يا خيي ابو النكد سمحلي بهلكلمتين وياريت تسمعهن مني
وين ما كان في منيح وفيه قبيح حتى بالرفقا يعني ممكن كتير يكون رفيقك منو متديين بس طيب ومنيح وصديق صدوق الك بتلاقيه وقت الحاجة جنبك واحسن من كتير ناس دينين وبينقال عنهن ملتزمين وطول النهار عم بيصلو ويركعو واول ما تنداق ما تلاقي ولا واحد منهن جنبك او عم يسالك شو باك
انا معك بهلكلام بس ما لازم نشمل ل الناس يعني متل ما فيه لمنيح فيه القبيح والصديق هيدا بيرجع لكل شخص يعني ما فينا نعمم علكل تصرف شخص
انت يمكن تعرضت لمواقف من ناس متدينين ومواقف من ناس متل ما قلت منهن ملتزمين بس وين المشكلة يعني ما المهم الواحد يكون ملتزم وبيعرف الاسلام وبيصلي وبيركع وبس لا الاسلام هو المعاملة والدين النصيحة وهيدا للاسف فيه كتير ناس ما بيعرفوه مع انه من اسس اخلاق المسلم .
بتمنى منك حتى تنجح بحياتك انك عمرك ما تحكم علكل من خلال الجزء .
بتمنى انه ما حدن يحتد على التاني ولا حدن يأذي التاني بالكلام كلنا ولاد ضيعة واحدة وكلكن اخوة ويلي بيغلط لازم تصلحوله ماو تجلدوه وما تنسو الاية الكريمة اللي ما معناها (وان كنت فظا غليظ القلب لانفضو من حولك)
يا ريت يا شباب تكونو اكتر تفهما وصدركم اكثر وساعة .
مشكلتنا بهلضيعة انه كل واحد منا واقف للتاني عنكزة حتى يهتو او يزركلو ما بيصير هيك يا جماعة لازم نحب بعض وحبنا لبعض هو بانا نقرب من بعض وصدقوني ما في حدن منكم صح لا ابو النكد ولا انا ولا اي واحد منكم كلنا عنا اخطاء وعيوب وعم نراشق الناس بحجار وناسيين انه بيوتنا من قزاز
ابو النكد حكم على الناس من خلال اشخاص لحقوا اذى منهم وهيدا الشي اثر عليه طيب انتو هلأ بردكن شو عمتعملو عم تخلوه يأكد انه حكيه صح وياخد فكرة عن المتدينين غلط هو عم يحتد وانتو بدل ما تاخدوه بالهداوة وبللين لتغيروله نظرته بلعكس رفعتوا صوتكن اكتر وبلشتو تسنسلو اجداد اجداده
ما بيصير هيك بدنا نصلح ما بدنا ندمر
يا ريت تكونو فهمتو كلامي
وعذروني اذا طولت شوي
رد مع اقتباس
المشاركة الأصلية كتبت بواسطة sirah
