كان ياما كان

[nana]

هيدا منو عدل لازم ماتتأخري بكفاية القصه اليوم ماراح اعرف اشتغل مشان القصه شو كفايتا
يالله نادين وينكككككككككككككككككككككككككككككك

[Nadine]

بدكن ما تواخزونا يا جماعة

كنا مشغولين بهاليومين

وكمان اليوم مشغولة عندي عزيمة

بس يللا رح نكفي هالقصة

مارح طول اليوم عليكم

رح نعرف اليوم شو بتعمل الجنية اليوم

لما وقع المنشار شالت بدالو منشار من دهب وفضة
اما هلئ الوضع مختلف
هي حرمة يعني زوجتو مو منشار
شو بدها تشيل
رح نشوف
اي سيدي
بتخلق الجنية فورا قدامو
وبتقلو خير ياطيب ليش عم تبكي
بقلها
زوجتي وقعت بالنهر بتقللو ولايهمك
وهووووووووووووووووووووووب
بتنزل بالنهر
بتغيب بتغيب
والزلمة ناطر على نار بدو مرتو
اي سيدي
فجأة بتظهر الجنية بسم الله الرحمن الرحيم
فجأة بتظهر
ومعها واحدة حلوة كتير بدل مرتو

بتقللو هي مرتك
ياحزركن شو بجاوبها
اكيد رح تقولو (لا)
هالمرة بقلها اي هي مرتي هي بعينها
بتتطلع فيه الجنية هيك
وبتقللو ياحيف عليك بس
بتترك مرتك كرمال هيدي
بتقللو تفوه عليك
وأنا مفكرتك مسكين وطيب
طلعت بلو مكبرتة
بقلها لاتفهميني غلط
أنا بعرف انو هيدي مانها مرتي
بتقللو الجنية
طالما بتعرف انو هي مانها مرتك
ليش قلت اي هيدي مرتي
فهمني ليش
بقلها والله خفت
ترجعي على النهر وتطلعي منو بواحدة تانية كمان حلوة
وتقولي هي مرتك
رح قللك لا
رح ترجعي للمي وتجيبي مرتي الحقيقة
ورح تقليلي بالاخير مبروك عليك التلاتة
انا شو بدي اعمل فيهم
أنا من مرتي ماني خالص
وهيك الجنية بتقللو معك حق يا ابن ادم
مارح ازعل منك
بتقللو معك حق هادن النسوان البشريين مابينحملو ابدا
الله يعين قلبكن يارجال
كيف فيكن متحملين جنس حوا
اي والله نحنا معشر الجنيات
مندلل ازواجنا على الاخر
وفجاة بتختفي الجنية
وبتاخد معها المرة الحلوة اللي جابتها
وبتضل مرتو بالنهر
وبضل صاحبنا بدون مرة
وتوتة توتة خلصت الحدوتة


انتظرونا مع قصة جديدة

[عبد الله]

نهاية مريحة لأن ريح راسو من وجع الراس .
بعدين شو هل العبارة : طلعت بلو مكبرتة ههههههه .
شكرا على القصة بعدين شو عندكن عزيمة ولحنا كش برا بسيطا

[الزاهر]

يأطع خملها من بين الجنيات!!!..................ههههههههههههه


بانتظار القصة القادمة!!!!

[Hussein Mallat]

bi haydi ma3ik 7a2 ya Sit nadine.. lbanet ma byiji men warahon gheir waja3 lras!!!! 3ala add ma bine2ou w sayrin mettalbin, mfakrin l7ayet l7ilweh bas enna kil ousbou3 tedhar w teshar w trou7 te3mol shopping!!! eh banet ekher zaman

[nana]

الله يسامحك أخت نادين هيك خليت الرجال يشمتو بالنسوان
ليش هني بيقدرو يعيشو بلا نا
إذا هيدا النجار مابيفهم ومافي مخ

[Nadine]

مشكور اخ عبد الله واح زاهر واخ باد بوي على المشاركة .

ويا هلا بالست نارة

كمان متل ما منعرف انو في نسوان بيشيبوا رجالن , وهوا الهيئقة كانت مرتو موجعتلو راسو كتير.

بس اكيد متل ما قلتي ما فيهن يعيشوا بلانا, خليه يعيش كم يوم بلا مرة تنشوف شو بيصير فيه.

[Nadine]

اليوم رح أحكيلكن قصة الزوجة الملعونة
أي نعم ملعونة هلئ رح تشوفو شو عملت
بزوجها ربي يكسر أيديها ورجليها

هادا ساداتي ياكرام كان في رجل طيب صالح
متزوج وحدة اللهم عافينا وارحمنا واحفظنا
يامين يشوفها رايحة جاية
من بيت شقاع لبيت رقاع
وفي حوليها شلة نسوان يالطيف الطف يارب
والزوج مهتم بشغلو وبس
وتارك أمور البيت للزوجة
وفي أحد الايام بيجي للبيت زوجها وبقول :
يابهيجة قومي حطيلي لقمتين بدي أفطر رح يأذن المغرب
بتقللو بهيجة :
أي شو أحول يعني مانك شايفني عم حط حنة
بتقللو روح على النملية في رز ولبن
بقلها حرام عليكي اتقي الله الدنيا رمضان وانت عم تحطي حنة بهالوقت
بتروح بتوقف هيك متل يالطيف يعني يالطيف متل الجنية وبتقللو
شو بدك تتحاسب عني أبن عمي
كل مين عقلو براسو بيعرف خلاصو
وكل عنزة معلقة من عرقوبها
اي نعم ياساداتي ياكرام
بتقعد بهيجة وبتكمل حط حنة
وزوجها بحط راسو وبنام بدون فطور يعني على حبة التمر
هو بنام زوجها من هون
وهي بتنط متل الحيةبتلبس تيابها
وبتتبودر وبتغندر وبتمعط حالها بالحمرة معط
بتحطلو على انفو حشيشة مخدرة
وبتفتح الباب وبتطلع برا البيت
اللهم عافينا واحفظنا وارحمنا
بتروح هي ورفقاتها السيئين متلها على السهر
اتاري كل وحدة منن بتعمل نفس الشي بزوجها
وكل زوج منهم قد اللوح
بياكل وبنام متل التيس
الله يعزكم يعني
والله رجال آخر زمان
الهي ينتقم منهم
ماعليكم غير بالمهم
بتبقى هي و الزوجات الطالحات الحقيرات سهرانين على دق ورقص وفقص وخلع
لوش الضو
بترجع كل وحدة منن بتنام بفرشتها ولا كأنو شي حصل
وبهيجة كمان بترجع وبتحط راسها وبتنام
وبفيق زوجها متأخر على غير العادة على شغلو
بقوم بدون سحور بيركض على الشغل
وهي مقبورة نايمة (ريتها نومة بلا فيقة)
اي معلوم سيدي بدها تنام لانو كل الليل على رقص وخلع
يالطيف الطف
يعني المخلوقة تعيبة
زوجها بهداك اليوم حس بالتعب
وقال بدي ارجع على البيت بكير شوي
اي نعم بيرجع زوجها على البيت بكير
وبشوفها
بكرا منكمل ومنشوف شو شاف زوجها بالبيت

[عبد الله]

هههههه هلأ بتزعل منك نارة لأن هل القصة كمان ضد النسوان
عم امزح وناطرين الكمالة

[الزعيم]

أنا شايف ما في كمالة

[Nadine]

اشكر جميع من شارك بالموضوع,

بيرجع زوجها على البيت على غير العادة
وهو بحط المفتاح بالباب بيسمع صوت دق وغني من بيتو
بيلتفت حوليه بدو يعرف إذا غلطان بالباب ولا شو
بعدين بقول
والله هاد بيتي شو بدي أغلط فيه
بروح بيخجل الزلمة أنو يفتح الباب هيك فورا
بروح بدق الباب بايدو
شو خجول
ماعلينا
وفجأة بيتوقف الصوت
وبتركض زوجتو بتفتح الباب
وبتقلو لاتفوت فورا في نسوان
بروح بضبو العدة عدة الرقص والفقص
بضبوها وبحطو على راسهم الغطا
بفوت الزلمة وحاطط راسو بالارض
بقلها لمرتو شو هالصوت يلي سمعتو من هون
بتقلو اي صوت
شو عم تحلم يعني
بقلها انا سمعت صوت دق ورقص
بتقللو انت شكلك تعبان نملك شوي
بروح الزلمة بقلها والله معك حق يامرة
انا تعبان وبدي ارتاح شوي قبل الافطار
بحط راسو وبنام
وبضل نايم للعشاء ماحدا بفيقو
أي لكن عمي لكن
هاد تأثير المخدر يلي حطتلو ياه
بفيق الزلمة بعد العشا
وياريتو مافاق
ومرتو قاعدة عم تفصفص بزر
بفيق وبقلها
لك يامرة ليش لهلء تركتيني نايم
بتقلو اي تقبر قلبي سامعتك عم تشخر شخر
بقوم لو حدو متل العادة بحط اكل وبياكل
ومرتو عم تفصفص بزر وزت بهالارض
الزلمة بخلص أكل وبيرجع بكمل نومتو لانو بعدو مخدر
بتروح
مابتصدق على ربها أنو نام
حتى تركض وتحطللو حشيشة على أنفو
وهي فورا بتلبس تيابها
وبتتبودر وبتغندر وبتمعط حالها بالحمرة معط
وبتفتح هالباب وبتروح على السهرة
متل العادة رفقاتها عاملين متلها
ماعطين حالن بالحمرة ومتشخلعين
وهيك ببلشو رقص وخلع للصبح
وبيرجعو كل وحدة على بيتها بحطو راسهم وبنامو
صاحبنا المغفل
بفيق كالعادة متأخر على شغلو
وبقول بعقلو والله مافي بالعادة نام كل هالهقد
أي أنا بقلو نام عمي نام نوم العوافي
ماعلينا
هاد الزلمة القصة مانها راكبة براسو ابدا
وعم يتحزر
ليش هيك عم يصير معو
وليش مرتو مانها عم تفيقو على السحور متل العادة
وليش مرتو عم تعتني بحالها زيادة عن اللزوم
مالها بالعادة
ألو بالعادة يترجاها رجا حتى تلبس وتتغندر
شو السبب
وأنا بقللو مافي سبب مافي سبب
نام ولاتهتم
حط رجليك بمي باردة وفتاح النملية وكول خبز ولبن
اصلا زيادة عليك
المهم
هاد الزلمة قعد وحط إيدو على خدو
وصفن صفنة الها أول ما إلها آخر
بروح بيعمل خطة مرتبة حتى يكشف مرتو
أيوا
ياحزركن شو الخطة يلي بيعملها
رح نتركها لبكرا حتى نعرف
الفهمان شو عمل بزوجتو المحترمة
وكيف كشفها
وشو هو الملعلوب يلي عملو
بكرا منشوفكن بخير
غدا نلتقي

[عبد الله]

بعد كل هل النطرة وما في مستجدات بالقصة على كل حال رح ننطر لبكرا
شكرا

[Nadine]

شو يا اخ عبدالله , كيف ما في مستجدات , هلأ الزوج عرف انو في شي مانو طبيعي, ما هو ما كان حاسس على شي, وهلأ حس,

[Nadine]

بعد مابحط إيدو على خدو
بحط ايدو على خدو وبيصفن صفنة طويلة وفجأة
بيركض ركض على البيت
بيفتح الباب
بشوف مرتو مدفوسة
وأنا بقلها من هون ريتها نومة بلافيقةإلهي
أي نعم بفوت وبيقعد على الارض
وبينتظر زوجتو حتى تفيق
بتفييق
وبقلها صح النوم ياعمري
يالله جهزي الفطور لانو بدي نام بعد الفطور فورا
بتقوم بتفرح المرة وبتقول بلش يفهم الدرس منيح
اي سيدي بيفطر هالزوج المسكين
ومرتو الجربانة بتقوم بتلبس وبتمعط حالها بالحمرة معط
وكاالعادة بتحمل حشيشة وبتحطهم جنب انفو
وبتروح
هو بكون صاحي تماما
(بسم الله عليه شو وعيان )
اي سيدي هي بتسكر الباب من هون وو بنط من هون
متل ماهو بالبجامة بيركض ورا مرتو
وبشوفها فايتة على بيت الرقص والخلع
هو بحط إيدو على راسو هيك
وبيصفن
وبفكر يفوت عليهم هيك
بس تروى شوي
بيرجع على البيت
وبحط راسو وبنام بتجي زوجتو كالعادة بتشيل الحشية يلي جنب انفو
وهي بتحط راسها وبتنام بعد الخلع ووالرقص
أي والله معها حق طول الليل هي عم تخلع خلع
بفيق الصبح وبروح على شغلو وهو بالشغل بيعمل خطة مرتبة حتى يكشف الوكر
يعني حتى يعرف مين بكون معها
والله ياساداتي ياكرام
بيرجع على بيتو قبل الفطور بربع ساعة
كالعادة زوجتو بتكون نايمة
بيمسك حشية وبحطهم جنب انفها
وبينتظر موعد خروج زوجتو لعند رفقاتها
وهو عم يصفن ويقول ماشي الحال
رح دبرك بالعقل
بس ياهل ترى شو بدو يعمل
يعني شو بكون حاطط براسو يعمل
معليش اسمحولي بكرا منعرف شو بدو يعمل

[nana]

هههههه هلأ بتزعل منك نارة لأن هل القصة كمان ضد النسوان
عم امزح وناطرين الكمالة

ههههه أكيد زعلت يعني معقول مافي قصه ضد رجال

[nana]

يالله ياأخت نادين
وينك كفبنا القصه حاجي قاعدين وعم نألف كفاية القصه على كيفنا هههه

[nana]

الرجاء من المشرفين يسبتونا الموضوع

[الزاهر]

آه يأطع خملكن صحيح...............إذت شئفة اصة بتأعد معكم اسبوعين 3!!!............÷هههههههههههه

[nana]

يعني كل شوي بفتح المنتدى تشوف إذا نادين كفيت القصه بلاقي كل شي متل ماهوي

[Nadine]

والله يا جماعة كنت بزيارة وهلأ بعدني واصلة وشفت انكن حابين تعرفوا شو صار.

يا هلا بالست نارة , احلا عالم والله.

شو يا اخ زاهر , طول بالك علينا شوي , الانسان بينشغل.

يللا بدكن ما تواخذونا اذا طولنا عليكم.

مارح طول بالحكي رح بلش بالحكاية
رح نشوف هالزوج التشتوش شو عمل بزوجتو الملعونة بهيجة


هادا ياسيدي
بعد مابحط الحشيشة على أنف زوجتو وبخليها نايمة
بينطر لبعد الافطار
وبليبس تياب زوجتو
بيلبس المانطو وبحط على وشو النقاب
وبيطلع برا البيت
بيوصل على البيت الملعون
بوقف شوي على الباب
وبفوت
بشوف هالنساون مجتمعين
والكل بقول اهلين بهيجة
بيسكت مابقول شي
بوقف بتم الباب وبيحفظ اشكال النسوان
بيعرفهم وحدة وحدة
أي سيدي لكن متل مابتعرفو
الحارة صغيرة وبيعرفو بعض
بقوم بيقتح الباب وبروح
وببلشو النسوان صريخ وبقول وين رايحة يابهيجة
وين رايحة يابهيجة
بروح هالرجال على بيوت الزوجات وبخبر ازواجن
وبجيبن على البيت
اي نعم
لو تشوفو منظر هالرجال
واحد جاي حافي واحد بالبيجاما
يعني مناظر بتقطع القلب
بفوتو على البيت الملعون
وهالنسوان ببلشو صريخ وولولة
هي بتقول عملتيها يابهيجة
والتانية بتقول ريتني موت
والتالتة بتقول سامحني
كل وحدة بتبلش تضرب براسها
وتنتف بشعرها
وهالرجال
بيشحطو نسوانن من شعرهم بالطريق وأهل
الحارة ملتمين عم يتفرجو
وهالنسوان منظرهم يالطيف
أما صاحبنا مابروح على البيت
بروح فورا بينقرها جوازة
يعني بيتزوج على مرتو
وبجيبها على البيت
أي نعم بجيب الضرة على البيت
وبدوق مرتو طعم المر
بخليها خدامة
وكل يوم عند الصبح بدل كلمة صباح الخير
بيضربها كف
وبروح
وهالمرة بتقعد وبتبكي
أما الزوجة الجديدة بعد تسع شهور وتلت ايام بتبظ ولد
والقديمة بينحرق قلبها لانو هي كانت تمنع الحمل
وتضحك على زوجها
بس سبحانك ربي
هالقديمة بتنقلب قلب
بتصير أم للولد
وبتصير مرضية
ومابتقطع فرض للصلاة
وبتسهر كل يوم وهي عم تقرأ قرآن
وزوجها قلبو ماكان يحن عليها
وهي يا أخوان صارت مثالية
يعني قمة في الطهارة ولادب وحسن السلوك
وشايلة البيت كللو على كفوف الراحة
بتروح بتكتب الورثة يلي إجتها من أهلها للولد
وهي بتحرم حالها من نعيم الدنيا وبتشتري الاخرة
أما الزوج
قلبو ضل قاسي عليها
إذا مرضت من شغل البيت مابجبلها دوا
وهالمسكينة صحتها بلشت تدهور وتدهور
حتى بأحد ليلي الشتوية الباردة
هي المسكينة مابتنام جوا الغرفة
زوجها محرم عليها تبات جوا
بخليها تبات على باب الغرفة من الخارج
أي نعم
بفيقو الصبح بتكون الدنيا مطر وتلج
بفيقو بلاقوها ميتة بفرشتها
وهي حاطة القرآن جنب راسها
الزوج لما بشوفها
بيقعد على الارض جنبها
وبقلها سامحيني
أنا مسامحك
وبتبلش الدموع تنزل من عيونو
وبقلها أنت رمز الطهارة
أي نعم سيدي
ألها 15 سنة وهي نايمة على الباب صيفا شتاء
اذا مرضت مافي مين يداويها غير الله
وهي ندمت وتابت لربها
الزوج سامح بهيجة
وأنتو ياأعضاء المنتدى سامحوها وأدعولها بالرحمة
بهيجة تابت
وعملت مابوسعها للتوبة من الله
وهي عبرة لكل وحدة بتخون زوجها والعياذ بالله
لاتواخذوني بعرف أنو هالقصة زعلتكن
سامحونا

[الزاهر]

إذا الكف هيك عمل..............شو بيعمل بدن اتل مرتب لكن!!!

[ابو عمر]

إلى الأمام.....قصص كتير حلوة...مع جزيل الشكر....تشششششاوووووووو

[nana]

ياهلا والله باأخت نادين 10000000 ورده
يالله ناطرين القصص الجديدة

[Hussein Mallat]

3anjad very nice stories!!!! w taree2tek bil 7aki ya sit nadine , kteer moushawi2a.... ye3ni lwa7ad bifaker 7alou 3am ye7dar series souri!!!! lol

[Nadine]

إذا الكف هيك عمل..............شو بيعمل بدن اتل مرتب لكن!!!

والله كانت بتستاهل بس بعدان تابت خلص سامحوها بقا

[Nadine]

إلى الأمام.....قصص كتير حلوة...مع جزيل الشكر....تشششششاوووووووو

يا هلا بالاخ ابو الروم , مشكور على المرور والتعليق

[Nadine]

ياهلا والله باأخت نادين 10000000 ورده
يالله ناطرين القصص الجديدة

اهلا فيكي اخت نارة , ان شاء الله اليوم بحط قصة جديدة

[Nadine]

3anjad very nice stories!!!! w taree2tek bil 7aki ya sit nadine , kteer moushawi2a.... ye3ni lwa7ad bifaker 7alou 3am ye7dar series souri!!!! lol

يا هلا بالاخ باد بوي, المهم انو عم يعجبوكن القصص , ما دام عم تتابعو وعم يعجبوكن عطول في قصص جديدة.

[Nadine]

اليوم جايبتلكن قصة غير شكل

اسمها ام حمدان وابو حمدان

كان في بزمانو مرا اسما أم حمدان،
وكان جوزا أبو حمدان كل يوم يرجع عند الضهر،
وهو حامل بإيدو صحن حمص ويدخل فيه عالبيت،
ويحطو قدام مرتو وياكلوه.

في يوم من الأيام قالتلو أم حمدان: يا رجال والله نشفت قلبنا بالحمص كل يوم حمص، كل يوم حمص غيرلنا هالأكلي شي يوم .



قالا أبو حمدان: اسكتي يا مرا بكرة راح جبلك لحمي، حتى تعمليلنا كبي مشويي شو رأيك.

ردت أم حمدان: والله جبتها يا رجال بس خلينا نغير طعمة تمنا .

قامت أم حمدان من الصبح،
وبرمت عالجيران وخبّرتن إنا اليوم راح تعمل كبي،
واستعارت من جارتن جرن الكبي،
وقعدت بأرض الدار تستنى .

عند الضهر دخل أبو حمدان وهو شايل صحن الحمص،
وشاف أم حمدان قاعدي جنب جرن الكبي
وماسكي إيد الجرن ومجهزي حالها لدق اللحمي.
لما شافت أبو حمدان شايل صحن الحمص
وداخل صاحت: ولك شو الحكاية يا أبو حمدان ما قلت بدك تجبلنا نعمل كبي ؟

قالا أبو حمدان: اسكتي يا مرا قلت بدل ما جبلك تعملي كبي،
راح جبلك جوز حلق تعلقيه بداناتك .

قالت أم حمدان: والله هيك أحسن وأحسنين ...

ومن الصبح بكير قامت أم حمدان،
ورجّعت جرن الكبي للجيران.
سألتها جارتها: شو صار بالكبي يا أم حمدان ؟

قالتلا أم حمدان: اسكتي يا جارتنا ما أبو حمدان بدو يجبلي جوز حلق بدل الكبي وهاي أحسن.

وراحت أم حمدان مانا كسلاني لعند الحدّاد وبخشت داناتها،
ورجعت عالبيت وقعدت تستنى،
وداناتها عما يشرو الدم وماسكي بإيدها محرمي عما تنشف دماتها..

رجع أبو حمدان مرة تاني حامل معو صحن الحمص وداخل على البيت،
شاف مرتوعلى هالحالي
قالا: ولك يا أم حمدان سلامة عقلك ليش عاملي بحالك هيك ؟

قالتلو: ما قاعدي عما استنى الحلق اللي وعدتني تجبلي إياه امبارح شو نسيت .

قاللا: اسكتي يا أم حمدان ما قلت لحالي بدل ما جبلك جوز حلق،
راح جبلك جوز مباريم حتى تزيني فيه زنودك هالحلوين...

قالتلو أم حمدان : والله كمان لسا أحسن وأحسنين .

ومن الصبح قامت أم حمدان ودارت على الجيران،
وصارت تخبر جاراتها أنو أبو حمدان راح يجبلها جوز مباريم بدل الحلق،
ورجعت قعدت بأرض الدار،
وشكّلت عن زنودها ومدتن قدامها وقعدت تستنى،
كمان هالمرة فات أبو حمدان وهو شايل صحن الحمص.

هي شافتو أم حمدان صارت تولول:
ولك يا زلمي وين جوز المباريم شو قصتك ؟

قاللا: والله يامرا فكرت كتير وقلت لحالي بدل ما جبلك جوز مباريم،
راح أشتريلك دار جديدي بفرد مرة مو أحسن.

قالتلو: والله جبتا يا زلمي كمان هاي أحسن وأحسنين .

قعدت أم حمدان من الصبح وصارت تفوت على الجارات وتودّعن وحدي وحدي: بخاطركن يا جيران واستروا ما شفتو منا أبو حمدان راح يشتريلنا دار جديدي وراح ننتقل عليها اليوم.

وصارت الجارات يباركولا بالدار: إن شاء الله بتشوفي على وجها الخير يا أم حمدان ولا تقطعينا خلينا نشوفك زورينا لا تنسي...

قامت أم حمدان مانا كسلاني شمرت عن زنودا وصارت تطبق العفش وتلم أغراض البيت، وطالعتن وكومتن بأرض الحارة وقعدت تستنى أبو حمدان ...

رجع الضهر أبو حمدان حامل معو صحن الحمص متل العادي شاف مرتو قاعدي بالحارة على عفش البيت.
صاح فيها: ولك ليش عاملي هيك يا أم حمدان شو جنيتي؟

قالتلو: ولك يارجال ما على أساس بدك تشتريلنا دار جديدي ونرحل عليها،
وأنا ضبّيت عفش البيت وقاعدي عما استناك شو نسيت .

قام أبو حمدان من قهرو شلف صحن الحمص عالأرض،
وراح قعد على القهوة وهو زعلان.


يييييي نشف قلبي من الحكي , خلص خلونا نكفيلكن شو صار مرة تانية.

[nana]

بينهان عليكي يا أخت نادين نام وأنا زعلاني لان ماعرفت كمالة الحكايه

[Nadine]

بينهان عليكي يا أخت نادين نام وأنا زعلاني لان ماعرفت كمالة الحكايه

لا ولو ما بينهان عليي ابدا,

وبعدان بما انو رح طول شوي بالقصة الحاية , يمكن للثلاثاء حتى حطا, رح نحط كمالة هالقصة ونطركن يومين تلاتة لنبدا بقصة جديدة

[Nadine]

اييييه بعد ما زعل ابو حمدان

راح قعد على القهوة

بالقهوة بيحضا بصاحبو.

سألو صاحبو: شو حكايتك يا أبو حمدان ليش زعلان ؟؟

قام حكالو قصتو مع مرتو من أولا لأخرا
وقال: مرتي راح تجنّني ما عما تفهم علي،
وما عما تعرف إنه ما معي جبلها أكتر من صحن الحمص،
شلون اشتريلا بيت وما بعرف كيف بدي اعمل معها.

قالو صاحبو: هاي بسيطة يا أبو حمدان
أجت بوقتها والشغلة صارت وصارت،
فيه دار فاضي ما حدا عما يسترجي يسكن فيا
لأنو ساكنينا الجان،
وعما يطلع فيها عفريت بيتلبس بالواحد وما بيتركو
لحتى يجن ويسوح بالدنيا،
روح خود مرتك عليها بيطفشها الجني وبترتاح منا.

قالو أبو حمدان: والله جبتها،
وأخد منو العنوان والمفتاح وراح لعند أم حمدان.

قالا: ياللا يا أم حمدان هاي لقيتلك دار جديدي،
قومي احملي الأغراض والحقيني بسرعة.

فرحت أم حمدان وصارت ترقص وودّعت جيرانا: بخاطركن زورونا راح نشتقلكم ونشوفكن بخير.

دوروا عالدار لحتى لاقوها دخلوا عليا
طلعت قايمي قاعدي الوسخ طامرها.

قال أبو حمدان لمرتو: أدخلي أنتي اغسلي الدار وجهزيها ولما تخلصي تعزيل، وتنظيف برجع لعندك.

قالتلو أم حمدان: بالسلامة الله معك يا رجال ولا يهمك أنا ساعتين وبخليها عما تضوي ضوي.

راح أبو حمدان وهو عما يقول بنفسو: إن شاء الله برجع بلاقي الجنّي متلبسك وأخدك على جهنم.

قامت أم حمدان ما نها كسلاني
صارت تنظف وتشطف وتنفض فرش البيت والأرض والحيطان
من الوسخ والتراب،
ما لقت شي تنفض فيه الغبرا شلحت باستها،
وصارت تنفض فيها،
ما شافت إلاّ العفريت نط بوجها
قالتلو: جيت والله جابك أنا عما دور على حدا يساعدني
أبو حمدان كسلان راح وتركني لحالي،
وما في غيرك يساعدني حتى خلّص قبل ما يرجع أبو حمدان.
وشقّت باستها وناولتو طرف منها،
وقالتلو: ياللا يا شوف همتك نضف معي؛
وصار هو حيط، وهي حيط لحتى نضفوها عالآخر
وصارت تضوي وتلمع متل المراي.

فكّر العفريت بنفسو: والله هالمرا بسيطة ودرويشة وعالبركة،
وأحسن من كل اللي سكنوا بهالدار من قبل،
قام جاب جرّة دهب وقاللا: خدي يا أم حمدان اشتري اللي بدك إياه
وكل شيء بيلزملك وبيخطر على بالك وتركها واختفى...

أم حمدان أخدت الدهبات
ونزلت عالسوق واشترت عفش جديد للبيت،
ودهنت البيت كلو وصلّحتو واشترت حلق وجوز مباريم،
ولحمي وهبرة وجرن كبي وقعدت صارت تعمل كبي،
وبعد ما خلصت قعدت عالشباك تستنى جية أبو حمدان .

أبو حمدان قال لحالو: راح روح شوف شو صار بهالمرا لسة عايشة وإلاّ ماتت وخلصت منها.

وصل أبو حمدان لعند البيت ما عرفو،
صار يدور على البيت ويروح ويجي من قدامو،
لحتى شافتو أم حمدان من الشباك.
صاحت عليه ما عرفا،
دخل لعندا ولما عرفا صاح: ولك هاي إنت يا أم حمدان والله صايرا مرا جديدة شو عما تسوي هون وين صار بيتنا ؟

قالتلو: ولك هادا بيتنا يا أبو حمدان شو ما عرفتو؟
أنا من ساعة خلّصت تعزيل وظبّط البيت عالآخر،
وهاي لبستلك حلق ومباريم وعملتلك كبي،
وقاعدي عما إستناك حتى ناكل سوا.

فرح أبو حمدان وقعد مع أم حمدان يأكلوا كبي،
وعاشو بهنا وسرور وتوتي توتي خلصت الحدوتي .

[nana]

ههههههههههههههه مع إنا القصه خرافيه بس بضحك

شكرا كتير أخت نادين عم نعذيك معنا وبي نق عليكي على كفاية القصص

[Nadine]

ههههههههههههههه مع إنا القصه خرافيه بس بضحك

شكرا كتير أخت نادين عم نعذيك معنا وبي نق عليكي على كفاية القصص

يا مية اهلا وسهلا بالست نارة

[Nadine]

في واحد عندو مرا ما بتفهم عليه،
أي واحد بيقدر يضحك عليها ويخلصها اغراضها,
اجا ليوم قص فيه صوفات الغنم وضبهن بالخيشي وراح عالرعيي.
ووصاها قبل ما يطلع: يا مرا أوعا تبيعي الصوفات لحتى ارجع من الرعيي.

والله هو قفا ضهرو من هون واندق الباب من هون،
وإذ واحد عما يصيح: اللي عندو صوف مقصوص للبيع.
فتحت المرا الباب وسألتو: شو عرفك أنو عنا صوف بدنا نبيعو،
شو واجهت جوزي شي وهو رايح على الرعيي.

والله هادا فكر شوي وقال بنفسو: اوف هاي عز الطلب،
نعم واجهت جوزك بالطريق وبعتني حتى حمّل الصوفات .

دخل لحتى يزين قالها أنو ما معو وزن،
قالتلو: ليك نحنا عنا ميزان بس بدنا وزنة رطل.

قلها: أنا معير أجري رطل وصار يحط رجلو بكفة والمرا تحط الصوف بالكفي المقابلي،
وما تتحرك الكفة وضلت تحط لحتى ما عادت تشوفوا
فتسألوا: شو صار الوزن ؟
يقلا: لسه.
وهي تحط صوف لحتى ما عاد يقدر يرفع أجرو.

وبهالشكل زان كل الصوفات،
وعباهن بالخيشي.
قالتلوا المرا: لا تفكرني غبيي ما بتطلع من هون قبل ما تدفع حق الصوفات.

قلها: تكرمي ما بطلع إلا ما أعطيك شي ما بيقدر يطلع بلاها الجمال من هون لباب الدار.

وقام ناولها المسلي وأخد الصوفات وفكحا وطلع عما يركض.
رجع جوزها المغرب ولاقا الدار فاضيي ومافي صوف.
صاح فيا: يا فلاني وين الصوف ؟
فحكتلو القصة
وقالتلو: بس ما خليتو يطلع من هون لحتى اعطاني حقن هالمسلي،
وقلي ما بيطلع بلاها الجمال من هون لباب الدار.

صفن الزلمي وحط ايدو على خدو
وقال: شوفي يا مرا انا ما رح طلقك ورايح دور بهالبلاد،
فإذا لقيت متلك خليتك وإن ما لقيت متلك ضليت مطلقك وانت من طريق وأنا من طريق.


ايه خلاص بكفي هالقد , منكفي مرة تانية, تابعونا

[nana]

[nana]

[nana]

شكرا كتيرررررررررررررررر بس. يارتني طالبه شي 1000000 دولا
ياريت في طريقه تانيه بدال مانثبت الموضوع نحبس نادين حتى تكفينا كل القصص يلي عندا وما تتركنا هيكي محرقصين ههههههه

[عبد الله]

مبروووووك على تثبيت الموضوع

[الشامي]

السلام عليكم ... كيفكم يا جماعة

الله يبارك فيكي أختنا نادين على هذه القصص الهادفة ... والمعروضة بطريقة مميزة..

وهذا المنتدى والموقع الذي جمع أهل القرية من كل أطراف المعمورة وأدى إلى تعارفنا جميعا على مائدة من التآخي والتآلف حتى أصبح يحس أحدنا بفرح وحزن الآخر أغلى من المليون دولار وأكيد الست نارا توافقني الرأي...

نسأل الله أن يعيننا أن نرقى بمنتدانا وموقعنا وقريتنا إلى أعلى المراتب...

أخوكم

[Nadine]

شكرا كتيرررررررررررررررر بس. يارتني طالبه شي 1000000 دولا
ياريت في طريقه تانيه بدال مانثبت الموضوع نحبس نادين حتى تكفينا كل القصص يلي عندا وما تتركنا هيكي محرقصين ههههههه

شكرا لالك اخت نارة على طلبك من الادارة والمشرفين تثبيت الموضوع , وانا بدوري مش رح اتأخر عليكم بتقديم القصص الحلوة ان شاء الله.

[Nadine]

مبروووووك على تثبيت الموضوع

الله يبارك فيكم اخ عبد الله

[Nadine]

السلام عليكم ... كيفكم يا جماعة

الله يبارك فيكي أختنا نادين على هذه القصص الهادفة ... والمعروضة بطريقة مميزة..

وهذا المنتدى والموقع الذي جمع أهل القرية من كل أطراف المعمورة وأدى إلى تعارفنا جميعا على مائدة من التآخي والتآلف حتى أصبح يحس أحدنا بفرح وحزن الآخر أغلى من المليون دولار وأكيد الست نارا توافقني الرأي...

نسأل الله أن يعيننا أن نرقى بمنتدانا وموقعنا وقريتنا إلى أعلى المراتب...

أخوكم

وعليكم السلام,

اهلا بك اخ الشامي , وفيكم بارك الله.

مشكورين على التثبيت

نسأل الله أن يعيننا أن نرقى بمنتدانا وموقعنا وقريتنا إلى أعلى المراتب... امين

[Nadine]

ايه وهلأ خلونا نكفي ونشوف شو عمل هالزلمة المعتر,

ضب بقجتو وزوادتو وركب الفرس وقبع فيا،
حتى وصل على ضيعة فيها ولد عم يصيح والعالم متجمعة حواليه.
سألن: شو في ؟
قالولوا: هادا ابن الأمير إيدوا دخلها بجرة الجوز،
وما عما يقدر يطالعها،
ناس بيقولوا: اقطعوا ايدوا.
وناس خايفين عالجرة ماتنكسر.

قام بعّد العالم من حواليه وقرب لعندو،
وقلوا: يا عمو يا صغير افاح إيدك وفضي الجوزات اللي بإيدك،
قام الولد تركن من إيدوا فطلعت فاضيي من الجرة متل ما دخلت.
طار عقلن الناس وفكروه صاحب كرامي وصاروا ما يعرفوا شو بدن يجازوه ويعطوه، وصاروا ويرموا عليه من المجوهرات والدهب شي كتير.

لمن وحملن عالفرس وراح وقف عند النهر لتشرب الفرس،
فلاقى كل هالنسوان متجمعة عما تغسل،
وشافو معو هالدهب
سألوا: منين هالدهب ؟،
قلن: جاي أعور الدجال على الضيعة وأهل الضيعة لما سمعوا فيه اعطوني كلشي عندن من الدهب فشو عندكن هاتو لخبيلكن اياه.

صارت كل وحدي من النسوان تشلح دهباتا وتناولو اياهن،
لحتى جمع كومات حملن على الفرس ورجع عالبيت مبسوط
وقالا لمرتو: يوه يا مرتي ، طلعتي أشوى من غيرك بكتير .

ورجع إلها بالغنيمي بدل صوف الغنمات ورضي بمرتو وعاش هو وإياها مبسوطين. وتوتي توتي خلصت الحدوتة

[nana]

السلام عليكم ... كيفكم يا جماعة

الله يبارك فيكي أختنا نادين على هذه القصص الهادفة ... والمعروضة بطريقة مميزة..

وهذا المنتدى والموقع الذي جمع أهل القرية من كل أطراف المعمورة وأدى إلى تعارفنا جميعا على مائدة من التآخي والتآلف حتى أصبح يحس أحدنا بفرح وحزن الآخر أغلى من المليون دولار وأكيد الست نارا توافقني الرأي...

نسأل الله أن يعيننا أن نرقى بمنتدانا وموقعنا وقريتنا إلى أعلى المراتب...

أخوكم

أكيد الجمعة الحلوة والألفه الطيبه أغنى من مال دنيا كلاااااا بس عم نمزح

[Nadine]

اليوم رح احكيلكن قصة جديدة,

قصة عن رجال بخيل كتير ,

يللا تعلموا يا رجال انكن ما تكونو بخلا ابدا,

كان في أديم الزمان,
كان في زلمي اسمو أبو كاترينا
وكان غني كتير لكنو بخيل كتير,
في يوم من أحد الأيام اشتهت مرتو أكلة كبّي،
فطلبت منو يجبلا رطل لحمي حتى تعمل كبّي،
وبقت تلحّ عليه كتير حتى وافق معا وراح عالسوق
وجابلها رطل هبرة،
وقعدت المرا مانا كسلاني
وصارت تدق اللحمي بالجرن وتعمل كبي,
ولما صارت تشوي قعد جنبها
وصار يعدّ اقراص الكبي
حتى انتهت عد مية واربع اقراص كبي،
فعطاها قرصين تاكلن وأكل هو قرصين وخبا الباقين،
وقالا: يا ويلك وظلام ليلك يامرا إن رجعت ولقيت قرص واحد ناقص من الاقراص بطلقك وبروح بنام بالجباني .



هو طلع من البيت
وهي اجت شحّادي عجوز لعند مرتو
عما تشحد أكل,
فاعتذرت منا المرا لأنو جوزها ما بيسمحلا تشحّد أكل لحدا,
ترجتها وصارت تبكي وتشكيلا جوعا وقرف عيشها،
حتى حنّ قلب المرا عليها,
فأمت اعطتها قرص كبّي.

لما رجع أبو كاترينا أول شغلي عملها فات عدّ أقراص الكبّي,
فوجدن ناقصين قرص قام غضب واحمرت عيونو على مرتو،
وحاولت مرتو تحكيلو القصة ما سمع منها،
وصار يصيح ويولول وحلف عليها بالطلاق،
وقام لم تيابو وأموالو وراح عالجباني،
لقى فيها قبر فاضي طب ونام فيه .


بدكن تعرفوا الكمالة, لازم تنطروا للمرة الجاية لان لازم اوم اطبخ هلأ.

[nana]

ماتقتل البخيل إلا يدين الكريم ، كانوا يقولوها زمان عشان يحس البخيل بمدى البخل اللي فيه وعشان يحس و ببخله و يستحي على حالو و يحاول يتخلص من العادة السيئة تعيتو ، بس الظاهر ان البخلاء في الزمن يلي نحنا فيه ما بيستحوا.لو تسأل اي بنت مثلا في عمر الزواج عن مواصفات فتى الأحلام راح تذكر لك مليون صفة بدا تكون بي فتى الأحلام ،يعني يكون وسيم و طيب القلب ( مو عبدالمجيد عبدالله ) و رومانسي و ذوق . هذا كله مقابل صفة وحده بس ما بدون هي تكون بي فتى الأحلام الا وهي البخل..يعني ممكن ان البنت تضحي بأي صفة من اللي ذكرناها بس انو ما يكون بخيل. وطبعا اغلب الناس اكيد مرت عليهم حالات في حياتهم و شافوا فيها ناس بخلاء بجميع الأنواع و الصفات. عندي بي البنك كان عندي عميل راس ماله يا ناس اكثر من خمسمائة مليون درهم ، وولادو اكبرهم رجل امن في احدى الشركات الخاصة واعتقد ان راتبو مابتجاوز ثلاثة الاف وابنو التاني بيشتغل موظف استقبال في احدى المستوصفات. بالله عليكم شو بتتوقعوا ان هالأولاد شو انطباعون عن ابوهم؟؟
في قديم الزمن اشتهر العرب بالكرم و من أشهر الأمثلة القديمة شفنا كيف ان نبينا و سيدنا محمد عليه افضل الصلاة والسلام أخا بين المهاجرين و الأنصار بعد الهجرة الى المدينة المنورة، و عرفنا كيف اهل المدينة كانوا في غاية الكرم مع اخوانهم المهاجرين و حيث قام الانصار بتقسيم اموالهم مع اخوانهم المهاجرين. وكلنا نشوف هيدي الأيام شخص يكون غني غناء فاحش و نلاقي خيو من لحمه و دمه في البيت يلي حدو لا يملك قوت يومه و تمنعه عفه النفس عن مد يده لأقرب الناس له. مني تحية الى كل شخص يسأل عن احوال اخوانه و جيرانه و اقربائه و أسأل الله العلي القدير ان يزيده غنى فوق غناه.

ويالله ست نادين كفايه القصه وين

[Nadine]

يا هلا بالست نارة ومشكورة على الاضافة,

اما بالنسبة لكمالة القصة,

فاليوم رح نعرف شو عمل ابو كاترينا,

بعد كام يوم إجا أبو مرتو ليزورن
طلعتلو بنتو،
سلم عليها وقعد يسألا عن جوزا
صارت تبكي وحكتلو قصتا معو،
فكر أبوها شوي والاّ: الله يكون بعونك يا بنتي
على هالعيشي اصبري علي شوي
راح حللك مشكلتك مع جوزك أبو كاترينا.

لما حلّ الليل راح لعند قريبو
واتفق معو يعملو مقلب مع أبو كاترينا
وراحو اتنيناتن عالمقبرا ووقف كل واحد جهة،
وصاح أبوها بصوت قوي وغليظ: اسمعوا ياميتين
بيقول لكم عزرائيل انهدم حيط بجهنم,
بدكن تقوموا كلكن لتعمروه.
جاوبو قريبو بصوت أغمق: نحنا متنا وفنينا
وما بقي حدا في حيل هلق إلاّ البخيل أبو كاترينا.

رد الأب: معناتا ما في غير أبو كاترينا
يشتغل بعمارة الحيط أنا رايح خبر عزرايين وراجع.

لمّا سمع أبو كاترينا ها الكلام
قام ضب مالو وشمع الخيط
وهرب من المقبرة،
ورجع عالبيت وصالح مرتو
وعاهدا أنو يصير كريم من هون ورايح،
وقالاّ صارت الملائكي بالسما عما يحكوا عن بخلي.
وهيك صار أبو كاترينا كريم وصار يشتريلا لمرتو تياب
وأكل وبطل البخل وعاشو بالهناء والنعيم
وطيب الله عيش السامعين .

ان شاء الله تكون القصة عجبتكن ,

وانتطرونا مع قصة جديدة

[nana]

شكرا لكمالة القصه
بس أنا مسافره نهار الخميس على لبنان من تاريخ 27-3 حتى 4-4 يعني ياريت ماتحطي قصص بغيابي مشان مايروح علي القصص وصير ضيع بليززززززززززززززززززززززززززززززز

[عبد الله]

ما تخافي اذا كمالة القصة أخدت 5 أيام فأكيد تتبلش قصة جديدة بتروحلا شي 8 أيام .
شكرا لكمالة القصة