الاشاعات بالقلمون متل الاوكسيجين ما فيهن يعيشوا بلاه يعني هني بيتنفسو اوكسيجين وبالزفير بيطلع معهن اشاعة هههههههههه
الله يهديهن جميعا بس صدقوني كل كلمة محسوبة على اي واحد والله بيمهل ولا يهمل وكما تدين تدان وكله بيتسجل وكل واحد بيساهم بنشر اشاعة حسابو عند ربه .

ومتل ما قلت الاشاعات كتير فيه منها صحيح بس يلي منو صحيح البهارات يلي بيرشوها على الخبر لغاية ما يخرب بيوت ويدمر عائلات ويشوه صورة ناس
وما بعتقد ابدا انه هلشي من الاسلام بشئ والدين يا جماعة هو النصيحة مش الفضيحة بس للاسف كل واحد بيفكر انه هو اشطر اذا نقل الحديث وحطلو بهار بس يا ريت لو يفكر شوي انه هلبنت او الشاب يلي عم يحكي عنه هو اخوه او امه او ابوه او بنته
وربنا ما بيراشق بحجار واكيد رح يبلي كل واحد ويعطيه على اد نيته

وللاسف ما بقى الاشاعات والحكي واللت والعجن صار مقتصر على النسوات لا بل تعدى ذلك ليصل الى الرجال في القهاوي فسبحان الله بالفعل صرنا باخر الزمان الله ينجينا