عوكر المدوكر

[الزاهر]

عوكر والسجود للنواب

مرة من المرات عوكر هالمعتر آلولو بدنا ننزلك عند النائب دعبول نعملك واسطة تصير عامل نظافة بالبلدية. فاقتنع بالفكرة لقلة حالو وأموالو واتكل على وعود هالوساطة وهم بالنزول معو لعند النائب دعبول.

هنة وعالطريق بيألو صاحبو : ليك يا عوكر، هاد فخامتو دعبول بيحب الوجاهة وهالأصص ... فبدك بس تفوت لعندو تسجدلو وتترجاه وتتذللو وكلو بيمشي ساعتها.

بيألو عوكر : أنا بحياتي مني ساجد سجدة لله بدي هلأ اجي اسجد لواحد متل هاد منشان اشتغل عامل نظافة !!! ... بلالي هالشغلة وهالمذلة أحسن بألف مرة !