نادي القلمون الثقافي.

[Nader 3:16]

انا رح علّق عفكرة
الرد عالاخ حميطون بقصص الرحلات.
يعني لأيش الواحد لحتى يدحك عحالو و يتخبى ورا اصبعو و الشغلة واضحة وضوح الشمس.
بدي افهم وين الثقافة يلي عم يكسبها ابناء القلمون من الرحل عالمسابح يلي كلها ناس عريانين.
انا بالأول وءت كنت صغير الله غضب عليي ورحت.
يعني الشباب يلي رايحين معروفة شو اهدافهم ..يلطشوا عالبنات...وبالآخر ممكن يكتسبوا ثقافة ولكن من نوع آخر.
ويقال ان الرحلات لا تخل بالآداب...عن أي آداب تتكلمون ؟؟؟ ما المناظر يلي بشوفها الواحد بهيك رحلات تشمئز منها النفوس ويرفضها العقل و الدين.

يعني بإختصار شديد اذا النادي يعاني من قلة المشاركة فيه من معظم ابناء البلدة...فمما لا شك فيه ان لا ترى اقبال من الشباب الملتزم للمشاركة في نشاطاته بشكل عام.

انا ما عندي مانع شارك بأي نشاط ممكن يفيدني...بس وين هالنشاطات؟؟ اديش صرلوا النادي ما عمل نشاط للشباب...او بالأحرى نشاط قد يلفت الشباب الملتزم.
يعني الشباب الملتزم عم يستغنوا عن هيك نادي لأنو الجمعيات الاسلامية بالضيعة مغطية جزء كبير من اهداف النادي و بطابع اسلامي يتماشى مع فكرهم.

يعني متل ما قال الأخ محمد بالمنار في مكتبة واسعة و فيها مختلف انواع الكتب.
وبتقلي حفلات غنائية للهواة و الغناء يهذب الروح...ولك خلينا ساكتين...

فلا تستغرب ليش الاسلاميين بيبتعدوا عن هيك نادي..لأنو بصراحة لا يمثل انتمائهم ولا يمثل عقيدتهم ولا فكرهم ولا نشاطاته تتناسب مع بعض الاحكام الشرعية ربما.

لكن بالمقابل برجع بكرر انا ما عندي مانع اني شارك بأي نشاط ممكن انو يفيدني ويكون من تنظيم النادي الثقافي اذا كان مستوفي الشروط الشرعية.

في النهاية هذا عملكم و انتم أحرار ..ولكن نظرة الشباب الملتزم الى النادي هي على هذا الاساس..وهذا ما يمنعهم من المشاركة فيه او حتّى زيارته للإطلاع على احد الكتب.ولكن اذا كان هناك نشاط يخدم تطلعاتهم فلا اظنهم يرفضون الدعوة خصوصاً انهم مستعدون لحضور ندوة في الكنيسة بين الأديان.

فانا كشاب احسب نفسي ملتزماً اطالب النادي الثقافي في القلمون ان يعيد حساباته تجاه فئة من الشباب و ان يحاول تأمين نشاط مميز يخدم تطلعاتهم.

و السلام عليكم و رحمة الله و بركاته.