سآل مجرّب

[lina k]

السلام عليكم ورحمة الله وبركاته:

اليوم جبتلكم فكرة جديدة نوعاً ما......بهالموضوع بحط كل عضو وصفة علاجية مجرّبها أو سمع عنها من حدا (وصفة لتنزيل الوزن-أو لمنع تساقط الشعر أو .....يعني عن كل شي دخلو بالصحة والتغذية).

إن شاء الله تعجبكم الفكرة...
بإنتظار مشاركاتكم

[أيمن غ القلموني]

السلام عليكم


لو سمحتم ممكن وصفة لزيادة الوزن

أو مش داخلة بالمنهاج

[lina k]

أهلاً أخ أيمن طبعاً سؤالك بيدخل بمنهاجنا......كنت ناطرة لشوف إذا حدا من الأعضاء عندو تجربة سابقة بهالخصوص أو سامع عن شي تجربة.........

والله يا أخ أيمن أنا بذكر إنو مرة قريت بكتاب(أو مجلة ما بتذكر) إنو إذا بدو الواحد ينصح بمنطقة معينة فبدو يدهن "زيت حلبة +زيت خروع" على المنطقة يلي بدو ياها تزيد.
أما إذا كان بدك إنو وزنك كلو يزيد فمرة قريت بإحدى المواقع الخاصة بأمور التنحيف والتسمين إنو بتحط "ملعقة صغيرة من مسحوق الحلبة وبتزدلو كوب ماي وبتغليه لمدة دقيقة واحدة بترجع بتصفيه وبتشرب ملعقة كبيرة كل ساعة أو قبل كل وجبة".
المفروض هالوصفة تظبط لأنو الحلبة معروفة إنها بتزيد شهية الإنسان على الأكل.


جرّبها وخبّرنا النتيجة

[HARD]

أخ ايمن بكفيك تاكل كل يوم على الترويقة والعشا صحنين فول وحمص وان شاء الله وزنك خلال شهر بيتغير .

ويلي بدو ينحف حالو : يتروق خفيف ويتعشا صحن صلطة ويمشي ، ويتغدى خفيف يعني بلا ما يكرب حالو وشوية رياضة على هز بدن بيمشي الحال، واذا قلل مروة مابيمشي الحال .
والارجح انو يقلل مروة .

مشكورين على هذا الموضوع .

[أيمن غ القلموني]

أما إذا كان بدك إنو وزنك كلو يزيد فمرة قريت بإحدى المواقع الخاصة بأمور التنحيف والتسمين إنو بتحط "ملعقة صغيرة من مسحوق الحلبة وبتزدلو كوب ماي وبتغليه لمدة دقيقة واحدة بترجع بتصفيه وبتشرب ملعقة كبيرة كل ساعة أو قبل كل وجبة".
المفروض هالوصفة تظبط لأنو الحلبة معروفة إنها بتزيد شهية الإنسان على الأكل.


جرّبها وخبّرنا النتيجة

ما في داعي تزيد الشهية ، لأن شهيتي زايدة خلقة.

الحمدلله باكول منيح ( هك بؤلي الشباب ، بس الله وأعلم )

شكراً على هذه الوصفة ، بس بدّك لاقيا بفرنسا

بالصيف ببيّن كل شي إن شاء الله

[lina k]

ونحنا بإنتظار النتيجة أخ أيمن

وشكراً لمشاركتك أخ هارد

شو يا أعضاء ما حدا عندو شي وصفة عاملها أو شي طلب لنشوف مين بلبيلو ياها

يلا يا أعضاء شدوا الهمة....................

[أيمن غ القلموني]

أخ ايمن بكفيك تاكل كل يوم على الترويقة والعشا صحنين فول وحمص وان شاء الله وزنك خلال شهر بيتغير .
.

مشكور على هذه اللفتة الحلوة .

بس يا أخ ( هارد ) من ون بدي جيب وقت اعمل فول وحمص كل يوم ( هادا إذا لأينا فول وحمص بالأول )

.

[lina k]

وصفة لتبييض الأسنان(نقلاً عن رفيقتي )

-منجيب قطعة خبز
- منحرق الخبز حتى يصير لونو اسود ومنرجع منطحنو ومنخلطو مع العسل لصنع عجينه
-مندعك فيها الأسنان ( عن طريق فرشاة الاسنان )

[المحروم]

اذا واحد وجعتو معدتو او بطنو شراب نعنع

ان الواحد وقع وانجرح كانو يحطولو حشيشة ازاز اسمها

[lina k]

اذا واحد وجعتو معدتو او بطنو شراب نعنع

ان الواحد وقع وانجرح كانو يحطولو حشيشة ازاز اسمها

بارك الله بك أخ المحروم على المشاركة...........أنا مجربة هالوصفات وبالفعل فعالة

[haitham]

حتى لا تصاب بالدوخة
ضع يدك على شيء ثابت لان اليد تحتوي على أعصاب تعطي الدماغ مؤشر بأنك متوازن. بعكس الإشارة التي ترسلها القوقعة، الجزء المسئول عن التوازن في الأذن.
حيث يعوم الجزء المسئول عن التوازن في سائل من نفس كثافة الدم.

[HARD]

اذا بطنك ماشي ......... في نبته اسمها "بريغيته" هادي بتغليها و بتشربها بتوقفلك المشي

بالاجمال متوفرة عنا بالبيت من نقيها من كروم قلحات بس اذا بدكم منها انا نازل على العيد على لبنان بقدر زودكم ببعض منها للتجربه .

[lina k]

حتى لا تصاب بالدوخة
ضع يدك على شيء ثابت لان اليد تحتوي على أعصاب تعطي الدماغ مؤشر بأنك متوازن. بعكس الإشارة التي ترسلها القوقعة، الجزء المسئول عن التوازن في الأذن.
حيث يعوم الجزء المسئول عن التوازن في سائل من نفس كثافة الدم.

أنا بحسّ إنو الواحد لا شعورياً وقت بيشعر بدوخة بيعمل هالطريقة......ما بعرف إذا الكل بيعمل هيك ,أنا هيك بعمل

شكرا لمداخلتك أخ هيثم

اذا بطنك ماشي ......... في نبته اسمها "بريغيته" هادي بتغليها و بتشربها بتوقفلك المشي

بالاجمال متوفرة عنا بالبيت من نقيها من كروم قلحات بس اذا بدكم منها انا نازل على العيد على لبنان بقدر زودكم ببعض منها للتجربه .

إن شاء الله ما منحتاجها بس ما في مانع نخزّن منها ووقت اللزوم منستعملها ومنشوف إذا فعالة
شكرا لهالمعلومة ببقى بشوف إذا فعالة أو لأ

[lina k]

طريقة قلمونية لتنظيف الأذن

مبارح شفت خالتي عم تداوي إدنها فحطّت زيت زيتون عقطنة وطبّت راسها شوي وفوّتت القطنة بقلب الأذن ورجعت شالتها(قال إذا فيه وسخ بالأذن بيصير يطلع صوت بعد ما إنحط الزيت)..............هي معودة على هالطريقة من صغرها وبتلاقيها مفيدة
(بذكر إنو جربتلي ياها أنا وصغيرة وإستفدت عليها)

[lina k]

طريقة لمعالجة عأصة النحلة

من نحنا وصغار أهلنا معودين إنو بس نتعرّض لعأصة نحلة دغري بجيبو سنّ ثوم(ممكن يدقوه شوي) وبيفركو محل العأصة......نتيجة مضمونة

[lina k]

طريقة مهمة لتبييض الأسنان(مجرّبة)

بتحط عسل على فرشاة الأسنان وفوقو معجون الأسنان وبتفرشي مرة وحدة باليوم لمدة أسبوع وبعدين بتصير بتفرشي 3 مرات بالأسبوع....النتيجة بتين من أول إستخدام

جرّبوها وإن شاء الله مضمونة حسب قول الاخت "م" (إذا سوّسو سناني رح إرفع دعوة ضدك )

[الزاهر]

طريقة لمعالجة عأصة النحلة

طريقة مجربة :
خلي أفير نحل يدئك بدن تعئوص من بعدها ما بتعاد تحس بالعأصة أكتر من كم ثانية وشوية ما كتير !!!
مجربة ومضمونة ولزؤوني ولاد الحارة بغنية من وراها !!!

[lina k]

علاج للإسهال(وصفة فعالة)

منعمل شاي ومنزدلو شوية نشا +ماء زهر

(هالوصفة خبرتني عنها خالتي وقال من زمان كانوا يستعملوا وهي أحسن دواء لهلق)