رسالة مهمّة للبنات!

[Muhammad93]

السلام عليكم و رحمة الله و بركاته:
يا صبايا القلمون
يا أشرف البنات و أكرمن
شبدكن من هالشباب لبدّن يحموا عرضكن
لأنن قلال هالايام! بسّ في لحمد لله!
لذلك :
في فكرة مهمّة و مفيدة للبنات بالقلمون
و هالفكرة هيه:
اقامة نادي كاراتيه بالضيعة للبنات لحتّى اذا حدى تحشّر فين أو لاسمح الله قرّب علين بالليل هنّا و ماشيين على الطّريق يقدروا يدافعوا عن حالن و لو شويّة!
لذلك كلّ وحدة بتأيّد هالفكرة و بتحبّ تلعب كاراتيه تكتب ردّعلى الموضوع هذا
و تكتب انّا موافقا لنعرف اذا بتمّ هالمشروع الّا لا
فبئمل انّا تعجبكن الفكرة و اعرفوا أهمّ الشي انّو اذا حدا من برّات القلمون لطّش عليكن فشباب القلمون ما حيتركو يطلع من الضيعه الّا محمّل و اذا كان من القلمون فكمان رح يوكل أتل ليتربّا!
و بالنسبة للشباب فالحمد لله الرياضة متوفّرة للبدّو!
سلام !!

[الزاهر]

طيب سؤال ... حضرتك مأمن مدربة كاراتيه للي بدهن يتدربوا ؟؟

[عصفورة القلمون]

السلام عليكم ورحمة الله وبركاته, والله فكرة جميلة ونحن بحاجة لهذا الأمر في هذه الأيام ولكن حبّذا لو تجيبنا عن بعض الأسئلة:

-هل يمكنكم تأمين مدرّبة لهذا الأمر؟
-من سيتولى هذا المشروع؟

أظنّ أن هذا الأمر سينال إعجاب العديد من الفتيات

والله أعلم

[Nader 3:16]

هلء عم تحكي من كل عءلك يا محمد تلاتة و تسعين؟؟؟؟
على كل حال انا ما عندي مانع عهيك فكرة.....

[تحسينو]

لك حال يحلّك عهالموضوع إلي فاتحو !!!! لك مندون الكرتيه والكف إلّي ما بيعجبني ماني عم عدّو!!!! شبدّك يعني ؟؟؟ تموتنا؟؟؟؟ والله مانا عاملينلك شي!!!!!!! واااااااااااااااااء!!!
ههههههههه ما تسدّء

[HARD]

فكرة حلوة ومبتكرة على صعيد القلمون .


هل المدربة متوفرة ، ام فكرة ليس الا ؟

[أبو رياض القلموني]

السلام عليكم و رحمة الله و بركاته:
اقامة نادي كاراتيه بالضيعة للبنات لحتّى اذا حدى تحشّر فين أو لاسمح الله قرّب علين بالليل هنّا و ماشيين على الطّريق يقدروا يدافعوا عن حالن و لو شويّة!
لذلك كلّ وحدة بتأيّد هالفكرة و بتحبّ تلعب كاراتيه تكتب ردّعلى الموضوع هذا
و تكتب انّا موافقا لنعرف اذا بتمّ هالمشروع الّا لا
فبئمل انّا تعجبكن الفكرة و اعرفوا أهمّ الشي انّو اذا حدا من برّات القلمون لطّش عليكن فشباب القلمون ما حيتركو يطلع من الضيعه الّا محمّل و اذا كان من القلمون فكمان رح يوكل أتل ليتربّا!
و بالنسبة للشباب فالحمد لله الرياضة متوفّرة للبدّو!
سلام !!

أنا مع فكرة تعلم البنات للكرتيه و لفنون الدفاع عن النفس ...يعني إذا الواحدة صار معا شي لسمح الله يمكن تأدر تدافع عن نفسا...بس أد ما كان البنت بتدل بنت...و إذا بدك رأيي لازم البنت إذا بتطلع برات الضيعة تحطلا شي فرد بجزدانة متل أم رياض الله يرضى عليا ... وإذا ما بدك رأيي تسطفل..آخر همي إذا أتنعت أو لأ ..المهم أنا مأتنع..
أما بالنسبة للبنات اللي عم يكزروا بالضيعة و لازم يدافعوا عن حالن إذا حدا تحشر فين..فأنا مني عم إتخيل بنت محجبة و لابسة عباية بدا تآتل واحد عم ينخز عليا بالشارع!!...
شكلك يا معلم محمد حاضرلك كم فلم لجاكيشان أبل متنام...أو حدا منخزلك عحدا بيأربك و فايت تفش خلأك عالمنتدى...طول بالك شوية و إذا بدك مساعدة أبو رياض جاهز ... عفكرة أنا معي الحزام الأحمر.. شحّو رابطو عخصري..

[яiиda]

هههههههههههههه ..... هيكة لكن..!!
هلأانتو عم تحكو عنجد عن هيدي الفكرة ؟؟!!! يااا ريت والله بتدبّرولي شغل حتى كون المدرّبة خخخخخ..ازا ناويين ابقوا اتّصلوا فيني...
هلأ معك حقّ يا اخّ ابو ريااض انّو منو معقول واحدة محجّبة عم تقاااتل بس بوقت الحاجة مثلا" لا سمح الله شو بدّا تعمل الوااااحدة؟!!
شوووووووو رأيك بالفكرة يا مايا؟!!

[Muhammad93]

هلّأ يا أبو رياض أنا عم قول اذا تحركش فيها
و عند اذن فيها تدافع عن نفسا و تعملّوا كم ضربة مواشي وكم ضربة مايجري و كم بوكس عوشّو ليتربّا!!!
و أمّا بشأن المدرّبة فستؤمّن اذا كان هناك عدد لا بأس منه
و ما تسألوا مين هيه! تركوني اتصرّف لأنّ عم درّبا و علّما كم حركة لتدرّبكن!
بس ما حيكون في مدرّبة اذا كان في خمسة بس بدّن يدّربوا!!!!!!!
ناطرين الجواب
سلاااااااااااااااام

[soulayma]

يلاااااااااا وانااااااا معكن ان شاء الله

[ramo]

السلام عليكم
بركة يلي نخّز على البنت كان شاب قوي ومدّ إيدو على البنت إزا هي ضربتو...ساعتها يمكن يموتا من الأتل

[Nader 3:16]

السلام عليكم
بركة يلي نخّز على البنت كان شاب قوي ومدّ إيدو على البنت إزا هي ضربتو...ساعتها يمكن يموتا من الأتل

معك حقّ ما حسبنا حساب لهادا الشي.
طيب خليون يتعلموا kung fu ساعتها.

[مايا]

هههههههههه عجبتي هالشغلة ما في أجمل من شوفة بنت مثلا لابسة عباية أو جلباب وقاعدة عم تقتل رجال بالشارع ههههههههههه
شو ريندا ناوية تقتلي الشباب بالشارع هههههههه
أنا بشوف انو البنت تحمل معا مية نار أو شي بخاخ بيحرحر العيون من شان اذا صرلا هيك موقف تقدر تدافع عن نفسها دون ما انها تنزل قتل بالزلمة حرام
وبفضل تكون بتعرف كاراتيه من شان تقدر تدافع عن نفسها بالبيت يعني أخوها اتلها تردلوا أو زوجها بإعتبار وعلى ما أذكر مدري مين حلل للزوجة الدفاع عن نفسها ضد الزوج ههههههههه حلوة هي
وبالنهاية أنا مش من القلمون يعني اذا وافقت او لأ مش رح تستفادوا مني بس رديت على ريندا

[الزاهر]

فقط ملاحظة ردا على مشاركة الاخت مريم ... بالنسبة إنو الزوجة تدافع عن نفسها ... وهي مشاركة كنت قد كتبتها في بداية الموضوع لكني غيرت رأيي فلم أعتمدها حينها.

ذكرت لنا إحدى المربيات الفاضلات عن إحدى معارفها ممن نال حزاما في الكاراتيه ما بعرف شلونو ... كان زوجها يضربها دوما ... وهي لا تجرؤ على رفع صوتها في وجهه مع إنها ببكس واحد بتحرمو يتطلع فيها ورابي !!!

استخرجوا العبرة بأنفسكم من القصة ... ما بدها ذكا كتير

[koko 3abir]

السلام عليكم .
فكرة جميلة من الاخ محمد .
ان شاء الله تنجح بس بدنا مدربة قوية .

[تحسينو]

[Muhammad93]

السلام عليكم
بركة يلي نخّز على البنت كان شاب قوي ومدّ إيدو على البنت إزا هي ضربتو...ساعتها يمكن يموتا من الأتل

يا أخ رامي:
هلّا طلع معك يلّي بتلعب كراتيه و الّي ما بتلعب متل بعضن؟
و أد ما كان الشب قوي اذا كانت البنت قويّة بتقتلو!
بسّ كمان هي ما حتقتلو الّا اذا قرّب عليها و مدّ ايدو ساعتها بتقتلو و ما ضروري تربحو
المهمّ تعمل ادّامو كم حركة كاراتيه ليخاف منّا!
و بعدين هيه البنت ما لازم تمدّ يدها فورا !
اذا تحركش فيها أوّل شيء لازم تعملو هوا انّها تهرب منّو بسرعةفلازم يكون عندها لياقة بدنية
و التدريب بيعطيها لياقو بدنية!
لذلك أوّل شي الهرب!
و ثاني شي القتل!
لأنّو من أوّل أساليب الحوار: 1- تجنّب النّزاع
2- الانخراط في النزاع اذا لم ينجح تجنّب النزاع
و لن أطيل!
اللهم احفظ المسلمات في كلّ بقاع الأرض!
و أبعد عنهنّ الزّعران و احمهم يا الله!
سلاااااااااااام!

[Ahmad Z]

الموضوع كثير مهم أخ محمد مع أنو مش لصالحنا كتير بس بما إنكن مندمجين بالموضوع فينا نطرح بالضيعه مشروع لسسا أكبر شويه يعني ما أقصده هونادي للفتيات يتضمن عدة نشاطات بالصيفية ...
يعني هاك نادي بعبيلن وقت الفراغ وبيغنين عن الكزدار ميشان ما حدى يلطش و بذات الوقت بيتعلموا كراته...
و السلااام .....

[hadid]

الفكرو مجنونة يا محمد

أظن ان لعبة الكاراتيه لا تناسب البنت ... يعني نادي باليه أو جانباز احسن !!

البنت يجب أن تكون ناعمة .. هادئة ( جاية من هادي ) ... والنذل الواطي قليل الأدب هوي يلي لازم يستحي على حالو .. وبعدين الشباب قدها وقدود ... وما بدها إثبات الشغلة

وبالنسبة للأخ رامي ... لو بتنزل بتدرب كاراتيه لأسبوع بتعرف إنو لما بتتعلم فن قتال بتقدر تقتل واحد ( يعني تموتو على الآخر ) بلا ما يكون لا جسمك قوي ولا أعصابك سوبر ... شوية قوة مع ذكاء وسرعة ولياقة بتنهي حياة شخص بثواني يا حبيبي .. وإذا بدك لما بتشوفني بالضيعة بثبتلك هالشي ....

يعني بالنهاية انا لا أشجع الفكرة بس مني ضدها .. ويبقى الأهم هو إيجاد مستثمر يفتح نادي للشباب ونادي للنساء وإيجاد مدربة ( لأن المدربين موجودين ) ....

سلام

[Ahmad Z]

السلام عليكم مرة أخرى.... لك ليكو البنات ديش متحمسين كأن ما مسدئين يخبطو حدى شيبوكس بس أنا كنت بدي قول هديك المرة إنو هذه الصبايا الطالعين هن بانيات الجيل القادم وهن الأمل في التربية الصالحة لهذا الجيل لكن للأسف في كتير بنات ما عندهم شغله وعمله غير الكزدار وصايعين أكتر من الشباب الحمد لله ...
لذلك إخواني الكرام شايف إنو لازم الأخوات الصالحات يهتموا بهل موضوع وينظمو هن نادي يضمولموا أكبر عدد ممكن من الفتيات الملتزمات وغيرهن للقيام بتوعيتهن على ما سيواجهونه في المستقبل..
يعني تقريبا كل النشاطات التي تقام في القرية هي على صعيد الفتيان ...
ولا بد من السعي لإنشاء توازن !!!
ما هو ردكم؟؟؟؟؟؟؟؟ معي حق بشي؟؟؟
و السلاااام

[مايا]

[quote=الزاهر;75123]فقط ملاحظة ردا على مشاركة الاخت مريم ... بالنسبة إنو الزوجة تدافع عن نفسها ... وهي مشاركة كنت قد كتبتها في بداية الموضوع لكني غيرت رأيي فلم أعتمدها حينها.

اخي ردا على ملاحظتك أني وعلى ما أذكر سمعت هذه الفتوى من صديقة لي اخبرتني بها انها سمعتها من التلفاز والله اعلم
وطبعا انا ضد هذه الفكرة والفتوى

[أم ريّاض]

واللّه الشبّ يللي بيرف عينو عالبنت لازم يندبح فوراً!! آه لِكن!!! أنا مع فكرة تعلّم البنت للكاراتيه والكونغ فو كمان!! أنا لهلّأ متل ما ألّكن عمكن بو ريّاض إسّاتني بحمل سلاحي معي, أخلاقي وقيمي...ويللي بيكون عم يكبّر راس ويتزعرن!! بسكت مرّة وتنين وتلاتة بس بالنهاية آآآآآآآخخخ بخلّي يندم عالسّاعة يللي تتطلّع فيا عليي...
ما تفكّروا أنو هادا بالزّمانااااات!!! إساتن لهلّأ واللّه...(تيعرف بو رياض إني إسّاتني صبيّة بيزركولي الشّباب بما إنو أرب عالستينات!!)

[hadid]

إذا شب تزعرن على بنت .. 100% الحق على البنت .. يلي مو مصدق .. يكزدر بكرا بالليل .. بصدّق !

[abujahl]

الحلو بالموضوع انون بدلن جنس لطيف لو اكلنا اتلة بيرحمونا فيا سلام