الثاني عشــر )

خلص الويك اند
وارجعو الكويت وبيوم مثل باقي الايام كانو قاعدين يسولفون ونواف كان يحس بألم شديد : لو اموت شتسوين
ساره وهي تشوف نواف يتغير وجهه: حبيبي انت بسم الله عليك الله يخليك لي
وفجأه نواف بدا يتألم ويصرخ ويمسك بطنه
ساره :نواف حبيبي اشفيك شاللي تحس فيه كلمني
نواف: آآآآآه موقادر اتحمل الالم
ركضت ساره وشغلت السياره وسندت نواف عليها وودته المستشفى وبعد الفحوصات الطويله الطبيب عطى ساره خبر على لزوم تنويمه بالمستشفى وقعت عالموافقه الطبيب: تقدرين يامدام تروحين البيت وتجين بكره
كانت ساره عند نواف وكان ماسك يدها بطريقه غريبه ومايبي يتركها ولما قالها الدكتور انها تقدر تروح شدت ساره على ايد نواف وباستها : حبيبي حط بالك على نفسك انا ابيك ومااقدر اعيش من غيرك
نواف: حياتي لاتنامين يابعد الدنيا لحالك بالبيت روحي بيت خالتي
ساره: حبيبي لاتخاف علي ماودي اروح لأمي بهالوقت واخوفها
الخدامه موجوده بالبيت معاي وراح اقفل الباب عدل
نواف: حبيبتي خايفه تبيني اقوم معاك
ساره:حبيبي انت ..ارتاح وماابي الا راحتك
راحت ساره البيت ولما دخلت شافت الصاله والتلفزيزن مفتوح دمعت عيونها وتذكرت جلستهم سكرت التلفزيون والانوار وهي رايحه لغرفتها كانت ذكرياتهم تمر بصوره تقطع القلب ماقدرت ساره تتحمل غياب نواف عنها بتعب وماتسهر على علاجه
دخلت غرفتها وغيرت وانسدحت والا تشوف مسج وصلها لما كانت بالحمام فتحته
نواف(ماتعودت احط راسي عالمخده وانام ابي احطه على صدرك وانام على صوت دقات قلبك)
بكت ساره وماحبت تكلمه او ترسل مسج يمكن يكون نايم وتصحيه
نامت المسكينه وهي تحضن المخده وتشم ريحته
ولما جا الصبح راحت ساره المستشفى وقالها الطبيب ان لازم يسويله عملية استأصال الزايده لأنها ملتهبه
ساره: لايادكتور انا خايفه عليه مولازم عمليه مالها علاج
الدكتور: ههههه..ترى عملية الزايده مو من صعوبتها عشان كل هذا الخوف

سوى نواف العمليه
ولما طلع نواف بالسلامه كان محتاج لراحه وعنايه اخذ اجازه وساره بعد خذت اجازه عشان تسهر على علاجه
ولما تعافا نواف ورجع كل شي مثل ماكان
دخلت ساره يوم من الايام البيت وصدفه نواف كان راجع من الدوام بدري واول مافتحت ساره الباب ودخلت البيت طاحت عالارض وشالها نواف ووداها المستشفى

(المستشفى ..)
الدكتور بعد مافحصها: مبروك ساره حامل
نواف وهو طاير من الفرحه
بصير ابو ماني مصدق
............................
وصار يعتني بساره ولايرضى لها بالحركه الزايده او التعب
لكن ساره مع الايام بدت اعراض الوحم تطلع عليها وللأسف توحمت عالمسكين نواف اللي من حبها له خافت تجرح مشاعره او تألم قلبه وتعترف له بس اللي صار انها صارت لما يقعد جنبها تقوم وماتاكل من الاكل اللي يعطيها من نفس الملعقه ولاتشرب من بعده وصارت ماتنام معاه وتسكر خشمها منه
ويوم من الايام نواف خلص الدوام بدري كثير وهو راجع شاف واحد غريب طالع من بيتهم وكان اول مره يشوف احد داخل البيت ماقدر يلحق عليه
دخل البيت شاف ساره تستقبله بابتسامتها اللي يحبها
راح لها وهو في قمة غضبه ودفها عالطوفه وعطاها كف وسحبها من ملابسها : وانا اقووول شفيها علي اثاري بو طبيع مايهد طبعه انا الغلطان اللي وثقت بوحده مثلك خانت نفسها شلون ماتخوني ياحقييره
ساره من كثر الصدمه دمعتها تعلقت بعيونها وبصوت متقطع: نواف .. حبيبي .. شسويت
نواف وهو شاد شعرها: لاااتقولين حبيبي ولاتنطقين اسمي ياااخاينه احمدي ربك اني خذيتك عقب اللي فيك
رماها عالارض وطاحت تركها بحيره تصارع الحزن والالم بروحها واخيرا بكت بكت وبحرقه كانت ونتها تقطع القلب بس ماكان من الالم اللي بجسمها كان المها اكبر.. اكبر بكثير.. كلام نواف يهد الجبل وهو واقف اتهمها بشرفها وتحسف لأن خذا وحده مثلها وهي اللي كانت ترضيه بماي عينها
وين اللي وعدها ان ينسى وين احسن البنات بعيونه
ساره وهي تنتحب : انا افديك بروووووحي هنت عليك تقولي هالكلام
تشك فيني يالغالي

نواف ترك لها البيت ونام بفندق:
ليش انا وثقت فيها اشلون سمحت لنفسي اعطي وحده مثل هذي فرصه انها تعيش حقيره خاااينه مايبين بعينها الحب

وهو بالدوام من عقب ماترك البيت يومين
دخل عليه واحد للمكتب
السلام عليكم
نواف: هذا انت
الرجال: ماتوقعتك ماشالله عليك تعرفني بهالسهوله
نواف بعصبيه: شلون ماعرفك وانا شايفك طالع من بيتي قبل يومين
الرجال:انا لما قالي خالد زميلك بالعمل عنك ماقدرت اخذ معلومات غير عنوان بيتك ولما رحت قالت لي ساره انك بالدوام
نواف بدى يتغير وجهه وقال بداخله شكلي فهمت الموضوع غلط
الرجال :والله وكبرت يانواف تبي الصراحه تغيرت ولو اشوفك من بعيد مااعرفك ماشاء الله عليك اشلون عرفتني
نواف:منو انت
الرجال:حمدالله والشكر انا ولد عمتك عمر
نواف ووجهه احمر:هلاااااا شخبارك
وجلس يسولف معاه وهو باله منشغل ومتحسف على كل كلمه قالها لساره
اشلون سمحت لنفسي اني اغلط عليها جرحت احساسها ظلمتها وجرح الظلم اكبر من اي جرح ساره ارق انسانه بعيوني اقولها هالكلام
ولما خلص من الدوام راح البيت بسرعه وهو ماخذ لها هديه وورد عسى انها تقبل اعتذاره
واول مادخل البيت
نواف:حيااااااتي <<< ينادي ساره ولاكأنه غلط عليها ومد ايده وسمعها كلام وظلمها

ولما دخل الغرفه لقاها نايمه واثر الكف مبين على وجهها وجلس وصار يبوس راسها وايدينها وبطنها ويقولها سامحيني انا آسف وربي من جنوني بحبج صار اللي صار
ساره تطالعه بنظرتها اللي تعور قلبه نظره تعاتبه فيها عالشك والظلم والخيانه اللي اتهمها فيها
نواف: حياتي لاتسكتين زفيني هزأيني طقيني بس لاتعورين قلبي
ساره: نواف
نواف: يااااابعد عمر نواف كلي أذآن صاغيه
ساره: يقولون اللي تحب زوجها وتحمل بأول طفل تتوحم فيه وتصير ماتبيه ولاتتحمل ريحته
نواف: يعني توحمتي فيني وليش ماقلتيلي
ساره: ماحبيت اجرحك وحاولت بقد مااقدر ادوس على نفسي عشان ماابين لك بس الظاهر انت شايل بقلبك علي ومانسيت مثل ماوعدت نفسك
نواف: ياساره وربي انا اعشق تراب رجولك بس التغيير اللي صارصعب انا ماتعودت عليه ومو شايل بقلبي ولاشي بس ....آسف وخلاص
ساره: مااقول غير الله يسامحك
نواف: انا غبي سامحيني وربي اتوب هذي آخرمره اتسرع واشك بزوجتي وحبيبتي
ساره: موغبي ولاشي بس مانسيت نفسك عدل او انك ماكنت مقتنع انك تنسى
نواف: وربي ياحبيبتي نسيت بس ماادري ابليس سيطر علي وصار اللي صار

ساره: اللي صار وقلت لك عنه شي بالماضي وانا بديت حياتي وحبي الاكيد معاك انت انا من كثر مااحبك انام تحت ريولك لماتتضايق قلبي يقطعني عليك تتألم اقول الاه قبلك من حبي لك صرت اشوف الناس من بعدك صغاار محد ملى عيني غيرك عشت دنيا ثانيه معاك دنيا نورتها لي بحبك وحنانك اللي انولد وكبر لما صرت هواي
اياك تفكر بيوم اني بخونك او بلعب من وراك مااعتقد ولااظن في احد بيعطيني او حتى يسويلي ربع اللي انت سويتلي وعطيتني انا ماابي غيرك انت اغنيتني عن الدنيا بكبرها مااشوف غيرك ولاعشره من اللي شكيت فبالك يسوونك عندي
نواف: جذي ماراح تخليني اعرف اتكلم ...
سكت نواف وبدت عيونه تحمر من القهر وصار يقول بنفسه والله اني متخلف اشلون اشك بزوجتي وحبيبتي
تذكر اشلون مد يده عليها وتذكر البيبي
التفت عليها وحط ايده على بطنها : حياتي اشلون البيبي طمنيني عليه تأثر باللي صار
ساره ودموعها تسبقها نمت يوم كامل بالمستشفى وحالتي كانت خطره والبيبي بقدرة قادر ماطاح الدكتور وامي كانو يسألوني عنك وعن اللي صار قلت لهم اني طحت وانك رايح الشرقيه
نواف: يعني البيبي كان بيطيح
نواف حط راسه على بطن ساره ودموعه تطيح عليها وصار يقولها :آســـف آآآ سف سامحيني اوعدج هالمره ادفن الماضي بتراب واللي فات مات وانا بعوضك كثير واكثر من اللي شفتيه مني بعطيك