مُشرفة في ساحة البرامج
المشاركة الأصلية كتبت بواسطة NARA
شكرا لكمالة القصه
بس أنا مسافره نهار الخميس على لبنان من تاريخ 27-3 حتى 4-4 يعني ياريت ماتحطي قصص بغيابي مشان مايروح علي القصص وصير ضيع بليزززززززززززززززززززززززززززززززولا يهمك يا ست نارة , ما بقا ح ضيف قصص حتى ترجعي من لبنان, يللا ان شاء الله بتنبسطي بلبنان, وعقبالي بشي زيارة على لبنان ان شاء الله.
اللهم أجرنا في مصيبتنا، واخلف لنا خيراً منها، واغفر لجدي علي عزالدين قبيطر مغفرة تغشاه من فوقه ومن أسفل منه..
مُشرفة في ساحة البرامج
اهلا بك اخ عبد الله, الست نارة بتعرف ليش انا ما كملت القصة , واذا كمان انت بتحب تعرف واي عضو مش مشكل,
الخمس ايام اللي مرؤو وما شاركت بالمنتدى كنت عم كزدر مع زوجي وبنتي لان كان زوجي عندو عطلة لمدة خمسة ايام.
اللهم أجرنا في مصيبتنا، واخلف لنا خيراً منها، واغفر لجدي علي عزالدين قبيطر مغفرة تغشاه من فوقه ومن أسفل منه..
عضو نشيط
إن شاء الله بتزوري لينان وبكون موجوده حتى اتعرف عليكي شخصي
عضو نشيط
شكرا لكي اخت نادين عل الموضوع الجميل والقصص الحلوة
قساميون
السلام عليكم
بدك تنطرينا 8 أيام بس مانو عدل هيك وأنا بحتج .
يــــــــــــــــــــ احفظ المجاهدين ــــــــــــــــــــــــــارب
عضو نشيط
طيب كرمالي أنا مابتنطر راح صير ازعل منك
قساميون
السلام عليكم
له يا عمي عم أمزح.
شو يا نادين ناطرين بكرا الصبح قصة غير شكل ما هيك
يــــــــــــــــــــ احفظ المجاهدين ــــــــــــــــــــــــــارب
مُشرفة في ساحة البرامج
اهلا بك اخ عامر , مشكور على المشاركة والتشجيع
اللهم أجرنا في مصيبتنا، واخلف لنا خيراً منها، واغفر لجدي علي عزالدين قبيطر مغفرة تغشاه من فوقه ومن أسفل منه..
مُشرفة في ساحة البرامج
تكرم ان شاء الله رح تكون من احلى القصص,
له له ما فينا على زعل الست نارة .
اللهم أجرنا في مصيبتنا، واخلف لنا خيراً منها، واغفر لجدي علي عزالدين قبيطر مغفرة تغشاه من فوقه ومن أسفل منه..
عضو نشيط
الله يخليك يارب
كرمال عبدالله مايزعل حطينا قصه اليوم كامله بس ياريت تحطيا هلأ لان اليوم مسافرة حتى اعرف كل نهاية القصهوشكرااااااااااااااااااااا
عضو نشيط
مُشرفة في ساحة البرامج
اللهم أجرنا في مصيبتنا، واخلف لنا خيراً منها، واغفر لجدي علي عزالدين قبيطر مغفرة تغشاه من فوقه ومن أسفل منه..
عضو نشيط
الله يسلمك اي والله رجعت نهار الجمعه
أكيد انبسطت تمنيناكي تكوني معنا
يالله ناطرين القصص الجديده
قساميون
السلام عليكم
لازم تكون القصة هل المرة على الست نارة
لأن هية يلي كانت معطله الموضوع
وللا شو رأيكم يا أوادم ؟؟؟؟؟؟؟؟؟؟؟؟؟؟؟؟
وكمان منخفف ضغط على نادين
هلأ اذا ما كانت هل المرة على نارة طيب المرة يلي بعدها انشاء الله
ششششششششووووووووووووووووووووووووووووووووو رأيكم ؟؟؟؟؟
يــــــــــــــــــــ احفظ المجاهدين ــــــــــــــــــــــــــارب
عضو نشيط
هههههههههه بخاف إذا كتبت القصه مشرفين يشيلو تثبيت عن الموضوع لأن مابعرف اكتب قصص
الأفضل ينترك على نادين
عضو نشيط
مُشرفة في ساحة البرامج
كان يا ما كان في أديم الزمان،
وسالف العصر والأوان حتى كان،
كان في رجال فقيرَ الحال
بيشتغل إسكافي بدكان صغيري،
يادوب عما يقدر يطالع حق أكل وشرب لعيلتو،
وبيرجع آخر النهار اللي اشتغل فين بيشتري
شوية أكل بيطعمي مرتو واولادو وبيحمدو ربن
مبسوطين ورضيانين باللي الله قسملن إياه،
وعند المسا بالسهرا كان الإسكافي يجمع أولادو
ويحكيلن حكايات حلوي حتى يناموا …
في أحد الأيام إجت جارتن مرت التاجر الغني لزيارتن،
ولما فاتت عالبيت لقتو فاضي وما عندن شي،
فسألت جارتا عن أحوالا،
فصارت مرت الإسكافي تشكيلا القلّي وضيق الحال،
وأنو جوزا دوبو عما يأملن لقمة الأكل للأولاد .
رجعت جارتن قلبا عما يوجعا على حالة جيرانا
وقامت حكت لجوزها عن حالة جيرانن الصعبي،
وانن فقيرين منتوفين عايفين حالن
وقالتلو: ينوبك أجر وثواب وزكاة اذا تعينن وتساعدن،
فحنّ قلب الغني على جيرانو
وأعطاها كيس دهب مليان تعطيه للجيران،
حتى يتفضّوا فيه ويقضوا حوايجن.
أخدت المرا كيس الدهب
وراحت لعند جارتها وأعطتا إياه عالسكت،
وقالتلا هادا أمانة من جوزي إلكن تتفضو فيه وتأمنوا حالكن.
أخدت الجارا الفقيرا الكيس
وشكرتا عليه لجارتا وحطت الكيس بالطاقة
ورجعت لشغلى، لحتى رجع جوزا الإسكافي
ناولتو مرتو الكيس
وقالتلو: هادا أمانة من جارنا إلك حتى تتفضا فيه.
أخد الاسكافي الكيس وفضاه عالأرض،
وإلاَّ طلع كومة دهب بين أيدين عما يلمع ووج
فطار عقلن وجن جنونن.
وقعدوا المرا والأولاد طول الليل يعدّوا الليرات
حتى تعبوا ونعسوا،
قال الإسكافي: اتركونا من العدّ اليوم،
وخلينا نفكر شو بدنا نعمل بالمصاري ؟
بلشت المرا تعد شو بدها
وشو حاجتها من التياب والأساور وأغراض للبيت،
والأولاد صاروا يعدوا كمان شو بدن تياب،
وأغراض كتيري وألعاب،
والأب بدو يشتري دكان كبيري
وعدة ومزرعة ودار كبيري
وكل هالشي بالمية ليرة،
وصاروا يتجادلوا ويتقاتلوا على المال.
قلن الإسكافي: اتركونا من المشترا هلأ
وبكرة منتفق عليه،
وشوفو هلأ وين بدنا نخبي المال ؟
حتى ما يسرقوا الحراميي،
فولاد الحرام كتير هالأيام،
قاموا علقوا من جديد
وصار كل واحد بدو يخبين بمكان،
واحد قال بالفرشي واحد بالطاقة،
وتاني بالخزوني مع البرغل
وغيرو بدو يحفرلن جورا ويطمرن تحت الأرض،
وعلقت بيناتن معركة حامية، لوش الصبح.
قامت المرا ولمّت أغراضا بدها تترك البيت
وتزعل عند أهلا،
والأولاد صاروا يتآمروا مع بعض
حتى يقتلوا أبوهن ليستولوا على المال
ويتقاسموه بيناتن،
وصار كل اتنين يتفقو مع بعض على الباقين وشغلي كبيري.
فكّر الإسكافي بهالمصيبي
اللي نزلت علين،
وخربت بيتن وحرمتن من السعادة والراحة والنوم والحكايات،
قام لم المال ورجعن عالكيس
وراح لعند جارن الغني،
وشلفلو الكيس
وقاللو: خود أمانتك عمي الله عن يغنينا عنك وعن مالك
اللي خرب بيتنا ونزع حياتنا.
ورجع إلى بيتو وصالح مرتو وأولادو مع بعضن،
وأعاد الأمور إلى مجاريا كما كانت،
ورجع يشتغل طول النهار ويرجع المسا يحكيلن حكايات حتى يناموا مبسوطين ويشوفوا أحلى المنامات
اللهم أجرنا في مصيبتنا، واخلف لنا خيراً منها، واغفر لجدي علي عزالدين قبيطر مغفرة تغشاه من فوقه ومن أسفل منه..
عضو نشيط
يعني شيء مستحيل
نادين خلصت القصه اليوم كامله هيدي بدا ذقفه كبيره
شكرااااااااااااااااااااااااااااااااااااااااااااااا ااااااااااااااااااااااااااااا
Mariam
مشكورة يا اخت نادين على هالقصص الحلوة
ههههههههههههههه
L0иεLiиεSs Kи0wS Mε BY иAmε*~*
مشكورة كتير اخت(نادين)اوّلا على الاقتراح الحلو بموضوع القصص و تانيا``على القصص زاتا .سلام
اللّهمّ سهّل علينا مصائبنا وفكّ أسرى أحبابنا وارحم موتانا ووفّقنا في مسعاناوأمتنا على الاسلام انّك انت العزيز الرحيم.
اللّهمّ آمين.
PuЯe
...°¤ A MεM0яч LaStS F0яεVεя, иεVεя DoεS iT Diε TяUε FяiεиDs StAч ToGεthεя AиD иεVεя Saч g0oDbчε!
عضو نشيط
يطعمك الحجي والناس راجعه
قساميون
السلام عليكم
شكرا نادين على القصة وبانتظار القصص المشوقة أكتر
يــــــــــــــــــــ احفظ المجاهدين ــــــــــــــــــــــــــارب
مُشرفة في ساحة البرامج
يا هلا فيكي يا اخت ريندا , نورتي الموضوع
اللهم أجرنا في مصيبتنا، واخلف لنا خيراً منها، واغفر لجدي علي عزالدين قبيطر مغفرة تغشاه من فوقه ومن أسفل منه..
مُشرفة في ساحة البرامج
ويا هلا بأحلى نارة,.gif "1 (66)")
اللهم أجرنا في مصيبتنا، واخلف لنا خيراً منها، واغفر لجدي علي عزالدين قبيطر مغفرة تغشاه من فوقه ومن أسفل منه..
مُشرفة في ساحة البرامج
شكرا لالك اخ عبد الله,
اللهم أجرنا في مصيبتنا، واخلف لنا خيراً منها، واغفر لجدي علي عزالدين قبيطر مغفرة تغشاه من فوقه ومن أسفل منه..
عضو نشيط
يعني بصراحه توقعت الصبح افتح المنتدى ولاقي في قصه
مُشرفة في ساحة البرامج
خلص ما تزعلي وهلأ رح نحط قصة.يعني بصراحه توقعت الصبح افتح المنتدى ولاقي في قصه
اللهم أجرنا في مصيبتنا، واخلف لنا خيراً منها، واغفر لجدي علي عزالدين قبيطر مغفرة تغشاه من فوقه ومن أسفل منه..
مُشرفة في ساحة البرامج
يُحْكَى أنَّ الملك كان يحب الأذكياء،
ويقرِّبهم إليه دائماً ،
ويسعد بمجالستهم واختبارهم بأسئلته الذكيَّة ،
كان في أحد الصباحات يتنزَّه مع وزيره في حديقة القصر الواسعة ،
فمرَّا ببحيرة رائعة تزيِّنها تماثيل أسود
يخرج الماء العذبُ من أفواهها بطريقةٍ مُعْجِبَةٍ وساحرة .
شعر الملكُ بالعطش ،
وطلب من الوزير أن يسقيه شربة ماء ..
فتناول الوزير طاسة فضية كانت على كانت على الحافة ،
وملأها ، ثم سقى الملك ،
وأعاد الطاسة إلى مكانها .
نظر الملك إلى الطاسة بعد أن استقرَّت في مكانها ،
ثم التفت إلى الوزير ، وقال :
- أيّها الوزير ! لقد تكلَّمتِ الطاسةُ ،
فماذا قالت ؟!
وجمَ الوزيرُ ،
وكسا التعجُّبُ ملامِحَهُ ،
ولم يدرِ بماذا يجيب .
فالطَّاسة جماد ،
ولايمكن لها أن تتكلم ،
ولكن هل يجرؤ على قول هذا للملك ؟!
ولمَّا طال صمتُ الوزير ووجومُهُ
، صاح به الملك :
- أُمْهِلُكَ ثلاثة أيام لتأتيني بما تفوَّهت بهِ الطاسة ،
وإلاَّ نالكَ منِّي عقابٌ قاسٍ !
عاد الوزير إلى بيته مهموماً حزيناً ،
ثم دخل غرفته ،
وأغلق على نفسه بابها ،
وراح يفكِّر ويفكِّر ،
ولكنه لم يهتدِ إلى حلٍّ أو جوابٍ مقنعٍ ،
وراح يتساءل : ( ترى ماذا يقصد الملك بسؤاله ؟ ..
هناك جوابٌ ، ولاشك ، يدور في خلده .. ولكن
ماهو ؟! ) .
طالت خلوةُ الوزير في غرفته ،
فقلقت عليهِ ابنته الوحيدة ( قمر الزمان ) ،
فاقتربت من باب الغرفة ،
ونقرت عليه بلطف ،
ثم استأذنت بالدخول ،
فأذن لها .
قالت ( قمر الزمان ) لأبيها :
- مضى عليكَ يومان وأنتَ معتكفٌ في غرفتكَ ،
وأرى الهمَّ واضحاً على وجهكَ،
فماذا جرى ياأبي؟!
قال الوزير :
- حدثَ أمرٌ جَلَلٌ يا ابنتي ! ..
لقد طرح عليَّ الملكُ سؤالاً صعباً ومستحيلاً ،
وامهلني ثلاثة أيام لأجيبه عليه ،
وإلاَّ عاقبني عقاباً قاسياً !
قالت ( قمر الزمان ) :
- وماهو السؤال ياابي ؟
قال الوزير :
- سَقَيْتُهُ الماء في طاسة ،
ولمَّا أعدتُ الطَّاسةَ إلى مكانها ،
قال لي : لقد تكلَّمتِ الطَّاسةُ ،
فماذا قالت ؟
ضحكتْ ( قمر الزمان ) ، وقالت له
- إنَّه سؤالٌ ذكيٌّ ،
وجوابُهُ يجب أن يكون ذكيَّاً أيضاً !
صاح الوزير بلهفة :
- وهل تعرفينَ الجوابَ ياابنتي ؟
قالت ( قمر الزمان ) :
- طبعاً ..
فالطاَّسةُ قالتْ : صبرتُ على النَّار ،
وطَرْقِ المطارِقِ ،
وبعدها وصلتُ إلى المباسِمِ ،
وما مِنْ ظالمٍ إلاَّ سَيُبْلَى بِأظْلَم !
وعلى الفور ،
لبس الوزير ثيابه ،
وقصد مجلس الملك ،
ثم نقل إليه الجواب كما قالته له ابنته .
أُعجِبَ الملك بالجواب الذي كان أذكى من السؤال ،
ولكنَّه شكَّ في أن يكون الوزير هو الذي اهتدى إليه...
وفي صباح اليوم التالي ،
فاجأ الملكُ الوزيرَ قائلاً :
- أيُّها الوزير ! أريدك أن تأتي إلى مجلسي غداً لاراكِباً ولا ماشياً ..
وإن فشلتَ،
فإن عقابكَ سيكون قاسياً ،
وقاسياً جدَّاً !
صعق الوزير للطلب المُعْجِزِ ،
وانصرف من مجلس الملكِ مهموماً ،
وعندما وصل إلى بيته ،
استنجدَ بابنته ( قمر الزمان ) ،
وحدَّثها عن طلب الملكِ ،
وطلبَ منها الحل .
ابتسمت ( قمر الزمان ) ،
وقالت لأبيها :
- وهذا أيضاً حَلُّهُ هَيِّنٌ ياأبي !
وفي صباح اليوم التالي ،
أَحْضَرَتْ ( قمرُ الزمان ) لأبيها دابَّةً صغيرةً،
فركب عليها ، وذهب إلى قصر الملكِ ،
وهو راكب على الدَّابةِ ،
وقدماه على الأرض .
ذهلَ الملكُ لِحُسْنِ تصرُّفِ الوزيرِ ودَهاءِ حَلِّهِ ،
فأدناهُ منهُ ،
وهمسَ له :
- قُلْ لِي مَنْ يقولُ لكَ ذلكَ ..
ولكَ الأمان !
قال الوزير :
- إنَّها ابنتي ( قمر الزمان ) يامولاي !
قال الملك له
- أحضِرها لي في الحال !
ولما مثلت ( قمر الزمان ) بين يديِّ الملك ،
أعجبه جمالها ،
ولكنَّ ذلكَ لم يثنهِ عن اختبارها في سؤالٍ مُعْجِزٍ ،
تكون الإجابةُ عليهِ مستحيلة .
قال الملك :
- سأتزوَّجكِ الليلةَ ياقمر الزمان ،
وأريدكِ أن تحملي منِّي في الفورِ،
وأن تَلِدِي الليلةَ ولداً يكبرُ في ساعات ،
ويغدو في الصباحِ ملِكاً يجلس على عرشي !
ابتسمت ( قمر الزمان ) ،
وقالت :
- أمركَ يامولاي !
واقتربت من النافذة المطلَّة على جزء كبير من الحديقة لازرع فيه ،
ثمَّ التفتتْ إلى الملكِ ،
وقالت :
- أريدُكَ يامولايَ أن تحرثَ هذه الأرض الليلة ،
وتزرعها الليلة ،
وتقطف الزرع الليلة ،
وآكل من ثمارها في الصَّبح !
ذهل الملكُ ،
ونهض صائحاً :
- هذا غير معقول !!
قالت ( قمر الزمان ) :
- كيف تريدني إذن أن أُنْجِبَ لكَ ولداً الليلة ،
ويكبر في ساعات ،
ويغدو في الصباح ملكاً ؟!
سُرَّ الملكُ من جواب ( قمر الزمان ) ،
ثمَّ عقد قِرانه عليها ،
وأصبحت ملكة إلى جواره ،
وعاشا معاً حياةً هانئةً سعيدة
اللهم أجرنا في مصيبتنا، واخلف لنا خيراً منها، واغفر لجدي علي عزالدين قبيطر مغفرة تغشاه من فوقه ومن أسفل منه..
عضو نشيط
شكرا نادين الله لايحرمنا من قصصك الحلوة
قساميون
السلام عليكم
شكرا نادين على القصة
يــــــــــــــــــــ احفظ المجاهدين ــــــــــــــــــــــــــارب
عضو نشيط
معقول 4 أيام ولا قصه
شهريار كان يعاقب شهرزاد وقت تتأخر بالقصه ونحنا شو لازم نعاقبك
مُشرفة في ساحة البرامج
معقول 4 أيام ولا قصه
شهريار كان يعاقب شهرزاد وقت تتأخر بالقصه ونحنا شو لازم نعاقبكيا هلا بالست نارة , خلص ولا يهمك اليوم رح حط حكاية حلوة ...
اللهم أجرنا في مصيبتنا، واخلف لنا خيراً منها، واغفر لجدي علي عزالدين قبيطر مغفرة تغشاه من فوقه ومن أسفل منه..
مُشرفة في ساحة البرامج
كان يا ما كان في أديم الزمان
كان في رجال منتوف وفقير الحال،
بيشتغل حطاب عايش مع مرتو العجوز وحدن
والله ما رزقن بولد،
في أحد الأيام وهو عما يكسر ويجمع الحطب بالغابي،
سمع صوت غميق عما يناديه
اتلفت حواليه ما شاف حدا،
رد تابع شغلو بعد شوي سمع الصوت
مرة تاني عما يقول: اطلّع بين اجريك بتشوفني.
خاف الزلمي وتعوذ من الشيطان الرجيم
واطلع بين اجريه قام جفل لما شاف والعياذ بالله راس حصان لحالو،
اتعجب من هالشوفي اللي بتطير العقل
وما عاد يعرف شو بدو يسوي،
يهرب والاّ يوقف وإلاّ يتخبى ؟؟؟؟
وهو واقف متحير بأمرو كيف راس حصان عما يحكي معو،
وهاي شغلي ما صارت بعمرها...
شوي سمع الصوت مرة تاني عما يحاكيه،
ويقول: لا تخاف مني يا عمي احملني معك عالبيت،
بتنتفع مني كتير إن شاء الله .
تردّد الحطاب وتحير في البداية وخاف منو،
لكن الرأس أكّدلو أنو ما راح يندم أبداً،
قام اتشجّع الحطاب واتكل على الله،
ورفع الراس وحطو بكيس وحملو على ضهرو ورجع عالبيت.
لما وصل البيت وشافت مرتو شو في بالكيس
صابتا الرعبي وصارت تصيح وتعيط وطلبت منو يرميه برّاة البيت.
قام الراس حكاها: أرجوك يا مرت عمي
خليني عنكن واتحمليني،
وأنا راح كون متل ابنك
وان شاء الله الله بيغنيكم بحسنتي وما بتندمو أبداً.
هديت المرا وحن قلبا على هالراس
وقالت بنفسها: الله ما رزقني ولاد راح بعملو ابني
وما راح نخسر شيئ راح نجرّب
يمكن أن يكون حكيو مظبوط،
وإن ما طلع مظبوط بنرميه بالغابي وبنخلص منو.
قامت المرا جهزتلو غرفة خاصة وفرشتا،
وحطتو بالفرشي وغطتو
وطلب الراس منا تجبلو شوية فستق وبندق ولوز وجوز،
فراحت شحدتلو شوي وجابتن وحطتلو اياهن
وتركتو ونامو ليلتن عما يفكرو بهالعجيبي اللي صارت معاهن.
عند الصبح فات الحطاب ومرتو يتفقّدوا راس الحصان ويطمنو عليه،
لقوه بأحسن حال
واستقبلن بوجه بشوش
وصبح عليهن وطلب من الحطاب يمدّ إيدو على تمو،
فلقى فيه جوهرة كبيري مالها مثيل في العالم.
فرحو فيا كتير وحملها الحطّاب
وراح لعند شيخ التجار وباعها بمبلغ كبير،
ومر عالسوق اشتري تياب وطعام وشراب واغراض للبيت،
وبقي معو قسم من المال خباه بالصندوق ...
وهيك صار كل يوم الصبح يلاقو جوهرة بتم الراس،
وصاروا يعتنو بالراس أكتر وفرشولو غرفتو بالصوف والحرير والديباج،
وجابولو شوال فستق وشوال بندق وشوال لوز ودلّلوه كأنو ابنن.
في أحد الأيام دخلو عليه لقوه حزين ومهموم
سألوه عن سبب حالتو.
قلن: أنا عايش لوحدي بدي تخطبولي وتجوزوني.
استغربو هالطلب منو
وحاولو أنو يفهموه أنو ما في بنت بتقبل فيه.
فقلن: هادا الأمر اتركوه علي وما بدي تخطبولي غير بنت الملك،
وهاي كومة جواهر اعطون للملك مهر لبنتو نور الصباح واتركو الباقي علي.
شووووو ما خلص ,
طولنا عليكن بالحكي ,
يللا روحوا ناموا وعبكرا منكفي.
اللهم أجرنا في مصيبتنا، واخلف لنا خيراً منها، واغفر لجدي علي عزالدين قبيطر مغفرة تغشاه من فوقه ومن أسفل منه..
عضو نشيط
شو نام بعدنا أول منا فايقين يالله كفيلنا القصه بما إنو بعدك بالمنتدى بليززززززززززززززززززززززززززززززززززززززززززززززز زززززززززززززززززززززززز
مُشرفة في ساحة البرامج
بدنا نروح نعمل غدا,
اللهم أجرنا في مصيبتنا، واخلف لنا خيراً منها، واغفر لجدي علي عزالدين قبيطر مغفرة تغشاه من فوقه ومن أسفل منه..
عضو نشيط
هههههههه اوكي مابقا فينا نحكي
صحتين سلفا
مُشرفة في ساحة البرامج
على قلبك,
ايه يا ست نارة وهلأ بعد ما خلصنا الطبخة, وناطرين زوجي حتى يرجع من شغلوا, شو اولك منكفي الحكاية ولا منخليها لعبكرا؟؟
اللهم أجرنا في مصيبتنا، واخلف لنا خيراً منها، واغفر لجدي علي عزالدين قبيطر مغفرة تغشاه من فوقه ومن أسفل منه..
عضو نشيط
بعتذر تأخرت على ردي كنت عند مديري انشغلت شوي
أكيد كفي القصه انا ناطرة
مُشرفة في ساحة البرامج
صدقو الجماعة وراحو
فاتو عالملك وهني عما يرجفو من الخوف،
وعرضو عليه كيس الجواهر والألماس
اللي ما شاف متلن في مملكتو كلا،
وإنها مهر لبنتو إن وافق على تزويجا من ابنن راس الحصان،
وقالولو: أنن ما بدن يعملو لاحفلي ولا عرس.
لما شاف الملك بريق الجواهر
طار عقلو وغرّو الطمع،
فوافق في الحال دون أن يفكّر بالأمر،
وكانت بنتو معجزتن مشان جازتها
وما كانت ترضى حدا من الملوك والأمراء اللي تقدمولا،
وحتى لا تتردّد وترفض كتب كتابها على راس الحصان
وصاح على بنتو: تعالي يا نور الصباح جهزي نفسك واجمعي اغراضك،
وروحي مع عمك أنا جوزتك من ابنو راس الحصان وكتبت كتابك عليه.
حزنت نور الصباح وبكت كتيراً
لكن الأمر وقع وصارت زوجة راس الحصان،
فلبست تيابا وتزيّنت وراحت مع بيت عمها على دارن،
دخلها عمها على غرفة جوزها،
شافت غرفة أجمل من القصر
مفروشة بأغلى الحرير وأحلى الديباج،
وصارت تفتش عن عريسها ما شافتو،
استغربت وصارت تسئل حالها وين جوزي اللي حكولي عنو،
وهي على هالحال،
سمعت صوت ناداها انا تقرب من الفرشي،
قربت شوي شوي شافت لفّة من الحرير مطرّزي،
مدّت إيدها وفتحتا فشافت راس حصان،
خافت منو وفزعت وحاولت تهرب.
ناداها وقاللا: يا أميرة أنت مرتي على سنّة الله ورسولو وواجبك تطيعيني،
وتعتني في وما راح تندمي بإذن الله تعالى.
اطمأنّت البنت شوي واقتربت منو،
وقعدت جنبو وصارت تحاكيه وتسألو،
وتسمع منو فلقتو شخصيي لطيفة، رقيقة،
كلو فهم وعلم وأدب وذكا،
فتونست فيه وصار قريب لألبا،
وفهما أنو ما بدو منا غير تعتني فيه وترعاه وتحن عليه،
وراح تكون مقابل هالشي أغنى ملكة في العالم.
قعدوا الجماعة الصبح لقو أدام بيتن قصر ضخم أفخم من جميع قصور الملك،
انتقلوا عليه وعاشوا فيه أحسن عيشي،
وزاد حبن ورعايتن لراس الحصان.
وعاشوا على الحال فترة من الزمن،
في ليلي من الليالي وكانت قاعدة نور الصباح بجنب راس الحصان
قامت سهت وأخدت غفوي،
وهي نايمي حسّت بحركة غريبة بالفراش،
وكأنّو إنسان كامل نايم جنبها،
فقامت فزعاني وشعلت الضو،
وإلاّ شب وسيم الطلعة بهيّ الجمال سبحان اللي خلقو نايم بالفراش،
وما في لا راس حصان ولا شي،
استغربت الأمر مدت إيدا وصارت تهز الشب وتفيقو من نومو،
ففتح عيونو وهو عما يتشاهد: لا إله إلاّ الله وأن محمدا رسول الله،
والتفت على الأميرة
وقالا: لا تخافي أنا جوزك راس الحصان،
وقعد يحكيلا قصتو وكيف سحرتو جنّية لأنو رفض يتجوزا،
وأنو كان مرصود
وما بينفك السحر عنو حتى يصير ألو أهل وزوجي يرعوه ويحبوه،
والله أرسللو الحطّاب ومرتو حبوه ورعوه متل ابنن،
وأرسلو الأميرة حبتو متل ما هوي
وهادا اللي خلّصو من السحر والحمد لله.
فرحت نور الصباح وأيقظت الحطّاب ومرتو،
وبشرتن بالخبر وفرح الجميع،
وأقاموا الاحتفالات وجدّدوا الأعراس،
وعاشوا في ثبات ونبات وخلّفوا صبيان وبنات.
اللهم أجرنا في مصيبتنا، واخلف لنا خيراً منها، واغفر لجدي علي عزالدين قبيطر مغفرة تغشاه من فوقه ومن أسفل منه..
عضو نشيط
هههههههههه ضحكتني هل قصه بس كتير مهضومه
شكرا اخت نادين
قساميون
السلام عليكم
ههههه
انت وعم تقرأ القصة بتشوف واقع خيالي خرافي مدموج بإيمان بالله.
بس عنجد أسلوب كتير حلو
وشكرا على القصة
والله يبارك فيكي
يــــــــــــــــــــ احفظ المجاهدين ــــــــــــــــــــــــــارب
عضو نشيط
ياريت هل مره تحطينا قصه واقعيه
قساميون
السلام عليكم
شوووووووووووووووو وينكنننننننننننننننننن
يــــــــــــــــــــ احفظ المجاهدين ــــــــــــــــــــــــــارب
مُشرفة في ساحة البرامج
عم نكتب الحكاية
اللهم أجرنا في مصيبتنا، واخلف لنا خيراً منها، واغفر لجدي علي عزالدين قبيطر مغفرة تغشاه من فوقه ومن أسفل منه..
مُشرفة في ساحة البرامج
كان في قديم الزمان
كان فيه فلاح اسمو الأوضح
عندو أكتر من مية فدان،
يزرعن لوحدو موسم واحد من الحنطة أوالشعير؛
وكان الأوضح رجال قبضاي طويل وعريض وعضلات قويي،
بيشتغل بالليل وبالنهار وما بيتعب،
كان الأوضح بموسم الحصاد يقعد أبل الفجر يكدن عربايتين وينزل فيّن عالمديني،
يعبين حواصيد ويرجع قبل طلوع الشمس،
يضلوا يحصدوا حتى وقت الضهر،
فياخدن عالبيت يغدّين
وبعدين يركبن بالعربايات ويوصلن عالمديني،
وكان الأوضح يحب بطنو كتير ويحب يطعمي الحواصيد على حسابو،
وكان يعملن غدا يوم طنجرة كبيري مجدّرة برغل مع كيس بصل،
ويوم طنجرة كبيري لبنية حنطة وذرة،
مع خبز تنوري بيشهي من طحين القمح المخلوط بطحين الدرة.
وإذا شي مرة رجع عالبيت وما لقى الغدا جاهز يغضب وتطلع اخلاقو ويفش قهرو بمرتو.
صار آخد أربع نسوان الله يساعدن ويرحمن
كلن قضى علين بسبب تجهيز الغدا وتأخيرو،
أول مرا رفعها فوء رأسو وزتها بالجب طالعوها خالصا،
والتاني ربطا بشجرا بأرض الدار وضل يضربها بالكرباج حتى نفقت،
والتالتي قوّصها بالجفت طير دماغها من راسها،
والرابعا مسكها من رجليها ولوّحها وشلفها بالجو،
وبقت رجلها بإيدو وهي صارت بديار الحق.
صار عمرو خمس وستين سنة،
وكبرو اولادو وتجوزو وكل واحد أخد مرتو وسكن لحالو بدار
وبقي أبون وحدو بالدار القديمة.
وحتى لا يبقى وحدو بدون مرا،
وحياة الأرمل صعبي على قول المتل أعزب دهر ولا أرمل شهر،
جمع الرجال اولادو وخبرن أنو بدو يتجوز،
فصارو يفتشولو على مرا تتحملو،
حتى الله لقاهن بمرا أرملة عتيقة محنّكة إلها خبرة بالتعامل مع الرجال اسمها أم سعيد،
وبالصدفة كانت أم سعيد متل الأوضح أخدت خمس رجال الله يرحمن،
وبقي بنفسا رجال جديد حتى الله بعتلها الأوضح،
والله جمع ووفق اتجوزو على سنّة الله ورسولو،
وكانوا مع بعض متل الكي عالجرح،
وعرفت المرا طباع جوزها فكانت تجهزلو اللي بنفسو قبل ما يحكي ويسأل ويطلب.
اللهم أجرنا في مصيبتنا، واخلف لنا خيراً منها، واغفر لجدي علي عزالدين قبيطر مغفرة تغشاه من فوقه ومن أسفل منه..
عضو نشيط
بارك الله بك أخت نادين على هذه القصص الجميله
عضو نشيط
اي وهيدي نهاية القصه ..............!!!!!!!!!!!!!!
قساميون
السلام عليكم
إذا هية مرء عليها خمس رجال
وهوه مرء عليه أربع نسوان
يعني إذا دبكت بيناتن رح تكون معركة طاحنة.
على كل حال ناطرين الكمالة لأن ما معقول تكون خلصت أو شووووو؟
يــــــــــــــــــــ احفظ المجاهدين ــــــــــــــــــــــــــارب
مُشرفة في ساحة البرامج
اهلا بك اخ al morabit وفيكم بارك الله
اسا ما خلصت بس بدكن تعذروني هلأ لان الطبخة على النار
اللهم أجرنا في مصيبتنا، واخلف لنا خيراً منها، واغفر لجدي علي عزالدين قبيطر مغفرة تغشاه من فوقه ومن أسفل منه..
عضو
شكرا أخت نادين قصص مميزه
ضوابط المشاركة
.gif "1 (86)")
رد مع اقتباس.gif "1 (50)")
.gif "1 (68)")