الغيرة "تعمي" المرأة

[وجدي عصام طوط]

خلصت دراسة حديثة إلى أن الغيرة تفقد المرأة قدرتها على الرؤية بوضوح فتصاب بـ"العمى" بسبب تراجع قدرتها على التركيز فتهتم بأشياء قبيحة أو غير جذابة.

وذكرت صحيفة ديلي تلغراف البريطانية الأربعاء أن المرأة التي تشعر بالغيرة يتشتت ذهنها وينشغل بالها بصور عاطفية سلبية تفقدها القدرة على التركيز على الأشياء الجميلة التي تحاول رؤيتها أمامها.

وأجرى الأساتذة في علم النفس بجامعة ديلوار ستيف موست وجان فيليب لورانسيو وزملاؤهم تجارب في المختبر على أزواج يعيشون حياة رومانسية.

وطلب من كل زوجين الجلوس متقاربين أمام جهازي حاسوب يبعدان عن بعضها قليلا، ثم طلب من الزوجة مشاهدة صور طبيعية وسط شريط من الصور السريعة المعروضة على الشاشة، ضمن صور مؤذية وغير مريحة للنفس.

وفي الخطوة التالية طلب من الزوج وضع تقييم للمشاهد الطبيعية التي أمامه وإبداء رأيه فيها، ثم سئل عن رأيه في جمال صورة امرأة ظهرت أمامه على الشاشة.

وفي النهاية سئلت كل امرأة عن شعورها ومدى تقبلها لتقييم الزوج لجمال المرأة التي ظهرت صورتها على الشاشة.

وتبين أنه كلما زادت غيرة المرأة ركزت بصرها على الصور القبيحة أو الشنيعة التي مرت عليها، وأنها ركزت على الصور القبيحة أكثر من تلك الجميلة أو الجذابة.

وخلص أساتذة علم النفس إلى أن العواطف تلعب دورا أساسيا في العلاقات الاجتماعية وتؤثر على الصحة النفسية والبدنية للنساء، وأن عواطف المرأة تجاه الغير تتأثر تبعا لذلك.

المصدر: يو بي آي

[أمين أحمد الحاج محمد]

أنا لست متفقاً مع هذه النظريات لأن الغيرة من طبع المرأة ولا تؤثر على قدراتها أبدا بل تزيدها قوة وتثبت شخصيتها!!!!...

[أم عمر]

السلام عليكم أنا مع الرأي انه المرأة تتأثر اجتماعيا و نفسيا بذلك مش بالغيرة بس بوضعها و طريقة عيشتها . بس اذا ممكن يا أخ وجدي تشفلنا شي دراسة عن الغيرة وتأثيراتها على الرجل .

[أمين أحمد الحاج محمد]

انا ما قلت انو المرأة ما بتتأثر بوضعها الإجتماعي والنفسي ولكني قلت ان الغيرة من طبيعتها وفطرتها

[Moi]

اليوم صباحا قرأت هذه بمقالة يمكن على موقع الجزيرة
لا يمكن الجزم بالنسبة الى هذا الموضوع بس ممكن أن يحصل لأن المرأة فعلا تغار فكيف اذا أصبح شيئا مرضيا

[الشامي]

أنا عندي حل للغيرة بس ما رح أذكرو منشان ما يغاروا الشباب...

[Moi]

أنا عندي حل للغيرة بس ما رح أذكرو منشان ما يغاروا الشباب...

إلحقنا بها و نكون لك من الشاكرات

[hadid]

المرأة بتصير ما بتميز بين الحلو والبشع .. بس الرجل بينعما على قلبو .. وما بعود بميز حدن ..

[عمر ملاط]

خلونا نفرض انو كلامن صح... طيب لكن شو بتعمل الغيرة بالرجال؟ أو القصد انو نحنا الرجال حُذفت وما منغار؟ انا بلاقي انو الرجال بغارو اكتر من المرة فأكيد بتعمل شي بالرجال. يعني جابو رجال ومرأة، بس آخر همن شو صار بالرجال.. يعني ينفلئ... بس المهم شو صار مع المرأة، لا يكون انجرح شعورا أو تأثرت عاطفياً أو انخدش احساسا... يا زلمة كل شي صار عند المرأة للمرأة عن المرأة... حرية المرأة.. والعنف الأسري وقصدن يلي ضد المرأة... مع انو بحياتي ماني مادد ايدي على مرتي... اما هي لابجتني شي مليون شحاطة و... (خلينا ساكتين)... كل الدنيا صارت عند المرأة... بدي افهم ايشو هادا يلي للرجال ماو للمرأة؟؟؟؟؟ إذا لقيتو شي خبرونا !!!!!

[Moi]

أنا مع إنشاء جمعية حقوق الرجل... إفرحوا بها قليلا قبل عودة الزوجة إلى المنزل

[عمر ملاط]

بالنسبة لي رح تكون كثيراً مش قليلاً حتى ترجع...

[HARD]

بالنسبة لي رح تكون كثيراً مش قليلاً حتى ترجع...

الله يكون معك خي عمر .

[moughtareb]

طيب ليش كل هل تحامل هادا عل مرة؟ انا مني شايفو مظبوط ولا بشكل من الاشكال. انت يا عمر ما تواخذني بس انت بتحمل و بتخلف شي؟ خلفت شي مرة و ما حدا طالبلك بحقوقك ؟

?
?
?
?
?
?

يقول احد الناشطين في ميادين حقوق الرجال و الذي له باع طويل في هذا المجال:
نعم حدث و ان حمل الرجل في ايامنا هذه. مدة الحمل تمتد من سنة الى عدة سنوات (ما بات يعرف بفترة الخطوبة). يتبعها انجاب دون اي الم او وجع فيما يعرف بليلة الدخلة. ميزة المولود الجديد هو انه و لسوء الحظ لا يكبر. يظل عصفوا صغيرا فاتحا فاه مطالبا بحقوقه الى ان تتوفى البابا المنية.

و في سؤال عما اذا كانت هذه الظاهرة منتشرة بنسبة كبيرة في ايامنا هذه، اجاب:
دلوني ع شي رجال مش مخلف!!

يذكر بان المتحدث طلب عدم الكشف عن اسمه.

[عمر ملاط]

ما بعرف بس حسيت كأني قلت بدي تفاحة، قالولي الأرض مش مزفتة منيح...

وهل أنكرت أنا حق المرأة؟؟؟؟؟ أنا أشكو إهمال الرجل فقط.... يعني من هادا العالم يلي اشتغل وعذب حالو... جاب الرجال رفع عتب حتى يشوف مشاعر المرأة كيف رح تتغير... ولولا هيك مانو سئلان عنا كلياتنا...

يا اخي يعطون حقن وزيادة... شو عم ندفع من جيبتنا؟؟؟؟ بس لا تنسونا..... رايحين بالطافوحة

[moughtareb]

هلأ أول شي أكيد طلعنا أنا وياك عن سكة الموضوع الأصلي يللي فتحها الأخ وجدي. هادي السكة يللي هي بالأصل نعملت من دون رخصة لأن ما بعتقد إنو الموضوع أعلاه فيه شي بيتاكل لحتى محطوط بالتغذية و الصحة.

هلأ كنو الأخ وجدي عم يستعمل مسؤوليتو كأمين سر الموقع بشكل سلطوي، ما بعرف.

هلأ خلينا نرجع ع موضوعنا:
ولك يا عمي شوباك؟ انا معك مية بالمية.
و يعطيك العافية