يا جماعة الخير :
بلا معلمية و الكل فيون الخير و البركة
بس عصفور التويني متل ما آل الجار الزاهر هو مجموعة عصافير
(الراهب و الشماس و التئتئآ و دكر العنباشيئ و العنباشآ و ضارب الشموط )
و موسمون الأصلي ب الربيع و أفضل إيامون أَمْرِة نيسان
(ليلة 14 من الشهر القمري هلي بيجي مع شهر نيسان و أش ما كان يكون)
بينما (الإِرِئْفَان مَنُو من التويني بتاتاً بل هو من أعداء التويني و خصوصا التئتيآ
و هوا من الجوارح و بياكل لحمة عصافير و فيران و ...
و عادة وأفاتوو ع راس أنؤزة و كتير من الأحيان بيأنبز ع العود اليابس ب الشجرة أو ع الشوك ب السهل و في منوو 3 أنواع
" الزِّهْرَي و الدِّبْشَي و المِلْكَي")
و في عنا السَّكْسُوكِة عصفور شبيه كتير ب السُّمْنِة
و بيجوو خَرْجَات و بيتواجدووا ب كروم الزيتون و بيغُطوا كتير ع الأرض بين الحشيش
و إزا معك بارودة حبة مظبوط نيشانا أو فيا ناضور و إنتا بتصيب منيح فيك تئضي ع الخرجة و ع الحِسَيْسَيْ
إلا إزا حدا فعطلوو شي ضرب دَكْ أو خرطوش رفيع فرطعلكياهون)
و عنا عصفور (الإِبَان) بينوجد عادة ب شجر البُطِن و بيعرنسلك رئبتك لبينما تحضا في
بتسمع صوتوو " يعني بتمضيلك شي ربع ساعا عم تبحليئ و صوت بلا صورا)
و بنرجع ل التويني :
(أروع شي أوآصوو ب شجر الزعرور و شجر التوت الحلو و شجر اللوز
و شجرتين التِّنِبْ و العِين (العنب و التين) و الجميز و جنب نباريش الموي ب النبعا)