(خطبة) الأخ محمد ...

[salim05]

تم رصد الأخ محمد ملاط يلبس محبس
وبعد اجراء التحريات
عُلم بأنه خطب
بسسسسسسسسسس
الــبــنــت غـــريـــبـــة

" مبارك لك أخ محمد "

[أمين أحمد الحاج محمد]

نبارك للأخ محمد وان شاء الله ربنا يتمم علي...

بس ما كنا نتمنى انو نعرف هيك كنا بنتمنى نعملو قولة المصاروة " زيطة وزنبليطة "

[وسيم ن غنوم]

مبارك والله يتمم بالخير

وعقبال بقية الإخوة، وللأخ محمد عقبال التانية

[Moi]

عارف ال (بوم ) إلي لا يدعو إلا بالخراب؟؟؟؟
إذا ما عارفو يا أخ وسيم ن غنّوم إقرأ كل مشاركاتك لكل من خطب في كل مكان
الله يعيّشني لأقول لخطيبتك إن شاء الله يوما,,,عقبال التاني

[الحجاج]

مبروك للأخ محمد ملاط والله يتمم بالخير
وعقبال العايزين
ويا وسيم غنوم الله يحيينا تيورينا

[الشامي]

يا أخت موا لا تفهميها غلط ... دعوة الأخ وسيم لمصلحة البنات مش الشباب ... شو التانية عم تكون شب يعني؟؟؟ عم تكون بنت متل ما الأولانية بنت ... وألف مبروك للأخ محمد ....

[أيمن غ القلموني]

ألف مبروك للأخ محمد

[عمر ملاط]

يا شامي البنات مش مستعدين يفهمو انو نحنا منعمل هيك كرمال جنس البنات بحد ذاتن... يمكن مش كرمال الزوجة الأولى.. بس كرمال الجنس اللطيف كلو.... بس هنى أد ما بيهمن مصلحة غيرن... مانن سئلانين عن جنسن.... الله يسامحن... نحنا منحاول انو ما يكون في بنت عزباء.. وهنى ما بدن... خرجن...

[Moi]

ما شاء الله
أقنعتوني بصراحو و خطر عبالي إقتراح يساعد أهدافكم السامية
شو رأيكم طالما أنكم تريدون مساعدة الجنس اللطيف أنه من يستطيع الزواج مرة أخرى أن يعطي المال لشاب أخيه في الإسلام لا يستطيع الزواج و هيك بيكون أخذ بدل الأجر أجوووووور عن الصدقة و عن ستر عبنات المسلمين و عن المعروف و يكون أمر بالمعروف و نهى عن المنكر و أسعد زوجته
شو رأيكن بهالإقتراح يا أصحاب القلوب الرقيقة على جنسنا اللطيف
و يا لطيييييييييف إذا بتعرف مرت كل واحد فيكن شو بدكن يا لطيييييييييف

[Amal]

ولك تسلميلي يا moiشو هالراي الحلو معك حء والله عجبتني فكرتك كتير وانا معك لما يخطب وسيم غنوم بدنا نعلم عروستو علاي
شو يا شباب اسمعو منا و عملو برءيو بيلحءكم سواب كبير انشاء الله

[Moi]

ولك تسلميلي يا moiشو هالراي الحلو معك حء والله عجبتني فكرتك كتير وانا معك لما يخطب وسيم غنوم بدنا نعلم عروستو علاي
شو يا شباب اسمعو منا و عملو برءيو بيلحءكم سواب كبير انشاء الله

thx ammoul

[الزاهر]

على فكرة ... هلأ كنت أنا ووسيم ن غنوم عم نتغدا بالبلد فحضينا بعريس وخالتو ... وهالعريس عم يعزمنا ععرسو ... فألو وسيم عأبال التانية

ومية مبارك للأخ محمد ...

[أبو عبد الرحمن القلموني]

أبارك لأخي العزيز محمد ملاط عالخطبة
ولازم يا اخ امين نحضر كم انشودة منشان العرس..عيب هادا الاخ محمد!

[الحجاج]

رائعة
بوركت يا نادر

[Moi]

أخي زاهر إن شاء الله تشوف رفيأك أكلّو شي أتلة من واحد بحب مرتو و ما بيأبل يتزوّج عليها ... ألا إن الصبح قريب

و الأخ نادر الحمدلله إلي بيبعت أناشيد أعراس حلوين كتير مش مطفيين... و صحة و بلا جميلة نعص

[Moi]

بخصوص الإقتراح : الشباب حيعملو حالون ما بيعرفو يقرو مشان بيعرفو إنو معي حأ

[وسيم ن غنوم]

الله يبارك فيكم يا رب، ويجزيكم الخير ويحفظكم

اقتراح الأخت موا جميل، بس مع إني اقترحتوا من قبل، ولكن بقول إنو ما بينطبق على الكل، يعني واحد بيعجبوه تننين أو تلاتة أو حتى أربعة كمان...

بروح بيتبرع لزلمة تاني لحتى يتزوجله الصبية يلي بتعجبه!!!

شي هالمنطق يا بنات حوّا؟؟؟ حقوكم على راسنا وعينا، ويلي بيظلمكم بالدنيا في جهنم بالآخرة...

بس إنتو كمان ما تظلمونا وما تهضمولنا حقوقنا، وبمواقفكم عم تتعدوا على حقوق كل الشباب في العالم..

فاتقوا الله فينا...

[Moi]

الله يبارك فيكم يا رب، ويجزيكم الخير ويحفظكم

اقتراح الأخت موا جميل، بس مع إني اقترحتوا من قبل، ولكن بقول إنو ما بينطبق على الكل، يعني واحد بيعجبوه تننين أو تلاتة أو حتى أربعة كمان...

بروح بيتبرع لزلمة تاني لحتى يتزوجله الصبية يلي بتعجبه!!!

شي هالمنطق يا بنات حوّا؟؟؟ حقوكم على راسنا وعينا، ويلي بيظلمكم بالدنيا في جهنم بالآخرة...

بس إنتو كمان ما تظلمونا وما تهضمولنا حقوقنا، وبمواقفكم عم تتعدوا على حقوق كل الشباب في العالم..

فاتقوا الله فينا...

حسبي الله و نعم الوكيل
كل واحد حر بحالو
بكرة يورجونا إلي عم ينظّروا تنظير كيف حيتجوزوا 4 و أول واحد حضلّ إترصدوا هو وسيم غنوم و بكرة بعد كم سنة إذا جاب سيرة الموضوع خدوا الي بدكن ياه بتكون مرتو بتنيموا بلا عشاء إذا فتح تمّو
و بكرة منشوف
و على كل حال هيدا بيضل موضوع شخصي بين كل رجل و زوجته
و الإقتراح هو للمُدّعين أن التعدد كرمالنا ...أقول لهم لا و وسيم أكبر دليل أنه قال بركي عجبتوا 2 3 و 4 فإذاً بطّل متل ما بتدّعو
وزُهق الباطل إن الباطل كان زهوقا

[أم عُمَر]

عارف ال (بوم ) إلي لا يدعو إلا بالخراب؟؟؟؟
إذا ما عارفو يا أخ وسيم ن غنّوم إقرأ كل مشاركاتك لكل من خطب في كل مكان
الله يعيّشني لأقول لخطيبتك إن شاء الله يوما,,,عقبال التاني

يحقُّ للمرأة زوجٌ واحد.. على مذهبِ أهل السنَّة والجماعة

[أيمن غ القلموني]

بتكون مرتو بتنيموا بلا عشاء إذا فتح تمّو
و بكرة منشوف

كرمال الزوجة ، كل شي يهون

[Moi]

يا عين يا أخ أيمن
الله يكتر من أمثالك
خلص رضيت عنك بدي دبرك عروس إن شاء الله

[HARD]

ألف مبروك للاخ محمد ملاط ، الاخ محمد بيستاهل كل خير.

[وسيم ن غنوم]

أول شي الكلام عن التعدد هو مش تنظير، فطرح المسألة والدعوة إليها هي بحد ذاتها نوع من العمل...


ثانيا، أنا موقفي ثابت ولم يتبدل، وكلامي الذي قلته عن التعدد ما زلت مقتنعا به جملة وتفصيلا، وعليه فإني أدعوا كل شاب غيور وحريص على بنات المسلمين ويرى في نفسه الخير والصلاح والقدرة أن يتزوج الأولى والثانية والثالثة والرابعة و..... وما ملكت يمينه و....

ثالثا فيما يخص العشاء، ما في أبسط منها، ما عملت عشاء بعمل أنا عشاء، وما كان لاي مروة بروح بشتري من شي محل ومنتعشى أنا وياها ومنتصالح ومنقنعها بالفكرة ويا هيك الرجال يا بلا...

[flauritta]

أول شي الكلام عن التعدد هو مش تنظير، فطرح المسألة والدعوة إليها هي بحد ذاتها نوع من العمل...


ثانيا، أنا موقفي ثابت ولم يتبدل، وكلامي الذي قلته عن التعدد ما زلت مقتنعا به جملة وتفصيلا، وعليه فإني أدعوا كل شاب غيور وحريص على بنات المسلمين ويرى في نفسه الخير والصلاح والقدرة أن يتزوج الأولى والثانية والثالثة والرابعة و..... وما ملكت يمينه و....

ثالثا فيما يخص العشاء، ما في أبسط منها، ما عملت عشاء بعمل أنا عشاء، وما كان لاي مروة بروح بشتري من شي محل ومنتعشى أنا وياها ومنتصالح ومنقنعها بالفكرة ويا هيك الرجال يا بلا...

مبروك سلفاً..
ازا ما عملتلك عشا..ف خلص العشا ع حساب السبع..كرمال نصالحكن..بيلحءنا أجر ان شاء الله..

[مازن الطبشة]

الف مبروك للاخ محمد و الله يتمم بالخير

[Moi]

لن أرُد بس سأعود إلى مشاركات سابقة لك و أقرأها بركي بالغلط قريت إنك تراجعت عن الكلام
عكل حال يا أخي الله يبعتلك شي ملاك ليأبل بشروطك لأن غير ملاك ما بيتحمّلك

[وسيم ن غنوم]

ولك ما بعرف ليش بتحبو اللف والدوران كتير

خلص التعدد ربنا أحله في القرآن الكريم وانتهى الموضوع والمسألة ما بدها نقاش

والقرآن للبشر ومش للملائكة، وفي بنات بيرضوا بهالشي وفي منهم بصير معهم من دون ما يكونوا راضيين...

وهون الزوج بدو يعرف كيف يحط مرته قدام الأمر الواقع، وما يكون تشتوش شو ما قالت برد عليها

[أمين أحمد الحاج محمد]

ولك شبكن عملتو مناحة هون جايين نبارك للاخ محمد مانا جايين نورملو راسو بها النقاش العقيم...

أخ نادر نحنا جاهزين بإذن الله منعملوا للأخ محمد عرس طناني رناني...

[Moi]

ولك ما بعرف ليش بتحبو اللف والدوران كتير

خلص التعدد ربنا أحله في القرآن الكريم وانتهى الموضوع والمسألة ما بدها نقاش

والقرآن للبشر ومش للملائكة، وفي بنات بيرضوا بهالشي وفي منهم بصير معهم من دون ما يكونوا راضيين...

وهون الزوج بدو يعرف كيف يحط مرته قدام الأمر الواقع، وما يكون تشتوش شو ما قالت برد عليها

كتير حلوة تشتوش هههههههههههههههه
الله يحينا و يورينا

[أبو عبد الله]

أشكر كل الإخوة المبارِكين وجزاكم الله كل خير، وأخص بالذكر الإخوة القيمين على هذا المنتدى المبارك وزملائي في فرقة الهدى للفن الإسلامي أمين الحاج محمد و نادر وزاهر... وأسأل الله أن يمن على الراغبين وأن يتمم للمتزوجين.

أخوكم في الله محمد ملاط

[أبو عبد الرحمن القلموني]

أشكر كل الإخوة المبارِكين وجزاكم الله كل خير، وأخص بالذكر الإخوة القيمين على هذا المنتدى المبارك وزملائي في فرقة الهدى للفن الإسلامي أمين الحاج محمد و نادر وزاهر... وأسأل الله أن يمن على الراغبين وأن يتمم للمتزوجين.

أخوكم في الله محمد ملاط

الله يبارك فيك يا أخ محمد ، وان شاء الله سنبدأ بالتدريب من هلء! ولازم تبعت كارت عزيمة للترمذي وأبو دجانة.

[عمار الفلو]

أشكر كل الإخوة المبارِكين وجزاكم الله كل خير، وأخص بالذكر الإخوة القيمين على هذا المنتدى المبارك وزملائي في فرقة الهدى للفن الإسلامي أمين الحاج محمد و نادر وزاهر... وأسأل الله أن يمن على الراغبين وأن يتمم للمتزوجين.

أخوكم في الله محمد ملاط

الف مبروك اخي محمد. عقبال الفرحة الكبيرة ان شاء الله.