الأخلاق ؟؟
مرحبا ،
كتار منا بيحكوا عن الأخلاق ، وانو لازم يكون فينا أخلاق ، وانو لازم المجتمع يكون فيه أخلاق ، وانو أولادنا لازم يكون فيون أخلاق ، بس شي مرّة سألنا حالنا شو هية هلأخلاق يلي بدنا انو يتربى ولادنا عليها ؟؟
وقفوا عندكم ، ما حدا يقللي أخلاق منيحة ، لأن بهل الإيام الموازين مختلّة كلياتها ، ما حدا عارف المنيح من القبيح ، والعقل الانساني لم يعد على فطرته ، وتلوث كثيرا كثيرا ، بسبب الافرازات الاعلامية ، والهرطقات التي تخرج من هنا وهناك .
فخلونا اناقش شو هية الأخلاق يلي بدنا انربي ولادنا عليها ، ويرضى عليكم ما حدا يقلي متل أخلاق النبي صلى الله عليه وسلّم والدين وخلص ، لأ جيبولنا هنة وحطوهم هون ، ومناقش اذا بينطبقوا على واقعنا ، وبعدين في أمور ما كانت موجودة على إيامهم .
يعني يا جماعة بتلاقوا الواحدة لابسة بنطرون وقميص وماشية ومفكرة حالها انها ما عاملة شي فيه قلة أخلاق أبدا ، وبتلاقي الواحدة واقفة مع شب وعم تتصهصن هية وياها كل الوقت ، وما شايفة انو عملها فيه قللة أخلاق أبدا ، يعني اخوة بين بعضهم ، فشو هية الأخلاق يلي لازم نعطيها للناس وكيف منعطيهم هية ،
الأخلاق مع :
الكبير والصغير والأقرباء و.....
العدو والمخالف للرأي
المرأة والصبية المراهقة
مع أهل الفضل ومن هم أهل الفضل ؟
مع أهل الحشمة والتقوى و.....
.
.
.
رد مع اقتباس
