آفّة الزبالة

[Muhammad93]

السلام عليكم
اليوم بالقلمون عنا آفة الزبالة منتشرة بشكل كبير ,
و لو بتشوفو كيف كان الأحدب من كم يوم : كان جبال زبالة
لأنّو كانوا يجمعوا زبالة الضيعة و يكبوّا بملعب الأحدب
و هلّأ دحكوا عل عالم و جرفوا جبال الزبالة بالجرافة بس ما شالوا
جرفوا على حدود الملعب و عطراف الملعب بلزق البحر
فان شاء الله بتنحل قصّة الزبالة و حتّى بقلب الضيعة
لأنّو المشكلة من العمّال قبل الكبار
لأنّو في عمّال مقصرين كتير
الواحد منن بشيل كياس الزبالة لبقلب السلة و الي جمبة و الزبالة اللي منا يقلب كيس
يا بيطمرا بالتراب أو بدفشا عجنب
فانشاء الله خير

[الزاهر]

هلأ بدنا نحكي بالمفيد ولا بدنا ندل نحكي بالفراغ ؟

نحنا كشباب ماذا أدينا من مجهودنا وأوقاتنا في سبيل بلدتنا ومعاشنا وصحتنا ؟
أذكر عندما كنا أطفال أقامت البلدية يوم تنظيف البلدة وشاركنا فيه بكل حماسة ونشاط وفرحة وأذكر رئيس البلدية يقضي اليوم برفقتنا ينظف بالمكنسة مثله مثل اي ولد من أقراني يومها.

لماذا لا نتوجه للبلدية بإعادة المشروع ولو مرة كل عام ؟ وهل أنتم على استعداد لذلك ؟

ثم فكرة خطرت ببالي اليوم صباحا عندما رأيت عمال الصحة والنظافة يهتمون بأمر نفايات الناس قلت لنفسي لماذا لا يقوم الشباب بتقسيم البلدة حصص بحيث يقوم متطوع في صبيحة كل يوم وبالتناوب بالمساهمة بتنظيف حيه وأمام منزله ؟ فهذا منزله ومظهر حضارته وأعجبتني الفكرة وأدرس تجربتها على نفسي في القريب إن شاء الله.

[akram]

ولكن لنسئل انفسنا من اين مصدر النفايات اليس البيوت لك البلديه بدها عامل امام كل بيت ووراء كل طفل

[أم ريّاض]

آ واللّه في كتير عالم زبالة...أصدي عندن زبالة كتيرة وبيتسببو بالتلوّث بس البلدية بتتحمل جزء كبير من المسؤولية بما إنو البلدية متكفلية بجمع الزبالة والناس مسلّمة للبلديّة فلازم تكون عأد المسؤوليّة ويتخلّصوا من الزبالة بالطريقة الصحية يللي ما بتضرّ أهالي بلدتن يللي مأمّنينلن.

[أم سفيان]

من أول ما انفتح المنتدى وهالموضوع عمينعاد وما حدا عم يلئي حل
حبيت خبركن كيف بتم عملية شيل الزباله بكندا يمكن يكون فيا افادة . كل منطأة لها يوم بالأسبوع تحط زبالتا أحنا دورنا يوم الجمعة يعني بس يوم وما بيحئلنا نحط أكتر من كيس واحد اذا بدنا نزيد بدنا ندفع 4 $ عكل كيس زيادة . من بكير بيؤم الواحد بيحط الكيس وصناديئ الريسايكلن واذا جا تراك الزباله وما كان حط كيسو راحت علي للجمعة الجايه .
المشكلة بالألمون انو ما في احترام للقوانين أو المواعيد يعني بيكونو عارفين ايمتا بيجي تراك الزباله في ناس بتحط زبالتا عبكير بتؤم البسينات بتنبش الكياس شمتوقعين من عمال الزباله يلملمو المدردر عالأرض ما ينطلب هالشي من صاحب الكيس أكيد ما بيلمن . ليش مفكرين انو عامل النظافة عبد مسخر مين مكان لازم يركب عضهرو. وأكيد كمان في عالم بتحط الكيس بعد ما بيكون مرء التراك يعني رح يبءا للنهار اللي بعدو .
فكرة زاهر حلوة وانا سبء كتبت انو هوني في يوم اسمو يوم الأرض بيطلعو حتى التلاميذ تنضف بس هادا أكيد منو حل تاني يوم بدا ترجع الدنيه متل ما كانت اذا ضل الحال على ما هو.
لو البلدية بتدرس الموضوع وبتحط قوانين صارمة واللي بيخالف بيعطو ضبط ساعتا بيتعلمو العالم

[أم ريّاض]

أنا بأيد الأخت أم سفيان بوضع ضبوطة للناس يللي بيخالفوا القوانين.بس المشكلة مانا مقتصرة عالناس وبسّ الزبالة يللي عم يكبوا العلم عم توخدا البلدية وتزتّا بملعب الأحدب يعني أيش ما عملو بتضل المشكلة إذا ما لإياو طريقة صحية وغير مضرّة للتخلص من الزبالة.

[الزاهر]

[عمار الفلو]

[الزاهر]

احتمال يوصلنا

احتمال ... يعني بمكن ما يوصلو كمان !!!

[هادي شقرة]

طيب إزا ما وصلو شو اسعارن عندكن بلبنان ؟؟
لعلمي إنون مانن كتير غاليين يعني حءن دغري بيتأمن

[الزاهر]

انا مستعد شارك . منجمع الشباب و مننزل . (الاحد القادم مثلا)

اذا بدك حط استفتاء تنشوف العدد الاولي للمشاركين

هلأ هالمشروع بدو تزكية وقليل من دعم من البلدية !!! .... بدنا الدكتور وسيم يجسلنا نبض ويشفلنا الوضع !!!

[ksamerk]

سلام
إخدن معو، ما نسيناهن، الحمد لله

بعدين، كل بيت يعطيكن كيس كبير، بفضل بدكن كم مكنسه وأفح وربش
وهادي هيه
شباب وهمه في، الحمد لله

[abounouh]

و الله إذا اشباب فاضيين و ما عندن شغل ماننو غلط يشتغلو بالزبالة بس هيدي شغلة البلدية بعدين أنا كل سنة عم أدفع ضريبة للبلدية ميشان ألءي الشارع نضيف .

بعدين ليش عم ينكب زبالة بالأحدب (ألت مروّه) لأنو هي لازم تنكب جمب المرفء و تنطمر بس ألّت مروّه و ما حدا بيحكي شي .
لازم هالموضوع ينشاف لو حل لأنو لو كل الضيعة نزلت اليوم و نضفت الشارع بكرا رح يرجع متل ما كان .
بعدين في مراأب و مسؤل عن عمال النضافة و عم يأبض وينو هو لازم يتحمل هل مسؤلية.
هيدي هل شغلات ما بتتاخد بالعجأة مانا شغلة يوم و تنين هيدي شغلة كل العمر .

[وسيم أحمد الفلو]

أخ أبو نوح اعتقد أنك جانبت الصواب في مداخلتك

بالنسبة لأن يبادر الشباب من وقت لآخر بمساعدة البلدية فهذا عمل محمود وضروري، ويأتي في صلب تطبيق كلام الرسول صلى الله عليه وسلم "وإماطتك الأذى عن الطريق لك صدقة"، كما أنه من المعلوم أنه في كل دول العالم يقوم الناس بالعمل التطوعي (حتى بعض العقوبات تم الإستعاضة عنها بالعمل الخدماتي العام).

البلدية ملزمة بإزالة النفايات، ولكن هذا لا يعني عدم مساعدتها (والبلدية كعضوية هي عمل تطوعي كذلك).

أما القول أننا ندفع للبلدية مقابل إزالة النفايات فهو غير صحيح، إذ أن الرسم البلدي السنوي هو رسم القيمة التأجيرية ورسم المجارير ولا علاقة له بمسألة النفيات وهو بين ال35000 ل.ل وال100,000 ل.ل للمنازل سنوياً، ومجموع هذه الرسوم (إذا كانت الجباية 100%) لا يصل لأجور العمال اليوميين لرفع النفايات. أضف إلى ذلك رسم المكب (30 مليون) والمحروقات وصيانة الآليات.

أما بالنسبة لبور الأحدب فيتم رمي الردميات والأعشاب فيه (وليس النفايات المنزلية) ةالموضوع ليس قلة مروة، والسبب هو أن مكب طرابلس لا يستقبل إلا النفايات. وقد طلبنا من الرئيس أن يكون رمي الردميات في البور منظماً اكثر من ذلك.

للحقيقة البلدية مواردها قليلة (بين ال450 مليون وال600 مليون سنوياً) وهذا يعني أننا جميعاً مطالبون بمساعدة البلدية، ويجب أن لا نتوقع أن تقوم البلدية بشيل الزير من البير كما يقال.

والسلام عليكم

[الزاهر]

بالنسبة لأن يبادر الشباب من وقت لآخر بمساعدة البلدية فهذا عمل محمود وضروري، ويأتي في صلب تطبيق كلام الرسول صلى الله عليه وسلم "وإماطتك الأذى عن الطريق لك صدقة"، كما أنه من المعلوم أنه في كل دول العالم يقوم الناس بالعمل التطوعي (حتى بعض العقوبات تم الإستعاضة عنها بالعمل الخدماتي العام).

طيب شو ؟ ... منتأمل قيام البلدية بتيسير والاشراف على حملة ولا شو ؟

[وسيم أحمد الفلو]

ما هو المطلوب من البلدية لكي أقوم بالإتصال بالرئيس وعرض الامر عليه؟

[الزاهر]

ما هو المطلوب من البلدية لكي أقوم بالإتصال بالرئيس وعرض الامر عليه؟

ما مدى قابلية البلدية لتنظيم والإشراف على حملة شبابية للتنظيفات ؟

[ramo]

ما مدى قابلية البلدية لتنظيم والإشراف على حملة شبابية للتنظيفات ؟

السلام عليكم
ما بدّا إشراف من البلدية يا أخي , شفّاطة ومكنسة من كل شب وبيمشي الحال

[الزاهر]

حلو الواحد يكون عايش بعالم الفراشات !

[Arsenic]

لك إذا ما في زبالة كيف العمال بدن يشتغلو ....

[hadid]

سامع بال

butterfly effect ؟

يا زهر ؟

[ksamerk]

شو، ماتت الاصة...