مشكله في الجهاز

[أم سفيان]

السلام عليكم وكل عيد وانتو بخير
يمكن كون حاطة الموضوع بغير موضعو بس ألت يمكن تكون هادي الساحة الأنسب لو
الجهاز عندي مخرف شوي ويا حبذا لو بلئي حدا يساعدني بكون ممنونتو
المشكله وما فيها انو من كم يوم بنتي نزلت برنامج بيخليها تنؤل فيديو من اليوتوب للأي بود ومتل ما استنتجت نازل معو فايل فيه سباي المهم بعد محاولات أحذف البرنامج يرجع يطلع انحذف البرنامج كليا بس المشكله لساتا موجودة بدون سابئ انذا كل شويه بيطفي الكمبيوتر منو لحالو بتطلع شاشه زرءا ومن جملة الكتيبة
beginnig dumping to physical memory
ولاحظت انو من أبل ما يتنزل هاد البرنامج المشؤوم كان السي في 404 جيجا هلأ وصل لل 388 مبارح كان 392 مع انا منا عم نعمل شي علي
فالله يبارك فيكن اللي بيعرف يشور علينا

[الزاهر]

اعمليلو سستم ريستور للتاريخ ابل ما تنزل عليه البرنامج ...

Start- and type "system restore" in vista to run that OR,
Start -- all programs -- accessories -- system tools -- system restore (Vista and XP)

ثم من خلالو اختاري تاريخ قبل ما تنزل البرنامج وبلشي العملية حتى تنتهي

إذا ما مشي الحال منجرب طريقة تانية

[أم سفيان]

الله يبارك فيك
للأسف بنهاية عملية الريستور كتب
.
SYSTEM restore did not complete succesfully
your computer's system files and settings were not changed

[الزاهر]

جربتي تحدثي الأنتيفايروس وتعملي فول سكان ؟

[hadid]

يلي عم ياكل من مساحة الهارد هوي السيستم ريستور بحد ذاتو

عندي شايل هالخاصية .. أما بالنسبة للبرنامج الرجاء بس تقوليلنا شو إسمو البرنامج لحتا نجربو ونشوف شو بيعمل

وشكراً

[أم سفيان]

عم عذبكن معي
هلأ خلص الريستوريشن ضل شي ساعة ونص هادي تاني مرة بجرب الريستوريشن غيرت التاريخ ألت يمكن بينفع بس نفس النتيجة
بالنسبة لإسم البروجرام
FREE YOUTUBE TO IPOD AND PSP CONVERTER
الموقع DVDVideoSoft.com
الشركة اللي مشتركين فيها هيه بتعمل تحديث للأنتي فيرس كل فترة
بس صرت عامله سكان للفايرس والسباي وير أكتر من عشر مرات عم ينوجد سبايز بالكوكير وعم ينمحو وكل ما اعمل سكان جديد بينلاءا غيرن

[أم سفيان]

هلأ السي صار في 379 مع انو من بكير كان 388

[الزاهر]

عندك وندوز XP أو Vista ?
هل عندك قرص وندوز ؟ (مع رخصة ؟)
جربتي تعملي كلير للكوكيز من داخل البراوزر ؟
هل ملاحظة عالجهاز نشاط غير طبيعي من خلال Task Manager ?

[أم سفيان]

عندي الفيستا
شبتؤصد بالرخصة احنا اشترينا الجهاز وهني حاطين الويندوز علي
ى عادة بعمل كلير للكوكيز من خلال البراوزر
لأ ماني ملاحظة

[الزاهر]

طيب هل إجا مع الجهاز أقراص ريكوفري أو أي شي من هذا القبيل ؟ أو،
هل عندك قرص وندوز ؟

[akram]

كنك موجوده بالضيعه ودي الجهاز عند الزاهر وريحي راسك اخت ام سفيان

[الزاهر]

أم سفيان بأبعد نقطة يابسة عن الزاهر

[hadid]

[الزاهر]

لا أنصح بالقيام بما تفضل به الأخ هادي !!!

[hadid]

ههههههههههههههههههههههههههه
أنا لم أنصح بهذا إلا بعد ما عرفنا إنو السيستم ريستور عندها ما عندو فايدة لأن عم يعطي إيرور ..

يعني هيك هيك ما لح تخسر شي ..

طيب حل تاني
عملي أونلاين سكان من الكاسبرسكاي وهو مجاني ولكنه بس بيعمل سكان ولا يزيل

إذا لقط شي بدي إنو تبعتيلي أسماء المال وايرز أو الفايروسس وهيك منعرف شو بتعمل ومنعرف الحل


http://www.kaspersky.com/virusscanner

سلام

[أم سفيان]

الأسك تولبار منزل عندي من لما تنزل البروجرام بس محيتو وبالرغم من اني محيتو مبارح عم افتح الموزيلا دغري طلعتلي بالفرانت بيج منا لحالا صفحة الأسك وكنت فاتختو أبل بشي ساعة ما طلعلي هالشي
الصفحة الزرءا اساتا عم تطلع بس خافة اليوم مبارح ما يلحا يشتغل الجهاز بعد ما حط الباسورد ويفتح الا تطلع الصفحة ويطفي كذا مرة ورا بعضن ارجع شيل الفيشة وانطر علي كم ساعة

[hadid]

أها الأسك عم تطلع عندك لأنها محطوطة homepage

هيدي بسيطة

إنت متأكدة إنك ما نزلتي برنامج تاني أو أي تعريف لأي قطعة بجهازك ؟ أو وصلتي عليه شي قطعة ؟

شو إسم الانتي فايرس يلي عندك ؟

ناطرين الجواب

[أم سفيان]

عم اعمل سكان من الموقع هلأ تشوف
الله يبارك فيكن ما بدي تئل عليكن عم يؤلي أبو سفيان "حاجه مخليتين فايئين "

[أم سفيان]

ما أنا اللي نزلت البرنامج هادي بنتي ما كان فيها تؤعد بلا عويدات مدلي عوينات

[الزاهر]

بضمنلك أنا وهادي عنا شغل غير هاد كتير نضل فايئينلو

[hadid]

ههههههههههههههههههههههههههههههههه بالنسبة لزاهر حالياً عندو نهار

وبالنسبة لإلي عم إشرب تيسكافيه هلق بقا كيف بدي نام ؟؟

انا بحب شوف مشاكل الحاسوب لأنو منها بتعلم كتير اشياء

عندي شغف لهل قصص يعني

[أم سفيان]

الأنتي فايروس ما لها اسم معين بتجي مع الشركة اللي مشتركين فيها وهيه bell

[akram]

وانا ناطركن تا اتحلو المشكله للست ام سفيان

[أم سفيان]

تذكرت شغله مهمة كنت ناسيتا انو كان في صورة لنا محطوطة بملف البيكتشرز لأيتا مفؤدة وفي محلا محطوط كذا ملف داخلن صور فاضيه هيك متل صفحة بيضا

[الزاهر]

برجع بسأل،
ما جا مع الجهاز أقراص ريكوفري ؟

[أم سفيان]

مبلا جا معو

[أم سفيان]

افنكرت انو بلش سكان كان عم يعمل أب دايت في حاطين خيارات للسكان
critical ares
my computer
folder...
file ..
بختار ماي كمبيوتر

[hadid]

أكيد نعم

أنا ما فيني شغل الأونلاين سكانر عندي تأعلاف بالضبط كيف لأن deja عندي الانتيفايرس تبعهم على جهازي

[أم سفيان]

ما طلع شي بالسكان وهلأ السي صار فيها 377

[hadid]

[أم سفيان]

عملتلو كليناب للديسك كل اللي محيهن 133 ميجا
عأساس بدي جرب بكرة ان شالله اعملو ريكوفيري للسيستم بس في كم بروجرام ماني عارفة منين بدي ارجع نزلن
المايكروسوفت ورد ما جا معو نزلنا يا أخونا الشامي وهاد مهم كتير منشان فروضة الولاد فهل فيني نزلو عن الأنترنت والموزيلا لازملي كمان

[الزاهر]

كلشي بينعتل همو إلا البرامج إن شاء الله ... المهم تسحبي ملفاتك من صور ووثائق وما شاكل لمكان آمن خارج الجهاز أول شي !

[ksamerk]

Antivirus is Bell Internet Security Manager,
والشركه يلي عملتو إسما RadialPoint
w bye3mel Automatic Update
وفي بهل antivirus خاصية ديسك defrag - TuneUp، بيعمل Cleanup وحدو ....

مافي داعي لل-recovery تبع ال-system
روحي ع:
Start - Programs - Accessories - System Tools - Disk Cleanup
اختاري All users
C drive
بس يخلص calculate
اختاري More Options
وعملي Cleanup (System Restore and Shadow Copies)

وادعيلنا

[hadid]

شباك كأنك كاتب طريقتي

إذا بدا تعمل disable لل system restore الطريقة تانية اما هذه فقط تقوم بإلغاء كل المعلومات المحفوظة ونقاط الريستور ما عدا الأخيرة ..

وفوق هيك يمكن الانتي فايرس تبعها هوي المشكلة يلي عم تنقص مساحة الهارد لأنو عم يعمل backup ..


كلو وارد !! سلام