مامعنى الصديق؟ و هل أنت هذا الصديق؟؟

[it's ha]

برأيي أيها الأخوة أن الصديق هو الذي يتمنى لي الخير في كل أمور الدنيا ويساعدني على التغلب على الصعاب ويكون إلى جانبي في الحلوة والمرة،، لا ميشان المصلحة أو المجاملة.. كما أن الصديق الحقيقي هو الذي يفتح لي قلبه ويصارحني وينصحني إذا أخطأت وأفتح له قلبي وأصارحه وأنصحه عندما يخطئ.. هيك بتصير الحياة أحلى وبصير بحس الواحد أنو في أمان وفي حدا يلجألو الواحد إذا صار معو أي شي لاسمح الله.. والحمدلله أنا عندي كتير أصدقاء هيك بس أنا صراحة مابعرف إذا كانوا بيعتبروني صديق بهذه الصفات..

وشكــــــــــــــــــراً...

السلام عليكم أنا مع الاخ الفاضل "مبارك" بالشي الي قالو مية بالمية يعني حكي جواهر بس في شغلة أنا بختلف عنو فيها هي انو هني كمان أكيد بحسوني أفضل الاصدقاء لاني عمبادرهم نفس الشعور والتصرفات والمحبة.
بالنسبة لالي رفقاتي شي كتير مهم بحياتي وأنا الحمد لله صرلي معن "الله أكبر" شي 9 سنوات وان شاء الله العمر كلو وعفكرة ما بتذكر أبدا انو شي مرة تعالقنا مع بعض.

أريد أن أضيف:"اذا كنت فرحان ومبسوط رح تلاقي كل الناس يشاركوك فرحك لانو الكل بحب يبسط حالو ويبيض وجه بس اذا كنت حزين أو مغموم فا مش رح تلاقي الا صديقك واقف حدك لحتى يخفف عنك:.
أنا شخصيا نجاحي في هذه الحياة يعود لربي جل جلاله ثم لاهلي ثم لرفاقي الاعزاء ثم لنفسي التي تتكلها الترددات في اتخاذ القرارات فبعث الله لي رفاقي كي يتوجو حياتي بالنصائح والنجاح.
بارك الله بهم وأنا بحب استغل الفرصة لو سمحتو لحتى قلن الله يخليلي ياكن يا رب لانو بنظري ما في متلكن بالعالم كلو.