الصراحة راحة...!!!

[الزاهر]

هادي صعبة كتير !!!

الدكتور وسيم .. وعبر المنتدى
لا يقول ولا يفعل إلا ما يقتنع به ... ومتمسك بهذا (-)
صبور ... متواضع لأقصى الحدود (+)
مع الكبير كبير ومع الصغير صغير على عكس الكثير من الناس (+)
اهتماماتو متنوعة (+)


أما من برات المنتدى ... إذا بتسمحولنا
وئت الرواء مستعد يكون أروء من الرواء ... ووئت العجئة مستعد يكون _منفرداً_ اعجء من العجئة بحد ذاتها !!! ()
مرح (+)
وأهم شي إنو هو بحد ذاتو نموذج ... جامع صفات إخواتو كلها تقريبا !!! ()

[عمار الفلو]

انا بكتفي بجملة لأخي محمد ( حميطون ) : " هذا أخي فليرني امرؤ أخاه"

[أبو تراب]

أكثر ما يعجبني بالأخ الدكتور وسيم أنه غير متكبر على غرار بعض الدكاترة
-لديه شغف كبير بالأولاد
-دائماً صوته مرتفع وخصوصا عند مداعبته أولاد اخته

[صلاح الفلو]

أكثر ما يميز أخي وسيم هو الصراحة ,,, وهو لا يستطيع أن يحفظ سرا

أما في الحياة فأقول بأنه أكثر من أثر في شخصيتي فهو يعطيك النصيحة الحكيمة ولو بطريقة غير مهذبة- يا ... ما تعمل هيك -- يا ... عميل هيك

[lina k]

أشكركم على مشاركاتكم وأنا بإنتظار آراء باقي الأعضاء......

[أبو حسن]

إسا في هشام وبلال وحميطون ما كتبوا تعليق...

الأخوة ذكروا جانبا من شخصية الأخ وسيم لم أدركه لكوني في الغربة من قبل أن يتزوج وسيم، وهو جانب تعامله مع الأولاد...

بالنسبة لي، معرفتي بوسيم قديمة، تلقيت على يديه مبادئ البرمجة في وقت مبكر، وأظنه كان يعتبرني حينها غبيا (لم يصرح ولكنه لمّح... علما أنني في الجامعة نلت أعلى علامة في مادة البرمجة !) كما أني كنت أستعير منه الكثير من الكتب، ويجري بيننا أحيانا نقاشات...

لن أستفيض في ذكر محاسنه، فكل من يعرفه، يعرف ثقافته ومعدنه، ومن لا يعرفه لن يستفيد بذكري محاسنه شيئا...

ملاحظتي الوحيدة عليه، أنه شديد الإندفاع... عليه أن يخفف من اندفاعه... في مقتبل العمر يكون الإندفاع مبررا، لكن حين يكبر المرء ويتزوج ويُكوّن عائلة... يجب أن يتخلص من بعض عاداته القديمة...

[AbouRajaa]

باختصار شديد ، سأسمحُ لنفسي أن تتلقَّفَ أقوال الأخ حميطون و أقول عن الدكتور وسيم " هذا أخي فَلْيُرني امرؤٌ أخاه ! " هذا إذا قبلها الأخ وسيم ...
لكن كما أشار الأخ أبو حسن فالأخ الدكتور وسيم شديد الإندفاع...

[lina k]

اشكركم جميعاً.........وبإنتظار المزيد من الردود..........

[أيمن غ القلموني]

المعلم وسوم إللي بألبو علسانو = صريح جدا


من خلال المنتدى :

يتحرى الموضوعية في إشرافه
يحاول قدر المستطاع الإفادة
يناقش برحابة صدر وبجرأة
يسعى إلى توعية الناس وإفهامهم ومشاركتهم تطلعاتهم لترقية العمل البلدي

من معرفتي الشخصية

يصل الأرحام
غير متكبر
روحو مرحة يعني بتنبسط إنت وبتأعد معو ، وحتى لو علقت إنت ويا بالحكي فكلماتو لا تجرح

وأهم شي إنو بموت بطبخ البيت وخاصة الورق عنب

[lina k]

شكرا يا أخ أيمن..........شو يا أعضاء وينكن؟؟؟؟المدة إربت تخلص................

[مصطفى معتوق]

رغم ضيق الوقت الا اني سأكتب عن ذاك الانسان الذي طالما احببت واحترمت .....

لطالما رأته زوبعة من العواطف وسط عاصفة من المعلومات ...

حماسه الزائد خطر في بعض المواقع الا ان الكاريزما التي يملكها تجعلك تشاهد في قلبه ذاك الحمل الوديع والصديق الصدوق ...

[تحسينو]

[lina k]

سلام, إنتهت مدة تقييم العضو "وسيم أحمد الفلو" ولكن رح إعطيكن وقت إضافي لساعة 12 بليل ميشان إذا حدا حبّ يعطي رأيو..................

[محمد أحمد الفلو]

أنا عندي تعليق مطول بالليل نشالله ... مددوا المده حتى إقدر اكتبوا

مشكورين

[lina k]

حسناً,كما تشاء معك............رح خلّي التقييم لبكرا الساعة 12 ليلاً...........

سلام

[الريس]

منيح اني لحقت ، أبو الويس من خيرة الشباب الضيعة ، بس مشكلتو انو بفوت حالو بشغلات منو من قدها وبالأخص تحديات الغول

كيف بدي قيمو ؟ ومين أنا لحتى قيمو أصلا ؟ بعتذر كتير .

[دوكر]

يا ويلاي ......
ع اخر سانية هل المرة ......
و لك و ؤلولنا انو الحكي عن المعلم وسيم......ابو الشباب وسيم......صحيح بؤلولو دكتور......بس غير شكل هل الدكتور .......يعني ما في متلو .......
ما فاي الواحد يحكي عنو الا كل خير........
يعطيكن العافية ......
اخوكم دوكر المعوكر...................

[lina k]

والله لقد سررت كثيراً لمشاركتكم في موضوعي المتواضع..........

شكرا لكم

[محمد أحمد الفلو]

بالنسبه لعضوية وسيم بالمنتدى ... فعنجد كان من الناس القله يلي اقنعت بفكرة المنتدى وسعيت للتطوير والارتقاء بمواضيع المنتدى من اليوم الأول حتى المنتدى صار شبه رسمي بالقلمون وما كان من الناس يلي بتنتظر حتى الشغله تصور عأصولا ودخل المنتدى

واشرافو عالساحه السياسيه والبلديه كمان كان شي مهم .... حيث صار المنتدى وسيله ناجحة للاطلاع على نشاط البلديه والرد على استفهامات الأعضاء ونقل أفكارهن الى المجلس البلدي ....

كمان بالساحه السياسيه كانت عضويتو مهمه لناحية نقل مقلات وتحليلات غالبا بتكون مهمه من بين عشرات المقالات يلي بتنكتب بلبنان كل يوم ويلي شبه ما لها قيمه .... ولما بيكون الموضوع فيه نقاش بيناقش وبيتابع الموضوع للآخر و بيحسس الطرف الآخر انو منو متشبث برأيو وممكن يغيروا (مع انو نادرا جدا ما يغير رايو !!)

كمان وسيم بيتصيد غالبا المقالات يلي بتخص الاسلاميين بلبنان وبيحطا عالمنتدى وهادي شغله كمان مهمه

أما بالنسبه لشخصيتو خارج المنتدى فأهم تأثير له على اخواتو هو اهتمامو وتشجيعو لنا انو نكمل علم ... كمان شبه تقديسو للكتب شغله غريبه بس تعلمنا منا قيمة الكتب ... و ربينا منو على التضحيه لأجل العلم ... حيث انو لما كنا زغار كان بيت ستي ام والدي رحمها الله مليان كتب اسلاميه وعلميه من لما كانوا عمومتي وابي شباب وبعد ما عمومتي انتقلوا صارت هالكتب مهمله ... فكان يبعتنا نحنا وزغار مشا نسرق الكتب من بيت ستي وهادي كانت عنجد مهمه صعبه لأن ما تحضى فيك عمتي كنت ممكن توكل قتله مرتبه عدا عن انو كمان عمومتي م ا لازم يتنتبهوا لأن لما بيعرفوا بالموضوع بيصيروا أكيد الكتب لازمينن

بالنسبه للتواضع وانو دكتور ومن هالحكي ... فغالبا الناس يلي عنجد عندا علم بتكون متواضعه لأن بيعرف انو بالعلم ( وفوق كل ذي علم عليم ) وانو الانسان كل ما يتعلم شي جديد بيعرف انو في اشيا ما بيعرفا ... فهادايدعو الى التواضع ... عكس كتير ناس بتكون حاطه عقلا باتلاجه من ايام كانت بالجامعه وشايفين حالن علماء

في شغله عنجد مهمه بوسيم ... انو قناعاتو ما بتغيير بسهوله ... ولو كانت كل الناس يلي حولوا عكس رايو وخالفتواوحكيت عنو بيضل صامد على رايو وما بيتأثر كتير بالاعلام الموجه


اما بالسلبيات ... غهنه تنين بنظري وان شاء الله ما اوكل بهدله علين ... أولشي انو لا يملك نفسه البتة عند الغضب وتاني شغلة انو متمسك لأقصى الحدود بالفكر الإسلامي لكن عندو اهمال بناحية العبادات ...


هادا يلي طلع معي ... مني ناوي ارجع اقرين مشان ما يكون في تكلف بالمشاركه

والسلام

صار فيكن تسكروا الموضوع

[lina k]

حسناً,اليوم الساعة 12 ليلاً يتوقّف التصويت...............ويأتي دور العضو "وسيم الفلو" للردّ.............

سلام

[وسيم أحمد الفلو]

بما أنه أصبح لي الحق أن أكتب

فأنا أشكر كل من دخل ليتكلم عني، وللحقيقة فقد أخجلتموني بتعليقاتكم، وإن شاء الله أكون كما وصفتموني.

أما بالنسبة لإندفاعي، فربما أنا كذلك ولكن وللأسف فإن إندفاعي الحالي لا يقارن بما كنت عليه قبل سنوات (ولا تشبثي رأيي سيد حميطون).

أما بمسألة تواضعي فأتمنى أن أظل كذلك وأن أكون على علاقة أخوية مع كل من حولي.

أما ما قاله أخي صلاح بأن لساني سليط، فإن هناك أموراً تقتضي ذلك في بعض الأحيان.


أما مسألة الكتب فهذا شي حقيقي، وأنا أهوى الكتب وتجميعها وتصويرها، وعندما تتعرض جلدة الكتاب لمجرد الطعج فإني أتألم كثيراً، وكل من يفرط بكتاب لي فبوسعي أن اقتله.


في الأخير أتمنى أن يظل المنتدى ساحة لتواصلنا جميعاً لما فيه خير لنا ولمن حولنا

[lina k]

سلام, أشكر السيد "وسيم الفلو" على مشاركته الرائعة.وبالنسبة للعضو الذي إختاره فقد راسلته وأنا بإنتظار الجواب.............

[lina k]

السلام عليكم,سأضطرّ لإيقاف هذا الموضوع لمدة أسبوعين لأنّ لديّ إمتحانات في الجامعة..........

رجاءً لا تنسونا من دعائكم............