ماذا تفعل لو......

[أمّ البراء]

الموضوع ليس لتجميع مشاركات وإنّما هي أسئلة جدّيّة تنتج عن مواقف في الحياة قد تصادف أيّا منّا... ورجاء ممن لديه فكرة مفيدة ألّا يبخل علينا بها...

ماذا تفعل لو جرّاء حادثة معيّنة أو موقف معيّن اكتسبت خصالا أو سمات سلبية (لم تكن في الأساس فيك) وأنت في قرارة نفسك منزعج منها ومقتنع بضرورة تغييرها نظرا لما تؤثّه سلبا على حياتك ومستقبلك وعلاقاتك الاجتماعيّة ولكنّك كلّما تحاول أن تغيّرها تجد نفسك عاجزا وكاّنّ قوى أكبر من إرادتك تسيطر عليك... بل وتجد أنّ كلّ ما يتسلسل حولك من أحداث يقنعك ولو مؤقّتا أن ما أنت عليه ولو كان سيّئا بنظرك هو ما يفترض أن تكون؟؟؟؟؟؟

[عمر ملاط]

هل بالإمكان الشرح أكثر أو تحديد أكثر لمعاني الكلام... لأن كلامك جاء عاماً جداً.... فلو خصصتي... أو أعطيتي مثلاً صغيرا وبالتالي يستطيع القارئي أن يجيب...

أما الآن فالكلام مبهم بعض الشيء... وهو عام جدا

ولكن الموضوع بالاجمال اعجبني... ولذلك احتاج بعض التخصيص للاسهاب والاسترسال...

واسمحيلي اعطي ملاحظة... انو أمّ البراء (بشدة على الميم) هي ليس زوجتي أم البراء (بدون شدة)... لأن أنا ما بشد على مرتي.... ههههههههه

[روعة]

وأنا أسأل : هل يمكن أن يمر الإنسان بتجربة ما ويخرج منها دون أن تغير شيئاً فيه ؟ حتى لو أدت إلى اكتساب صفة سيئة, لكنها الظروف التي أوصلت إلى هذا!

مثلاً, أنت لديك صفة الثقة بالناس وحسن الظن بهم , وحصل أنهم خذلوك أكثر من مرة, هل ستبقى لديك هذه الصفة؟ ستكونين أحذر في تعاملك ربما

هل فهمت الموضوع؟

[أمّ البراء]

أهلا بكما أبو البراء وروعة...
ربّما أنت على حقّ أخي أبو البراء كان يجدر بي أن أخصص أكثر لتتوضّح الصّورة.... ولنأخذ المثل التي قدّمته الأخت روعة..... ولنطرح السّؤال من جديد...
ماذا لو كنت في حياتك شخصا هادئا تحبّ كلّ النّاس وتظنّ بالجميع خيرا... ثمّ وجدت كلّ هؤلاء النّاس لا يبادلونك المشاعر نفسها .... فيحدث أنّك لا تعود تثق بأحد وتشكّك بنوايا الجميع وتتجنّب الالتقاء بهم ...بل ومن شدّة ما آذوك وجرحوك في الصّميم تصبح أنت شرّيرا فتفرح لأساهم وكلّما استنصروك لأمر أظهرت لهم الشّماتة.... ولكنّك في داخلك تدرك أنّ هذا خطأ جسيم ويناقض ما نصّ عليه القرآن والسنّة.... ولكنّك لا تقدر أنّ تتغيّر ....فماذا تفعل ؟؟ وكيف تواجه الأمر؟؟؟؟

[محمد]

السلام عليكم
موضوع فيه حرقة ...!!!
يوجد أناس أنزعج منهم في بعض المواضيع ، رأيهم فيها لا أرى له طعم ..... مع أنهم في غيرها من خيرة الناس .....
عندما أتعامل معهم أو أتكلم ، أود لو أن الريبة التي في نفسي تجاههم تنزاح ....
ولكن الناس طباع ، وكما رأيت أنه من الصعب تغيير طباع البعض ، فأتجنب الدخول معهم في الجوانب التي حفظت مواقفهم وطباعهم فيها والتي بالطبع لا تعجبني ، وإن بادر أحدهم بموضوع لا يعجني ولا أريد الدخول فيه ، أنشغل فورا وبيصير عندي ألف قصة، وبهرب ..... باختصار أو بعضّ عالجرح ،مع أني من النوع يلي ما بيسكت إذا ما عجبو شي ...... وهذا ما عرضني لكثير من الجدالات التي لا نهاية لها مع بعضهم ، والتي تجاوز وقتها ال4 ساعات في بعض الأحيان دون الوصول إلى نتيجة ترتجى ...
فصرت بطبق المثل " الباب يلي بجيك منه ريح سده واستريح ".
ان شاء الله يكون ردي داخل بالموضوع .....

[أمّ البراء]

بالطّبع أخي محمّد ردّك في صلب الموضوع... وشكرا على المشاركة...

[أمّ البراء]

السّؤال رقم 2:

ماذا تفعل لو وضعت نصب عينيك منذ كنت طفلا هدفين اثنين وسعيك من وقتها إلى حدّ الآن ينصبّ على تحقيق هذين الهدفين ... ولا تتمنّى في هذه الدّنيا بعد رضا اللّه عزّ وجلّ إلّا تحقيق هذين الحلمين...
أنت تخطّط جيّدا ...وكلّ شيء يسير وفق الخطّة المعدّة والحمد للّه ولكن... عندما تصبح قاب قوسين أو أدنى تجد نفسك مضطرّا للتّضحية بأحدهما في سبيل الآخر... فكيف تواجه الأمر؟؟؟؟؟؟؟

[روعة]

رغم أنه جاء ببالي مثل لكني لن أضعه

على كل, جوابي هو : "من ترك شيئاً لله أبدله الله خيراً منه"

[أمّ البراء]

وماذا يا أخت روعة كان الأمران كلاهما للّه؟؟؟

[روعة]

هو لله وتركه لله عز وجل,

والأمران لله,

والتضحية بأحدهما لأجل الآخر تجعلني أتعلق بالآخر لأنه أصبح الأول والآخر!!

[محمد]

الله يبارك فيكن .......
بس شكلها الشغلة ألغاز .......؟؟!!!!

[hadid]

يعني بصراحة قريت أول سؤالين حسيت حالي لح إفقع !!! بس إن شاء الله بدي حاول طول حياتي وأد ما فيني إني ما أوقع بهالموقفين ......

[الريس]

ممكن تفهمونا شعم تحكوا مع بعضكم انتي وياها ؟

[lina k]

بالإذن من أم البراء رح حاول وصّل فكرتك.......
بداية أهلا وسهلا بعودة الأخ الريس.وبالنسبة لهذا الموضوع,فالمقصود به الحصول على النصائح حول مشاكل مرّت بها فتاة ويمرّ بها العديد.بإختصار, نجد أحياناً أننا نمرّ بتجارب قاسية تكسبنا وللأسف عادات وأفكار سيئة جداً وتفقدنا الثقة بمن حولنا.نكون على علم أنّ أفكارنا سوداء ولكن لا نتمكّن من التخلّص منها,فما هي النصيحة التي توجّهونها لمن يعاني من هذه المشكلة؟؟؟؟
وأيضاً,في بعض الأحيان,تأتينا ظروف قاسية وتقف سداً أمام أهمّ أحلامنا التي عشنا حياتنا كلّها على أمل تحقيقها,وتضطرّ للتنازل عن واحد من أهمّ أحلامك,فماهي نصيحتكم لمن يواجه هذه المشكلة؟؟؟

ما بعرف إذا قدرت وضّح الفكرة يليّ أرادت أم البراء طرحها..........
بس أنا حاولت......

[الريس]

هلأ وضحت الفكرة أكتر

على كل أهلا وسهلا فيكي انتي

بالنسبة للمشكل الأول ، يعني كل شي حلو بوقتو.

يعني يا حجة أم البراء بقول النبي صلي الله عليه وسلّم -سمعونا الصلاة عليه بصوت عالي- (لا يلدغ مؤمن من جحر مرتين) يمكن اليوم تمرقي من حد جحر وتنلدغي ، بس هالشي ما معناه انو يصير عندك عقدة نفسية من الكروم وانك تصيري تفزعي من شكل التراب ومن كل شي اسمو جحر ، بس كمان لازم تخدي حذرك .

فهمتني ؟

الدين يا حجة هو دين وسط ، يعني انتي ما تكسريها وما تجبريها ، خليكي وسط ، ما تأمني للناس وما تشكي فيهم كلياتهم ، ما تتسرسبي من الأمراض وكمان ما تكلي أي شي، ما تفزعي من الكروم وكمان ما فيه داعي كل ما تشوفي جحر اتحكشيه بإيدك .

ما بعرف اذا عم تفهمي عليي شقصدي ؟

يعني انتي لازم تكوني حاسبة حسابك من قبل بشكل انو يكون عندك مناعة لكل الضربات يلي ممكن تتلقيها ، واذا اتلقيتي ضربة وحسيتيها وجعتك يعني الميلة يلي اجت عليها الضربة فيها خلل ولازم تراجعي نفسك وتشوفي الخلل بهالمكان هدا وتصححيه ، يعني ما في داعي اتشدي أكتر من اللازم وكمان ما تتركيه رخو .
شوفي مثلا الإمام علي رضي الله كان بقول (لست بالخب ولا الخب يخدعني) عندو مناعة من ناحية الخداع ما بخلي حدا يضحك عليه ، وانتي كمان لازم يكون عندك هالمناعة هدي ، واذا لا سمح الله ما كان عندك ياها ، وسائبت انو حدا نصب عليكي ما لازم اتكون ردة فعلك انك تفقدي الثقة بكل الناس ولكن لازم اتكون ردة الفعل انك تراجعي نفسك وتعطي نفسك المناعة اللازمة


بالنسبة للمشكل التانية ، هو بالآخر البشع بالدنيا انو الواحد ما فيه يحصل على كل شي بدو ياه، اذا كان فعلا ما في مجال أبدا أبدا ، تركيه متل ما قالتلك الحجة روعة وبالآخر ربنا بعوضك ، ويمكن يكون التعويض بالدنيا وأفضل مما كنتي متوقعة .

وصدقيني صايرة كتيرة ، شوفي أم سلمة رضي الله عنها ، امرأة كانت تحلم انها تجيب ولاد وتربيهم أحسن تربية وتخليهم يجاهدوا مع الرسول صلى الله عليه وسلّم ويتعلموا معو وفجأة بموت أبو سلمة وبتفقد حبيبها وأحسن انسان معها ، بس ربنا عوضها من هو خير منه .

يعني ما تطلعي انتي باللحظة يلي انتي فيها بس اطلعي بالبعدها واتيقني انو ربنا مستحيل يخزي عبادو المؤمنين ، ويلي راح منك رح يرجعلك أفضل منو ، ويمكن نفسو كمان ، واذا منو بالدنيا بالآخرة بإذن الله .

[دوكر]

يا هلا بالجميع......
خلص وءفو تزأيف بكفي......خلينا نحكي جد.......
ح احكي بشكل عام......
يا ست لينا و يا ست ام البراء.......و يا ست روعة كمان ......كونو الحوار الاساسي داير بيناتكن.......
ما بدي ينفهم رأي غلط......بس بصارحة و بلا زعل.....يمكن البنات بحبو الفلسفة .....منو انتقاس مين قيمة الموضوع ........
بس الفكرة المطروحة بشكل مبهم بتكون نوعاً ما فلسفية .....و خصوصي ازا كانت تخيلات مبنية على افكار صايرة على ارض الواقع.......
او حتى لو مشكلة صاير .....
هل المشاكل لي طرحتوا لو كان لها حل عام فاي مين ماكن يخد فاي كانو من زمان حطو الحل و مشيو علاي ......بس في بعتقد مألفات حول حل الحزن او اليأس .....بس يا ترى اذا انتي قرأتي المجلد من أولو لأخرو بتقومي و خلص مانك يأسانة ؟ ...........او معرفتك لطريقة و منهج الحياة لي لازم تعيشي فيا هو الحل الرئسي؟
انا بظن الواحد وقت بكون عندو منهج بحياتو .....مراجع او مرجعية اجتماعية اقتصادية فكرية ...........هادا الحل لكل هل المشاكل......وقت انا بنظر لهل الدنيا من منظورات الفكر الاسلامي لي بحملو بشوف الفرق بالنظرة بيني و بين واحد قاعد يطلع بهل الدنيا على انا كابوس .......بعرف عيش حياتي ان شاء الله و هو ما بيعرف يمشي بالشارع متل العالم............
يعني انا ازا بدي جي ابحث بموضوع الدنيا لي فتحتو ......هي شغلة بسيطة هل الدنيا فيا المنيح و الأبيح.......و الواحد كل ما عاش بهل الدنيا و تعامل مع ناس اكتر بيعرف نمط تفكرات جديد.....و بيختلط بناس يمكن لوهلة الاولى يعطيون ثقة و يفكرون شي غير لي هنا علي بالأصل........و بعدين يتفاجأ فيون.......وين المشكلة بالموضوع؟ .....الصدمة؟.......هو لازم كل شغلة تصير بهل الدنيا معي انصدم شي سنتين تلاتة و ضيع و مؤ عاد اعرف كيف بدي اتصرف ؟........الحل بسيط الروسل صلى الله عليه و سلم قال ........بما معناه احبب حبيبك هوناً ما عسى ان يكون بغيضك يوماً ما ........لو اني بنزل هل الحديث تطبيق على ارض الواقع بحياتي اليومية بعرف التصرف الصواب.......و هوني الحديث ما بيعني انو ما يكون عندك صحبة صفوة .....بتحبون متل نفسك........و بس يطلو عليك بتحس انك ملكت الدنيا.......بس خلي تعاملك مع الناس على اساس انون بشر......بيغلطو ....معك و مع غيرك......................

هل الدنيا كلا قاسية ........بس بدو الواحد يعرف يعيش مع هل القساوا......
و هلأ انا و عم كمل ردي شوفت المعلم الريس شكتب .......هههههههههه......ف من شان هيكا مني ح كمل .....حكي اللازم......................حبيبي و الله يا ريس............
يعطيكن العافية......
اخوكم دوكر المعوكر.................

[الريس]

قربت أم اساتني بعيد عن السؤال ؟

[lina k]

أخ الريس أعتقد أنك جاوبت على أسئلة أم البراء والله أعلم......بعد كم يوم بتردّ عليك....

أما بالنسبة للأخ "دوكر", فكلامك صائب لا غبار عليه.وقد كنت في السابق من النوع الذي تحدّثت عنه ولكنني إكتشفت أنّه لا يجب النظر إلى الأمور من منظور الإعتراض والإنتقاد بل يجب التعايش مع كلّ الظروف.ولكن هنا الأمر مختلف تماماً........قد تكون أسئلتها غريبة بالنسبة لكم أو ليس لها إجابة ولكن ردودنا مفيدة لكاتبتها وتخفّف عنها الكثير.......

أنا ما رح إشرح أكتر,رح إعطي الدور لأم البراء كونها صاحبة الموضوع وإن شاء الله بتعطيكون الجواب الشافي لتساؤلاتها.......

سلام

[Warrior]

مقتبس من مشاركة لدوكر
..الحل بسيط الرسول صلى الله عليه و سلم قال ........بما معناه احبب حبيبك هوناً ما عسى ان يكون بغيضك يوماً ما

شكرا اخي دوكر على هذه المشاركة وخصوصا على كلامك المعاد بهذه المشاركة.

وقد روى أبو داود وغيره عن رسول الله قال: أحبب حبيبك هونا ما عسى أن يكون بغيضك يوما ما، وأبغض بغيضك هونا ما عسى أن يكون حبيبك يوما ما. صححه الألباني .

[أبو حسن]

رغم أنه جاء ببالي مثل لكني لن أضعه

على كل, جوابي هو : "من ترك شيئاً لله أبدله الله خيراً منه"

معذرة أختي روعة، لكن لا أعتقد أن الموضوع يدخل تحت باب "من ترك شيئا لله"

فحين يكون الأمر مهيئا ومتيسرا ولا يحول بينك وبينه حائل سوى خوفك من الله واتقاءك لغضبه والتماسك لرضاه، حينها إن تركته يكون الترك لله... وغالبا ما تنطبق هذه القاعدة على الأمور التي فيها معصية أو الأمور التي يكون في تركها تحصيل ثواب أكبر من فعلها أو تزكية نفس أو درء إساءة عن الغير...

أما ما طرحته الأخت أم البراء، فهو هدف يضعه الإنسان نصب عينيه، وينشأ على أمل تحقيقه، فيكبر الأمل في داخله مع كر الليالي والأيام... ثم يُصدم بأن تحصيل هذا الهدف يُفوّت عليه تحصيل هدف آخر أو يتعارض مع مصلحة أخرى لديه، فيقف مكتوفا أمام المعضلة التي تواجهه...

قرأت كلام الأخوين الريس ودوكر، ووجدت فيه إشارات مهمة تساعد على إيجاد حل لهذه المشكلة...

وكما قال الأخوة، كل مشكلة ولها خصوصية، وحلها يكون مبنيا على خصوصية هذه المشكلة، لكن حين تطرح المشكلة بشكل عام، يصعب إعطاء حل مباشر لها، وإنما إشارات تعين صاحب المشكلة على الحل...

الحياة دار ابتلاء، ومن جميل عبارات أحد مشايخنا قوله: "لا تستبعد الأكدار ما دمت في هذه الدار"

والإبتلاء لا يكون دائما بالمصائب، بل بالنعم أيضا، (وَنَبْلُوكُمْ بِالشَّرِّ وَالْخَيْرِ فِتْنَةً) فالإبتلاء يكون بالملائم والمؤلم (كما يقول شيخنا نفسه) لينظر الله أنشكر أم نكفر ؟

لكن مما يغيب عن أذهاننا حال نزول ما يؤلم بنا، هو أن الله قد يكون أراد من ورائه رحمة بنا ودفع بلاء عنا من حيث لا نعلم... فنحن ننظر لما نريده على أنه مصلحة خالصة، لكن قد يكون في اجتلاب هذه المصلحة مفسدة أعظم منها غائبة عنا... وهو أمر لا نتفطن له غالبا، لأن حكمة الإبتلاء تكون غائبة عنا، فلا ندري أأراد الله بهذا الأمر ابتلاءنا أم دفع بلاء عنا...

والتأمل في هذه المسألة هو من باب كمال الإيمان بحكمة الله وقدره... وفيه عون على تجاوز المحنة والصبر على الإبتلاء...

أما ما هو المعيار في اختيار واحد من الأمرين وترك الآخر، فهذا يعود لطبيعة الأمرين وخصوصيتهما... فإن تساويا... أنصح بالإستخارة...

[الريس]

ما بعرف إذا عم قرب الفكرة

بس خلينا نخد كمثل حليمة السعدية ، هيدي المخلوقة قطعت مسافة طويلة بالصحراء وبالحر لحتى تجيب معها ولد اترضعوا وتخد أجرة إيدها -قصدي لبنها- يعني وصلت وما طلعلها حدا أبدا ، يعني اكلتها بخعة دام زوجها (جايبتيني من آخر الدنيا ومشيتينا كل هالمسافة ، على أساس انك رح تخدي ولد وترضعيه وتربيه ، بس بالأخير ما طلع منك شي ومن هالحكي هادا -هو ما قلها هيك بس أنا عم اتخيل الموقف انو واحدة آخدة زوجها لمنطقة بعيدة ولهدف معين والزلمة ماشي ومصبر حالوا قللك هلأ المرا بتجبلها كم قرش بتساعدنا فيهم بالبيت ، وبالأخير طلعت على الفاضي-)

حليمة السعدية ، كانت رايحة لهدف معين وقطعت مسافة طويلة ويمكن كمان هيدي قصة الترضيع بتصير كل سنتين مرة يعني صرلها سنتين ناطرة ومأملة حالها وبالأخير طلعت على الفاضي ، هيدا حسب نظرها وحسب وجهة نظرها ، وهدا اذا اطلعنا باللحظة بلحظتها ، أما اذا اطلعنا بما بعد اللحظة فخلينا انشوف شو النتيجة ، صحيح انو يتيم وفقير ، ولكن هو أفضل البشر ، طلعلها خيرة البشر وخير أولاد زمانه ، وانفتحت عليها البركة وزاد رزقها لدرجة انها هي رجعت طلبت تمديد سنتين تانيين.

فانتي يا أم البراء - ان شاء الله نفرحلك بشي براء ظغرور- يمكن تكوني واعدة حالك بشي معين ويرجع يصير عكس يلي كنتي واعدة حالك فيه ، بس متل ما قلتلك ما تطلعي باللحظة واطلعي بيلي بعدها وخلي ظنك بالله جميل وخليك واثقة بربنا واذا ما عوضك بالدنيا رح يعوضك بالآخرة

[روعة]

معذرة أختي روعة، لكن لا أعتقد أن الموضوع يدخل تحت باب "من ترك شيئا لله"

فحين يكون الأمر مهيئا ومتيسرا ولا يحول بينك وبينه حائل سوى خوفك من الله واتقاءك لغضبه والتماسك لرضاه، حينها إن تركته يكون الترك لله... وغالبا ما تنطبق هذه القاعدة على الأمور التي فيها معصية أو الأمور التي يكون في تركها تحصيل ثواب أكبر من فعلها أو تزكية نفس أو درء إساءة عن الغير...

أما ما طرحته الأخت أم البراء، فهو هدف يضعه الإنسان نصب عينيه، وينشأ على أمل تحقيقه، فيكبر الأمل في داخله مع كر الليالي والأيام... ثم يُصدم بأن تحصيل هذا الهدف يُفوّت عليه تحصيل هدف آخر أو يتعارض مع مصلحة أخرى لديه، فيقف مكتوفا أمام المعضلة التي تواجهه...

سأقول المثل الذي جاء ببالي ربما أوضح به ما قصدت:

إفرض أن الهدف كان متابعة الدراسات العليا في الخارج, يمكن أن يكون هدفاً لازم الفتاة طيلة فترة دراستها
وهي عندما سعت لتحقيقه كان لله لأنها أحبته وإجتهدت في طلبه حتى يصل المسلمون إلى أعلى مراتب العلم,
ثم تركته لله, لأنها لن تسافر بغير محرم

[أمّ البراء]

يعني ما بعرف شو لازم قول.... مشكورين الشّكر الجزيل إخوتي وأخواتي وبالذّات الأخ الرّيّس وروعة ولينا....
لا بدّلي من توضيح نقطة للأخ محمّد إنّو ما في ألغاز بالقصّة أبدا وأنا يمكن في براسي موضوع معيّن عم بحكي عنّو إنّما بصيغة العموم لأنّو حبّيت أعرف إذا حيرتي بمشكلتي إلا مبرر أو إذا كان حدا بيفكّر متلي ويمكن حدا من الصّبايا بحكم الصّداقة فهم عليي ....

أمّا لينا فقد كفّيت وقرّبت الفكرة أكتر بشوي مما أردتها أن تقرب ... شكرا لتغطية غيابي!

ويا أخ دوكر....مافيني مرّقا بدون ما إلّك إنّك زعّلتنا بكلمة "بيحبّوا الفلسفة".... أنا معك إنّو الإنسان المفروض يعمل لحياتو منهج ماشي عليه ومركلج أمورو كلّا وفقا لهل الجدول أو المشروع أو المنهج.. ومعك كمان إنّو النّاس مانن معصومين عن الخطأ... ولكن يا أخ دوكر الحياة بتقسّي وأمرار بتنسّي كتير من المفاهيم يلي بتكون بالنّسبة إلك مسلّمات ما فيك تتهاون فيا!
وبعتقد إنّك شوي حرّفت الموضوع عم مسارو يعني مين قال إنّو عم نحكي عن ناس يءسانين أو ناس مصدومين؟؟
منّي وعليي بعد ما خلق اللي بدو يعقّدني أو ييئّسني... بالنّهاية أدّ ما النّاس ما يكونو معك مانن مناح.. ما كلّ أصاببع إيدك متل بعضا.... السّؤال كان كيف بتتصرّف تتشيل القسوة من قلبك لحتى تضل ماشي بالحياة وقلبك صافي....وبالتّلي تكون إنت سعيد....

وبدّي قبل ما إطرح السّؤال التّالي وجّه شكر كبير للأخ الرّيّس على كلامو المشجّع....ويمكن يا أخي الرّيّس ما في غيرو براء الزّغتور مخوّفني ومخلاني مترددة باتخاذ قراراتي....

[it's ha]

كيف بتصرف لحتى شيل القصوةمن قلبي ولحتى يضل قلبي صافي وبالتالي كون انا سعيدة؟
انا بالقول بدي ساند الاخت روعة عالفكرة الي طرحتها حول "من ترك شيئا لله ابدله الله خيرا منه" بس بالنبة لالي مش لحتى كفي علمي بل من اجل وظيفة , انا بالاختصاص الي فتت فيه بالجامعة كان فيني اتوظف بعدة وظائف ومنها البنك وكان صايرلي وظيفة فيه انا حلمي الوظيفة مش بس ميشان المعاش بل من اجل انو اهلي يشوفو نتيجة نرع هالثمرة اي حصادها
الفكرة انو هيدي امنيتي بالحياةبس انا رفضتها لله عز وجل لانو البنك مش اسلامي يعني مش "البركة اوالتمويل"
انا عانيت من معارضات وصار يقولولي (انتي خوته كيف ما بتقبلي هيك وظيفة )
انا رح قول وباعلى صوت انو ربنا سبحانه وتعالى رع يبدلني خيرا منها
انا سعيدة لاني على يقين ان الله سبحانه وتعالى هو راضي عني
"المؤمن القوي احب الى الله من المؤمن الضعيف"

[دوكر]

يا هلا بالست ام البراء ......
ههههه....هلأ براء لي عاملك هل الؤصة ؟......ولا براء تعا لهوني ت شوف ليش عم تعزب الماما ؟؟ ...........
المهم ، يعني الحلو انو موقفي اتاخد بشوية روح رياضية .....الفكرة لي انا كنت عم احكي فيا فكرة عامة .......و هي فيكي تؤلي متل رسالة ......يعني وءت واحد بيطرح شي عام الرد ما في يكون خاص .....غصبنعني برد بالعموميات ......و اكيد الجواب ما ح يكون واضح.........
يا ست او البراء ......رجعي راجعي ردي بتشوفي اني ما انكرت انو الحياة بتأسى.....بالعكس تمام ....اقريت بهل الشي.......و كلام عن تجربة .....و بؤلو سأل مجرب و ما تسأل حكيم.......
الحياة بتأسى .....و الحياة منا لعبة ......و في موقف بينحط فيا الواحد يمكن يكون لها تأثير على كل مسار حياتو ......و نص افكارو.......بس لي حكيتو انا .....اي مشكلة او اي ورطة لها حلول و منو حل واحد ....و الزلمة لي بكون واقع فيا .......هو لي بقرر الحل .......حسب المعطيات لي عندو ......حسب تفكيرو ......حسب المنهج لي حاطو بحياتو .............حسب نظرتو للدنيا.......و هادا لي بيميز الانسان المسلم عن غيرو ......و خاصة الملتزم ......ايماني بالقضاء و القدر ....ايماني انو لو اجتمع الناس ان يضروك بشيء ما استطاعوا ان يضروك الا بشيء كتبه الله عليك....ايماني بأنو الشوكة ازا انشكيت فيا لي اجر.....و خصوصي ازا كانت في سبيل الله.....ايماني......و ايماني ......هو لي بخلينا ان شاء الله نوقف بعد اي مشكلة ......و ندل بكامل قوانا الععقلية داخل اي ورطة ......ام غيرك يمكن ينهار ......يمكن يصير معو جلطة من ورا مشكلة زغيرة...............
اما بالنسبة لطرق الحل فهي منا بعيدة عن لي حكينا .......طرق الحل موجودة عنا بدينا ......و بس يكون الانسان من حملة الفكر الاسلامي .....من الناس لي ع الفطرة .........وعم يفكر كيف يرضي ربنا ......و بحاول كل مسألة يردا للكتاب و السنة من خلال اقوال العلماء .......هادي هيا..........
هلأ ما بعرف ازا وضحتلك وجهة نظري العامة ..........هههههه....
يعطيكن العافية ......
اخوكم دوكر المعوكر...............

[دوكر]

يا هلا بالست اتس ها......
ربنا يبدلك خير منا......و اريح منا........او يمكن تكون زوز يكفيك عن الشغل ما بكون احسن؟ ........
بس ما بعرف .......
حابب اطرح فكرة ......و بتمنى ما حدا يفهمني غلط.......انا برأي الواحد ما لازم يفكر بهل الشيغلة هيكا........يعني ما لازم يؤل انو انا تركت من شان ربنا يبدلني خير منا ......طيب ازا ما بدلك ؟ او عفوا ....ازا ما جاكي شغلة احسن منا بمنظورك الشخصي ؟؟......بعتقد منو نحنا لي بنحدد هل الاشياء .......و منو نحنا لي بنفرض ع ربنا شبدو يبدلنا .....او اياها احسن ......و او وين ما كان لازم فوت .....او وين ما كان لازم احكي ........ربنا مقدر الأقدار......علينا نحنا ندعي ......يمكن ربنا يسرلك شغلة تفكريا احسن بمنظورك ....تكون هيا عبارة عن اختبار ........
يعني الابتلاء و الاختبار من ربنا منو ع نفس مستوى ......في ناس ربنا بيبتلين بشكل اشد من غيرون.......و كل واحد حسب مرتبتو .......يعني ما ضروري يكون الاختبار .....انو اتقدم لشغل و ما لاقي غير بمرقص و فاي خمر ؤم بترك .....و بؤل يا الله نجحت.........يعني من المسلمات اني ما اشتغل هونيكا ...................
ما حدا بيعرف وين الفتنة ......و محدا مأمنة علي الفتنة بأي مطرح..........ف الواحد يستعين بربنا على الاختبارات الدنيوية .....عسى انو يكون من اصحاب الجنة ........
يعطيكن العافية ......
اخوكم دوكر المعوكر.................

[الريس]

أول شي يا أم البراء بحب قول شغلة ، انو في ناس بالمنتدى هون بحسهم عايشين بدنيا تانية وفي ناس ما شاء الله عليهم من أول كم كلمة ببينوا انهم ناس طيبين وخلوقين ، ما عم اتفلسف ومني من أحباب الفلسفة أبدا ، بس عم احكي شي حسيتو من خلال الطروحات وطريقة الرد عليها كمان .

الله يعطيكي العافية يا أختي ، وفعلا بتمنالك التوفيق في كل أمور حياتك ، لأنك تستاهلين كل خير


ليه لحتى يخوفك براء الظغرور ، طالما انو رح يكون متل أبو براء ان شاء الله ما في خوف ، بس لازم تعرفي اتنقيه لأبو براء ، اعتبري حالك عم تنقي أخلاق براء ، وعم تنقي أخلاق بيتك ، ومنو بس الأخلاق ، يعني طريقة التفكير كمان .

طبعا ما لي عين حكيكي عن هالأخلاق كيف لازم اتكون ، لأن هالشغلة هيدي بالذات انتي ما شاء الله مسبقة فيها .

[أمّ البراء]

يا ميت أهلا وسهلا بالكلّ.....
ولا يهمّك يا أخ دوكر فكرتك وصلت وأنا ما بزعل من حدا.... وشكرا على كلامك!

[أمّ البراء]

السّؤال رقم 3:

ماذا تفعل لو كان لديك ابن ...هو أحبّ إليك من روحك... تنظر إليه على أنّه كلّ المستقبل الذي تريد أن تبنبه... كرّست حياتك لتكون بقربه وتصنع منه الرّجل الذي تحلم به....
ولكن.... جرّاء طارئ ما إمّا سفر بعيد أو سجن لا سمح الله أو مرض أليم... أو أيّ شيء... اضطررت أن تكون بعيدا عنه فترة طويلة جدّا... ثمّ بعد هذا الغياب عدت ووجدت رجلك الحلم على صورةمناقضة تماما لما كنت تريد...
فماذا تفعل؟؟؟

[هاني]

اقول لاحول ولا قوة الا بالله على هذه المصيبه