لخبطة في الكلام تحيله طرفة

[جابر دملوك]

واحد راكب ب السيارا هو و إبنوو.
شافوا واحد عم يُرْكُد.
الأب لْتَفَت صَبْ إبنوو و ألَّوو :
" مَو هَادَا خَالُوو لِ رفِيآَك ؟ "
رَد الإبن :
" لِّهْ ... خَال فْرِيأَي أَرْأَصْ مِنَّو ب كتير "
أَظْدُو يؤل :
" خَال رفِيأَي أَءْصَر مِنَّو "

[محمد]

عصرو عيدان والباص .........
باختصار جدا ..........

" دخلك الباص المشي ما راح .......... ؟؟؟؟؟؟؟؟؟؟؟؟!!!!!!!!"

[جابر دملوك]

إزا سمعتوا واحد عم يؤل لواحد تاني
" لا و الله مَنَك هَلِيل يا أخُو الديانِة عَم تأَرْوِل بأَلهِيام "
شبتؤلوا كان أظدوا يؤل

[THE TERRORIST]

بتخيل كان عم يقول : و الله منك قليل يا أخو الديانة عم تهرول بهالإيام .
هههههههه
سلام

[الزاهر]

هاد بالزمانــــــات يا عم جابر أختي كانت عم تصوبن ببيت ستي الله يرحمها ويجعلها من أهل الجنة ... فبتجي لعندها واحدة من هالقريبات بتسألها كنها حافظة السورة الفلانية ... بتألها أف .. كيف لكن ... سمعيلي ياها لشوف ... اسمعي :

"كَنْوَنْتَ سعَنْتَ عَلَيْهِم فِي الأَنْطَانِيْن"

أولكم بأي سورة هالآية ؟؟!!

[hadid]

هههههههههههههههههههههههههه

[جابر دملوك]

الله وكيلك يا أبو الزوز
ما لأيتلك تفسير ل هالآية السنسكريتية
" كَنْوَنْتَ سعَنْتَ عَلَيْهِم فِي الأَنْطَانِيْن "
إلا
" وَتَرَكْنَا عَلَيْهِمَا فِي الْآخِرِينَ "
الصافات (119)
و العَرَء عم يكُدْ مني ها

[الزاهر]

الله وكيلك يا أبو الزوز
ما لأيتلك تفسير ل هالآية السنسكريتية
" كَنْوَنْتَ سعَنْتَ عَلَيْهِم فِي الأَنْطَانِيْن "
إلا
" وَتَرَكْنَا عَلَيْهِمَا فِي الْآخِرِينَ "
الصافات (119)
و العَرَء عم يكُدْ مني ها

آل هادي كانت "غَيْرِ الْمَغْضُوبِ عَلَيْهِمْ وَلَا الضَّالِّينَ" يا شيخ.

[جابر دملوك]

مبارح كنت عم إتصفح ب " إسلام آن لين "
ف حضيت ب موضوع إسمو ( إعادة تأهيل القرود في الهند )
كنت مستعجل شوية ما كان فيهي أؤرى ساعتا.
ف أمت نألت العنوان ع أساس بعدين بؤرا.
وأتل فضيت فتحت الدفتر هلي كاتب عليي عنوان الموضوع
ف لأيت حالي كاتب " إعادة تأهيل الهنود في القرد "

[wissam tout]

مرة كنت ماشي مع رفيئي بعز دين حشرة العالم بالضيعة. ما بدي أذكر إسمو بما إنو نبلينا فيي و صار أرايبنا و كان في آرمة عن الحج و كان بدي إتسائل عا رفيئي كالعادة فتحديتو يعرف يؤرا الآرمة . المهم إنو إريا و غلط بالتشكيل فصرت إتمسخرو و أول إنو ما بيعرف عربي,
عصب رفيئي كتييير و صرخ بين هالعالم:

أنا عارف إنو بدك ياني أؤرا بإجهاض و غنة
طبعا أصدو إدغام
تخيلوا كيف كان شكلنا بين العالم
ومتدايأ كيف بؤول ما بيعرف عربي