...

الرجال همو كيف يشتري لمرتو وولادو تياب وأشياء تلزمهم...... والمرأة عندها نفس الهم... كيف تشتري لنفسها تياب ولولادها... (شفتو كيف الهموم مشتركة)

وبالنهاية... وين ما كان الرجال عم يشتغل... والمرة قاعدة ترتاح لأن تعبانة.... ويلي مش مصدق... يجي على الإمارات.. يشوف لما منطلع على الحديقة... كيف النسوان بتجي وبتقعد على الكراسي الملكية... وكيف الرجال بيهتمو بشؤون الأكل والشرب.. الرجال يحمل الكرسي... حتى الكرسي يحمل المرة... الرجال بيحرق حالو بالشوي (نيالو يلي بس بيحرق حالو بالشوي) والنسوان تنتظر حتى الرجال يحترق (بالشوي) ويجبلها الأكل... الرجال لازم يهتم بالأولاد... حتى النسوان يتمشو ويتفسحو ويروحو شوي عن نفسهم....

وإذا بدكم الدليل.. بس انقرو هون... وشوفو بأم عينكم... ولك حتى العين لها أم وما لها أب...

وهيك القصة يا رجال... فبالله عليكم... وين حقوقنا نحنا النسوان.... قصدي نحنا الرجال.....؟؟؟؟؟؟؟؟

الموضوع: حقوق الرجال!!!!

أدوات الموضوع

عرض

ضوابط المشاركة