السلام عليكم..

بارك الله بك أخت ساميا..موضوع جميل و مهم جداً...

و الله كتير منطقي و صح كيفية التصرف بفترة الخطوبة متل منو مزكور..

بس بحس الوضع بيختلف بأشياء صغيرة نسبة للمجتمع العايشين في..

أكيد بلا ما ننسى إنو *الحلال بيّن و الحرام بيّن*

بس يلي بإصدو إنو بتوافق مع الأخ Hard إنو لازم تشاركو مشاكلا و أسرارا و حتّى العائليّة..بس أكيد
شرط إنو ما يكون حدن مأمنا ما تحكي..يعني بس لتفضفض...

لأن ساعتها حيحس حالو غريب..و مش من العيلة ليتأمن ع سرّ مرتو..و كل واحد يإيسها على نفسو..

و بالنسبة أنو تخبي عنو ماضيها..و ما تدخل بهيك نقاش!! فسدؤني مش واردة و خاصة بمجتمع ضيعة و في الإيل و الآل...يعني ما في أحلا من الصراحة والتفاهم و نمشي على بيّنة...

بالنهاية الماضي مرتبط شوي بالشخص..يعني بأسر على نفسيتو أحياناً..

و الخطبة فترة مهمة و جديّة مش للغزل و ما شابه..و يلي بحسها خزعبلات بعض الأحيان ..ما تآخزوني..

و هادا عم إحكي بالنسبة لشخصين عم يتعرفو ع بعضن و مفي معرفة مسبقة أبداً...

و أنا بما إنو بدي حاول أعرف و إتطمن على العلاقة و لوين رايحة..بهمني يعرف نبذة عن الماضي..

و إذا أسر هل شي سلباً...فهادا سبب كافي أعرف إنو مش الشخص المناسب يلي أنا بدي إختارو..

لأن مش عم يشوفني و يحاسبني على شخصيّ...عم يحاسب الماضي يلي ما إلو دخل في و يلي هوا حقّ علينا جميعاً...

مشكورين..
يتبع ان شاء الله..[