بسم الله الرحمن الرحيم
السلام عليكم و رحمة الله و بركاته
أخي الكريم أبو حسن
يبدو أنك قرأت مشاركتي ب لسانك و لم تعرها أذنك (أو متل مابيؤلوو " درتلا إدنك الطرشا ")
ألم يتضح لك أخي الحبيب أن مشاركتي تدل على أن الشخص الذي كتبها لم يكن على دراية بأن الفضيحة قد بلغت أرجاء المعمورة.
و إليك أخي أبو حسن المشاركة كي تقرأها بروية.
أنا بظن هالموضوع لازم يتلملم ع الديئ من دون شوشرا و ضجة منشان هلي منو عارف ما يعرف أحسن و منشان ما يطلع برات الضيعة.
الله وكيلكون ما يلحأ و يسرسب برات الضيعة ل نصير علكة ع لسان ل بيسوى ول ما بيسوى.
ف الأفضل إنو واحد من يلي بيفهموا ب الدين و عندو أسلوب و ملسن و منو مكروه من أي فرآ يتولا المهمة و يتوكل ع ربوو.
لأنو إزا طلبنا من واحد أسلوبوو طب صعصع يمكن بدل ما يكحلا يروح يعميا.
و يا إخوان المجتمعات الغربية ما وصلوا لهل المواصيل إلا بعد ما تنين تلاته جاهروا ب الفاحشة و فلشت بين العالم و صارت عادية.
يعني طالما المعصية تمارس ب الخفاء و ما حدا عارف و لو خمسين ب المية من المجتمع عم يعملا بِدَّلا أستر ما شخص واحد يجاهر فيا.
و ما بدوا حدا يزكركون بحديث المجاهرين.
و ياما في ناس كانوا آطعين السابلة متل ما بيؤلوو بعد ما نحكا معون إصطلح حالوون و صاروا من عباد المساجد.
صحيح الموضوع كبير و خطير بس ما لازم نخليي يفلش.
الكلاب لاطية ع دنابا و ناطرين شغلة ظغيرة ت يعملوا منا أصَّا ف الله يرضى عليكون ما ترمولون عضمة كبيرة.
أخي الحبيب آخر مرا دعست إجري (حشا السامعين) أرض الضيعة كان صيف 1998 فلست أدري من قام ب الفعل الشائن و لا أحب أن أعرف و لكن الموضوع جرحني كما جرحكم جميعاً و كنت أظن أنه في مهده لذلك دعوت إلى لملمته لأن الفضيحة ستطالنا جميعاً و ستطاردنا أينما ذهبنا و حيثما حللنا.
و ب العامية العالم إسانا بتؤل و رغم إنو حلب طلع منا علماء و ناس أوادم ( متل ........ حلب ) إزا بدون يوصفوا حدا منو منيح.
ف لو كنت عارف إنو كل العالم جوا و برا شافوا الأرف هلي عم ينحكا عنو ما تظن إني كنت رح رد ب الشكل هلي رديت.
و السلام عليكم و رحمة الله و بركاته
رد مع اقتباس
