الجــزء التاسع



يمشي بالسياره سرحان مايدري عن اللي حواليه ووين يروح
دخل فندق وحجزله غرفه وقعد على الشباك يبكي

اول لما تطري على باله يفز كل مافيه لحبها الحين لما يذكرها يستحقرها ويكرها كثر ماحبها
(فيني ألم مامر في قلب مطعون
...... وفيني حزن ماانشاف بعيون الايتام )
ردو اهله البيت متأخرين
اتصلت ام نواف على ولدها: وينك تأخرت .. قمت احاتيك
نواف:يمه انا لقيت صاحبي ولزم علي اني اجلس معاه
ام نواف:ليه وهذا عزوبي
نواف ماله خلق:اي عزوبي بقعد عنده هالاسبوعين وعشان بالمره مااضايقكم كلكم حريم بالبيت وتطلعون وتتونسون براحتكم
ام نواف: اللي تشوفه

ساره بينها وبين نفسها تفكر وتذكر دموعه عليها دموع الرجال الكل يشوفها عيب وتقلل من رجولته صحيح انها كرهت نفسها لأنها كانت سبب لدموعه بس اللي صار ان بكاه بنى جسر بينها وبين حبيبهاوقالت (دمعه من نواف تساوي بالغلا رجال)
والرجال مايبكي الا اذا طلع الموضوع من ايده وماقدر يتصرف

ودموع نواف كانت من جرح لقاه وكسر داخله احلامه ولوماحبها ماكان نزلت منه هالدموع لو اي شخص مكان نواف كان
ذبح ساره بيده حلال خصوصا انها بنت عمه لكنه عقب اللي سوته راح وحمل سرها بقلبه وقتل بداخله اشياء).!؟

مر اسبوع على غياب نواف وذبول ساره فبعاده وخوفها عليه لأنها لما ترسل مسجات مايرد عليها
ايامها كانت صعبه ماتمشي بسرعه والكل بدا يلاحظ سوء حالتها
.............

نواف: حياته ومعنى حياته ووجوده انتهو كل مايحاول يرتب افكاره ينهار ويبكي
<<<ساره اللي ضحيت عشانها وطلقت زوجتي اللي مالها ذنب وبنيت كل احلامي بالمستقبل لها
ولحياتي معاها معقوله هي الانسانه اللي رسمتها بصورة ملاك تطلع كيـــــذا
لااااااااااا ....يشق ملابسه يبكي بأحر مافي قلبه من قهر
ساره طعنته بدون ماتحس داست على كرامته بدون قصد


عرفت انك حلم جاهل وغدر مر في سنينـي

صدمني خوفك وضعفك من الاوهام صحاني

........................
مر اسبوع ثاني
ساره ماقامت تاكل مثل قبل وحالتها النفسيه ساءت
الانسان الوحيده اللي حبته وتمنته راح وخلاها غلطت غلطه ودفعت الثمن غااالي

ساره وهي تبكي بحرقه : ياااارب ليش مالي حظ وين اروح اشكي لمنو من لي غيرك شقول حق اهلي انزين اهو مو يحبني كان دايما يقول بيسوي كل شي عشاني ليش ماوقف يمي وهون علي .. ليش خلاني وحيده وراااح
**********************************
(بيت ام ساره)
ام ساره: يابنتي قولي لنا وش صار ايش فيه نواف صار بينكم شي
ساره: ساكته ماترد
ام نواف: الله يخليك يابنتي ماعندي الا هالولد واحاتيه
ساره: ولايشعرون

فجأه يرن جواله مسج (انا حسيت بموتي
غيابك حيل قطعني هناقلبي وهناروحي وهناااك بعيـــــد شرياني
واذا ودك تجمعني تعال اشووووف جمعني علي الحق قبل موتي .. قبل تشييع جثماني ترى باقي نفس فيني تعال وبس ودعني ترد روحي لي شفتك واشوف الباس عداني
دخيل الله انا داخل عليك انك تسنعني .. تعوضني ننسيني الشقا وايام حرماني فقدتـــــــــك لاتقول كاذب حرام كاذب تطلعني حلفت بالله لك وحشه ابد مامثلها ثاني)
من ساره ....
مارد وارسلت مسج ثاني
ونواف ولاكأنه قرا المســج

...........................

(بعد مامر اسبوعين خلصت اجازته وصار لازم يرجع للسعوديه)

وجمع كل مابقى فيه من قوه وقدر وقام
وهو بالطريق راجع لبيت مرت عمه مر عالصيدليه واخذ بنادول نايت وقرر انه ياخذ وينام عقب مايدخل ويسلم عليهم عشان يفتك من عتابهم واسئلتهم خاصه ان من صار اللي صار ماغمضت عينه
(رن جرس بيت ام ساره)
ام ساره : مين عند الباب
فرح : هذا نواف

ساره وقتها كانت بالدوام ومادرت عن رجوع نواف للبيت
ام نواف: نواف تعال معانا من زمان صار لنا اسبوعين نطلع من غيرك
نواف: لايمه ورانا سفر بكره طيارتنا بعد المغرب اطلعو انتو وانا بنام اشوي
ام نواف : براحتك
طلعو كلهم من البيت ونواف حاول ينام بعد مااخذ بنادول نايت ماقدر وصار يتقلب
بعد ساعتين من تواجد نواف بالبيت ساره رجعت << بعد ماكانت بالدوام
وكالعاده من عقب اللي صار
الخدامه سومه: ساره تبي غدا انتي مافي ياكل من زمان بس شويه بعدين قوم مافي زين
ساره: اسكتي عني ماني رايقه لك وين امي والباقي
سومه الخدامه: كله روحي برا بس بابا نواف داخل غرفه نوم
ساره : نواف رجع... ومن اللهفه راحت من غير ماتحس وفتحت الباب عليه وهو نايم وجلست بجنبه وهي تصيح على حاله كان وجهه تعبان وكان نص نايم ودمعته بعينه واكيد حاس بوجودها جنبه مثل ماكان يقولها ان يعرف انها بالبيت لما يشم ريحتها
نواف كان حاس بوجود ساره اصلا سمعهاوهي داخله البيت وعقب ماحطت ايدها على كتفه فتح عينه و لما شافها جلس ساكت تجددت كل جروحه وعرف انه لايمكن ينسى او يسوي اي شي من وعوده لها وانعدام الامل خلى الدنيا صارت سوده و مالقى قدامه غير السكوت

دمعتي تمشي تسولف
وإنعَمَت عين الشفايف
وكل دمعه تطيح منِّي
إنكتَب فيها " حسايف "


ساره تكلمه مايرد عليها

مِسكتك " حلمـ " في " واقع "
رفض يحقق أحلامي
مثل ذاك السراب اللي خذاني بعيـــــــد
ومـانــــــلــــتـــــهـ !!


إنسَحَب فرحي / وطموحي
ويني عنِّي ؟
- ما دريت !
صرت أضحك من جروحي
وداخلي ياما ( بكيت ) .. !
صارت الراحه / ألَم
واللي باقي ..
ما سَلَم !!
" التَعَب " واقع أعيشه
قلبي بـ الفرحه حَلَم ..!

حبت ساره تتركه لحاله يرتاح وطلعت وخلته بالغرفه
ساره تكلم امها : يمه وينكم
ام ساره: طالعين تبغين شي
ساره: لاماابي بس بعرف متى ترجعون
ام ساره:انتي بالبيت؟..وين نواف
ساره: اي بالبيت ونواف نايم
ام ساره: اي خلاص احنا كم ساعه وراجعين
ساره لما اعرفت انهم بيتأخرون قالت بتروح تشوف نواف اذا بخير او محتاج شي

... دخلت ساره وشافت كرتون بنادول نايت بجنبه
وخذا 8 حبات

راحت عند نواف شافته طايح عالفراش وقلبها بيطلع من مكانه من كثر خوفها وتبكي بطريقه غريبه وتضربه على صدره وتحط راسها عليه وتقرب اذونها عشان تسمع دقات قلبه
ساره وهي منهاره : ليش تتخلى عني ليييييش انا ماصدقت القاك انت شلون تقول تحبني ومن اول عثره بطريقنا بعتني وتخليت وين اللي بيرخص كل غالي عشاني انت ماسألت عني مو انت اللي قلت بتكون لي سند يالله اسندني انا محتاجتلك الحين محتاجه وجودك معاي
صارت تصرخ: ليش خذيت كل هالحبوب بتذبح نفسك بتخليني اعيش بهالدنيا الوصخه بروووحي

فدوه لك جرحي ..
وضيقي
المهم قلبك يحن ..
تدري وش موتي الـ حقيقي ؟!
[ من حياتي تنسحب ] ..

نواف مايحس فيها نااااايم ودموعه ناشفه على خده
وساره بين فتره والثانيه وهي تبكي وتحط راسها على قلبه : احبـــــك مااسوى من غيرك انا بدونك اضيع انهااار لاتخليني انت حبيبي و ابوي وعزوتي
.. عاقبني احرقني تكفى سو فيني اللي تبي بس لاتحرمني منـــك

ساره بعد ماهدت احتارت شتسوي وماكان بيدها اي شي فكرت تاخذه المستشفى بس ماكان حاس فيها وماتقدر تشيله
وماحبت تنادي الاسعاف وتسبب قلق للكل
وهي مرتبكه جالسه جنبه وايدها على قلبه امسكت الجوال واتصلت
على كل اللي تعرفهم بس محد يرد
وقررت انها توديه المستشفى بعد مامسكته اهي وسومه
ساره : سومه لاتقولين حق احد ان بالمستشفى عشان لايخافون قوليلهم رايحين نتعشى
سومه مستغربه من اللي يصير جدامها : زين
..................

الدكتور: دي حالة انتحار
ساره: لالاشلون .. اهو اخذهم بحجة ان موقادر ينام
الدكتور: لو ماخد حبتين كمان الله اعلم ايه اللي كان حيصير فيه
ساره: ..
الدكتور : انا حعطيه مغذي يغسل جسمه .. والمفعول حيظل بجسمه 24 ساعه مع رجفه خفيفه وصعوبه في التنفس لأن البنادول دا تقيل
ساره : شنو اللي ممكن اسويه الحين
الدكتور: بعد المغذي حاولي تشربيه سوائل دافيه
..................................

رجعو البيت وكان نواف شكله مره تعبان ومااستغربو اهله لأن هذي حالته اللي شافوها عليه من عقب اسبوعين
وطبعا مادار بينه وبين ساره اي حديث عقب ماطلعو من المستشفى
نواف واثار التعب واضحه : يمه جهزو نفسكم رحلتنا بكره الصبح
ودخل نام

ام ساره وصلتهم المطار مع شهد وكانت ساره بالدوام
طبعا ماكلمها ساره قبل لايسافر
اماساره كلمت مرت عمها وفرح وسلمت عليهم
كانت يائسه .. حزينه .. متألمه فقدت انسان عطاها ماي عينه وباع الكل وشراها وكانت تلعن اليوم اللي غلطت فيه صحيح ان كان هالشي نتيجة الحرمان بس كان الثمن غااااالي

ساره بينها وبين نفسها: شلون مارحت وانا ماادري اذا بشوفه مره ثانيه والا لأ
انا عارفه اذا رحت بيسفهني ولاكأني موجوده بس اهم شي اشووفه
استأذنت من الدوام وراحت بسرعه عشان تلحق عليه وللأسف فات الوقت وكانت الطياره طايره

اجي مسرع الى ذااك المطار ويرتبك نصــفي ..
ونصفي الثاني يتساءل عن اللي صار وأخطائي
تروح شلووون عن عيني تبدل قوتي بضــعفي ..
وتعم الظلمه في قلب الشوارع وافقد اضوائي
مسافر دون ماادري وحزني داخلي مخفي ..
ابيـــك الحين مو باكر تحلق فوق اجوائي
انا كلي عطش ضامي اعيش بغيبتك حتفي ..
لأنك ساعة الضيقه هواااي وبالعطش مائي

أحبـــــــــك ياوطن غالي علي وحضرتي منفي
كفايه لاتشتتني تعال وجمـــع اشيائي
وطــن شنـــهو وطن ؟؟ الا عيووونك في لغة وصفي

(( غريبـــــه شلوون تتركني وانت بداخل احشـــائي )) ..



السعوديه ( بيت ام نواف )
وبوصول الطياه السعوديه فتح الجوال وصله مسج من ساره
( ادري البعد اثر فيـك وتدري البعد ذابحني .. حبيبي الله يخليك ابي ترجع تريحني . عشان الحب واللي بيني وبينك ) ولو نرجع لبداية القصه راح نلقى ان هذا الجواب

بعد 3 ايام
رجع نواف البيت من بعد الدوام
واول مادخل البيت على طول راح غرفته
وجلس يعيد حساباته بكل شي
نواف بينه وبين نفسه : انا الى متى راح اهمل نفسي واكذب على قلبي وادوس على حبي
وطول ماهو جالس يفكر
كان يدور حوار وصراع بين عقله وقلبه << وهو يعالج موضوعه
هل السالفه اللي هو فيها
تحتاج منه انه يفكر بعاطفته
او يحكم عقله
فكامعقله يقول:هذي انسانه خانت نفسها كيف اثق فيها واامنها علي وعلى عيالي ودنيتي معاها
قلبه يرد: هذي بنت عمي اولا وحبيبتي ثانيا ومحتاجه لي وانا احبها ومااقدر اعيش من غيرها
عقله: لازم اروح اعلم امها اخليها تتصرف معاها
قلبه :لالا هذي حبيبتي المفروض احميها وادافع عنها
عقله:اشلون تسكت عن الغلط لازم تفضحها
قلبه:اعض عالجمر واسكت واكتم سرها عشان الحب
ودارت حرب ونقاشات بين عقله وقلبه وهالشي سبب لنواف عصبيه

اللي دفعته انه يروح لأمه ويقول لها
نواف: متى بيكون زواجي من ساره
ام نواف: ليش مستعجل يحتاج لها ترتيبات
نواف: لاترتيبات ولاهم يحزنون باخذها من غير عرس ولاحتى حفله وبسافر على طول
ام نواف: ليش ان شاء الله وشاللي ناقصكم
نواف: مو ناقصنا شي وهذي بنت عمي واحنا اهل مايحتاج المخاسير باخذها وبسافر
ام نواف: اذا على كيذا لازم اخذ رايهم

ليش نواف قرر ان ياخذ ساره عقب اللي شافه منها؟ وليش بدون حفله ؟
سامحها والا له غرض من السفر ؟
كل هيدا راح نعرفو بالجزء العاشر