لقاء الأعضاء

**الزاهر** · 26-04-2008, 04:49 PM

السلام عليكم ورحمة الله وبركاته

خطرت عبالي فكرة فأحببت أن استشيركم بها........

ما رأيكم يا أعضاء منتدى القلمون الأكارم أن ننظم لقاء موسع للأعضاء خلال فصل الصيف في مكان ما في القلمون ويكون سيران في سهل النبعة مثلا!!!........هاذا للذكور............وللإناث في مكان آخر نحدده أثناء النقاش والتحضير .........إذا وجد اهتام من قبلكم بالفكرة.........

يحضره كل من يستطيع من الموجودين بالقلمون ومن الأعضاء الذين من خارجها ومن من صادف تواجده في القلمون في فصل الصيف (المغتربين أقصد)

ويكون لقاء تعارف وحوار ومناقشة لأمور المنتدى ويمكن أن نخرج بتوصيات للإدارة لتحسين فعالية المنتدى ورفع مستواه .........وبركا منتعرف عوجوه طيبة تكون مشرفة على بعض الساحات!!!!

ما رأيكم........وما إقتراحاتكم..........وهل مِن مَن يحب أن يساعد في التنظيم والتحضير للقاء...........وما رأي الإدارة بذلك...........

إن شاء الله تنال إعجابكم وإهتمامكم........بالإنتظار!!!

السلام عليكم ورحمة الله وبركاته

**عبد الله** · 26-04-2008, 05:01 PM

فكرة حلوة ومهمة
وانشاء الله أنا جاهز للحضور والمساعدة في التحضير والتجهيز إذا لزم الأمر

**الزاهر** · 26-04-2008, 07:17 PM

بارك الله بكم أخي عبدالله

رح بلش إعرض أفكاري واقتراحاتي كل كم يوم ونناقشها ونشوف شو التعليقات وهيك

ورح بلش بالنسبة للفلوس!!!
شو رأيكم يكون في رسم اشتراك بسيط لحتى نشتري الأكل والغراض وووو .........5 آلاف ليرة لبنانية مثلا!!!
_______________________
فإذا على اللائحة الآن عندنا:

المنظمون:
الزاهر - عبد الله

المشاركون:
---

**فرح** · 26-04-2008, 07:37 PM

سلاااام و الله يعطيك العافية على هيك فكرة..
أنا منّي و علّي جاهزة و ما عندي أي مشكلة..و ان شاء الله بساعد بالتنظيم
بارك الله فيك..
سلاااام
*جزاكم الله خيرا*

**الزاهر** · 26-04-2008, 09:36 PM

بارك الله بك أختي Queen
عليكي الزيتونات وبس!!!!.............

عم امزح.........بكرا عالصيف منشوف دور كل واحد إن شاء الله

__________________
فإذا على اللائحة الآن عندنا:

المنظمون:
الذكور: الزاهر - عبد الله
الإناث : Queen

المشاركون:
---

**wassim.h** · 26-04-2008, 09:37 PM

**الزاهر** · 26-04-2008, 10:00 PM

بارك الله بك وسيم............إنت محجوزلك محل من زمان!!!

__________________
فإذا على اللائحة الآن عندنا:

المنظمون:
الذكور: الزاهر - عبد الله - wassim.h
الإناث : Queen

المشاركون:
---

**مايا** · 26-04-2008, 10:43 PM

وعليكم السلام ورحمة الله وبركاته
والله يا اخ زاهر فكرة كتير حلوة وانا كنت بتمنى شارك معكن بس للاسف انا مش من القلمون ولا بحياتي شايفتها ونفسي شوفها بعد ما دخلت بالمنتدى بس ما فيني لان ما بقدر ايجي لحالي لسا صغيرة بس ان شاء الله ويوفقني و شوفها

shanzimer1 · 26-04-2008, 10:43 PM

السلام عليكم.....الفكرة كتير عجبتني...يا أخونا "الزاهر" ضمّني عالقائمة إذا ممكن...و بارك الله بكم....بس ما قلتولي شبجيب معي؟؟؟

**همسة** · 26-04-2008, 10:46 PM

انا بجيكم ضيفة من برات القلمون ان شاء الله ... خبرونا بالموعد ...

shanzimer1 · 26-04-2008, 10:54 PM

شو يا "همسة" بدي أنطر للصّيفيّة تارجع شوفك ؟؟؟؟على كلّ أهلاً و سهلاً بك في كلّ زمان و في كلّ مكان

....سلميلي عالكلّ....السلام عليكم

**яiиda** · 26-04-2008, 11:00 PM

شكرا" الك كتير اخ زاهر لطرحك للموضوع هادا .....هيدي فكرة كتير حلوة وانا بدعمكن ومستعدّة لكلّ شي ان شاء الله ازا فضيت ....... بسّ ليش الشّباب بسهل النّبعة ....نأّيتوا احلا محلّ .......يا الله زكّرتني بالاوقات الحلوة يلّي اضّيتا بالسّهل مع الاقارب والاصدقاء ولعب الفولي ........والله انا حياتي الجبل ......على كلّ كل شي منيح.......

**اليمامة الحضرمية** · 26-04-2008, 11:26 PM

بالنسبة لي أنا ما عندي مانع اذا صاحباتي قبلو يطلعو معي
بس المشكلة أنو في أعضاء ما بدهن يقولو أنو هم موجدين أصلا بالمنتدى وفي منهم ما بدهم يشكفوا عن حالهم

انشالله يتم تجااوز هالعقبة لأنو عن جد الفكرة غير شكل وانشالله تظبط

وشكرا

**Nader 3:16** · 26-04-2008, 11:26 PM

فكرة طيبة...
الأخ زاهر اكيد استوحاها من اللقاء السنوي لأعضاء اللجنة بس معليش رح نسمحلوا فيها...
ان رح ضم صوتي لكم و ان شاء الله اللجنة رح تنظم المسائل الأمنية.

**همسة** · 26-04-2008, 11:32 PM

الى الاخت shanzimer1 , بس المهم رح نلتقى قريبا, اكيد ما رح ننطر للصيف , منبعتلكن خبر مع مراسلتنا في القلمون

**محمد** · 27-04-2008, 01:26 AM

السلام عليكم

أخ زاهر الله يبارك فيك
أنا موافق اشترك
وإذا بدكن أي مساعدة أنا جاهز ضمن الاستطاعة

**amer** · 27-04-2008, 02:49 AM

فكرة حلوة يا اخ زاهر
انا بشترك

**المهند** · 27-04-2008, 03:23 AM

نناقش الموضوع باذن الله اليوم الاحد ..تنفهم شو الفكرة بالكامل..سلام

**الزاهر** · 27-04-2008, 03:45 AM

فاجئتوني صراحة!!!!.........

طيب.........رح حاول فند مشاركة كل من الإخوة والأخوات

بالنسبة لأختي مايا........مش مشكل........ما دمت لا تعرفي القلمون وترغبين بزيارتها.......فالفرصة متاحة .......أما بالنسبة لصغرك.....مممممممم....بتتدبر إن شاء الله......من هلا لوئتها!

وبدنا نقرر مين الأخت اللي رح تتولى لقاء الأخوات منشان تنظموه بمفردكم......

وبالمناسبة........أنا ونادر ووسيم ومحمد وبعض البقية لم نتجاوز الـ 20 عام........فنحن صغار السن كذلك!!!...

ثم بالنسبة لأختي Shamzimer1 ........أهلا بك ......مممممم.........هلأ لقائكم منفصل......وبدنا مين يتولا تنظيمو.......بركا بتجيبيلنا معك شي حدانة مستعدة تنظمو!!....

ثم بالنسبة لأختي همسة........أهلا بك بين أهلك في القلمون في أي وقت......الضيعة ضيعتك!!!

ثم بالنسبة لأختي ريندا........شكرا لك على مبادرتك........وبالنسبة لأصة السهل........فلقد ضربته مثلا فقط...........والأرجح أن يكون اللقاء في مكان مغلق.........في قاعة أو ما شابه ذلك..........سواء لقاء الإخوة أو لقاء الأخوات........فالفكرة أن يكون هناك عريف للقاء ويكون هناك من يلقي كلمة ويكون هناك عشاء أو أو أو ........إن شاء الله

ثم بالنسبة لأختي اليمامة الحضرمية..........أهلا بك .........هذه القضية هي من أهم المنغصات..........فتخيلي أن يحضر اللقاء أخونا الريس مثلا ويقول أنا الريس.........كذلك الأمر للأخ دوكر أو جابر دملوك أو أو أو .......الأصة صعبة
لكن.....ما ضروري الحاضر يؤول أنا فلان الفلاني بالمنتدى.......مندبرلها حلة إن شاء الله

يا نادر إنت من المنظمين ها!!!............وبدنا تغطية أمنية من قوات اللجنة المسلحة.......بدنا شي طيارتين فانتوم....

كذلك أهلا بك أخي محمد ضمن فريق التنظيم........

كذلك عم توصلنا طلبات مشاركة تحت الهواء والحمد لله

ثم بالنسبة لأخي عامر..........بتكون بالقلمون بالصيف إن شاء الله؟؟

وبالنسبة لأخي المهند.........أكيد رح نعرضها اليوم إن شاء الله وبالتفاصيل.......وبدنا همتكم!!!.......

_________اللي عندو مشكلة بالتصنيف يخبرني_________
فإذا على اللائحة الآن عندنا:

المنظمون:
الذكور: الزاهر - عبد الله - wassim.h - nader 3:16 - محمد - X(لا يرغب بعرض اسمه هنا)
الإناث : Queen

المشاركون:
الذكور: Amer
الإناث: مايا - Shanzimer1 - همسة - RINDA - اليمامة الحضرمية

**حُسَينْ ... !** · 27-04-2008, 08:57 AM

فكرة جميلة يا اخي زاهر
ان شاء الله معكم و جاهز لأي مساعدة

**محمد الكوسا** · 27-04-2008, 09:20 AM

انا معك يا زاهر
اذا فينا نخلي لقاء الشباب بالبرية

**الشامي** · 27-04-2008, 09:32 AM

السلام عليكم

...

فكرة حلوة أكيد بدها بلورة وترتيب ... وأقترح أن نضع عنوان عريض لهاللقاء ...وشو الهدف منو بالضبط ليتم التحضير له بشكل جيد

... ونحن في الخدمة بما نستطيع...

أخوكم

**amer** · 27-04-2008, 11:09 AM

المشاركة الأصلية كتبت بواسطة الزاهر

ثم بالنسبة لأخي عامر..........بتكون بالقلمون بالصيف إن شاء الله؟؟

ان شاء الله بالصيف بكون بالقلمون

**nana** · 27-04-2008, 11:57 AM

السلام عليكم
فكره أكترمن رائعه بس منا راح تظبت مع المغتربين لان صعب يتحدد كل واحد بي ايا شهر بينزل
فا ياريت تظبطوا حكون اول المشاركات

يعني عنجد أخ زاهر مابتستاهل تكون شعلة المنتدى أكيد بتستاهل ديما عندك أفكار حلوة وبتشد الأعضاء لمواضيعك

الله يعطيك ألف عافيه والله يبارك فيك

**صلاح الفلو** · 27-04-2008, 04:37 PM

المشاركة الأصلية كتبت بواسطة الزاهر

السلام عليكم ورحمة الله وبركاته

خطرت عبالي فكرة فأحببت أن استشيركم بها........

ما رأيكم يا أعضاء منتدى القلمون الأكارم أن ننظم لقاء موسع للأعضاء خلال فصل الصيف في مكان ما في القلمون ويكون سيران في سهل النبعة مثلا!!!........هاذا للذكور............وللإناث في مكان آخر نحدده أثناء النقاش والتحضير .........إذا وجد اهتام من قبلكم بالفكرة.........

يحضره كل من يستطيع من الموجودين بالقلمون ومن الأعضاء الذين من خارجها ومن من صادف تواجده في القلمون في فصل الصيف (المغتربين أقصد)

ويكون لقاء تعارف وحوار ومناقشة لأمور المنتدى ويمكن أن نخرج بتوصيات للإدارة لتحسين فعالية المنتدى ورفع مستواه .........وبركا منتعرف عوجوه طيبة تكون مشرفة على بعض الساحات!!!!

ما رأيكم........وما إقتراحاتكم..........وهل مِن مَن يحب أن يساعد في التنظيم والتحضير للقاء...........وما رأي الإدارة بذلك...........

إن شاء الله تنال إعجابكم وإهتمامكم........بالإنتظار!!!

السلام عليكم ورحمة الله وبركاته

السلام عليكم أنا مع الفكرة وأنت يا زاهر فصل ونحنا منساعد ومنلبس

**الزاهر** · 27-04-2008, 05:16 PM

المشاركة الأصلية كتبت بواسطة hUsSeIn

فكرة جميلة يا اخي زاهر
ان شاء الله معكم و جاهز لأي مساعدة

يا هلا بحسني بيك............إنت كمان اسمك محجوز!!!

المشاركة الأصلية كتبت بواسطة محمد الكوسا

انا معك يا زاهر
اذا فينا نخلي لقاء الشباب بالبرية

يا هلا بالمكيز!!!............يا أخي لقاء كبيييييييير ..........كيف بك تعملو بالبرية!!!...........

المشاركة الأصلية كتبت بواسطة الشامي

السلام عليكم ...

فكرة حلوة أكيد بدها بلورة وترتيب ... وأقترح أن نضع عنوان عريض لهاللقاء ...وشو الهدف منو بالضبط ليتم التحضير له بشكل جيد ... ونحن في الخدمة بما نستطيع...

أخوكم

إنت بين عأبو محمد وبتكون كفيت ووفيت!!!!.......

......هادي شغلتكم إنتو!!!.........الكلمة رح تكون لأبو محمد إن شاء الله...........واللي بيحب كمان يلقي كلمة!!!

المشاركة الأصلية كتبت بواسطة amer

ان شاء الله بالصيف بكون بالقلمون

أهلا بكم..........بانتظاركم !!!!

المشاركة الأصلية كتبت بواسطة NARA

السلام عليكم
فكره أكترمن رائعه بس منا راح تظبت مع المغتربين لان صعب يتحدد كل واحد بي ايا شهر بينزل
فا ياريت تظبطوا حكون اول المشاركات

يعني عنجد أخ زاهر مابتستاهل تكون شعلة المنتدى أكيد بتستاهل ديما عندك أفكار حلوة وبتشد الأعضاء لمواضيعك

الله يعطيك ألف عافيه والله يبارك فيك

......

ممممممممم................يا أختي منها مسائبة منسائبها (أولة جورج)..........................من هلا لوئتها بيتزبط موعد إن شاء الله..........
أما بالنسبة لشعلة المنتدى..........آل في مين بدو يطفيني!!!..........

...............شكرا لك

المشاركة الأصلية كتبت بواسطة صلاح الفلو

السلام عليكم أنا مع الفكرة وأنت يا زاهر فصل ونحنا منساعد ومنلبس

لك والله مني دارس خياطة...........صار شي 4 أشخاص بهاليومين آيلنلي إنت فصل يا زاهر ونحنا منلبس........

..............تكرم ............رح نفصل ............وبدنا منكم دعم وحضور إن شاء الله

**فشلان** · 27-04-2008, 06:33 PM

سؤال: ليش اللقاء ما بكون مختلط مثل المنتدى....؟؟؟؟!!!!!!! إنو لقاءنا بالمنتدى غير بسهل النبعة؟؟؟؟؟؟ هي هي... كلام وأسئلة وأجوبة....

فتنا بالحيط..... هلأ رح اخربلك الموضوع يا معلم زاهر

ولك دووووووووووووووووووووووووووووووع

**دوكر** · 27-04-2008, 07:54 PM

يا هلا بالمعلم أطر......
فكرة بتجنن.....
انا بدي شارك....بس فوت معي شوية على الخاص......في جوز كلام بدي احكيون معك.......
طيب و كمان ما ؤلتلنا اديش الدفع ....هههههههههه........
ع كلن أيدلي اسمي عندك ..............
يعطيكن العافية .......
اخوكم دوكر المعوكر.......

**محمد** · 27-04-2008, 08:24 PM

بعد ما شفت المشاركات أنا بطلب من زاهر الترشح عرئاسة البلدية في حينها

**Muhammad93** · 27-04-2008, 08:24 PM

أخي الزّاهر :
فكرة رائعة و لكن البعض في الصّيف يذهبون الى الجبل ليصطافوا!
فما الحلّ؟
أنا منهم
و شكرا

**яiиda** · 27-04-2008, 10:47 PM

ان شاء الله ننبسط .......انا بعتقد هيك .........

**Nader 3:16** · 27-04-2008, 11:33 PM

السلام عليكم...
يا اخ زاهر سجّلو اسمو لمهدي و حاولو تعملو الطلعة بس يكون جا من فرنسا.
لازم يكون اصغر واحد بالمنتدى معنا.
بالنسبة للأمنيات اللجنة ستتولى القضية...

**أبو الحسين** · 27-04-2008, 11:55 PM

و الله فكرة كتير حلوة يا زهور سجلي اسمي ...

**HARD** · 28-04-2008, 12:29 AM

خبرونا بالموعد حتى ننزل نكون معكم (مشارك)

**الزاهر** · 28-04-2008, 12:32 AM

المشاركة الأصلية كتبت بواسطة فشلان

سؤال: ليش اللقاء ما بكون مختلط مثل المنتدى....؟؟؟؟!!!!!!! إنو لقاءنا بالمنتدى غير بسهل النبعة؟؟؟؟؟؟ هي هي... كلام وأسئلة وأجوبة....

فتنا بالحيط..... هلأ رح اخربلك الموضوع يا معلم زاهر

ولك دووووووووووووووووووووووووووووووع

يا هلا بالمعلم فشلان............بركا بتعملنا شي قصيدة وبتلقيلنا ياها باللقاء إن شاء الله!!!
وبالنسبة إنو يكون مختلط...........ممكن ينعمل هيك إذا كان عدد الحضور كبير..........لكن بيضل منفصل أحسن...........البنات بيحبو الخصوصية وهيك.......

المشاركة الأصلية كتبت بواسطة دوكر

يا هلا بالمعلم أطر......
فكرة بتجنن.....
انا بدي شارك....بس فوت معي شوية على الخاص......في جوز كلام بدي احكيون معك.......
طيب و كمان ما ؤلتلنا اديش الدفع ....هههههههههه........
ع كلن أيدلي اسمي عندك ..............
يعطيكن العافية .......
اخوكم دوكر المعوكر.......

يا هلا بالدوكر........إنت من أول المدعويين.............. ولو!!!..........VIP كمان!!!!.....

المشاركة الأصلية كتبت بواسطة محمد

بعد ما شفت المشاركات أنا بطلب من زاهر الترشح عرئاسة البلدية في حينها

شو بدي بوجع الراس يا زلمة.........

المشاركة الأصلية كتبت بواسطة Muhammad93

أخي الزّاهر :
فكرة رائعة و لكن البعض في الصّيف يذهبون الى الجبل ليصطافوا!
فما الحلّ؟
أنا منهم
و شكرا

يا أخي كلها يوم بالصيفية..........بتنزل مع البابا إن شاء الله........

........مش مشكل

المشاركة الأصلية كتبت بواسطة وسيم غنوم

اسا لحد هلأ ما في حدا مشارك ، كلياتهم منظمين ؟؟

فالبتالي أنا رح شارك بّإجن الله ، وما رح وجع راسي هالمرّة بشي .

المنظمين حضور يا وسيم!!!........وإنت شغلتك المطبوعات!!!...........

وين بك تهرب !!!!

**الزاهر** · 28-04-2008, 12:36 AM

المشاركة الأصلية كتبت بواسطة Nader 3:16

السلام عليكم...
يا اخ زاهر سجّلو اسمو لمهدي و حاولو تعملو الطلعة بس يكون جا من فرنسا.
لازم يكون اصغر واحد بالمنتدى معنا.
بالنسبة للأمنيات اللجنة ستتولى القضية...

والله يا خيي منتمنى.......منشوف كيف بدنا ننسق الموعد في حينه..........

المشاركة الأصلية كتبت بواسطة Abdullah

و الله فكرة كتير حلوة يا زهور سجلي اسمي ...

أف.........كيف لكن يا زعيم......

المشاركة الأصلية كتبت بواسطة HARD

خبرونا بالموعد حتى ننزل نكون معكم (مشارك)

يا هلا بيكم...........إن شاء الله !!!

**محمد أحمد الفلو** · 28-04-2008, 12:54 AM

أنا عجبتني الفكره كتير والله
أنا ان شاء الله بكون بالقلمون بشهر آب

وأنا رح ساعدك بالتفصيل
أكيد رح نستهل الجلسه بتلاوة من القرآن بإذن الله

فأنا ان شاء الله بكون الشخص يلي رح يفتتح ... حدا عندو إعتراض

وكمان خمسة آلاف ما بيكفوا ... وبدنا نعمل لمه للمنتدى بآخر الحفل مشان المسابقات القادمه بإذن الله

وأنا من رأي فشلان ... انو يكونوا كل الأعضاء بمكان واحد ...

**الزاهر** · 28-04-2008, 01:03 AM

المشاركة الأصلية كتبت بواسطة الزاهر

ما رأيكم........وما إقتراحاتكم..........وهل مِن مَن يحب أن يساعد في التنظيم والتحضير للقاء...........وما رأي الإدارة بذلك...........

المشاركة الأصلية كتبت بواسطة 7maytoun

أنا عجبتني الفكره كتير والله
أنا ان شاء الله بكون بالقلمون بشهر آب

وأنا رح ساعدك بالتفصيل
أكيد رح نستهل الجلسه بتلاوة من القرآن بإذن الله

فأنا ان شاء الله بكون الشخص يلي رح يفتتح ... حدا عندو إعتراض

وكمان خمسة آلاف ما بيكفوا ... وبدنا نعمل لمه للمنتدى بآخر الحفل مشان المسابقات القادمه بإذن الله

وأنا من رأي فشلان ... انو يكونوا كل الأعضاء بمكان واحد ...

الله يبارك فيك محمد..........هاد نوع المشاركات اللي كنت ناطرها!!!...............تفاصيل تنظيمية!!!!
خوش إنتو عندكم خبرة نوعا ما بهالمجال.............وإن شاء الله بتكون التلاوة لكم..........

أما بأصة الـ 5000...........فمعك حق..........هي بتكفي نص كلفة الأكل بس...........هاد كان برمضان الماضي..............فحاليا الله أعلم مع الغلا اللي صار!!!!

طيب....حدا لسا عندو إقتراحات وأفكار حابب يشوفها باللقاء؟؟

**محمد أحمد الفلو** · 28-04-2008, 01:18 AM

كمان بدنا من شعراء المنتدى و على راسهم أمير الشعراء فشلان شي شعر عن المنتدى ... ومن فرقة نادر الانشاديه التلحين والإنشاد
مشان عريف الإحتفال
باعتقد انو الأخ المهند كفو لهالشغله !!!

**kata2eb** · 28-04-2008, 02:51 AM

**** ولك وين الدبيكة .....

شبكن عملتوها حفلة , منو ناقص غير تقولوا عدد الكراسي
هي عنجد فكرة حلوة بس إنو
وبدي إسأل زاهر
أنا بعرف باللقاء بيكون في 10 منظمين وشي مليون مشارك
إلا عنا إسا لهلأ ما في ولا مشارك الكل منظم
أما بشأن إقتراح السيران فهية أحسن فكرة وعليي الشوي إن شاء الله

**Nadine** · 28-04-2008, 03:00 AM

اذا مشي الحال ان شاء الله مش هالصيفية اللي بعدها بكون من المشاركين,,

دعولي انو تتيسر معي وشارك معكن باللقاء

**الزاهر** · 28-04-2008, 03:13 AM

المشاركة الأصلية كتبت بواسطة kata2eb

وبدي إسأل زاهر
أنا بعرف باللقاء بيكون في 10 منظمين وشي مليون مشارك
إلا عنا إسا لهلأ ما في ولا مشارك الكل منظم

يا أخي هادول الإخوة والأخوات اللي تطوعو ليكونو منظمين............لكن بس تحز الحزة أكيد رح نقرر مين اللي رح يكون منظم والبقية كلهم ضيوف............يعني هادول الإخوة والأخوات اللي أبدو استعدادن!!!!.............

المشاركة الأصلية كتبت بواسطة Nadine

اذا مشي الحال ان شاء الله مش هالصيفية اللي بعدها بكون من المشاركين,,

دعولي انو تتيسر معي وشارك معكن باللقاء

مممممم............فإذا برأيكم يكون في لقاء سنوي؟؟؟

**Nadine** · 28-04-2008, 03:36 AM

مممممم............فإذا برأيكم يكون في لقاء سنوي؟؟؟

للحقيقة هالشي بتعرفوا بعد التجربة , يعني بس تجربو اول مرة وتشوف التفاعل وهيك , بعدان حسب التيسير , واذا مشي الحال والاعضاء انبسطو , هنة بيطالبوا اذا بدهن ياها سنوية او شهرية , يمكن يقترحوا تكون كل اسبوع.

**ach** · 28-04-2008, 04:21 AM

السلام عليكم

فكرة مهمة.

**محمد أحمد الفلو** · 28-04-2008, 11:39 AM

المشاركة الأصلية كتبت بواسطة وسيم غنوم

لا مطبوعات ولا بطيخ مسمر ...

أنا الفذلكة الزايدة عن اللزوم ما بتعجبني

ما هيك كان رأيك لما كنا بالمعهد

**عبد الله** · 28-04-2008, 12:28 PM

يتبين من خلال آراء طرحها بعض الأخوة الذين نحترمهم أن إدارة المنتدى ستتبناها وهذه الآراء هي بأن يكون اللقاء مختلط .
أنا أعلق مشاركتي في اللقاء
ففي حال كان مختلط لن أشارك
وفي حال كان الإخوة وحدهم والأخوات وحدهم فأشارك .
وذلك بناء على تجارب سابقة كانت مضبوطه من الناحية الشرعية .
أيضا أنبه إلى عدم اللجوء إلى أي مؤسسة أو جمعية أو تنظيم أو حزب لاستخدام مراكزهم لعقد اللقاء فيها .
وإلى عدم قبول أي مساعدة منهم فنحن أهل انشاء الله لإتمام اللقاء بنجاح وبدعمه بشتى الطرق .
بعدين بكفي هلأ مشغول شوي ...

**яiиda** · 28-04-2008, 12:57 PM

اولا" انا مع الاخ عبدالله باعتراضو على انّو اللقاء يكون مختلط لأنّو هيك احسن ...............امّا بعدين بالنّسبة لمسعدة من ايّ جماعة او حزب كمان انا مع عبدالله ...خلّينا نعتمد على حالنا وبلا من نيّة حدن ............
بعدين يا اخّ زاهر انا بدّي اسال سؤال ؟؟؟
هلأ ما دام في كتير من المغتربين ما بيجو بنفس الشهر ...او هيدي السّنة فالموضوع بدّو كتير تفكير ...بسّ السؤال ازا مفكّرين شي ايّة شهر بالصيف(مع انّو ما لازم تكونو لحّقتو تفكّرو بسّ حبّيت استفسر عن شغلة حسب الشهر)؟؟؟؟

سلام...

**أحمد مغيط** · 28-04-2008, 01:02 PM

بارك الله بك أخي زاهر على هذه الفكرة الرائعة
وإنشاء الله نكون حاضرين هذا اللقاء ومن المشاركين به .

**فرح** · 28-04-2008, 02:17 PM

ههههههههههه أخي الزاهر تكرم عينك *عليّ الزيتونات* ولوّ سمعت إنو عجبوك كتييير
ع كل حال أنا بوافق رإي الأخ *عبد الله* و الله معو حء....
يلاّ فهمونا هلء مين صار رايح من البنات و من الشباب بإختصار!!! ماشي؟؟؟
و إزا بدكن بريّح حالي و بكون ضيف ما تزعل أبدا يا kata2eb
يللا يعتيكون العافية و وافونا بأهم المستجدات..
سلااام...
*جزاكم الله خيرا*

**Barbie** · 28-04-2008, 02:48 PM

السلام عليكم ,

إذا الله يسرلي , إنشاء الله بحضر و بكون من المشاركين.

الموضوع: لقاء الأعضاء

أدوات الموضوع

عرض