بسم الله الرحمن الرحيم

اليوم قصتنا معكن شوية طويلة بدكن تصبرو علينا شوية لأنو معنا كتير صور وأحداث تمت وتتم في المسجد الغربي من دولة القلمون الأبية...

في يوم الأربعاء 16 - 6 - 2010 مررت بقرب المسجد الغربي وإذ بشوف سيارة النجار عبد الله صافي بقرب المسجد فقلت عدنن عم يركبو المنبر فقلت بفوت بصور كم صورة...

والله فتنا وشفناهن وشفنا المنبر الجديد والمحراب وهن قيد التركيب... وكان الأخ أيموش الله يبارك في عم ينقل الصوتيات من الخزانة القديمة وعم يحضرهم ليحطن بالخزانة الجديدة...

فبيفاجئني وبيخبرني إني بدي أذن اليوم برا أدام الباب (أذان العصر) لأنو ما في صوتيات وما بيلحق بيركبن ... فقلتلو أنا شو رأيك إني إطلع عالمادنة وأذن من فوق ... فرحب بالفكرة كتير وكتير انبسط... الله يبارك فيك يا أبو أحمد....

والله صاحبكم ما كذب خبر وطلعت والله أعاني توصلت لفوق من كتر الردم اللي عالدرج ... ولمن وصلنا لفوق تفاجئت أنو صعبة الواحد يركز بالأذان وهو موجود على هالإرتفاع ... ولكن الحمد لله ربنا يسر وأذنت ...

لمن نزلت في أحد الإخوة شكرني كتير وقال: الله يبارك فيك أحييت السنة والله ... وأنا تذكرت إيام حمدان الله يرحمو وقلت والله صعبة انو عكل أذان كانو يطلعو عالمادنة...فالله يبارك فيهم ويجزيهم عنا كل خير....

واليوم حبيت حطلكن فيديو الأذان وإن شاء الله غداً بحطلكن الصور...