قبل أن تشيع الفاحشة.....في القلمون

[راشد]

السلام عليكم اما بعد:
بارك الله بكل من اهتم بالموضوع واعطى و لو الشيء اليسير من وقته للمشاركة
و لكن حتى الآن ارى ان الموضوع لم يأخذ حجمه المطلوب بسبب قلة المشاركات و كنت اتمنى من بعض المشرفين و المشرفات و الاخوة و الاخوات العاملين في مجال الدعوة ولو التعليق البسيط على الموضوع و ابداء الراي و طرح بعض الحلول.

[فيصل]

صلوا على النبي
والله للأسف بس بدي عزي كل أهل الضيعه و بالأخص الشباب الطيبه بدي عزيون بالشهامه و الحميه يلي ماتت بتعرف أنو مبارح شوفت واحده من الصبايه يلي صارو مشهورين عم تكزدر و عم تدحاك ولا كأنو ما في شي ,و سألت أحد يلي ياحرام كنت مفتكر أنو بحل و بيربوط
سألتو شو يلي بدكن تعملو ألي أكتر شي فينا نعملو أن نهز براسنا ..... ف: عزم ألله أجركم

[hadid]

السلام عليكم اما بعد:
بارك الله بكل من اهتم بالموضوع واعطى و لو الشيء اليسير من وقته للمشاركة
و لكن حتى الآن ارى ان الموضوع لم يأخذ حجمه المطلوب بسبب قلة المشاركات و كنت اتمنى من بعض المشرفين و المشرفات و الاخوة و الاخوات العاملين في مجال الدعوة ولو التعليق البسيط على الموضوع و ابداء الراي و طرح بعض الحلول.

هذا الموضوع ما بدو لا تنين يحكو في ولا نص واحد يناقشو

[عطوف]

أخ hadid الرسول صلى الله عليه وسلم يقول" من لم يهتم بأمر المسلمين فليس منهم" لذلك وجب على كل مسلم أن يولي هذا الموضوع اهمية كبرى ليس من باب التشهير بل من باب الحرص على مستقبل الاجيال القادمة في بلدتنا العزيزة. فابناؤنا واخواننا واخواتنا هم جزء من هذا المجتمع الذي يعج بالمفاسد، لذلك هم معرضون للأذية ولأن يقعو في هذا المستنقع، لذلك وجب علينا أن نعالج هذه المشاكل حتى نستأصل الشر وحرصاً منا على مستقبل التدين في بلدتنا

[جابر دملوك]

السلام عليكم
أنا بظن هالموضوع لازم يتلملم ع الديئ من دون شوشرا و ضجة منشان هلي منو عارف ما يعرف أحسن و منشان ما يطلع برات الضيعة.
الله وكيلكون ما يلحأ و يسرسب برات الضيعة ل نصير علكة ع لسان ل بيسوى ول ما بيسوى.
ف الأفضل إنو واحد من يلي بيفهموا ب الدين و عندو أسلوب و ملسن و منو مكروه من أي فرآ يتولا المهمة و يتوكل ع ربوو.
لأنو إزا طلبنا من واحد أسلوبوو طب صعصع يمكن بدل ما يكحلا يروح يعميا.
و يا إخوان المجتمعات الغربية ما وصلوا لهل المواصيل إلا بعد ما تنين تلاته جاهروا ب الفاحشة و فلشت بين العالم و صارت عادية.
يعني طالما المعصية تمارس ب الخفاء و ما حدا عارف و لو خمسين ب المية من المجتمع عم يعملا بِدَّلا أستر ما شخص واحد يجاهر فيا.
و ما بدوا حدا يزكركون بحديث المجاهرين.
و ياما في ناس كانوا آطعين السابلة متل ما بيؤلوو بعد ما نحكا معون إصطلح حالوون و صاروا من عباد المساجد.
صحيح الموضوع كبير و خطير بس ما لازم نخليي يفلش.
الكلاب لاطية ع دنابا و ناطرين شغلة ظغيرة ت يعملوا منا أصَّا ف الله يرضى عليكون ما ترمولون عضمة كبيرة.

[scorpio]

أنا أؤيد الأخ دملوك على حكمته، لأن شيوع هكذا خبر وخاصة خارج القلمون سينتشر مثل النار في الهشيم ، ونحن نعرف أن هناك أناس يحبون أن تشيع الفاحشة في الذين امنوا ... هذا لايعني السكوت عن الموضوع بل على العكس يجب أن يكون هناك أولياء ومراجع يتابعون هكذا مواضيع بعيداً عن أعين الناس لأنه يجب التستر على هذه المواضيع وأن لاتكون منتشرة كما قال الأخ دملوك لأن الناس بتتعود بعدين فأرجو أخذ الموضوع بهكذا طريقة جدياً وشكراً اللهم عافنا