مشاهدة النسخة كاملة : عوكر المدوكر
جابر دملوك
05-08-2007, 05:13 AM
عَوكَر المدَوكَر
إسم وهمي سيلعب أدواراً عديدة قام بها أشخاص حقيقيون
وذلك تفادياً لذِكر الأسماء.
جابر دملوك
05-08-2007, 05:35 AM
(1)
عوكر المدوكر و سَكب الأدِيداس.
نزل عوكر ع البلد ليشتري سكب أديداس.
فات ع الدكان و طلب يئيس سكب.
سألتو البياعة : إديش الرقم ؟
ألا : 9 أو( 9و نص).
بلش يئيس.... أسلو شي 10 جواز.
و وأتل عجبو واحد منن بلش يكاسر ب السعر.
و من هون لهون إدر ينزل السعر من 35$ إلى 32$.
و ضبتلو السكب و دفع المصريات و طلع ع الضيعة.
و وأتل وصل ع البيت فتح العلبة ليفرجي أمو و بو و إخواتو.
شال السكب و عينك ما تشوف إلا النور.
ِلئِي فردتين شمال كل واحدة بقياس.
قال : الله يئطع التوفير.
رح نؤرط مشوار بلي وفرناهن تنبدل الفردات.
حُسَينْ ... !
05-08-2007, 01:21 PM
قصة حلوة كتير يا اخ جابر او يا (حذفت من قبل الcOnFuStE من اجل عدم فضح شخصية جابر دملوك الحقيقية:) )
الله يبارك فيك
moustafa
06-08-2007, 03:16 PM
هههههههههههه قصة حلوة .... صارت معي مرّة بس منّو عاسكب adidas صباط tornado
محمد أحمد الفلو
06-08-2007, 04:17 PM
قصة حلوة كتير يا اخ جابر او يا (حذفت من قبل الcOnFuStE من اجل عدم فضح شخصية جابر دملوك الحقيقية:) )
الله يبارك فيك
ولا حسين زيدان مين جابر دملوك؟؟؟؟؟
الزاهر
06-08-2007, 06:21 PM
وكمان صارت معي نفس القصة.......بس على DVDs.......وكانت محرزة.......!!!!!
جابر دملوك
07-08-2007, 07:10 AM
(2)
عوكر و فرض الإنشاء الفرنسي.
عوكر من التلاميذ المجتهدين بصفو(العالي تالت) و بيتنافس دائما مع خمسة من رفقاتو الشاطرين.
مرة من المرات عطين إستاذ الفرنسي فرض إنشاء فرنسي.
نسي صاحبكن عوكر إنو عندو فرض و جا يوم التَنَيِن و هو و رايح ع المدرسة (مدرسة الصبيان) إلتقى برفيق شاطر من صفو.
رفيقو ألو كم سطر طلع معك فرض الإنشاء الفرنسي ؟
رد عوكر و آل : يا الله مصيبة و الله نسيت.
و طلب من رفيقو إنو ينألو الفرض.
رد علي رفيقو و ألو : إنت مسطول ..... ما تنينا بناخد صفر ...... و بيبعتنا ع الإدارة.
ألو عوكر : بنألو بطريقة مستحيل الإستاذ يعرف.
ألو كيف ؟
جاوبو عوكر :
الleبكتبا la ,
الla بكتبا le,
وde بكتبا du,
و du بكتبا de
و هلي بدا s بكتبا بلا s
ولي ما بدا s بكتبا بs
و .......
و.......
و ......
ألو صاحبو : يئطع عمرك شو إنك مسطول du second degre
لما كنا بصف العالي تاني , كان عوكر معنا بمدرسة المنار .
مرة كان عنا ديكتا فرنسي , وكان عوكر منو محضر منيح , آم حط كتاب الفرنسي بالطبأة ونأل كل الديكتا , بس حطِّلّو كم غلطة تحتا ما تنتبه المعلمة , لأنو ما كان معود ياخد 20 .
ومرإت هالإيام وجا توزيع المسابقات , إلا بيطلع المعلم عوكر آخد صفر , ألنالوا ولا عوكر كيف نائل الديكتا وآخد صفر , بالآخر اكتشفنا إنو حاطط أكتر من 20 غلطة بالديكتا تحتا ما تابشو المعلمة.
جابر دملوك
07-08-2007, 01:18 PM
و الله يا ouss
الظاهر إن عوكر تبعك مانو مدوكر و بس
عدنو مدعبل.
جابر دملوك
08-08-2007, 07:34 PM
(3)
عوكر و عبد الحي.
عوكر اليوم واحد غريب ساكن بالضيعة و بيشتغل شوفير شاحن كبير.
عبد الحي (الله يرحمو و يحسن إليه)
زلمه من الضيعة كان معاق و يعمل حركات بوجو و بإيدي
(الحمد لله الذي عافانا مما إبتلى به كثيراً من خلقه و فضلنا على كثير ممن خلق تفضيلاً)
مرة من المرات كان عبد الحي عم يتجول بالضيعة
و بمشاويرو وصل لحد طرنبت خداج (الله يرحمو)
عوكر كان عم يعبي بانزين.
وأتل عوكر شاف عبد الحي حب إنو ينئر علي و يتساءل.
ألو : أنا شايف إنو الكلاب كترانين بالضيعة اليوم يا عبد الحي.
جاوبو عبد الحي ع الحارك : و كلياتن غربية.
"فبهت الذي كفر"
و ضب دنبو و غبر.
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههههه
مشكووووووووووووووووووووووووووووووووووووووووووووووو وووور خي او عمي جابر;)
صلو على النبي
ولك شو هل الروعه بالمشاركات و الله شي روعه ألله يرحمك يا فشلان :d:d
الشامي
08-08-2007, 11:03 PM
السلام عليكم :)...
الله يبارك فيك خيي جابر ...
أخوكم:rolleyes:
جابر دملوك
09-08-2007, 06:48 AM
(4)
عوكر و مكنسة الشطف
عوكر عُمرَو بالطعش بعتو جدو ليجبلو مسامير من عند عبد الرحمن حمدانه (الله يرحمو).
و تيعرف البياع إياس المسامير جدو لعوكر عطيي أشه بطول المسمار المطلوب.
راح عوكر و ع الطريئ شاف ولاد عم يلعبوا بالكلال وئف يتأرج علين.
و بعد ما خلصوا لعب تذكر عوكر إنو جدو عطي أشة وبعتو لعند عبد الرحمن حمدانة.
وصل عوكر ع دكان عبد الرحمن.
و عبد الرحمن (الله يرحمو) كعادتو كان يدندن بالشعر بس يجي لعندو واحد.
اهلا و سهلا بعوكر : قال الحج عبد الرحمن.
عوكر فتح إيدو و فرجى عبد الرحمن الأشة و ألو جدي بعتني لعندك.
آم عبد الرحمن ناولو مكنسة خشنة للشطف.
حِمِلا عوكر و إِخِدا لجدو.
ألو جدو عطيتك أشة جبتلي مكنسة.
لو إعطيك عجوة تمر شكنت بدك تجبلي نخلة ؟
الزاهر
09-08-2007, 06:58 AM
مرة من المرات .......عطيتو أمو لعوكر ليرتين.....وآلتلو جبلي بهالليرة رز.....وبهادي حمص......
آم هالصبي حمل حالو وراح عالدكان.......وهو ووصل شو صار يا حزركم......
وئف أدام الدكان شهر......رجع حمل حالو ورجع عالبيت......
ووئت سألتو أمو ليش راجع فاضي.......شو بيألها الشاطر........
والله نسيت بأي ليرة ألتيلي بدك رز......وبأي واحدة بدك حمص:eek: !!!!!!!!
ومين هاد العوكر؟؟؟ .......يالله......ناطر حدا يألي!!!!!!
سلام
جابر دملوك
09-08-2007, 07:03 AM
يا خرباني أولت النسوان
هادا منو عوكر
هادا معوكر.
الزاهر
09-08-2007, 07:05 AM
بس لو تعرف أديش عندو أصص هالعوكر......بس للأسف......لازم نرجع نجمعهم!!!!
Nader 3:16
09-08-2007, 11:11 AM
عوكر و ابريق المياه....
مرة احد الرجال بعت عوكر يعبّي ابريق الموية من الحنفية...و كان جنب الحنفية في بير..
راح عوكر يعبي البريق و ما كان يرجع...
راح الرجاّل تيشوف شو صار معو قام لقيه فاتح غطا البير و عم يقدم اجرو و يرجّعها....
قلّو الرجّال ولا شعم تعمل؟؟
قام قلّو عوكر (حذفت) كيف بدي عبّيلك البريق بدون سلّم!!!!!!!!
جابر دملوك
09-08-2007, 01:28 PM
(5)
عوكر و الكعك.
الإستاذ حط عوكر وكيل ع الصف و ألوّ :
بتوأف بساعتي بس كون برات الصف أو إذا تأخرت تَجَي
بتكتب أسماء التلاميذ هلي بتغالظو و بيحكو بالصف.
بيوم من الإيام كانت ساعة الإستاذ بعد الفرصة.
و ع الفرصة بينزلوا التلاميذ ع الملعب بياكلوا كعك و غيرو.
أخونا عوكر أيّد أسماء 3 تلاميذ ع اللوح.
وأتِل جا الإستاذ سأل عوكر : شعمل أول واحد ؟
ألو عوكر : كان عم يحكي.
ألو أوم وآف 10 دقايق ع الحيط.
و التاني شعمل ؟
ألو كان عم يكزدر بالصف.
ألو أوم وآف 10 دقايق ع الحيط كمان.
و التالت شعمل يا عوكر ؟
ألو عوكر : يا إستاذ التالت ما طعماني كعك ع الفرصة.
حُسَينْ ... !
10-08-2007, 12:39 AM
شو هل وكيل
امين منيح عل الصف
مشكور كتر ع هل قصص الحلوة
بي موتو من الدحك
عوكر وجاط اللبن
عمنول , كان عوكر فاتح دكانة يسترزيء منا .
ومرة من المرات جا لعندو زبون بدو نص كيلو لبن والحلو إنوكان جايب جاط أتأل من نص كيلو ,
المهم دلألوعوكر شوية لبن بها الجاط وحطو عالميزان آم طلع طافش , فشال منن شوية فدلاتو
الميزان طافش فدلاتو يشيل منن تحتى شال كل اللبنات ودل الميزان طافش , ردلوعوكرالجاط للزبون وألو:
روح ما بيطلعلك لبن
الزاهر
10-08-2007, 12:52 AM
عوكر وجاط اللبن
عمنول , كان عوكر فاتح دكانة يسترزيء منا .
ومرة من المرات جا لعندو زبون بدو نص كيلو لبن والحلو إنوكان جايب جاط أتأل من نص كيلو ,
المهم دلألوعوكر شوية لبن بها الجاط وحطو عالميزان آم طلع طافش , فشال منن شوية فدلاتو
الميزان طافش فدلاتو يشيل منن تحتى شال كل اللبنات ودل الميزان طافش , اطلع عوكر بالزبون وألو:
روح ما بيطلعلك لبن
يا زلمة......بتموت هالأصة:) !!!!
عوكر و يوم القيامة
كان عوكر شب نشيط ومجتهد , وكان بحب الصيد كتير .وبيوم من ايام الصيف , كان عوكر نايم بعد
العصر وكانو إهلو برات البيت .
فاء عوكر الساعة ستة وكان أول منو مأدن المغرب , وعوكر يا خطيتو كان مفكر حالو فايء بكير ,
وكالعادة راح عوكر يفيء أخو تحتى يروح هو ويا عالتحويء , وبينصدم عوكر إنو ما بيلائي أخو وما
بيلائي حدا من إهلو بالبيت , فزع عوكر وحس إنو في شي غريب , طلع عوكر عالبرندة شاف هالعالم سارحة بالشوارع , اطلع بالجامع لئي هالعالم آيمة عم تصلي "يا ساتر" , هون هرب ألبو لعوكر
وحاص رايح جاية .
نزل عوكر لعند ستو راكد ركد , آلتلو يا خرباني شباك مصفر متل الزعفران , ألّى ويننا إهلي , آلتلو
بالضيعة , ألّى و ليش العالم آيمة عم تصلي بالجامع , آلتلو عم يصلوا المغرب , ساعتى ارتاح ألبو لعوكر شوية وتذكر إنو كان نايم بعد العصر.
الله سترو لعوكر وما شاف الشمس عم تطلع من المغرب .
من بعد هالحادثة قرر عوكر إنو ما بآ ينام بعد العصر.
اللهم نجنا من هول يوم القيامة .
الزاهر
11-08-2007, 03:03 PM
يا زلمة.......صايرة معي......ونزلت حامل الشنطة مغربيات.....على أساس رايح عالمدرسة.......ههههههههههههههههههههه!!!!......
أيامها كان تقريبا بالصيف.......ووئت المغرب.....بيكون هو ذاتو الجو وئت الروحة عالمدرسة!!!!!
بس الحمد لله تداركناها أبل ما حدا يشوفنا!!!!!!
لوووووووووووووووول!!!
Mahmoud.A
11-08-2007, 08:51 PM
inta l barake fik ya zaher toul 3omrak ktir shatir w moujtahid.
iza 3am tshoufou la hammoud sallimli 3lay ktir
أكيد عوكر ما نتهت قصصو فانطرين المزيد
جابر دملوك
15-08-2007, 06:22 AM
(6)
عوكر و المطربية.
من شي تلاتين سنة وأتل عوكر كان وحدو بالبيت فجأه دء الباب.
طل من ناضور الباب شاف صبية مزوزأة (محومرة ومبودرة).
آل : لعمه شجايه تعمل هادي هون ؟
طنش و ما فتح الباب.
رجع دء الباب.
آل : يعني مصره إلحاحا.
فتح عوكر الباب و آل : نعم يا أختي.
ردت البنت : عطين من مال الله .....الله يحفظلك شبابك.
إستحى و مد إيدو ع جيبتو ..... و شال 100 ليرة
هادي الحيلة و الفتيلة
(100 ليرة كانت تفلح و تزرع و إيامة كان معاش عوكر 300 ليرة)
ألا : و الله يا أختي ما معي إلا هل 100 ليرة.
آلتلو المطربية : أنا بشئفلك.
جاوبا عوكر : أبل ما شئفلك و تشأفيلي حابب أعرف مين المطربي فينا.
الزاهر
15-08-2007, 10:23 PM
هههههههههههههههههههههههههههههههههههههههههههههههههه ههههههههههههههههههههه
هههههههههههههههههههههههههههههههههههههههههههههههههه هههههههههههه
ههههههههههههههههههههههههههههههههههههههههههههههههه
ههههههههههههههههههههههههههههههههههههههههه
هههههههههههههههههههههههههههههه
انا ما ضحكت الا على ضحكت زاهر الطويله هههههههههههههههههه
تخيلت زاهر تحت طاوله واقع ونازل ضحك
الزاهر
15-08-2007, 10:43 PM
ههههههههههههههههههههههههههه
ههههههههههههههههههه
ههههههههههههههه
ههههههههه
ههههههه
هههه
وأنا ضحكت وئت تخيلتك عم تتخيليني تحت الطاولة عم اضحك!!!!
جابر دملوك
16-08-2007, 06:06 AM
(7)
عوكر و الحِلاق.
عوكر ناظر مدرسة (بيدق الجرص, بيفتش ع الشعر و الضافير ...إلخ)
و بوو حلاق دأه أديمه.
بيوم من الإيام جا تلميذ حالق حلاقة (من البالة) عند بوو لعوكر.
عوكر سأل التلميذ : مين الحمار لحالِئلك ؟
جاوبو التلميذ : بوك يا إستاذ.
خليني إحكيلكن هالأصة أبل ما يفيء فشلان وترجع تشتبك
أخي جابر عم تطول علينا بأصصك , وينك يا أخي
عوكر وعامود الكهربا
عملول العملول , كان عوكر يا خطيتو معو ديسك , راح عوكر
عهالمستشفى و عمل عملية , و ألّو الدكتور أصحا بالك تطب , ما
بيسوا أبدن , المهم طلع عوكر عم يكزر بهالضيعة وكان لابس
بإجرو مشبكة , هو وماشي علإتلك بحصة بكعب المشبكة
وصارت تترتأ هو و ماشي , تِأ تِأ تِأ تِأ ....
المهم , دائت خلاءو لعوكر من البحصة , والمشكلة إنو ما كان في
يطب ...
شاف عوكر عامود كهربا , آم كبش بهالعامود وصار ينفض
بإجرو تحتى تطير البحصة ...
كان في زلمة ماريء من بعيد , شاف عوكر معلّإ بهالعامو وعم
يفرفر , ألك أكيدن هادا الزلمة مكهرب , ...
حمل الزلمة عصاية هالجفن جفنا , وركد سفأو فيا
لعوكر عإيدو تحتى يخلصو من الكهربا ,...
آم كسرلو إيدو ...
و هيكا يا حلوين رجع عوكر عالمسشفى من أول و جديد...
الزاهر
17-08-2007, 12:41 AM
يا زلمة......أسلوبك أحلى من أسلوب جابر!!!!!
المهم.......هلء بدنا نضحك.......ما حدا ينزعج!!!!
هههههههههههههههههههههههههههه
ههههههههههههههههههه
ههههههههههههه
ههههههههه
ههههههه
هههه
ههه
هه
ه
.
.
قصص روعة كــــــــــــــــــــتـــــــــــــــــــــــــيــ ــــــــــــــــــــــــر حلوين
و يا معلم زاهر شلنا صورة هل المعفن الصهيوني اذا بتريد
حبيبي والله يا جابر دملوك وينك أطعتنا من القصص الحلوة ؟
ناطرينك
و بدي اولك انو انا جبت اسمي من موضوعك
الزاهر
29-08-2007, 12:01 AM
و يا معلم زاهر شلنا صورة هل المعفن الصهيوني اذا بتريد
السلام عليكم
تحية معطرة بالورد والياسمين وبعد:
ما بريد يا خيي.......واحترم أهل العلم لو سمحت!!!!......خاصة الفيزيائيين........:D......ما بسمحلك بنوب تمسهم.....لوووووووووول!!!!
وهي أصة........سامعها من زمااااااااااااااااان......لذلك ما كتير فيها تفاصيل!!!!
عوكر هلأ هو واحد مشهور بصيبة العين.......الله يستر!!!
آل مرة كان ماشي هو وصاحبو بالشارع......وآل كان في واحد بالضيعة.....عندو بلحة جمب البيت.....طويييييييييييييييييييييييييييييييلة..... ...وضخمة.......وعظيمة......ومهولة......
آم هو وعوكر مارء من هونيك مع صاحبو بيألو.......ليك أديشي هالبلحة!!!!.........
ووئت وصل عوكر لمحل ما بدو......ورجع صاحبو......بيمرء من نفس الطريء.......وبس يأطع محل البلحة......هيك بيوئف متل بتوم وجيري......وبيصير يفكر......
حاسس إنو في شي متغير.......بيتطلع بيأيبل بيبحبش بيبرم.....اخفت البلحة.......بيأرب ليشوف.......بلائيها مسطوحة عالأرض بطولها....... تارئها عوكر عين كاسرها من جزعها!!!!!
هههههههههههههههههههه
بس لتؤوم متل هالعوكر يا عوكر!!!!!
سلام محبة
wleh ouss el ossa kenet bi dectation english wil m3lmeh kenet el sett loubna el hajj
habouleh
30-08-2007, 11:25 AM
ولك سامي ما بتعلرف تكتب بالعربي,أو جو فرنسا نساك العربي,بالعربي و لككككككككككككك
Nader 3:16
31-08-2007, 11:57 AM
ههههههههه حلوة منك يا زاهر......
شو وين المعلم جابر خليه يكفي القصص
جابر دملوك
01-09-2007, 03:54 PM
(8)
عوكر و البيت الجان.
عوكر بيكره البيتنجان و ما بيتيئ يسمع بإسمو من هو و ظغير و محَرِم أمَّو تفوتو ع البيت.
كبر عوكر و كبر معو هالصيت و الكل صاروا بيعرفوا إنو
" عوكر و البيت الجان خطان متوازيان لا يلتقيان
وإذا إلتقيا فلا حول و لا قوة إلا بالله العلي العظيم.
عوكر صار رجال مشورب بأوائل التلاتينات و بيوم من الإيام راح يلعب "volley Ball" هو و خو و رفيقو.
بعد ما لعبوا كزا ساعة فوخروا من الجوع.
خو لعوكر كان متجوز ف عزمُن ع بيتو ت يتعشوا معو.
عوكر و الرفيق أعدوا بغرفة الصفرة و خو لعوكر راح يسخن الإكل بالمطبخ.
رجع خو لعوكر و حامل لكل واحد صحن مليان و مطفح.
أعدوا تلاتتن يدُؤا بهالإكل و يحكوا عن اللعب.
فضيوا الصحون بسرعة البرق و ما شبعوا الشبابو للأسف ما بقي في إكل بالطنجرة كمان.
خو لعوكر قال لعوكر و رفيقو :
" بما إنو إساتنا جيعانين رح حط حبتين زيتون نتسلى فين.
بس إن شا الله يكن عجبكن البيتنجان بلحمة"
فز عوكر و قال :
" كف بتحطلي بيتنجان .... ما بتعرفني بكرهو و ما بتيأو"
رد علي خو و ألو :
باين من الصحن هلي كنت عم تاكل في.
الله وكيلك أد مانك منضفو ما بدو جلي بقى.
جابر دملوك
03-09-2007, 05:15 AM
(9)
عوكر فصيح و فَلْهَوَي.
بيوم من الإيام راح عوكر ت يزور خالتو ف جز خالتو حطلو طبصة بوظة.
وأتل عوكر خلص الطبصة ألو جز خالتو بحطلك مرة تانية
جاوبو عوكر : " لاء ... صحطين "
بعد خمس دآيئ حمل حالو عوكر و راح من عند خالتو.
ع السلم حِضِي ب أم جز خالتو و كان عمره حوالي تمانين سنة.
آلتلو : " مبارك ما عملت يا عوكر " و كان عوكر خاطب جديد.
جاوبا عوكر : " عأبالِك "
بعد ما نزل من البناية حضي بواحد بيعرفو و كان متغير و ضعفان.
سألو عوكر :
شباك يا زلمة ؟
شصايبك ؟
صحتك منؤفة و متغير كتير .
ألو صاحبو : و الله مريض شوية.
ألو عوكر : " الله يشفيك و يشفي جميع موتى المسلمين"
Nader 3:16
03-09-2007, 01:13 PM
ههههههههههههههه حلوة كتيييييير يا اخ جابر....
و ننتظر المزيد من قصصك الشيقة
الزاهر
03-09-2007, 03:12 PM
ههههههههههههههههههه
كالعادة......قصص مشوقة!!!
جابر دملوك
03-09-2007, 04:14 PM
(10)
عوكر و سطح القمر.
وأتل طلعوا الروس القمر الصناعي ع الفضا سنة 1957 و طلعوا فيي الكلبة لآيكا إفتكر كتير من العالم إنو الكلبة نزلت ع سطح القمر.
و بلشوا يألفوا أصص و حكايات.
و بيوم من الإيام كان 2 من الألمون واقفين ع الطريق جُم بيوتن و عم يحكوا بهالموضوع و ما بيلاؤ إلا عوكر ِسِرع وأتل شافن و جا و شحط فريم جُمِنُنْ (و كان يومتا راكب ع طريظتو ... متل طريظة عمر ملاط "الله يطول بعمرو")
وصل عوكر و سِمِعُن عم يحكوا عن الكلبة ع سطح القمر ف إستغرب كتير و ما دخلت ضبانات عألو.
حمل حالو و دور هالطريظة و راح عَبَيْتَو.
ما لِحِيئ يبعد 100 متر إلا و بيرجع مسرع و بيشحط فريم أَوَي و بيؤلن :
إذا الكلبة بتعيش ع ضهر القمر معناتا المعزاية بتعيش كمان.
آلولَو : أكيد.
حمل حالو و راح و إفتكروا إنو طمن بالو و صار فيي ينام بالليل و هو مرتاح.
ما بيبعد 50 متر إلا و بيرجع مرة تانية مسرع و بيشحط فريم و هو مبسوط و مفرفش كما لو كان إحتل القمر و بلش يبعت رحلات سياحية و بيؤل بصوت عالي :
" إذا الكلبة و المعزاية بيعيشوا ع طهر القمر ف إذاً البلبل بيعيش ع ضهر القمر. ما هايك ؟ "
آلولو : مْبَلا ... و الحرضون ... و البربختي ... و البرغوت
ول ... ول ....
الزاهر
03-09-2007, 04:44 PM
أولك أنا فيني عيش؟؟؟؟؟
ههههههههههه
بس مين هالعوكر اللي بيفكر بمنطق؟؟؟؟.........لوووووووووول!!!
بالعادة ما بيكون منطقي!!!!
عمر ملاط
03-09-2007, 05:01 PM
الله يرحم الطرزينة، انسرقت، وزعلت كتير كتير. قمت جبت واحدة تانية، وخليتا حتى انسرقت كمان..
عرفت يا سيد جابر على شو زعلت؟ زعلت على السراقين، قمت اشتريتلن واحدة تانية.
بس آخر مرة ما عاد معي مصاري اشتريلن شي.
هههه
ضيفوها لقصص عوكر
جابر دملوك
05-09-2007, 03:06 AM
تكرم عينك يا معلم عمر
بس للأسف العريض عوكر إنعرف ب هل الأصة.
و من شروط أصص عَوكَر المدَوكَر إنو
إسم وهمي يلعب أدواراً عديدة قام بها أشخاص حقيقيون
وذلك تفادياً لذِكر الأسماء.
جابر دملوك
05-09-2007, 03:44 AM
(11)
عوكر و صَْيِنية الأخطبوط.
بو عوكر صياد أخطبوط درجة أولى.
بيوم من الإيام بو عوكر بعت عوكر ع فرن حسين ت يشوي الأخطبوطات هلي تصيدن
(23 أخطبوط 5 كبار و 18 ظغار)
و ألَّو بطريأك إنت و راجع ع البيت حول ع بيت ستك خلين ياخدوأ كم واحد.
حمل عوكر الصينية و راح ع الفرن.
وأتل وصل عوكر ألُّو فاروق : هلأ بحطلك هِيه ع الطفي بيطلعوا أطيب.
بعد ما إستوَو حمل حالو عوكر و راح ع بيت سِتَو ت يعمل بأوامر بُو.
وأتل فات ع البيت ألُّن : أبي ألَّي ت حَوِل إعطيكن كم أخطبوط.
جابت خالتو صحن و حطت في أكبر 3 أخطبوطات
(لأنا بتعرف إنو الدكيرات الظغيرة هي الطيبة و بو عوكر أحق فين و هادا من طيبة ألبا)
عوكر جن جنونو و بلش يعيط ع خالتو و يؤل :
أبي تعبان فين
بدكن تاخدولو الكبار و تخلولو الظغار
ما رح خليكن أبداً أبدا.
و شال الأخطبوطات الكبار و تركلن كل الظغار و حمل حالو و راح ع بيتن.
و من الباب بلش يحكيلن شصار معو ... و كيف لعب علين هل الملعوب و تركلن الظغار.
إطَّلَع بو عوكر ب أم عوكر و ألا :
لو بعَت دنبر و ما بعَت عوكر كان أستر.
جابر دملوك
05-09-2007, 04:42 AM
(12)
عوكر و الزمور.
إضطر عوكر وأتل كان ب جده (عروس البحر الأحمر) بيوم من الإيام إنو يطلع بتكسي.
الشوفير كان يَمَنَي.
وأتل صار حَشْرة سَير بلش عوكر يحكيلو أصه.
ألو : مره ركبت تكسي ب بيروت وصار حشرة سير مانا طبيعية و بلش الشوفير
يزمر ... يزمر ... يزمر ... يزمر.
و عوكر ما بيلاقي الشوفير اليمني إلا و بيعلا و بينخبط من الدحك و تئتئت مصارينو.
سألو عوكر : أيشو العم يدحكك ؟
جاوبو الشوفير : الكلمة هلي عم تكررا يا أخي.
ألو عوكر : يزمر كل هل أد بدحك ؟
جاوبو الشوفير : يا أخي كل بلد لو تعابيرو و مفرداتو.
ألو عوكر : و شمعناة يزمر عندكن ؟
جاوبو الشوفير : الإنسان يسرب هوا من الأشكمون .
و شبتؤل ع التزمير من السيارة ؟ سألو عوكر.
ألو بنؤل : أُضْرُب بُوِري.
ألو عوكر : ما تضرب بوري عنا بالألمون ليجي لنش خفر السواحل يحملوك إنت و البورايات و الدبان الأزرق ما بيعاود يعرف ويننك.
يا هلا بالاخ جابر
ما في احلى من ؤصصك و الله ببشيل الهم عن الألب
يسلمو
حُسَينْ ... !
05-09-2007, 06:44 AM
الله يعطيك الف عافية يا اخ جابر
مشكور كتير ع هل ؤصص الحلوة عنجد متل ما أل عوكر بتشيل الهم عن الألب
جابر دملوك
05-09-2007, 01:19 PM
جابر دملوك يدعو جبار السموات و الأرض أن يجبر بخاطركم.
ملاحظة : فإن قصص عوكر مثل الكاميرا الخفية.
من يدري قد تكون أنت بطل القصة القادمة.
غداً نلتقي بإذن الله تعالى مع :
(عوكر معتر بس خواجه إبن خواجه)
من هنا و هناك
05-09-2007, 08:01 PM
يسلمو يا اخ جابر قصة عوكر و الزمور فرطتني من الضحك و خلت دموعي تنزل
نيالهم عليك و على قصصك المهضومة:o
Nader 3:16
06-09-2007, 01:48 AM
وين غبت يا عم جابر ناطرين القصص الباقية!!!!
و الله عم تتعب معنا ....بس نحنا بالمقابل عم نتعب من الضحك كمان!!!!!
جابر دملوك
06-09-2007, 03:41 AM
(13)
عوكر معتر بس خواجه إبن خواجه.
راح عوكر ت يشتغل بالسعودية.
الشركة هلي عم يشتغل فيا بعتتن يشتغلوا ب (مكة المكرمة).
و كلكن بتعرفوا إنو مكة كُلا حرم و ممنوع يفوت علَيا غير المسلمين.
يقول الله تبارك و تعالى :
(يا أيها الذين آمنوا إنما المشركون نجس فلا يقربوا المسجد الحرام بعد عامهم هذا ..... (التوبة:28))
عوكر مسلم إبن مسلم و صرلوا عم يشتغل ب مكة كَومِة.
و بيوم من الإيام مطََوِِع من جمعية الأمر بالمعروف و النهي عن المنكر بيخسبو مسيحي.
بيأرب المطوع من عوكر و بيسألو : خواجه إنت ؟
بينفش عوكر ريشو و مانو عارف إنو
(خواجه = غير مسلم و بالتحديد مسيحي)
و بيجاوبو : خواجه إبن خواجه.
و ما بيلحق عوكر يخلص لفظ (جه) من كلمة (خواجه)
إلا و جه كف ع وشو برمو متل الطاحون.
و إجتمعوا علي كزا واحد ... و وين بيوجعك ... نهنهوا.
و لا واحد منن فطنلو يسألو عن إسمو.
صاروا يتآتلوا ع أتلو.
و بعد ما فاء من الإنعاش عرفوا إنو مسلم إبن مسلم.
و هو بدورو عرف إنو مانو خواجه إبن خواجه.
جابر دملوك
06-09-2007, 01:20 PM
(14)
عوكر و أديب الأَص.
كلكن بتعرفوا ماركة ال adidas.
بيوم من الإيام إبن عم عوكر شافو طالع ع السلم ولابس سكب جديد ألو :
" و لك شو هالسكب الحلو يا عوكر ... ش نوعو ؟ "
" نوعو adidas " جاوبو عوكر.
ألو : بس غريبة شوية إشارتو.
ال adidas لو 3 شحطات
و سكبك لو 4 شحطات
و لك فرجيني لشوف إسم الماركة.
و لك يا عوكر سكبك نوعو :
" أديب الأص adibas مانو adidas "
راح عوكر عم يبكي لعند بو و ألو :
" دحكت عليي ... جايبلي سكب تئليد ... مادي هو بآ "
ألو بو : " من ألك هيكه ؟ "
" إبن عمي " جاوبو عوكر.
وأتل بو عوكر شاف إبن خو ألو :
" يلعن أبو عرضك منين طلعتلنا بهل الأصه هدي
ألله وكيلك ناتع السكب من بيروت و جايبو"
هع هع هع...
مشكور ؤصة حلوة
الزاهر
06-09-2007, 04:06 PM
يا زلمة......ما بئا لي ألب أترك موضوعك لفترة طويلة......بيجي دوز الضحك تئيييييييييييييل......ما بيعاد فيني استحمل.......!!!!!!!
لووووووووووووووووووول!!!!!
جابر دملوك
07-09-2007, 04:00 AM
(15)
الإستاذ عوكر و الآلة الحاسبة.
الإستاذ عوكر معلم ثانوي بيعلم فيزيك بالإصم التاني.
كفو للإستاذ عوكر و صابيعو كبار (ما شاء الله)
بيوم من إيام (سنة 1978) تلميذ من تلاميذو إسمو عنكوش كان جايب معو آلة حاسبة ع الصف.
الإستاذ عوكر شاف عنكوش عم يفئس بالآلة آم عيطلو و ألو :
عنكوش تعا فرجينا شمَعَك.
آم عنكوش ِرِكد رَكِد لعند الإستاذ و عطي الآلة.
بلش الإستاذ عوكر يفئس ب هل الآلة
يضرب و يئصم و يجمع و يطرح
و sin من هون و cos من هونيك و log من فوء
و آخد مجدو طالع نازل.
و فجأة بيعصبلك تعصيبة ل بو دينا و ما بيعاود يتهدا.
و بيعيط ل عنكوش و بيؤلو :
تعا خود آلتك المعفنة ... لأنك الظاهر جايبه من الباله.
عنكوش بيصَفرِن ... فزع ع حالو و فزع ع الآلة ... لها معو يومين و هادا التالت ... بيصير نزعا الإستاذ.
" شبها الآلة ؟ " بيسأل عنكوش.
" آلتك خرفانة ... أو فاضية بطاريتا " بيجاوبو الإستاذ عوكر.
" الآلة جديدة خلنج ... و البطارية فُرتُؤ نَيْلُن ... يا إستاذ " بيؤلو عنكوش.
" و ليش ما طَلْعِت و لا جواب صح لِكَن ؟ " سألو الإستاذ عوكر.
" لش شفئست و ما طلع صح ؟ يا إستاذ " جاوبو عنكوش.
" ضربت و إصمت و جمعت و طرحت
و ما في شي ما فئستو حتى sin و cos جربتن
و لا جواب طلع صح أبدا " ألو الإستاذ عوكر.
" بدكياني جرب شي إدامك يا إستاذ ؟ " سألو عنكوش.
"عملي cos 60 لشوف لَكَن " ألو الإستاذ عوكر.
بيجربا عنكوش و بيفرجي الإستاذ عوكر الجواب.
" لك لو لاك لاك ... و لك و الله صح ... شعملت أنا غير شكل عنك ?"
سأل الإستاذ عوكر.
" هدي جربا إدامي يا إستاذ " ألو عنكوش.
حمل الإستاذ عوكر الآلة مرة تانية و ضرب cos 60 من دء و جديد
و الجواب طلع غلط
و ما لاحظ ع حالو شعمل
بس عنكوش كان حربوء عرف شعمل الإستاذ عوكر
و عرف لش طلع الجواب غلط.
عنكوش ألو للإستاذ عوكر :
"بؤلك يا إستاذ لش طلع الجواب معك غلط ... و ما بتؤتولني و لا بتزعل مني ؟ "
أَلُو : " أُوْل و عليك الأمان ما بؤطفك "
" يا إستاذ ... صابيعك كبار (ما شاء الله)
أصبع واحد بيغطي أربع خمس زرار
لأ و فوء هيكه و زيادة عم تستعمل الصابع الكبير
و منتظر يطلع معك جواب صح
آ منيح هلي ما أحترئت. "
مشاء الله اسلوبك ب يجنن يا معلم جابر
الله يعطيك العافية
جابر دملوك
07-09-2007, 01:10 PM
الله يعافينا و يعافيك و يرضى علينا و يرضى عليك يا رب.
ع فكرة : ما نك عوكر من هل العواكر المذكورة ؟
أنا كان لي الشرف إني كون عنكوش ... و تعوكرت بأصة من الأصص.
جابر دملوك
08-09-2007, 03:06 AM
(16)
عوكر و ال Anonymous.
عوكر وطني و بيحب الأغاني الوطنية.
بيوم من الإيام وأتل كان عوكر عم يدرس ب أماركا راح يحضر حفلة ل (مرسيل خليفة)
ريع الحفلة كان تيبنوا مستشفى بالجنوب.
و الحفلة عبارة عن (غِناء ف تََبَرُع ف غِناء)
بعد ما خلص الحفل الغنائي الأول و جا وقت التبرع
مقدم الحفلة صار يذكر أسماء المتبرعين و المبلغ.
في بعض الناس ما حبوا تنذكر أسماؤن ف صار المزيع يؤل :
Anonymous
يعني مجهول و يذكر المبلغ.
هيكه يعني :
بو مالوش ----- 100$
anonymous $20
حنفوش ------ 80$
anonymous $30
شاكوش ------ 320$
anonymous $35
و هلم جر ... و عوكر والشله أعدين.
زبون العوافة عوكر أفندي إفتكر anonymous إسم شخص.
آم شآل : و لك يئطع عمرو شو زنكيل هالزلمة.
صحيح خَيِّر بس دِمو تئيل يدفعن بفرد مرة و يخلصنا بآ
حاجا عم يفرفطن و يمرضنا.
هع هع هع....
و الله شغلة هل عوكر
بس عارف شغلة يا معلم جابر عن نسأ هل ؤصة صار معي بالأول
يعني الحمد الله مرأ ؤصة تعوكرت عن نسأ
مشكور و الله يبارك فيك .........
ناطرينك..
Nader 3:16
08-09-2007, 12:41 PM
ههههههه مشكور يا عم جابر
كل ما ادخل عالمنتدى بفوت مباشرةً على موضوعك لأرى ان كان هناك من جديد!!!!
الزاهر
08-09-2007, 03:06 PM
بالانتظار على قناة المنتدى........عوكر المدوكر.......في حلقة جديدة كل يومين!!!!
صار لازم نعمل للموضوع دعاية........لأن الكل عم يحكو فيه بالضيعة........صار مرجع!!!!
جابر دملوك
08-09-2007, 11:36 PM
(17)
عوكر و المعزاية الضايعة.
بيوم من الإيام كان عوكر عم يلعب بالحُل مع رفؤتو.
و كان اللعب بأول كروم الزيتون.
الوقت صار أريب من المغرب و عوكر كان طاير مع الطايرين و خو ل عوكر كان طامم.
هو و رايح عوكر ل يتخبى بشي زيتونه بيشوف رجالين من الألمون و معن ِرجَّال غريب.
الرِجَّال الغريب كان راعي من الرعيان أياهن ضايعتلو معزاية حبلة و ع وشك إنا تخلف.
واحد من الألامنه سأل عوكر :
" شفتلك شي معزاية ب ها الصايح ... يا عمعوم ؟
" لا والله ما شفت شي ... ع كلٍ شلونا ؟ " ألو عوكر.
" لونا بُنَّي ... و في ببطنا سعسوع ... يمكن تكون لاطيتلا بشي أُرْنِه عم تخلف "
جابو الرِجَّال.
عوكر بينسى إنو عم يلعب بالحُل و ما بيلائي حالو إلا و مشي معن و صار عم يأيبل ع المعزاية.
فريئ التدوير بيبعد عن المحل هلي كان عوكر عم يلعب في بالحُل.
خو لعوكر راح يدور ع الطايرين لَأَط منن كم واحد و الباقيين تسملحوا و عوكر منو مبينلو أثر.
الكل تشوشوا علي و صاروا يعيطولوا.
و لا حياة لمن تنادي ... لأنو عوكر طلع ع الجبل و نزل ع الوادي.
خافوا ما يؤم هادر علي شي حيط.
أو شاكك شي عود زيتون براسو.
أو وائع من راس الشجرة.
دَلُّن يدوروا شي ساعة و ما حضيوا في.
لأنو عوكر صار بدنيا تانية و نسي الحل و هلي عم يلعبوا بالحل.
صار عوكر تَحَرِي مِعْزِه.
خو لعوكر راح ع بيتن و خبر إهلو و كل واحد من الأرطة عمل متلو و إنتشر الخبر بالضيعة.
نُص الضيعة صارت بالبرية عم تدور ع عوكر الضايع.
و عوكر الضايع عم يدور ع المعزاية الضايعة.
و حُلا بآ.
هادا لي طلع بالخرطوش.
و هاداك لي طلع بالدك.
و شي حامل عصا طخينة.
و البرية إنتلت عالم كبار و ظغار صبيان و بنات.
و كُلُن عم يعيطوا " عوكااااار ... يا عوكااااار ... و ينك يا عوكااااار "
و عوكر مانو سامع شي لأنو بعيد كتير
عم يجمع خيوط و بصمات ودعسات.
وأتل أنتشرت هل العالم بالبرية و صاروا أريبين من عوكر و سمع ناس عم يعيطولو.
تذكر إنو من شي 3 ساعات كان عم يلعب بالحُل.
" و لك أحِنِي هَونَيييييي " جاوبن عوكر.
" و شعم تعمل عندك ؟ " آلولو.
" عما دور ع المعزاية " ألون عوكر.
" أيا معزاية ؟ " سألوا.
" المعزاية الضايعة " ألون.
" و لأيتا ؟ " سألوا.
ألون : " لاء إسا ما لأيناها "
آلولوأ : " الله يئطع عمرك و عمر هل المعزاية "
" إنبح صوتنا و تكسروا إجرينا أحنا و عم ندور عليك "
" يا ريتك ضعت معا عن جد و ريحتنا "
الله يجزيك الخير مشكور يا معلم جابر .....
بس ما تكون انتا لي تعوكرت بي هل ؤصة....
هع هع هع....
والله حلوين ؤصصك
جابر دملوك
09-09-2007, 03:11 AM
(18)
عوكر و السُمْنَات.
إستعار عوكر بارودة و جناد خرطوش و راح ع الحريشة ت يتصيد سُمُن.
أوص عوكر الجناد كلو و ما وئع حتى بو ريشة.
هُوا و راجع ع البيت إبن عمو لعوكر شافو حامل بارودة ف إستغرب و ألو :
" عوكر عم يأوص سمن ... أكيد إربت القيامة ... مأوص شي ؟ "
جاوبو عوكر : " و لا تزفرت "
و سأل إبن عمو : " لش مأوص شي أنت ؟ "
اَلو إبن عمو : " أوصت 14 سمنة "
ألو عوكر : " بتبيعن ؟ "
" لش لآء ... إذا بتعطيني فين سعر منيح " ألو إبن عمو.
المهم عطي هنه و نبه علي عوكر إنو ما يجيب سيرة إدام حدا أبدا.
و ألو : " أنا بعطيك حَؤن بس أطلع ع الضيعة "
راح عوكر ع بَيتُن حامل هل المشكاك مليان سمن ع بنا إنو هو مأوصن.
أمو و إخواتو بلشوا يحَوطُوا.
بهاك الليلة إنشغل عوكر و ما في طلع ع الضيعة و نسي إنو مواعد إبن عمو إنو بدو يعطي حق السمامن.
راح إبن عمو ع الضيعة و بحبش الأهاوي كلن عؤش و عؤش و ما كان يحضى بعوكر حمل حالو و رجع ع البيت.
تاني يوم من ع بكرة الصبح بعت خو الظغير ع بيت عمو ت يجيبلو حق السمنات.
وأتل طََبِِل الظغير ع الباب و فتحولوا ألون :
" أخي باعتني ت جبلو حق السمنات هلي إشتراهن عوكر منو مبارح "
هع هع هع...
هدي جرصا...يأطع خملو ...
الله يعطيك العافية
شكرا كتيييييييييييييييييير لمواضيعك وياريت ما طول علينا بي قصصك
Nader 3:16
10-09-2007, 04:21 PM
ولك شو هادا ......يلا بسرعة يا عم جابر!!! الله يخليك
لانطيق الانتظار!!!!!
جابر دملوك
10-09-2007, 04:59 PM
(19)
عوكر و البِسِكلِة.
عوكر كان عايش ب أماركه و بيوم من الإيام إستعار بسكلة رفيقو عنبر هِلِي ساكن معو.
و بسكلة عنبر لها أفل و دولابا الإدماني بينشال بفتحت إيد بدون مفتاح عزآت.
بس عوكر ما بيعرف ها الشي.
أبل ما يروح عوكر عالبسكلة عِطي عنبر مفتاح الأفل و ألو :
" لا تنسى تأفلا "
حمل حالو عوكر عهالبسكلة و راح تيجيب غرض.
وصل عوكر و أبل ما يفوت عالمحل عمل بتوصيات صاحب البسكلة عنبر ف أفل البسكلة من الأصطر بشجرة و فات و هو مطمن بالو عالعُهدة.
10 - 15 دقيقة و بيطلع عوكر حامل الغرض و مهيي مفتاح الأفل و مانو عارف شصار بغيابو.
" إِلْعَمَه وينو الدولاب ... ولك ون طار ... شل المصيبة الزرقة هادي "
صار عوكر يترغل بصوت واطي و يطَّلع هيك و هيك.
حمل عوكر الباقي من البسكلة و حمل الغرض ركب بالباص و راح ع البيت.
وأتل وصل عوكر عالبيت و حكي الأصة لعنبر ألو :
" مانك عارف إنو الدولاب بينشال بسرعة "
جاوبو عوكر : " و لا كنت عم فكر بهالموضوع أبدا "
المهم عنبر ألو : " هلأ بروح بجِبلا دولاب من محل بساكل عتيؤه "
" لا و الله ما بي صير ... الحق عليي و أنا لازم إدفع حقو " جاوبو عوكر.
" طول بالك يا زلمه "
" ما بيصير أبدا "
" ما بتجيبو ... أنا لي بجيبو "
" حلفت ب الله و ما بتراجع "
المهم بعد هالمعركة إتفقوا إنن يروحوا يجيبوا الدولاب و عوكر يدفع حقو.
جابوا الدولاب. عوكر دفع حقو و طلع بالباص. و عنبر ركب عالبسكلة و لحقو عالبيت.
ع الطريق حن قلب عنبر ع عوكر و قرر إنو يشاركو بالبسكلة و يصير أيمتن ما عن ع بالو يركب عليا.
مرئت الإيام و صار شي عادي إنو البسكلة لعوكر و عنبر و مفتاح الأفل بالدرج هلي بدو يركب مشوار بياخدو وبس يرجع بيرجعو عالدرج.
بعد فترة شأل حالو عوكر و راح مشوار بعيد عهالبسكلة و جاع و عطش كتير.
ف أبل ما يفوت ياكل بِ ال Burger King أفل البسكلة من الأصطر كمان هل المرة ... بس عمل ضرب زكا ... فك الدولاب و فوتو معو عالمطعم.
وِئِف عوكر بالصف و طلب إكل و مانو حاسس سعم يصير برا.
عوكر أغا ... صحيح شأل الدولاب معو و ما بقى حدا فيي يسرقو.
بس طلع مأفل البسكلة ب شأفِت حديدة طولا شي متر و نص
و أرفع من أصطر شبكة الفولي
كانت البلدية ساندة شجرة فيي أبل ما تموت
و ماتت الشجرة و بقي الأصطر.
خَلِّص عوكر الوجبة السريعة و عبا مرة تانية الPEPSI بَلاش و طلع بإيد ال PEPSI و مفتاح الأفل و بإيد الدولاب المحروس.
ورقة المعلاء معو بس المعلاء طار.
تاري السِراء المسكين نأرء هو و عم يشؤل البسكلة وحدو ليمريؤه من الأصطر.
بقي الدولاب هلي عوكر دافع حقو و مفتاح الأفل بلا الأفل و صاحبو عنبر.
حمل عوكر الدولاب طلع بالباص و رجع عالبيت.
فات ع البيت هو و حامل الدولاب و أعد يشرح لعنبر و يؤلو :
" و لو شو هالدنيا هادي و لك بيسرؤ الكحل من العين "
بكل برودة أعصاب ألو عنبر : " أكيد ما بقى لازملك المفتاح "
ألو عوكر : " لاء ... بدك يا ؟ "
ألو عنبر : " لاء "
بس برأيي بما إنو الدولاب إنت لي دافع حقو و ما لي شي في
جبلك شي أضيب و إنزال كرجو فيي
وما بظن في داعي تأفلو ... بتاخدو معك ون ما رحت
و لا تنسى تنفخو كل ما نَفِّس.
يا هلا بالمعلم جابر .........
يسلمو ع هل الؤصص الحلوة
يعطيك العافية
عمار الفلو
11-09-2007, 10:57 AM
ههههههههههههههههههههه
habouleh
11-09-2007, 12:12 PM
قصص كتير حلوة و الأحلى الأسلوب:d
جابر دملوك
11-09-2007, 03:24 PM
(20)
عوكر و خو القاصر.
عوكر و خو التوم عندن محطة بانزين بيتناوبو ع الشغل فيا.
بيوم من الإيام وأتل كانت دورية الأخ إنسرؤ المصريات من الدرج.
جا دور عوكر و عرف بالأصة ف إتصل فوراً بالدرك.
وأتل جا المحقق جا معو دركي ألموني.
بلش المحقق يسأل عوكر عن ملابسات الجريمة لحتى يجمع الخيوط و يحط إيدو ع المجرم.
المحقق سأل عوكر :
"من كان موجود أو من كان من المفروض إنو يكون موجود بالمحطة وأتل نسرأؤ المصريات ؟"
إنتهز عوكر الفرصة و حب إنو يحكي " فصحى "
و هو طالع كحش من صف الخامس بعد ما خدم في تلات أربع سنين.
جاوبو عوكر : " بينما كان دور أخي (القاصر) بالمحطة ... "
وحب إنو يتابع حديثو إلا و بيآطعو الدركي الألموني و بيؤلو :
" عوكاااااار ... إنت عندك أخ قاصر ؟
رد علي عوكر و بالفصحى و آل : " القاصر أي الأقصر مني."
يأطع خملو هل عوكرع هل فصحة هادي...
هع هع هع...
يسلمو يا اخي جابر
جابر دملوك
12-09-2007, 12:03 PM
(21)
عوكر و الجزرة.
صلى عوكر العصر و إنضم لحلقة القرآن الكريم.
عوكر عندو مشكلة بحرفين "ج" و "ز" إذا جو تنينن بكلمة واحدة.
بينئلب حالو فوآني تحتاني و بيصير يلفظ "ج" "ز" و "ز" "ج".
و الأخ هلي عم يأرين بيعرف عوكر معرفة سطحية و ما بيعرف هالشي عنو.
بعد ما إري كم أخ جا دور عوكر تيبلش بسورة النازعات.
بلش عوكر بالسورة كل ما غلط يصلحلو الأخ المسؤل ف يظبط حالو و يكمل.
لحِد ما وصل للآية (13) ... " فإنما هي زَجْرَةٌ واحدة. "
آم إريا " .... جَزْرَةٌ واحدة "
ف ألو الأخ : " لاء يا أخي إطلع ب الآية مرة تانية و أراها من جديد "
عوكر رجع عاد الآية و إري ال " زجرة " " جزرة "
" يا أخي إطلع منيح ع هل الكلمة هجيا و إرجاع أراها " ألو الأخ.
عوكر هجا الكلمة مظبوط.
" حلو كتير ... يا الله أرا الآية هلأ لشوف " ألو الأخ.
رجع عوكر إري الآية و إري ال " زجرة " " جزرة "
" و لك يا حبيبي ما هلأ هجيناها مظبوط ... شبنا رجعنا نزعناها " ألو الأخ.
" ليك رُدْ ورايَي ( زجرة ) " ألو الأخ.
" زجرة " ألو عوكر.
" أهاه ... يا عيني عليك "
" هيكا بدي ياك تؤلا أنت و عم تؤرا الآية كُلا " ألو الأخ.
عوكر ألو : " رح حاول "
عوكر يؤرا الآية ب جزرة ... و الأخ يصلحلويه ب زجرة.
عوكر يؤرا ب جزرة ... و الأخ يصلح ب زجرة.
عوكرب جزرة ... و الأخ ب زجرة.
دلُن أكتر من 3 دقايق ع هالسيرة و ما كانت تنحل مع عوكر المشكلة.
و كل الموجودين فارطين من الدحك.
" يعني مُصِر إلحاحاً ع كلامك يا أخي ... و الله مشكلة " ألو الأخ.
" يا عمي و الله عارف إنو الجزر بيأوي النظر
بس بدي ياك تخففلي شوية من حضر Bugs Bunny
لحتى تنحل هال المشكلة و تصير بتعرف تؤرا الآية "
wishes
12-09-2007, 12:09 PM
سامعة بهالقصة بس مع بنت مش مع شب
على كل حال مواضيعك و قصصك كلا حلوة
مشكور
هع هع هع...
حلوة ...
يسلمو عنجد بتشيل الهم عن الألب
جابر دملوك
12-09-2007, 12:38 PM
(22)
عوكر و الضبع.
مرة من المرات تنذكر و ما تنعاد ضربت هزة أرضية
بعد الصبح ب شويه الألمون من جملة المناطيئ هلي ضربتا.
كانت الضربة بَيْنَ بَيْن مانا أويه و مانا ضعيفة.
ف خافوا العالم ما تِلحَآ هزة تانية حملوا حالن و طلعوا صب الكروم بسرعة.
وئفولن شي نص ساعة.
و هنه و واءفين ما بيشوفوا إلا و ضبع راكد بسرعة صب الضيعة.
ما بيلتكش فيين و لا بيعبرن.
" العمه في ألبك لون رايح " آلوا الرجال.
و النسوان آلت : " تنكسر ع زعمك لون سارح ب النُزلة "
ما بيلحأ يبعد الضبع شوية إلا بيشوفوا عوكر نازل من الجبل.
تاري الضبع هربان من عوكر
ومانا فِرآنه معو الهزة الأرضية.
جابر دملوك
12-09-2007, 01:13 PM
(23)
عوكر و فيلم "21 ساعة في ميونخ"
وأتل نزل فيلم "21 ساعة في ميونخ" هلي بيحكي أصة الفدائيين الفلسصينية هلي فاتوا ع المباني الرياضية الألمانية ب ميونخ و إحتجزوا الفريئ الإسرائلي المشارك ب الألعاب
قرر عوكر ينزل يحضرو و بلش يجهز حالو.
راح ع البيت رَكِب الضنجرة الكبيرة و بلش يسلوء بهل البيض.
فاتت أختو ع المطبخ و شافتو وائف جنب الغاز.
آلتلو : " شعم تطبخلنا بالضنجرة يا عوكر ؟ "
" ما عم أطبخلكن شي ... عم أسلق بيض لحالي " جاوبا.
" كل هادا بيض ؟ عازم الحارة ؟ " آلتلو.
" لآء يا زكية رايح أحضر فيلم (21 ساعة في ميونخ) بالسينما
ف عم حضر 21 بيضة مسلوقة كل ساعة باكل بيضة
ولا بدك ياني موت من الجوع هونيك
ما بيأديكي ما رح نام كل هل الوقت "
ألا عوكر.
آلتلو : " يا غشيم ... الأحداث إكلت 21 ساعة
بس الفيلم يا دَوْب يطلع ساعتين و نص 3 ساعات "
ألا : " هيكه لكن ؟ " آلتلو : " آ"
ف آم لف لفوفة إكلا و حمل حالو و راح.
moustafa
12-09-2007, 02:45 PM
ههههههههههههههههه
جابر دملوك
12-09-2007, 10:39 PM
الله يبارك فيكم جميعا و يبارك بجميع الأعضاء و الزوار
و ع راسن المشرفين الله يعطين العافية.
و إن شاء الله بيكون رمضان هالسنة
رحمة و مغفرة و عتق من النار
لكل الموحدين من أمة محمد علية الصلاة و السلام.
جابر دملوك
12-09-2007, 10:54 PM
(24)
عوكر و البقاع.
طلع عوكر ع مخيم عباد الرحمن ب بعصفرين.
تاني يوم طَلِّعن العريف ع جبال الأربعين.
وأتل وصلوا لفوء ألن العريف :
" و من هون فينا نطل ع البقاع "
ع الحارك سألوا عوكر و آل :
" فيني إنزل إشتري من عندو ؟ "
جابر دملوك
12-09-2007, 11:16 PM
(25)
عوكر و البزؤة.
عوكر و رفقاتو الأربعة وصلوا ع موقف الألمون بعد ما حضروا سينما بالبلد.
و كانت الدنيا صيفية و فطصة.
الشوفير هلي كان دورو ساعتا مشهور إنو بيبزيئ كتير من الشباك.
بيترؤلو شي 10 بزآت بالمشوار الواحد.
عوكر و الأرطة طلعوا طلب كامل.
و طلعت أعدِة عوكر ورا الشوفير مباشرةً.
رفقاتو لعوكر إتفأوا إنُن يعملوا مألب فيي و عوكر مانو حاسس عالطبخة.
هلي راكب ورا عاليمين طَلِع راسوا من الشباك و آل :
" خييييي ما أحلاها ... كأنك بالجُرد "
حب عوكر يعمل متلو و ب هل الوقت كان الشوفير عم يجوجل و يجمع البزؤة إلي هيه.
و ما لِحِيئ عوكر يطلع راسو من الشباك إلا و سطل مويه دافية و فيا سموخ بيجي ع صلعتو.
هع هع هع ...
حلوين كتير...
أبو رياض القلموني
13-09-2007, 12:26 PM
عوكر والمشمشات
عوكر شاري كيلين مشمش أم حسين وراجع عبيتن مبسوط...
بيفتح عوكر أول حبة بيلائية مدودة ..بيفتح التانية ....كمان مدودة !
التالتة .. كمان مدودة !!
بيطفي عوكر اللمبة ...وبياعد يكفي إكلو عرواء.....
أبو رياض القلموني
13-09-2007, 02:14 PM
عوكر والدبوء
بالزمانااااااااآآآآآآآآآآآآااااااااااااااآآآآآآآآآ آآآآآآآآااااااااااااااااااااااااااات
من شي سنة , كان عوكر طالع عالصيد هو و رفآتو...
افترء عوكر ورفآتو عن بعضن ...هادا اللي لاحيء ععصفور...هادا اللي لاطي تحت اللوزة ...
عوكر حضي برف عصافير غاطط ....بلشلك فين بهالأويص ....أوص الأول ..ما طار الرف ,,
أوص التاني ..ما طار الرف ...دلاتو عوكر نازل فين بالأويص ..
رفآتو لعوكر سمعو الأويص فكروا في شي جبهة ...
ركدوا لعند عوكر ...لئيوا بالش أويص بهالعبوشة ,
عوكر يأوص العصفور ...آم يبرم ويدل معليء بالدبوء من إجري ...
صار عوكر يعيط لرفآتو ....ولك ركدوا ساعدوني ....متلان عصافير ...
عم أوصن وما عم يطيروا....
بعد شوية , لئي عوكر صاحب الدبوء راكد لين وبالش عياط وبهدلة و مسبات....
عوكر أبّع بالركيد , بعد ما اكتشف إنو أوص نص العصافير اللي عالعبوشة...
الزاهر
13-09-2007, 02:28 PM
يا زلمة.......ذكرتني بأيام زماااااااااااااااااااااااااااااااااااااااان.....وئ ت كنت روح عالدبوء!!!
بس حلوة كتييير....يالله يا عم جابر........جاك مين ينافسك!!!!
جابر دملوك
14-09-2007, 03:18 AM
(26)
عوكر و ال Helmet.
بيوم من الإيام راح عوكر هو و بو ع محل رياضة ت يشتري مضرب تنس.
فاتوا ع المحل و إتجهوا فورا ع الإصم هلي في مضارب.
بو عوكر يناولو بالمضارب و هو يجربن.
" هادا منيح ... هادا أحسن ... هادا ما بيسائب ...
هادا تئيل ... هادا حلو ... هادا بشع ... و إنت و ماشي "
هلاء هنه و عم يجربوا المضارب كان في رجال طول بعرض عم يعمل متل حكايتن.
هو و بالمحل عوكر بيحضى ب Helmet محطوطة ع الرف.
ال Helmet : هي طاصة بيلبسا الجندي بالحرب و هلي بيركب ع الموتوسيكل.
و مع إنو هل المحل ما بيبيع Helmets
بس عوكر عمرو 10 سنين و ما بيعرف
و بو موروش بالمضارب و بأسعارن و أينو حاطينو بنص حأو.
حمل عوكر ال Helmet و بلش يئيسا و هي بتساع راسين متل راسو.
عوكر يشد الربطة و يطلع ب بو و يسألو منيحة ؟.
و بو ما يطلع و يؤلو عندك واحدة جديدة بالبيت.
و هنة ب هل المشهد كان الرجال هلي جمنن حضي بالمضرب لي بيناسبو
و حملو و بدو يروح ت يدفع حقو.
بس وأتل فات ع المحل كان معو شغلة بإيدو و متأكد من هالشي.
عوكريديئ ال Helmet و يئيسا
و الرجال عم يخيدل من جمنو هو و عم يدور عليا
و مانو منتبه علي و لا خاطر ببالو إنو ال Helmet ع راس عوكر أبدا.
أكتر من خمس دقايق و الرجال ع هل الحالة
يطلع ع الموتوسيكل ت يتأكد إنو مانو رابطا عليا
و يرجع يفوت و يبحبش محل ما كان وائف.
و فجأ لمح ال Helmet ع راس عوكر
ف ما حب إنو يعصب علي لأنو ظغير و وائف جنب بو
( بطل كمال الأجسام بكل بيتون لعام 1982)
الرجال إطلع بعوكر و ألو :
" بينزلوا الحبلة تبعت ال Helmet من تحت الدقن "
عوكر رد علي و عمل متل ما ألو مفتكر إنو بيشتغل بالمحل و عم يساعدو.
وأتل ظبطت ال Helmet ع راس عوكر منيح ألو الرجال :
" ل Helmet إلي معك لي "
ساعتا عوكر ما عاود يعرف كيف بدو يئلعا
لأنو كان زاركا كتير و كان رح يخنؤ حالو.
جابر دملوك
16-09-2007, 10:06 AM
(27)
عوكر و الأخطبوط.
من أكتر من 25 سنة كان عوكر عم يِصْلِي أفف عالبحر و بالظبط محل بور الأحدب.
عوكر ما كان وحدو بهاك المنطؤة.
كان معو أرطا كبيرة من رفقاتو و ولاد حارتو و من جملتن إبن عمو دكروش.
مرة من المرات هو و راجع عوكر عالشط بعد ما صِلِي الأفف إلا و بيشوف أخطبوط بغُرؤة ظغيرة بتطلع شي مترين.
بيحمل حالو عوكر و بيطلع عالشط بسرعة تيجيب سيخ الحكش.
دكروش بينتبه ع عوكر ف بيؤم بيلحأو بلا ما يعرف.
عوكر نِفْسَو أصير كتير يمكن أأصر من نفس البرغوت و الأفف بينزلون تنزيل بالحبلة و الفواشة.
عوكر مستعجل تيشيل الأخطبوط و دكروش ورا بالظبط و معو ناضور و بَلْمات.
بيوصل عوكر فوق الغُرؤة و بي بلش يعمل بروفات تياخد النفس هلي هو.
بعد ما بيوخد نفس أخو شَلِّيتة بينزل تيحكش الأخطبوط بس للأسف النفس ما بيكون كافي ف بيترك سيخ الحكش تحت و بيطلع ت ياخد نفس أأوا.
و الأخطبوط آعد تحت عم يتأرج ع عوكر و يمكن عم يدحك علي كمان.
و أد ما عوكر كان معجوء بالأخطبوط ما كان حاسس بدكروش هلي كان ورا.
بلش عوكر إستعداداتو تياخد نفس أطول و هل العملية رح تاخد شي 3 أربع دقايق إذا ما كان أكتر. و دكروش بيعرف هالشي.
دكروش نِفْسَو طويل ما شاء الله و معو بلمات في يسرع.
هو و عوكر عم يستعد نزل دكروش حكش الأخطبوط و طلعو و طلع معو سيخ الحكس كمان و دلو طالع عالشط.
عوكر كل هل الفترة كان عم يستعد و ما كان عم يطلع تحت منو.
وأتل نزل عوكر لتحت لإي الأخطبوط فاركا و آخد معو سيخ الحكش.
خِوِت عوكر و ما سديئ حالو.
طلع و صار ينوضر من فوق و ما كان يحضى بشي.
حمل حالو وطلع عالشط و هو و ما نو مسديئ.
و بلش يحكي ألأصة كيف الأخطبوط فركا بالسيخ.
و الكل غاشيين من الدحك و هو مستغرب عم يدحكو علي و لا أيش.
و بعدين فَرْجا دكروش السيخ و سألو : " مو هادا السيخ تبعك ؟"
جاوبو عوكر : " مبلا ... كيف جبتو ؟"
ألو : " الأخطبوط كان مستعجل كتير
عندو مشوار ضروري و ما عاود في ينطرك
ف طَلِّعلك السيخ ع الشط
لأنو خاف ما تكون مانك آدر حتى تجيبو من كعب الغرؤة"
يا هلا بالمعلم جابر...
يسلمو ع هل الؤصة الحلوة ...
ناطرين المزيد...
Nader 3:16
16-09-2007, 11:42 PM
هههههههههه مشكور يا اعم جابر
و يا اخ ابو رياض قصتك من اجمل قصص عوكر.....
جابر دملوك
17-09-2007, 10:36 AM
(28)
عوكر و التُّوم.
لَأَط إستاذ الفرنسي عوكر من إدنو و سألو : " كيف بيؤلوا تُوم بالفرنسي ؟ "
جاوبو عوكر : " ما بعرف "
عَصِّلو عليا و ألو : " بتعرف و غصبن عن دعس راسك "
ألو : " و الله يا إستاذ ما بعرف ... و بعدين عم توَجِّعني كتير "
ألو الإستاذ : " عم وجعك و بدي دلي عم وجعك تحتا تؤلي كيف بيؤلوا تُوم بالفرنسي "
صرخ عوكر و آل : " آآآآي (ail) ... الله يئطع التُّوم من الدنيا "
رد علي الإستاذ و ألو :
" أنا عارف إنك بتعرف
بس معلوماتك ما بتطلع إلا بأتلة
أحنك ألتا و ما أحلاك "
جاوبو عوكر : " ألتلك ما بعرف و لا بعمري سامع فيا "
رجع الإستاذ لأطو من جديد بإدنو و عصلو كتير وألو :
" ألي كيف بيؤلوا توم بالفرنسي أحسن ما نهنهك ها "
صرخ عوكر من جديد بصوت عالي :
" و لك آآآآآآآآآآي (ail)
حل عني إنت و التُّوم بآ ... رح تصير إدني أد إدن الفيل "
ألو الإستاذ : " و لك ألتا و إجرك فأ راسك "
ألو عوكر للإستاذ : " أنا ألتا ؟ ... أيمتن ؟ "
جاوبو الإستاذ : " ألتا مرتين ولا تنبل
و ساطلا علينا و عامل حالك مانك عارف "
ألو عوكر : " أيمتن ألتا ؟
لش أنا حكيت شي كلمة فرنسي هلأ ؟ "
جاوبو الإستاذ : " و الصرختين هلي صرختن
شكُنْت عم تؤل فين
الله وكيلك سنسبيل يمكن سِمِعُن من دِدِه "
ألو عوكر هو متعجب : " هلأ آآآآآي معناتا توم بالفرنسي ؟ "
الإستاذ ألو : " آآآ يا دنبر "
ألو عوكر : " و الله يا إستاذ هالكلمة
يمكن ما تنمحى من ذاكرتي لحتى موت
ع أد ما إنوجعت منشانا "
حبيبي و الله يا خي جابر...
حلوة...
يسلمو...
جابر دملوك
18-09-2007, 04:10 PM
(29)
عوكر بحِمْص.
عوكر تعرف ع رجال من حمص و إويت الصحبة بيناتن.
الرجال الحمصي عزم عوكر و ألو :
" جب هل العيلة و تعوا مضولكن شي يومين تلاته عنا "
عوكر عرض الفكرة ع مرتو.
ب الأول ما كانت المرة حابه تروح بس إبلت بعد ما لح عليا عوكر و ألا :
" مانا حلوه منا ما يؤم يزعل منا طاطيش
و ب المَرَّة هل الولاد بيغيروا جو و بينبصطوا "
حمل عوكر هل العيلة و راح ع حمص و وصلوا أبل المغرب ب شويه.
طاطيش و عيلتو كانوا ناطرين.
و ما أصْروا أبدا كانو مضيافين و إيدون طايلة.
مشويات و محشيات و حلويات و من جميعو.
و الكل تئل ع أد ما عجبن الإكل و ما عاود في مجال لحبة زيتون.
ع الساعة 10 و بعد ما سهرولن شويه صار وقت نوم الولاد.
ولاد عوكر بلشوا يتاوبوا ف لبسوا هل بيجمات و حاملن حالن و رايحين يناموا.
مرة طاطيش بتتعجب و بتسأل مرة عوكر و بتؤلا : " الولاد ما بيطأشوا أبل ما يناموا ؟ "
ردت عليا مرة عوكر : " يا خِرباني ... شبدن يتأشوا لي تأشوا
لش بأ في محل يحطوا شي
بلا ما يتأشوا هلأ ... بكرا النهار و ما طولو بيتأشوا أد ما بدون "
ما إنبلعت مع مرة طاطيش الحكاية كيف ما بدون يطأشوا أبل ما يناموا
ما يؤموا ينشنشوا ع الفرشة بالليل.
هادي تؤلا : " ما بيطأشوا ؟ "
و هاديكا تجاوبا : " تألوا إكل و ما في داعي يتأشوا بآ "
لحتى وصلت الأصة للدكارا عوكر و طاطيش
هلي بيعرفوا بعضن من فترة و كل واحد فهم مرتو ش بتؤصد التانية.
و هيكه عرفت مرتوا لطاطيش
إنو يتأشوا معناتا : يفأشوا بزر و دُؤا مخلوطة.
و عرفت مرتو ل عوكر إنو يطأشوا معناتا : يبولوا.
و راحوا الولاد طأشوا و ناموا.
الزاهر
18-09-2007, 04:38 PM
هههههههههههههههههه
فرجتلي كربي يا زلمة!!!!!!
جد مشكور!!!!
يسلمو...حلوة...
يعطيك العافية...
جابر دملوك
19-09-2007, 04:46 PM
(30)
دوكر و إبريق الفلافل.
دوكر كان ساكن مع 3 من رفقاتو بمرحلة الجامعة.
بيوم من الإيام بيرجع دوكر من بَرُة متأخر بيلاقي رفقاتو عملوا فلافل و إكلوا.
بيعبي دوكر إبريق الشاي و بيحطو عالغاز.
(رح نسمي الغاز بس هو بيمشي ع كهربا)
(غريبة و الله " غاز ع كهربا " متل " كاز ع مويه ")
المهم صاحبنا دوكر حط إبريق الشاي عالغاز و دور الغاز و راح يعملوا شغلة.
خمس 6 دقايق إلا و بيبلش زمور الدخان يلعلع و مِلا زمور جُرصُة و الله.
الكل بينطوا عالمطبخ.
الله وكيلكن غيمة سودة متل حبر الأخطبوط.
بيفتحوا كل الشبابيك و بيبلشوا يهووا.
و بيكتشفوا إنو دوكر كان عم يغلي زيتات الفلافل بالمقلة.
صحيح هو حط إبريق الشاي عالغاز بس دور تحت المقلة.
شو هل العوكر ........هع هع هع .......حلوة خي جابر.....
يعطيك العافية
جابر دملوك
20-09-2007, 07:09 AM
الله يعافيك و يبارك فيك أهلا بالأوادم.
بس ما لاحظت إنو الأصة الآخرانيه رقم (30)
كانت عن دوكر مانو عن عوكر.
ما بعرف ليش حسيت إنا بتظبط ع دوكر أكتر من عوكر.
سبحان الله.
لا والله ما انتبهت يا خي جابر انك كاتب الؤصة عن دوكر هل المرة.......
ع السرعة يمكن........
بس ايش ما كان الاسم ؤصصك بدل حلوة يسلمو........
Nader 3:16
23-09-2007, 01:40 PM
مرة عنبر راح عالحج(عقبال الجميع)
و كان الجو شوب كتييييير بمكة فالمهم عنبر حس بكتير تعب و اعياء من الحج...
فلما رجع ...بتعرفو العالم بيجوا يزوروا الحجاج ومن جملة الزوار الاخ عوكر...
فات عوكر و قعد و عم يسألو لعنبر شو كيف كان الحج هالسنة قام قلو عنبر و الله يا عوكر تعبنا و كان في شوب كتير يعني عنجد تعبنا كتييير..
صفن كم دقيقة عوكر بينو و بين حالو وهو عم يفكر و بعدين بيوقف بأول:
العمى اذا بكرة جا الحج برمضان كيف العالم رح تستحمل الوضع بس ان شاء الله ما بروح برمضان.....
الزاهر
25-09-2007, 02:59 AM
عوكر وبرميــــل الزيت
هاد بالزمانـــــــــــــــــــــــــــــــــــــــــــ ـــات
عوكر كان صاحب مكتبة......وعندو هيك بأفا المكتبة برميل زيت.....من هادول البلستك اللي لونهم أزرق......وغطاهم أسود!!!.......
وهالبرميل فيه لحد نصو زيت.......
لكن كل أسبوع......بيجي عوكر بيلائيه نائص......وهو عم يستخدم الزيتات اللي عندو بالبيت......
يا عمي....ولك مين عم ياخد زيت......واستمرت الأصة طويلا......حتى كان البرميل أن ينفذ......ما عاد فيه يصبر عوكر عهالحرامي.....ولك ما لئي يسرء إلا زيت!!!!
وقرر عوكر إنو يراقب البرميل .......
أعد بهالأرنة وموه حالو......ونطر......ونطر.......ونطر......ونطر....و كمان نطر......
وخود على يتغمضو عيونو من هون.......ويضرب راسو بالحيط من هونيك....ويأبط كل شوية.....نعس الزلمة.....!!!
وفجأة.......ما بيلائيلك إلا فريء جرادين بيسحلبو عاللس......وبيجو صوب البرميل.......بيعربشو عليه......وكل واحد بيكمش الجردون اللي أدامو من دنبو......وبيمدو حالهم متل الحبلة بألب هالبرميل......والجردون اللي براس الحبلة.....بيغطسوه بالزيتات.....وبيسحبوه وبيبلشو يسلحوه لينشفوه من الزيت!!!!.....
ساعتها جن عوكر.....(آه.....تخيلو ما يجن.....كل يوم عم ياكل زيت بزوم جرادين من المجرور!!!)....ومنيح اللي لساه بكامل قواه العقلية!!!!
وتوتة توتة.......خلصت الزعرورة!!!
سلام
مصطفى معتوق
25-09-2007, 05:39 AM
سلام شباب
ويعطيكن العافية على القصص الحلوة
محمد أحمد الفلو
25-09-2007, 03:16 PM
والله لما أبي كان يدير المواي من النبعة لأن هاب ما كانت توصل لعنا
جيت فتره بالصيف صارت تنقطع المواي كتير وقت الضهر
أبي كان يستغرب ليش عم تنقطع !!!
مع إنو الولاد يلي كانوا يتركوا النبريش فالت كانوا يطلعوا بعد العصر ... وكان أبي ينطر آخر ولد ويزبط النبريش ... ويسكر باب الأتوستراد
ف قرر يراقب الوضع عن قرب ... طلع وحزروا شلقي !!
3 حمير كل يوم بيقطوا المواي تيشربو من النبعة:d:d
آه نيالك يعني كانت المياه يللي شربتة داك الفترة غير شكل متل ما بيقولو من ريق الحبايب
عمار الفلو
29-09-2007, 04:01 PM
و زياده على قصة أخي محمد
فأبي كان يشوف الحمير واحد ماسك النبريش بتمو و التاني عم يحاول يفوتو
يعني بعد مبيخلصو شرب بيحاولو يسكرو النبريش الله يعطيهم العافية
أما العالم فكانو يتركو النبريش مفتوح و منون سئلانين
الزاهر
29-09-2007, 04:15 PM
هههههههههههههههههههههههههههه.......
هههههههههههههههههه
بيعملوها!!!!
لأن أولة عمي.......الحمار أذكى مخلوق الله خلئو......
آل ليش آل.....آل لأن أحو .....البقرة العالم بيدبحوها وبياكلوها!!!
الجمل.....بياكلوه.....
الحصان.....في مناطق بياكلوه!!!
المعزة
الغنم
كلو......ولك حتى الخنزير
ما عدا الجمار
ما حدا بياكلو....لأنو ذكي......بيضل يشهنأ.....وأد ما صوتو بشع.....بيؤلو العالم هاد أكيد لحمو متل صوتو......وما بياكلوه!!!!!!!!!!
فالحمار........أذكى المخلوقات!!!
عمار الفلو
30-09-2007, 03:17 PM
لكن اتفق عمك مع أبي
الزاهر
14-10-2007, 08:09 PM
عوكر والسلاح!!!
عوكر هالمرة......هو انسان مثقف.....أديب......رسام.........
هاد بيوم من الأيام...وئت كان الحاجز تاع الردع حمب بيتن للأخ أيمن غنوم.....كان عوكر مارء من هونيك.....وكان بوئتها الردع عم يفتش السيارات كلها.....بحثا عن أسلحة..........
ووئت بيوصل عوكر......بيوئف عالحاجز .......وبيفتح الشباك.......وبيهوي بإيدو للردع كالعادة.......بس هالمرة بيجي لعندو واحد منن.....ومتأهب!!!!!
بيسألو لعوكر........معك سلاح ولك!!!
آم عوكر بيفكر......وكونو أديب...لازم كلامو يكون موزون وما يغلط أبدا!!!
فبيألو نعم سيدي....... معي سلاح!!!
بيألو.......وعم تعترف!!!......طلعو ولا!!!!
فما بيكون من عوكر إلا إنو سحب القلم من جيبة القميص.....وبيألو هاد سلاحي!!!!
وديرك على كف من هون وبكس من هونيك ولبطة من عند الجيران وما عاد يخلص منن!!!!.......منيح اللي ضل طيب!!!!
Nader 3:16
14-10-2007, 08:12 PM
ههههههههههه حلوة منك يا معلم زاهر!!!!
بإنتظار قصص جديدة!!!!
جابر دملوك
18-10-2007, 02:18 PM
(31)
عوكر و السجدة.
ياما و ياما رفقاتو لعوكر شدوا في ت ينزل معُن ب رمضان ع صلاة التراويح و ما كان يئبل أبداً.
و بيوم من الإيام و بعد كزا رمضان ألَّك :
" و لك يا أبو العك لش ناتع هل الراس ع الفاضي نزل و جربلك شي مرة متل هل الخلايئ "
و فعلاً قرر عوكر أفندي إنو ينزل و كان عند كلمتو و أثبت إنو رجال و الرِجال قليلُ.
صحيح عوكر كان حاسس حالو غريب هو و عم يصلي العشا بس وأتل بلش بالتراويح كان كل شي صار طبيعي.
عوكر كان وائف بالصف الآخراني.
الإمام بلش بسورة فيا سجدة و عوكر ما كان بيعرف إياما من القرآن إلا الفاتحة و الصمد و الناس.
عوكر وائف عم يتعبد و مرنخ ع الآخر.
وصل الإمام للسجدة و قال : " الله و أكبر " و سجد و سجد المصلون إلا عوكر لم يكن من الساجدين.
المعتر ركع ع ركابو. إطلع ع يمينو و شمالو كلن إنبطاح.
قال : " و لووو شصاير بهالدنية " حمل حالو و سجد .
الإمام قال : " الله و أكبر " و حمل حالو و طلع و طلعوا كلن إلا عوكر قام من السجود و قعد ناطر السجدة التانية.
إلا و بيلاقي الكل واقفين قال بنفسو : " عم يلعبوا علي يعني "
حمل حالو و طلع و الإمام كمل قراءت الآيات و عوكر حط براسو إنو المرة الجاية رح يكون أول واحد ع الأرض وأتل بيقول الإمام : " الله و أكبر "
الإمام خلص من هون و قال : " الله و أكبر " و ركع و الكل كانوا راكعين إلا المعلم عوكر سجد.
و ما حس بحدا معو تحت ع الأرض قال :
" و لووو شو هالمصيبة هادي ما رح تمضى هالليلة ع خير عدنا "
بس بسرعة عمل حالو إدارك الأمر حمل حالو و طلع ت يركع معن بس ما بيلاقين إلا سجدوا و صار وحدو واقف.
قال لحالو : " و لك عم يعملوا نكاية فيي يعني و لك شعاملن ؟ "
قام تركن ساجدين حمل حالو راح و لبس صباطو و طلع ع الضيعة و هادا وج الضيف.
الزاهر
18-10-2007, 02:45 PM
دليت نص ساعة عم اضحك يا زعيم!!!!
هههههههههههههههههههههه
صايرة ادامي شي 3 مرات!!!!!........مرة كان وائف جمبي عاليمين......ومرة بعد 2 عاليسار......ومرة بالصف اللي إدامي!!!!!
وبالتراويح........هههههههههههههههه
الله يزيد ويبارك
بانتظار المزيد عكيد (آل هيك بيؤولو بباب الحالرة!!!!)
Nader 3:16
18-10-2007, 02:52 PM
هههههههههه كتير حلوة!!!
بعدين يا زاهر ما تسرقلي عباراتي!!!.... (عكيد) ...صاروا بمنتدى ال qquran عم يستعملوها الله وكيلك!!!!!!!
دووووووووووووووووووووووووووووووووووووووووووووووع
و يا هلا بجابر و بدملوك كمان
الزاهر
19-10-2007, 09:33 PM
دوكر والسباط الضايع!!!!
هاد أصتنا اليوم لها 3 أبطال.....عوكر.....دوكر.....وسوكر........
هلأ عوكر ودوكر.......عطول شغلهم لفوء راسهم........ومنيح اللي مركزين على هالدنية!!!!
هاد دوكر (اللي هو أنا) مبارح هيك حب يصلي العشا بالمسجد الغربي.......وكان في عندو اجتماع بعد الصلا........شي ساعة زمان تفكير وحك راس ومن هالأصص.......وبعد ما خلص الاجتماع......حمل حالو ورايح عالبيت.......بيتوجه لمحل التواسيم.......وبيكون عم يحكي صاحبو......بيمد ايدو ليجيب السباط.....ما بيلائي شي.....ولك وين السباط.......وين السباط......ما بيلائيه.......ولك وين السباط......راح السباط.........ومنيح اللي كان هوميك سوكر......سوكر من رواد المسجد الدائمين!!!!!
والحمد لله اللي بيلائي شحاطة عليها كيلو عبرة مشلوحة بالزاوية........بينفضها.......وبيلبسها......وبيروح عالبيت.........واليوم........كان عندو دوكر شوية شغل ......فكان المفروض يصلي العصر بالغربي.......وبعد صلا العصر.......وهو ودوكر طالع......بيلائي السباط......سباطي.....ولك سباطي......وأخيرا.....لئي السباط!!!!!!
بيلبسو وبيطلع.......وبيشوف سوكر......وبيحكيلو اللي صار.......فما بيكون من سوكر إلا إنو يغشا الضحك......وبيبلش يحكيلو لدوكر بالتفصيل........
هاد آل طلع عوكر......أد مانو ضايع ومنو بالهدنية.......وهو وطالع من الجامع مبارح بيحمل الصباط وبيبلش يلبسو........وشافو سوكر..(سوكر بيكون صاحبو لعوكر كمان)...ولك يا عوكر......هاد مش سباطك......لا لا ...هاد سباطي......ولك يا عوكر هاد السباط مش إلك......ولك عم ألك هاد سباطي.......ولك يا عوكر عم ألك هاد مش سباطك.......ولك انت بتعرف سباطي أكتر مني.......عم ألك هاد سباطي.....
وكنو كان يأتنع.......مترس مخو عالآخر..........ولك كيف ما حس إنو مش سباطو ما عم يعرف دوكر.......ولك لا يبشبهو......ولونو غير شكل.......وشكلو غير عالآخر.......بس ولا كان يأتنع!!!!
حاصله......المهم.......اليوم رجع السباط لدوكر.......وإجا كتبلكم اللي صار بالمنتدى!!!!!
وتعيش وتاكل غيرها يا دوكر!!!!!
يا هلا بالمعلم زاهر................
حلوة...........
Nader 3:16
21-10-2007, 03:46 PM
عوكر و مسابقة الفيزيك...
مرة عوكر كان عندو مسابقة فيزيك و منو دارس ولا كلمة فصاحبو لعوكر بالصف يلي قاعد جنبو شاطر كتييير بالفيزيك فقرر عوكر ينقل عنو المسابقة كلمة و كلمة ...بلشت المسابقة و عوكر نازل نقل ...رفيقو يشخبر و هو يشخبر ...رفيقو يحط فاصلة و عوكر ماشي على خطاه....المهم خط رفيقو كان اكبر منو فوصل انو خلصت الصفحة معو فعمل سهم للصفحة التانية...فعوكر ما كان واصل لنص الصفحة فقام عامل سهم هو التاني ...
جا وقت توزيع المسابقات و بيوقف المعلم عم يوزع المسابقات و نازل تمرقع بعوكر شو انو غبي و كيف عمل هيك....قلو عوكر ليش و ازا انا حبيت اكتب عالصفحة التانية ....
قلو المعلم لعوكر يا غبي يا غبي انا عامل اتنين serie أ و ب لكل اتنين قاعدين جنب بعضهم و حضرتك منك قاري المسابقة أبداً شكلك!!!!
قلو عوكر آآآآآآآآآآآآآآآآآآآآآآآآآآآآآآآآآ
و كان الصفر من نصيبه
عمار الفلو
21-10-2007, 04:38 PM
ههههههههههههههههههه
عنفس السيرة في مرة بمدرسة المنار الأستاذ سامح الأبيض عمل فيهن فلم بصف القسم أول علمي
يومها عملن مسلبقتين واحدة أ و واحدة ب متل قصة نادر
بس هو كل شي كان عاملو إنو مغير نوع الخط و حجمو و كل الأسئلة متل بعضن
فمحدان انتبه و بلش كل واحد يفكر بمسابقتو و هي و خلصت المسابقة قلن و بلش يدحك عليّن و يتمرقعن
يعني كانت زبطت مع عوكرك يا نادر و كان في يا خد 20 / 20
الزاهر
11-11-2007, 11:34 PM
عوكر والسيغارة
عوكر اليوم هو إمام مسجد.......محبوب.......ختيار مكحكح لكن مرح.......كل الناس بتحترمو.....وبتنطر خطبة الجمعة تاعتو!!!!!
هاد بيوم من الأيام.......وبعد ما خلصت صلا الجمعة......ما بيلائولك رواد المسجد إلا الدنية بلشت بهالشتي......واللي لحئ لحئ....واللي ما لحء راحت عليه......طافت......عالآخر......وانحبس بالجامع!!!!!
وما بلاؤولك إلا عوكر حمل حالو ولبس السباط وعم يتجهز يروح عالبيت!!!.....بيؤولولو ولك يا شيخ شو بنا.......هلأ كيف بدك تروح.......ولك على سيارتك ما فيك توصل!!!!!!
بيألهم......ولك أنا بمرء من بين النقط.....ما بتلوت........وغشيو من الضحك!!!!!
المهم......حمل حالو وصار يركد لوائي "بين النقط".....ووصل عالسيارة وراح..........
ووئت صر موعد العصر........بالعادة عوكر بيوصل مبكر.....أبل الأدان.......وبيدخن سغارة عالباب أبل ما يفوت....لبينما يصير الوئت........
آم مرة من المرات كانو وائفين معو فرئة.......فرئة شبيبات هيك عم يستفسرو منو عن دينهم!!!!......وهو بيشرأ نفس وبيجاوب جواب........نفس وجواب........نفس وجواب!!!!!!......فبيسألو شب من هالشباب......هلأ يا شيخ الدخان منو حرام.......ألو الشيخ (عوكر) مبلا.......كيف لكن......بدها 2 يحكو فيها!!!!!
طيب يا شيخ كيف عم تدخن.........ألو :
يا ابني.......إذا كانت حلال شربناها..........وإذا كانت حرام حرأناها!!!!!!!
فتأملو يرعاكم الله
يا هلا بالمعلم أطر الندى................
هههههههههههههههههه..............يعطيك العافية.........حلوة كتير هل الؤصة.......هدا الشيخ عوكر شكلو من المشايخ الطيبة........هههههههههههه..........
الله يبارك فيك رجعت رجعتلنا هل الموضوع............وينك يا معلم جابر......وينك........وين مختفي................
يسلمو................
جابر دملوك
12-11-2007, 02:32 PM
(32)
عوكر و غوار.
عوكرنا اليوم زلمة طيوب و أنجبار من فنيدق.
هالزلمة بيلعب شوية فولي و كان ب بلد بيحكي عنكليزي.
بيوم من الإيام تعرف ع واحد إسمو Brian بيلعب ب فريق ساكن أريب منو.
وأتل عرف هاداك إنو عوكر بيلعب فولي عرض علي يلعب معن.
صار عوكر يروح مع هالفريق يلعب كل week end .
مرة من المرات كان غوار عامل جولة عالمية عم يعرض مسرحية جديدة.
أخونا عوكر حضر المسرحية و عجبتو و كل ما شاف واحد يسألو كنو حضر و لا لأ.
إذا حضر يصير يؤلو ما شفت ... و ما شفت ؟
و إذا ما حضر يبلش هو يمثلو المسرحية.
أبل ما يحضر غوار بيوم كان عم يحكي مع عنكوش هلي بيلعب كمان فولي و ألو شو رأيك تروح معنا تلعب فولي هالأسبوع.
رد علي عنكوش شو هيك بحمل حالي و بروح خبط لزق ؟
بركة مانو لازملن حدا.
ألو عوكر و لا يهمك خلي عليي أنا بحكي مع Breen.
سألو عنكوش و منو هادا Breen ؟
جاوبو عوكر هادا المسؤل عن الفريق.
ألو عنكوش و إسمو Breen ؟
يعني إديش لي ب هالبلاد أول مرة بسمع ب هالإسم.
متأكد من إسمو ؟
طبعاً و صرلي بعرفو فترة.
ألو عنكوش طيب بتعرف تهجي إسمو ؟
جاوبو عوكر ما في أهين منو B R I A N يعني برين.
ألو عنكوش و لك تقلب حالتك منيح ب العنكليزي يا عوكر.
هادا إسمو براين مانو برين.
المهم عوكر حكي مع BRIAN (برين تبعو) بالنسبة ل عنكوش و التاني ألو ما عنا مانع أهلاً فيك و في.
و فعلا عوكر خبر عنكوش و إتفقو إنو BRIAN و عوكر يمرؤوا ع عنكوش و ياخدو معن.
جا ال WEEK END و عوكر كان حاضر غوار و مانو مصدق يشوف عنكوش لحتى يسألو كنو حضرو و لا لأ.
ما لحيئ عنكوش طلع معن بالسيارة.
عوكر ألو لعنكوش This is Breen.
و This is Ankoosh ألو ل BRIAN.
عوكر و BRIAN كانو آعدين بالسيارة إدام و عنكوش آعد ورى.
بعد ما عرف التنين ع بعضن تعارف سريع دار عوكر كلو لورى و صار يسأل عنكوش عن غوار كما لو كان BRIAN ما بقى موجود معن.
يحكيلو مقاطع من المسرحية و يدحك و عنكوش كان حاسس حالو أد الكمشة لأنن آعدين بسيارة الزلمة و عوكر عم يحكي القصص بالعربي ويدحك.
ف عنكوش صار يغمز عوكر إنو مانو حلو منا نحكي و ندحك و هو ما عم يفهم علينا ما يؤم يخسب عم ندحك علي.
يا أما نتركا لبعدين ... يا أما حكيون بالعنكليزي تيفهم علينا.
عوكر لا يمكن يوافق ع الحل الأولاني ف إبل إنو يحكي بشكل يفهم علي BRIAN.
إلتفت عوكر ع BRIAN و بلش يشرحلو من الأول ت يعرفو عن أيش عم يحكو.
ألّو : Gior ... Gior... We are talking about Gior
Gior has somesin on his head
and somesin between his legs
صحيح إنو كان بيؤصد الطربوش و الشروال بسسسس
ألو عنكوش : الله يأطع خملك ع هالتعريف الحلو.
روووح إنفلق ألو شفي بين إجري يا فلهوي.
ههههههه...
يا هلا بأحلا معلم جابر و الله...
يا ويلاي موتني من الدحك...بتشيل الهم عن الألب...
يعطيك العافية...
الزاهر
13-11-2007, 06:03 PM
ههههههههههههههههههههههههههههههههه
هههههههههههههههههههههههه
هههههههههههههههههه
هههههههههههههه
هههههههههه
هههههه
ههه
هه
ه
ه
ه
ه
ه
إيــــــــــــــــــــــــــــــــــــــــــــــــ ــــه!!!!!!
على فكرة........أجمل قصص.......هي القصص والمقالب التي تنتج عن تفاوت واختلاف ثقافي !!!!!!!
والله يديم لنا الجابر .......جابر الأحزان........والوجوه المتكسرة!!!!
جابر دملوك
21-11-2007, 04:26 AM
(33)
جز خالتو لعوكر ما بيناطح.
بيوم من الإيام كان عوكر ماشي هو و جز خالتو.
بطريؤن مرأو من إدام دكان اللحام.
اللحام ماسك السكينة باليمين و لحمة الخاروف هلي معلق بالشميل.
اللحام هز براسو لتحت عم يمرحبن.
جز خالتو لعوكر هز براسو لفوق.
عوكر سأل جز خالتو عن فحوى هالتحية
(واحد لفوق و واحد لتحت)
ألو جز خالتو : هادي مانا تحية و لا بلوط مَّسمر ...
كل ما في الأمر ...
سألني : " بتناطح " ... ألتلو : " لأ "
يا هلا بالمعلم جابر...
هههههه...يعطيكي العافية...كنت عم اتخل الموءف بيناتون...متل بأفلام الكوبوي...هيكا كل واحد معلي حاجب من حواجبو و صافن بالتاني ت يعطاي رهبتو...ههههه...
يسلمو....حلوة كتير...
مصطفى معتوق
24-11-2007, 11:01 PM
مشكور حج جابر
ناطرين جديدك
جابر دملوك
25-11-2007, 07:45 PM
(34)
عوكر و صلاة الجمعة.
بطل أصتنا اليوم عوكر الشبيب ياما كان بوو يذكرو بصلاة الجمعة و هو مانو هوني و بس يصير وأت الروحة ع الجامع يطلع بفنوكة إنو أسا بدو يتحمم و ما في يروح بلا حمام و أغلب الأحيان كانت تروح علي الصلاة .
بس بوو ما أطع الأمل منو و كان عطول يذكرو و يكرر هالشيئ كل جمعة.
و بيوم من الإيام الأب ما عاد في يستحمل عوكر و أعذارو و خاصة بعد ما ألو :
" يا عوكر ما بقى في غير ساعة للصلاة
فإذا ما تحممت إسا عجل روح تحمم و بسرعة "
جاوبو عوكر : " ساعة ... شبده تأديني الساعة
إسا بدي سخن الموية و إرجع فوت إتحمم
ما بأدر بتأديني الساعة "
ألو بوو : " الساعة بتأديك و بزيادة عليك ... بس حروكه شوية "
بلش عوكر يتباطأ و يماطل و الشغلة هلي بدا 3 دقايق يعملا بربع ساعة لحتى ما يروح ع الصلاة.
بس بوو أعدلو و حط نؤرو من نؤرو و ألو : " ماني داعس من هوني اليوم إلا و إجري ع إجرك و لو بدا تروح علي الخطبة
و بدي شوف كلمة مين بدا تمشي كلمتك و لا كلمتي "
هلآ بعد ما سخن عوكر الموية فات ت يتحمم و أعد يغني أغاني مرسيل خليفة هو و عم يتحمم و بوو كل نتفة يطبلو ع الباب و يأولو : " شهلك نتفة رح نتأخر "
و عوكر ما يرد لأنو هو عم يحاول يتأخر أظضنيين.
بس بوو عمل فيي حيلة و طبلو مرة و ألو :
" إذا ما بتطلع بظرف دقيقة أنا رح روح "
و قال لأم عوكر : " أنا رح إعمل حالي رحت و أليلو أنو بوك راح لشوف شبدو يعمل "
و فعلاً طلع لبره و طبش الباب و أمو لعوكر خبرتو إنو بوو راح.
عوكر جاوبا : " عن جد مع إني خلصت بسرعة منشان ما زعلو "
الأب رجع فات ع البيت و عمل حالو إنو نسي شي و تفاجأ عوكر ببوو بس صار إدام الأمر الواقع و ما بقى في ما يروح معو ع الجامع.
حملوا حالن و مشيو الأب مستعجل لأنو عارف حالو ما بقى رح يلحق ع الخطبة وعوكر ماشي ع الدؤه و نص.
و صلو ع الجامع كان الإمام مصلي الركعة الأولانية و عم يقرا الفاتحة من الركعة التانية.
الأب لحق الركوع مع الإمام بس عوكر أعد دقيقتين يقلع الصباط و ما دخل بالصلاة إلا و الإمام كان صار بالإبراهيمية.
و كُلا نص دقيقة و بيسلم الإمام و بيسلموا المصلين إلا هلي جاو متعوقين و عوكر كان آخرون.
كل المتعوقين بيكفوا هلي راح عليون
إلا عوكر بيسلم مع الإمام و بيصير برا أول واحد.
طلع عوكر لبرا و مفتكر حالو أدى الفرض و عمل الواجب و
عجبتو الفكرة كتير.
و ساعتا حط براسو إنو ما يزعل بوو أبداً
و قال و الله مافي أحلى منا بيجي الواحد ع الإبراهيمية
أو إن فلقت حاله ع التحيات يا سيدي
وكلا دقيقتين و بيصير برا متلو متل غيرو هلي صرلو ساعة منؤع بالجامع.
يا هلا بالمعلم جابر.......
هههههههههه.......شو هل العوكر هادا .....عوكر دين كتير.......ههههههههههههه..........يأطع خملو ...........شوف كيف جمع بين بر الوالدين ...و الصلاة......و حتى عم يؤم بالسنن....ما بيرضى ينزل ع الصلاة الا و هو متحمم..........ز
يعطيكي العافية ....متل العادة .......بتحفنا بؤصص بتشيل الهم عن الألب...........
اخوكم دوكر المعوكر.....
الزاهر
25-11-2007, 08:11 PM
ههههههههههههههههههههههههههههههه
هههههههههههههههههههههههه
ههههههههههههههههههه
هههههههههههه
هههههههه
هههه
هه
ه
ه
ه
ه
هييييييييييييييييييييييييييييي!!!!!
الله يخليلنا الدملوك!!!!
مصطفى معتوق
26-11-2007, 01:33 AM
ههههههههههههههههههههههههه
هههههههههههههههه
خخخخخخخخخخخخخخخخخخ
مشكور يا حج
جابر دملوك
27-11-2007, 07:01 AM
(35)
عوكر بيحكي عصفوري.
عوكر منو من حارة العين و ما بعمرو فكر ينتقل عليا بس وأتل عرف إنو الجامع (المصلى) هلي فيا باناي إبن صلاح الدين صار حابب يصير منا.
و فعلاً بلش عوكر يسأل تحتى يعرف شلازم يعمل تيوصل للهدف.
زعيم الحارة صار عندو خبر بالموضوع و ألو لعوكر :
" لازم تخضع لإمتحان عملي و شفهي وإذا بتظمط بتصير من الحارة
و بيصير عندك الحصانة الدبلماسية وين ما رحت و وين ما جيت "
و الإمتحان من 6 شروط :
1. إنو يكون لاك ألب تروح ع الجبانة الساعة 11 بالليل و تجيب حجر رصاصي مربوط بحبلة.
2. إنو تصارع واحد بنختارو من الحارة و تغلبو.
3. إنو تكون بتعرف تعمل كحدلة.
4. إنو يكون فيك تئلب حيط الأرآرة.
5. إنو يكون فيك تنتقل من شجرة لشجرة بكرم عبد الواحد جراد ع الجبانة.
6. إنو تكون بتعرف تحكي عصفوري منيح.
عوكر بلش يتمرن ع المصارعة و التعربش ع الشجر و كمان تعلم كيف بيئلبو الحيطان و بينطو عنون و صار يتمرن ع الكحدلة ... إلخ
وطلب عوكر من واحد من الحارة إنو يعلمو عصفوري و ما مرأ شهر زمان إلا و عوكر جاهز تمام للإمتحان.
الزعيم إختار واحد من الحارة بعمر عوكر و أدو بالجسم لحتى يتصارع معو عوكر.
و فعلا كانت مصارعة من كعب الدست صارت عند العامود ع العين وطولت شي نص ساعة و فاز فيا عوكر بصعوبة.
و بعد 3 إيام كمل عوكر الإمتحان العملي و بقي علي الشفوي.
جا عوكر ت يعمل الإمتحان الشفوي بالحكي العصفوري و كان شوية خايف.
فات عوكر ع الزعيم هلي سألو سؤال واحد و كان هو الإمتحان بحد زاتو.
سؤال الزعيم : " إ زنتزا بزدزك تزوكوزول ؟ "
يعني بالألموني " إنتا بدك توكول ؟"
جواب عوكر : " أزنزا بزدزي أزوكوزول "
يعني " أنا بدي أوكول "
تبسم الزعيم و عبط عوكر و قال للجميع :
" يا جماعة عوكر من اليوم و رايح فِنا مِينا "
مصطفى معتوق
27-11-2007, 07:20 AM
هههههههههههههههههههههههههههههههههههههههههههه
ياه يا عم جابر
رديتني لورا 15 سنة بفرد ضربة
لمن درجت اللغة الصفورية بالقلمون
الله يزرحزم هزاكزي الايام شو كانت حلوة !!!!
ههههههههههههههههههههههههههههههههههههههههههه
يا هلا بالمعلم جابر و الله.........
حلوة كتير .....بدي ادم طلب انتساب للحارة.......بس ضروري اسغني عن كل جنسياتي..؟؟؟
يعيطيك العافية.........
(35)
عوكر بيحكي عصفوري.
عوكر منو من حارة العين و ما بعمرو فكر ينتقل عليا بس وأتل عرف إنو الجامع (المصلى) هلي فيا باناي إبن صلاح الدين صار حابب يصير منا.
و فعلاً بلش عوكر يسأل تحتى يعرف شلازم يعمل تيوصل للهدف.
زعيم الحارة صار عندو خبر بالموضوع و ألو لعوكر :
" لازم تخضع لإمتحان عملي و شفهي وإذا بتظمط بتصير من الحارة
و بيصير عندك الحصانة الدبلماسية وين ما رحت و وين ما جيت "
يسلم تمك يا عم جابر , رفعتلنا راسنا بهالأصة ....
وينك يا حميطون ؟!!...سامع ولا داير إدنك الطرشة؟!!....آل حارة العين السراءة آل...
ولك شايف العز اللي كنا في...شايف..
كان الواحد إذا ما نط عن الشير يكحشوا من الحارة...
محمد أحمد الفلو
27-11-2007, 01:50 PM
يسلم تمك يا عم جابر , رفعتلنا راسنا بهالأصة ....
وينك يا حميطون ؟!!...سامع ولا داير إدنك الطرشة؟!!....آل حارة العين السراءة آل...
ولك شايف العز اللي كنا في...شايف..
كان الواحد إذا ما نط عن الشير يكحشوا من الحارة...
[/center]
إنت قلتا ،
أول شي أنا لما جيت فتره عشت فيا بالحره كنت محمد البطل ، كنك زاكر
بس ما بنكر زغرتية ولاد حارة العين
خصوصا صلاح إبن خالتي.
جابر دملوك
27-11-2007, 02:14 PM
الله وكيلك يا أخ معتوق
ع أد ما كانت اللغة العصفورية دارجة بحارة العين
كانوا ع نتفة رح يدرسوا بالمدارس من صف الروضة و بالطالع
منشان الولد يتمكن فيا و ما يكون عندو لكنة غريبة.
الله معك يا معلم دوكر
أحنا بحارتنا كنا نشوف إنو حارة العين منظمين و متكاتفين متل حارة الضبع
و منشان أضية الجنسية بدك تسأل المعلم زاهر حاكم قطر الندى مانو هوين زكرد و ع سبانتو كمان.
الله يحييك يا أبو السام
ما بأدر الإستاذ حميطون يكون عندو هالنظرة عن الحارة
ما هو متلو متلك و نصو منا و ما تنسى إنو في شلش لصلاح الدين.
بس المعلم زاهر
جامع المجد من كل طرافو ساكن بالحارة
و من الميلتين من الحارةو جدو صلاح الدين و خوو كمان
بس ما بعرف كنو بيعرف يحكي عصفوري.
الزاهر
27-11-2007, 04:37 PM
أف أف أف......وأنا عم أول ليش عم ترعاني اجري من بكير.....عم تحكولي عن حارتي؟؟؟؟
آه والله.....حارة العين الأبية ما حدا بيطلعلو عليها كلام ها!!!!
عشو اسمنا حارة "الحق" مفكرين!!!!
بالمناسبة .....بأيام كنت صغير.....كنت ابو العصفوري.....
عبالي شي صينية حلاوة بطاطا من عند عزيشزة.....ومن ايدين ملكة حارة العين أم رامي!!!(عمتي منى يعني)
شرأيك يا أوس......؟؟؟
جابر دملوك
30-11-2007, 07:45 PM
(36)
عوكر و الحازوءة.
بيوم من الإيام حوزيئ عوكر و عوكر إذا حوزيئ ما عندو يا أمي رحميني بالتحوزوء يعني بيحوزيئ عن كسب و ما بعمرو حوزيئ عن دود يعني بيحوزيئ من النص ساعة و بالطالع و ممكن تتركو شي مرة محوزيئ و تطلع ع السطح تحفظلك شي 20 بيت من أصيدة الأرملة المرضعة و ترجع تلاقيه بنس درجة التحوزوء الله يعينو و يعينا.
ف عوكر وأتل حوزيئ هالمرة ما كان وحدو كان آعد هو و بوو و أمو.
مرئت عشر دقايق و عوكر عم يعاني و إهلو عم يعانوا كمان.
بوو خاف علي و بنفس الوقت ضجر منو. ف بلش يفكر بشغلة يخلص فيا عوكر من الحازوءة و يخلص هو كمان منا.
الأب عيط لعوكر و ألو : " ما كان فيك يا بابا تؤلي أنو بدك مصريات هيكه بتمد إيدك ع جيبة البنطرون ... يا عيب الشوم عليك ... يا ضيعان تربايتي فيك ... بدك تطلع سراء "
عوكر تعقد لسانو و ما عاود يطلع معو حكي و هو ما معو خبر ب هالأصة أبدا.
و بالمناسبة راحت الحازوءة و هو مانو منتبه لأنو مصدوم من الخبرية هلي ما خطرتلو لا ع البال و لا ع الخاطر.
الأب إنبسط إنو الحيلة هلي عملا نفعت و راحت الحازوءة عن عوكر.
بس عوكر صار همو إنو يبرهن لبوو إنو ما سرق و لا بعمرو مد إيدو ع الجيبة إلا بإذنو.
الأب بعد مانو عاقدة عبسة بوشو لعوكر منشان السرقة المزعومة صار يبتسم شويه شويه.
" يا بابا بأش بدي إحلفلك تحتى تصدقني ... و الله ما أنا ... والله ما أنا ... و الله ما أنا " عوكر قال.
الأب : " أوكي ... معليش هالمرة " و هو عم يدحك.
" أيشو معليش ... لأ مانو معليش ... أنا ما سرقت و لا بعمري بسرق " جاوب عوكر و آخد الموضوع جد و ما نو حاسس إنو الحازوءة راحت من شي عشر دقايق.
الأب : " إسانك محوزيئ يا عكوري ؟ "
" محوزيئ و لا ماني محوزيئ ما رح يغير بالموضوع شي ... أنا ماني سراق " جاوب عوكر.
الأب : " هلأ عم إسألك ... راحت و لا ما راحت ؟ "
عوكر : " راحت "
الأب : " ولك يا بابا مافي سرقة و لا بلوط ممسمر أنا طلعت ب هالأصة تحتى تروح الحازوءة وأتل بتتفاجأ ... و عدِّنا نفعت"
عوكر : " و الله "
يا هلا بالمعلم جابر.......
حلوة ........
عبالي شي صينية حلاوة بطاطا من عند عزيشزة.....ومن ايدين ملكة حارة العين أم رامي!!!(عمتي منى يعني)
شرأيك يا أوس......؟؟؟
والله يا أرايب كانت خالتي واعدتنا بصينية , بس الهيأة ما لحأنا بهالنزلة...
سلملي عخالتي وعالشرشور كتير ...
أبو رياض القلموني
01-12-2007, 09:23 PM
عوكر فهيم بالإنجليزي
بالزمانااااااااااااااااااااااااااآآآآآآآآآآآاااااا ااااااااااااااااآآآآآآآآآآآآآآآآآآآآآآت
عوكر صاحبنا ,كان بيشتغل بشركة بالسعودية ..وصار بيعرف
إنجليزي منيح ...وبيوم من الإيام بعيطلوا رفيأوا السعودي بدو
يكتب إميل مهم بالإنجليزي..عوكر بيضرب عصدرو ..أنا لها أنا
لها..
بيبلش عوكر بالكتيبة وبيوصل عمحل بدو يكتب "الشخص
الذي..." ..وبدل ما يكتب The Guy بيكتب The Gay
..بخلص عوكر الإميل وبينبسط منو السعودي كتير..وبكبست زر
بودي الإميل لكل روؤساء الشركة ..منو تارك واحد منو موديلو..
بعد شي 3 ساعات , بيلائي عوكر نص الشركة فأ راسو بالشين
في بهدلة ..يا حيوان يا بلا أخلاء ..وعوكر منو داري شو
الأصة ..والسعودي مفكرو كاتبا أصدنين...
هيكا تعلم عوكر ما بآ يشوف بحالو , ورجع يدرس إنجليزي
خلصت..شناطرين إساتكن...شه
أخوكم
العم أبو رياض القلموني
يا هلا بالعم ابو رياض...
ههههه...حلوة...شايف تغير حرف شعملو...
يعطيكي العافية...
أبو رياض القلموني
01-12-2007, 09:44 PM
يا هلا بالعم ابو رياض...
ههههه...حلوة...شايف تغير حرف شعملو...
يعطيكي العافية...
أهلين بأخي وحبيبي دوكر , بس ليش يعطيكي العافية ..الله يسامحك ..عم تشبهني بالنسوان..أبو رياض
بطولو بعرضو منو ممليلك عينك...ولا معود تخاطب الجنس اللطيف عطول؟:D
ههههه....يا هلا فيك و يعطيك العافية...
غلطة طباعة...ما تواخزنا
النايتروس
05-12-2007, 03:52 PM
عوكر بصف السابع!!!!!!!!!!!!!!!!!!!!!!!!!!!!!
قال مرة فات استاذ العلوم على الصف و بلش يشرح عن الأذنين بس أخونا عوكر مو هامو الدنى كلا و نازل حكى مع رفيقو و كل شوى ينبهو الأستاذ و يرجع للشرح ( الأدن بتخلينا نسمع......و من هالحكى) بس دوكر بعدو نازل حكى مع رفيقو و منو معبر الأستاذ قام أنكرت معو الأستاذ و قلو قوم وقاف ولا عوكر فوقف أخونا و قللو يا ويلك اذا ما بتعرف تجاوب و سألو:
اذا قبعنالك دينيك شو بيضير فيك؟ قام قللو عوكر ما بعود بشوف؟ فجن الأستاذ و قللو كيف يعنى بتبطل تشوف؟ قام قللو وين بددى علق عويناتى؟؟؟؟؟ لووووووووووووووووووول
يخربوشتك شو أهبل...
مع تحيات النايتروس NITROUS OXIDE SYSTEM
moustafa
05-12-2007, 09:50 PM
ههههههههههههههه
كتيركتير حلوة هالقصة
الشامي
08-12-2007, 06:46 AM
السلام عليكم :) ...
الله يبارك فيكم، طرائف مميزة ... وينك يا شيخ جابر ...؟:).
أخوكم:rolleyes:
جابر دملوك
01-01-2008, 04:18 AM
(37)
عوكر و بارودة الدِّك.
عوكر كان عريس بأول طلعتو.
بيوم من الإيام حب هالعريس إنو يتمشى شويه هو و عروستو صب العوينة.
عوكر كتير مولع بصيد البر.
طلب عوكر من جارو بارودة الدك " ألَّك يمكن يطرلو شي من إدامي "
عوكر إخد البارودة و وأتل وصل ع عين الجامع حضي بعروستو.
العروس آلتلو : " ألت لرفيقتي تحتى تروح تمشي معنا ... معليشي "
" متل ما بدك " جاوبا عوكر.
وأتل جات الرفيقة حب عوكر إنو يأبطا.
عوكر حط كبسونة بالبارودة و رفعا ع الرفيقة و هيه مانا عارفه و بدو يفئس الديك.
في شي ضرب ع راسو و ألو : " و شعرفك ما يكون فيا ضرب و ناقصو بس كبسونة ؟ "
عوكر إسانو بدو يأبطا بس رفع البارودة صوب السما و أوص.
و عينك ما تشوف إلا النور.
و إدنك ما تسمع إلا الخير.
و إذا بضرب شي 4 صابيع بيرعد بالمنطقة و بيأبطو هو كمان.
و إسودت الدنيا بعيني لعوكر و ما عاودوا إجري يحملو منيح.
و صحيح عروستو و رفيقتا أبطوا من الضرب بس ما عرفوا شكان رح يصير لو ما يرفع عوكر البارودة صوب السما.
عوكر ترك عروستو و رفيقتا و حمل حالو و راح لعند جارو صاحب البارودة.
شلحلو عوكر البارودة و ترأو نأفت دين بهدلة و ألَّو :
" ولا ... كيف بتعطيني بارودة فيا ضرب ... و ما بتؤلي ؟ "
جاوبو جارو : " و الله نسيت "
ألو عوكر : " و ليش البارودة فيا ضرب أصلاً ... و هي محطوطة بالبيت ...
عم يأطع سُمُن من فوق التخت و لا رح تلاقي فِرّ و شُكُب بالحِمام ؟ "
" لا و الله لا هيكه و لا هيكه بس مبارح وصلت لحد البيت بعد المغرب و ما حضيت بشي أوصو ...
ف ألت ضيعانو أوصو بالفضا ... أُمت تركتو لتاني يوم ... و وأتل جيت لتاخد البارودة نسيت ألك " جاوبو الجار.
عوكر ألو : " بتعرف لو ما ألله ستر كان صاحبك عوكر مرتكب أكبر جريمة أتل و كُلو بسبب ضربك هلي ضيعان تأوصو بالفضا"
الزاهر
01-01-2008, 04:28 AM
يا زلمة............الحمد لله على سلامتها!!!
مصطفى معتوق
01-01-2008, 04:31 AM
هههههههههههههههههههههههههههههههههههههههههه
:1 (48):
مشكور عم جابر
ذكرتني بستي الله يطول بعمرها
كل ما تشوفني حامل سلاح تقلي :" يا ستي انتبه ." قوم انا قلها فاضي يا تيتا
تقوم تقلي بيدكها بليس .
جابر دملوك
01-01-2008, 04:43 AM
الله معكن يا جماعة الخير.
و الله إشتأنالكن كتير.
و متل ما قال قطر الندى ... كنا شوية مشغولين ... و رجعنالكن.
إن شاء الله يكون الجميع بخير و الله يبارك فيكن.
يا هلا بالمعلم دملوك.....
يا ويلاي.....رجع المعلم جابر معناتا رجعة البسة ع وجهنا.....الله محي اصلك .....هادا احلى راس سنة مع هل الؤصة الحلوة .......
يسلمو.....
و يعطيك العافية ....
اخوكم دوكر المعوكر.......
جابر دملوك
01-01-2008, 05:06 AM
و الله يا دوكر إنت بالألب إنت و كل هالأعضاء الطيبين و الطيبات.
الله يبارك فيكم جميعاً.
جابر دملوك
07-01-2008, 07:24 AM
(38)
عوكر و أضية الأسماء.
مصيبة عوكر إنو إذا طلع من بيتو و راح ع الشغل و صدفت إنو شاف واحد و سلم علي و رد عوكر السلام صار أيو شخص بيحضى في عوكر بعد الشخص ألأولاني رح يعيطلو بنفس الإسم.
ع سبيل المثال مرة عوكر حضي بواحد إسمو جان ف سلمو ع بعضن
" صباح الخير عوكر "
" صباح الخير جان "
بعد شي 3 دقايق حضي بواحد إسمو راب
" صباح الخير عوكر "
" صباح الخير جا "
و كان رح يقلو جان بس إستدرك و كان شوية متأخر لأنو ظمط بنص الإسم و بدل ما يقول راب طلع لا هو قايل جان و لا هو قايل راب
طلع قايل : جان + راب - ن - را = جاب
يعني : " صباح الخير جاب "
يا هلا بالمعلم جابر .....
هههههههههههه....يأطع خملو هل العوكر......هههههههههه.....حلوة................
يعطيك العافية ......
اخوكم دوكر المعوكر...........
مصطفى معتوق
07-01-2008, 01:23 PM
اللي يعينو لهالمعوكر
ما في شي صاغ
ابو عمر
08-01-2008, 04:19 AM
سمعوا يا شباب
اَل في مرّة عوكر كان اَعد بالبيت مع هل المرة....ودايقتو خلاؤو من الضجر....اَم فجأة دقَ الباب!!!!!.... اَم عوكر وركض حتّى يفتح ويشوف مين في عالباب.....فتح الباب وطلع بوشّو عامل البلدية....
سألو عوكر:"خير شو بدّك؟؟؟...."
اَم جاوب عامل البلدية:"لا والله سلامتك...بس جاية إسأل،عندكن زبالة؟؟؟"
اَم عوكر قلّو لحظة يا ابني حتّى إسأل المرة....عيّطلا وسألها:"يا مرة، في عنّا زبالة؟؟؟"...اَم قالتلو المرة:"اي أكيد في"
اَم عوكر الذكي قلّو لعامل البلدية:"اي عنّا ..!!!..."، وطبش الباب بوشّ العامل، ونزل هالعامل المعتّر مانو فاهم خمسو من طمسو........هاهاها:1 (22):
جابر دملوك
13-01-2008, 09:47 PM
(39)
عوكر و المأذونية.
عوكر صاحبنا بيشتغل جمركحي.
طلب عوكر مأذونية لمدة أسبوعين من الضابط تبعو ف ما إذنلو إلا بأسبوع.
عوكر حط براسو بدو ياخد الأسبوع التاني غصبن عن دعس راس الضابط.
أبل ما ينتهي الأسبوع الأول راح عوكر لعند الدكتور تياخد تأرير إنو مريض.
وأتل وصل عوكر ع العيادة آلولو إنو الدكتور عم يداوم اليوم بالمستشفى.
حمل حالو عوكر و راح ع المستشفى.
عوكر ناطر دورو بغرفة الإنتظار إلا و بيحس بوجع قال بينو و بن نفسو " يمكن شوية غازات ... هلأ بنفسا بالكوريدور "
طلع عوكر ع الكوريدور و الوجع صار يزيد.
رجع عوكر و طلب يشوف الدكتور بسرعة و ما عاود في يصبر.
" يا عمي خليك بالدور " آلتلو السكرتيرا.
جاوبا عوكر " دخيلو الله ما عاد فيي " و صار يعيط .
سمع الدكتور الصريخ و طلع ت يشوف شصاير.
عوكر ماسك بطنو و عم يصرخ " آخ يا بطني "
الدكتور فوت عوكر و فحصو طلع معو الزايدة و فوراً نألو ع غرفة العمليات.
و بعد العملية الدكتور ألو لعوكر لازم ترتاح شي أسبوع وما لازم تروح ع الشغل.
و هيكه عوكر عطل الأسبوع التاني و دعس راس الضابط بس غير شكل.
Nader 3:16
13-01-2008, 09:57 PM
:):1 (22):اهلين بجابر دملوك وينك منك عم تبين...
و الله شتقنا لؤصص دوكر.....
مشكووووور عالقصة و ابقا ما تطول علينا
أيمن غ القلموني
13-01-2008, 10:02 PM
مشكور خيي جابر ، وناطرينك.
الزاهر
14-01-2008, 01:08 AM
ههههههه...........أنا أصتي شوية قريبة عليها.......بس غير شكل!!!!
مشكور يا أخ جابر والله ئصص بتفرِّط من الضحك
جابر دملوك
14-01-2008, 01:45 AM
الله يبارك فيكم جميعاً.
يا هلا بالمعلم جابر ......
يعطيك العافية ........و الله ؤصصك بترجع البسمة و الفرحة ع ؤلبنا.......
اخوكم دوكر المعوكر...........
ابو عمر
15-01-2008, 01:45 AM
هادا يا شباب...كان مرّة دكتور جامعه اسمو عوكر عم يلعب كبّا(ورق)...طلع معو "قص،ريّا،بنت،شبّ،عشرة،تسعة،و تنين كبّه....." قام طلب بأربعطعش....
وكان مناسبو الحظ إنوّ هوّا يلّي بدّو يفتح من إيدو.....قام وبذكاؤو الخارق فتح تنين الكبّه.....وكان غاشي من الضحك إنّو ما حدا في يخسّرو.......وهيكة، خسر الدكتور عوكر اللعبة....وضحكت عليه الألمون كلاّ....وتوتة توتة، خلصت الحتوتة....
Nader 3:16
15-01-2008, 01:50 AM
اهلين بابو الروم كيفك؟؟
ههههههههههههههههههههههههه هادي كتير حلوة الؤصة تبعيت الكبّة!!!!!!
انو هو اصدو يخلي الورق القوي لآخر اللعبة كعنصر مفاجأة!!! لوووووووووووول:)
اهلين فيك
لأ يا نادر اصدو يشلحن وراء الكبه
الزاهر
19-01-2008, 12:05 AM
عوكر وصيام عاشوراء!!!
وبعد ما عرف عوكر أمتن بيصدف عاشوراء.........نوي الصيام .........وخلص.........بدو يصوم.........ما في مجال.........وفاء يوم الجمعة من بكير وانطلق بكل حزم للجامعة......ولا على بالو..........أول ما وصل فات على الدكان واشترى دف سنكرز.....وتنكة عصير.......وفات عهالجامعة عم يأرمش سنيكرز...........خلصت المحاضرة رجع عوكر عالبيت بيلائي أمو محضرتلو الصفرة........صحن زباع أخضر بحامض وبيض مئلي وشاي ووو.........بيفأعها بدن أكل مرتب........وبيؤوم يتوضا......وهو وعم يتوضا أبل ما يروح عالجمعة بيغشى الضحك وبيخبر أمو..........المهم...........وبعد ما خلصت الخطبة اللي كانت عن أهمية الصلاة في حياة الإنسان وعن أن كل الأديان السماوية تأمر بها....بيتوجه عوكر لعند صاحبو اللي كان واعدو بدو يعطيه ملف.......وعند صاحبو في براد عصير.......بيشتري عوكر أنينة عصير وبيأعد يمزمزها عرواء........لكن بيتذكرها هو وعم يصلي العصر.........ومنيح اللي تمالك نفسو وما غشي الضحك.........وما عاد لو ألب يطلع عالبيت ما يؤوم يرأعها بطن أرنبيط أبل ما يوصل المغرب..........
الله يتأبل صيامنا وصيام اللي صامو!!!!.......ههههههههه
السلام عليكم
ههههههه حلوة هادي القصة ..
شكرا للاخ زاهر..
يا هلا بالمعلم أطر......
ههههههههههههههههههههه...................
ؤصة حلوة ........
يعطيك العافية .......
اخوكمدوكر المعوكر.........
moustafa
20-01-2008, 01:43 PM
هههههههه القصص تبعيتكن يا زاهر و يا جابر بفرطو من الضحك.... الله يبارك فيكم
جابر دملوك
20-01-2008, 08:36 PM
(40)
عوكر و إمتحان ال TOEFL
وأتل جا عوكر ع أماركة من كزا و عشرين سنة بلش يدرس إنجليزي متلو متل بقية الطلاب لأنا ثقافتو كانت عصفوري و فرنسي ب بلادو.
عوكر لو أرايب بأماركة جا أبل منو ب كم سنة فآم نصحو إنو يتسجل ع بكير ب إمتحان ال TOEFL لأنو إذا سجلت اليوم الإمتحان بيكون بعد شي شهرين أو تلاتة و منشان يتعود ع جو الإمتحان.
و الله عوكر ما كذب خبر آم راح و سجل للإمتحان الجاية و أبل ما يجي موعد الإمتحان آم راح و سجل منشان الإمتحان هلي بعدو (هالإمتحان بيعملو أكتر من 12 مرة بالسنة)
بتمروء الإيام و بيجي موعد الإمتحان و عوكر متخوف لأنو مانو متعود ع هالنوع من الإمتحانات بدا تركيز و سرعة و هو مصيبتو إنو سمعو أليل ب إدن اليمين و أطرش رسمي و ب إمتياز بالشميل.
وصل عوكر ع المحل هلي بدون يعملو في الإمتحان طلعت قاعة طول ب عرض.
وأتل عوكر شاف القاعة إفتكر إنو كل واحد بيحط سماعات ع دني بيسمع منيح و ما حدا بيشوش علي.
إلعممااا شو هالمصيبة رح يبلش الإمتحان و ما حدا فتح سيرة السماعات و الضجة من جوات القاعة و من برة شي ما بينحمل.
عوكر سأل واحد ما في سماعات ت نحطى ع دينينا جاوبو شايف هالمسجلة هلي ع المسرح من هانيكة رح يطلع الصوت.
عوكر عرف حالو سائط و لو كان فطحل لأنو بعيد عن المسجلة متل دكان نبيل القص الله يرحمو و دكان إبن سعد الله.
بلش الإمتحان آل عوكر " أمي رمتني و الملائكة إستلقتني "
الإمتحان في عدة أقسام شي في قواعد و شي بدو إستماع و بتجاوب ع الأسئلة من فهمك للأصة.
بلش عوكر الإمتحان و كل شي كان تمام لأنو عم يحل أسئلة القواعد شي بيعرفو و شي ما بيعرفو.
و بعد حوالي ربع ساعة بيصير حادث خطير بالمنطقة هلي عم يصير فيا الإمتحان و بيجي كل شي في سيارت بوليس و إسعاف و طيارة هليكبتر و أصوات واوي واوي واويو طب طب طب طب و عينك ما تشوف إلا عوكر كف أعد و مد إجري لأنو ما عاد في يسمع شي وأتل بلش القسم السمعي.
عوكر ألك سائط و سائط خليني علم الأجوبة ع الطشاني ف آم بلش يمريئ أصبعو ع الأجوبة هو و عم يقول " ON BION BINO SOUFALA KATINO SOUFALA KATAKTAK ON BION BE ON BION BE " و يعلم الجواب هلي بيوصل أصبعو علي.
طلع عوكر من الإمتحان لا تعود ع الإمتحان ولا تعلم شي " تعلم العصا ب جنابن صحيح " " بس حط براسو إنو بالإمتحان الجاية رح يروح بكير و يقعد جنب آلة التسجيل مباشرةً ".
بتمرؤ الإيام و بيجي موعد الإمتحان و عوكر ما بينام و لا ثانية بالليل هو و عم يفكر كيف بدو يروح بكير ت يطلعلو كرسي جنب آلة التسجيل.
المهم عوكر حمل حالو و راح مبكر و وصل أبل ما يفتحوا حتى القاعة.
عوكر كتير إنبسط وأتل وصل و ما كان في حدا أبلو و القاعة هالمرة طلعت أظغر من القاعة الماضية ب شوية.
المراقبين فتحوا القاعة فات عوكر و أعد بعيد عن الآلة شي متر أو متر و كم سنطي هو و فرحان و عم يدحك بعبو.
وأتل جات ساعة الصفر و رح يبلش الإمتحان بيقوم واحد من المراقبين بيجرب الآلة ت يشوف كنو بتشتغل و لا لأ.
و عينك ما تشوف إلا النور تتشوف عوكر كيف كانت رح تصيبو سكتة وأتل طلع إنو الفيش هلي شاكبين في آلة التسجيل ما بيشتغل و دوروا ع فيش تاني ف ما ليئيوا إلا واحد ب آخر القاعة آمووا راحوا شاكبين الآلة في و طلبوا من الطلاب إنون يدير كل واحد منون كرسي و هيكه صار صاحبنا عوكر بآخر القاعة و أكيد صرتو بتعرفو كمالة الأصة.
و هيكه طلع عوكر الأول بس بالساقطين.
الزاهر
20-01-2008, 08:48 PM
ههههههههههههههههههههههههههههههههه
الحلو بالأصة إنها بتحسها بتضجر...........وبس تأرا آخر كم سطر...........بيجيك ضحك عن كل الأسطر!!!
أضحك الله سنك عمو!!!
يا هلا بالمعلم جابر........
ههههههههههههه......الله يخليلنا ياك ايشودا.....ههههههههه.......حلوة ......
يعطيك العافية ......
اخوكم دوكر المعوكر.......
THE TERRORIST
21-01-2008, 09:55 PM
بارك الله بكم جميعاً...
قصص و لا أروع...
مهضومة جداً...
مشكورين...
جابر دملوك
04-02-2008, 12:26 AM
(41)
عوكر بوو plastic
عمو لعوكر آخد واحدة من أوروبا و عندو ولاد منا و هنه عايشين ب بلد مرتو.
من وقت للتاني كانوا يحملوا حالن وينزلوا ع الضيعة بالصيفية.
عوكر و أرايبينوا كانوا يلعبوا مع ولاد عمو.
هادول يعلموا هادولك شغلات و هادولك يعلموا هادول شغلات تانية.
من جملة الشغلات هلي تعلما عوكر و أرايبينوا من ولاد عمو غنية للولاد الظغار باللغة الإنجليزية.
هالغنية علقت براس عوكر و حفظا بصم و ما عاودت تمحا من ذاكرتو مع إنو بلغ من الكبر عتيا ... صح ما شاب راسوا ... بس إشتعل الذقن شيبا.
الغنية هلي حفظا عوكر و دلو يرددا هي :
Ba Ba Plastic
Hani Hani fou
Yastir Yastir
Bina Tfou
Wanti Damastir
Wanti Dabe
Wanti Damastir
Apronde
عوكر دلو يغني هالغنية بالصيغة الفوقونية لأبل عشر سنين لورا و كان رح يدلو يغنيا لولا ما جات بنتو بيوم من الإيام من المدرسة عم تردد غنية شبيهه بالغنية هلي حافظا هو.
وأتل سمع عوكر الغنية هلي عم تغنيا بنتو قال : " سبحان الله نفس اللحن ... ما بيصير توارد أفكار ... أكيد سارقين اللحن مني"
و بعد ما شاف الغنية مكتوبة ع الورقة قابله مع هلي حافظا لقي في فرق بسيط :
Ba Ba Plastic
Baa, baa, black sheep
Hani Hani fou
Have you any wo (http://en.wikipedia.org/wiki/Wool)l
Yastir Yastir
Yes sir, yes sir
Bina Tfou
Three bags full
Wanti Damaster
One for the master
Wanti Dabe
One for the dame
Wanti Damaster
And one for the little boy
Apronde
Who lives down the lane
Nader 3:16
04-02-2008, 12:36 AM
اهلين بجابر دملوك...
كيفك؟؟؟
يا زلمة فرطت من الضحك.....
يلا نوطرين كل جديد ...بس ليش هالمرة منك ملون الؤصة كالعادة؟
يا هلا بالمعلم جابر...
حلوة...
يعطيك العافية...
عمار الفلو
04-02-2008, 02:09 AM
والله هاقصص بتروح الهم عن القلب
الله يخليلنا اياك ياك جابر
:1 (32):
الزاهر
04-02-2008, 02:14 AM
يا هلا بالمعلم جابر ....
كتير حلوة....
نوطرين الؤوصة الجاية...
عدينا دوكر!!!..........هههههههههه
حُسَينْ ... !
04-02-2008, 11:24 PM
سلام عليكم
شكرا لك اخي جابر دملوك على هذه القصص الرائعة التى تزيح الهم عن القلب ، و نحن دائمن في انتظار كل جديد:)
محمد أحمد الفلو
05-02-2008, 12:30 AM
رائع
الله يبارك بالأخ جابر
جابر دملوك
08-02-2008, 08:11 PM
(42)
عوكر عم يمثل طرزان
(10) (11) (12) عوكر كان عُمرَوو وأتل زعل هو و أُمَوو.
" روح مادي إعملك شي بآ و لا تسألني عن شي أبداً " آلتلو أموو.
" ما رح إسألك عن شي أصلاً و مادي تجيبيلي شي " جاوبا عوكر.
" مين جبلك هالأميص هلي لابسا مَو أنا ؟ " آلت الأم.
" هيههه خُدِييا مادييه " جاوب عوكر.
" و هالبروتيل منين جايبا ؟ " آلت الأم.
" يا لطيف ع أد مانا لأطة خدييا كمان " جاوب عوكر.
" بدك تؤلي إنك عفرت زيتون و إشتريت هالسكب الأديداس ما هيك ؟ " آلت الأم.
" جِبتي و مانو عاجبني و دييئ ع إجري خُديي " جاوب عوكر.
" و هالبنطرون إنتا نزلت ع البلد و إشتريتو من مصرياتك ما هيك ؟ " آلت الأم.
" و هادا البنطرون كمان مادي هو مادي شي منك " جاوب عوكر.
" و كلسون البستوني منين جايبو ؟ شايلو عن منشر الجيران ؟ " آلت الأم هي و غاشية الدحك.
عوكر بينو و بين نفسو " منين هالورطة شبدنا نعمل ؟ "
" الكلسون جبلي هو أبي "
الزاهر
08-02-2008, 11:15 PM
هههههههههههههههههههههههههههههههههههههههههههههههه.. ...........الله يخليلنا ياك عمو جابر.............كيف بدنا نضحك بهالبلد بلاك؟؟؟
جابر دملوك
16-02-2008, 09:52 PM
(43)
عوكر و الفانوس السحري.
عوكر سئيل و دموو تئيل و إذا لبص ع واحد بيلبص و ما بيعاود يحل عنو و بيصير متل خيالو تمام سواء في شمس ولا ع ضوو الشمعة.
بيوم من الإيام بيسمع عنكوش الباب عم يندق و من ع بكرة يا صبح يا فتاح يا رزاق.
صحيح ما كان غافي ساعتا بس بيقوم بيفتح الباب هو و مستغرب.
بيحضى بعوكر ملبص منخارو بالباب.
" و لك شجايبك ب هالوقت ما عندكون ساعة بالبيت ؟ " بيسأل عنكوش.
بيجاوبو عوكر "ما بعرف يا زلمه في شي شألني و جابني لعندك ... أكيد عندك فانوس سحري و حفيتوو ف أمت طلعت أنا الجني الأزرق تبع الفانوس "
رد علي عنكوش و أللو : " إنت الساديئ : أختي كانت مأعده إبنا الظغير ع النونية ت ( ... ) و بعد ما خلص آمت غسلتا و الظاهر حفتا منيح ف أمت طلعت إنت الجني الأزرق تبع النونية و حملت حالك و جيت.
الزاهر
16-02-2008, 11:59 PM
السلام عليكم
هاد فانوس.................هههههههههههههههههه
شكرا جزيلا على هالقصة
جابر دملوك
17-02-2008, 06:01 PM
(44)
عوكر و بدلة الكاراتيه.
من أول يوم بلش عوكر يتعلم فيا الكاراتية صار يلبس البدلة و يكزدر فيا بالضيعة و ياخد بوزات ع الرايح و الجاية.
فلقنا بمشاويرو كما لو كان ما حدا إسا تعلم يحرك إيديي و إجريي و إخد الحزام الأبيض.
كل العالم صاروا بيعرفوا إنو عوكر عم يتعلم كاراتية و إنو صار لازم يكون بيعرف يلعب هاللعبة بس ما حدا شافو عم يلعبا.
بيوم من الإيام بتصير مشكلة بين عوكر و واحد تاني بنص دين الضيعة.
ف بيقوموا بيعلقوا خبيط ببعضن.
عوكر بيتبهدل بهدلة لبو دينا و بينمسح في الأرض و العالم مستغربين بيصير هادا عوكر لاعب الكاراتية يصير فيي هالشي.
جريو مناخير عوكر و تموو دم ف العالم ردوون عن بعضن و راح هاداك الزلمة.
طب واحد ع عوكر و أللو : " ع حد علمنا إنك بطل بالكاراتية ... واحد ما بيلعب أي لعبة فأعك بدن من كعب الدست و بزأك الدم و رن أدومك ... و ما إدرت تطالو بضربة واحدة "
رد عوكر : " آخ لو كنت لابس بدلة الكاراتية "
Nader 3:16
17-02-2008, 07:05 PM
هههههههههههههههههههه
مشكووووور يا معلم جابر ...حلوة هادي الؤصة...
بس وينو دوكر تبعنا موء عم يبين عالمنتدى؟؟؟!!!
الزاهر
17-02-2008, 08:46 PM
ههههههههههه...............يحرء ديبو هالهوكر!!
قصة أنقلها لكم على لسان عوكر مباشرة":
الخميس الماضي اشتريت سطل لبنه و نسيتو متل العاده عند رفيقي
السبت كنا عم نتغدى عند واحد لبناني غيرو فجبلي الأول سطل اللبنه وكنت بيومها شاري كلساتات وراكيت تنس
حطيت السطل بالبراد عند رفيقي ... وكانت السهره لازم تكون عند الشباب السوريين
ونحنا و طالعين نسيت اللبنه و تزكرت الرااكيت والكلساتات
وعند الشب السوري انتبهت اني ناسي اللبنه ... وبآخر السهره يا حزرك شو صار
نسيت الراكيت والكلساتات عند السوري
يعني عنجد اني ولا أسطل من هيك بالنسيان
ناسي عند واحد اللبنه و عند التاني الراكيت والكلساتات
ملاحظة: دوكر هو ليس الذي يكتب في المنتدى لأني لا أعرفه
فقط إستعملت إسمه كما يفعل الأخ جابر
جابر دملوك
18-02-2008, 09:31 PM
(45)
عوكر و جمع بدون قصر.
بيوم من الإيام فاء عوكر متأخر شوية ف راحت عليي الترويقة و إهلو كان رح يخلصو الغدا.
قالولوا : " يالله لحق حالك معنا أبل ما نقوم "
عوكر ما حر حالو أبداً .
عمل شاي و حط حبتين زيتون و خرطين جبنة البأرة الداحكة و سكب صحنين لوبية بلحمة و لُبنِية.
" بسم الله " و بلش ياكل زيتون و جبنة و يشرؤ شاي.
هو و خلص قال : " الحمد لله من الترويقة و بسم الله من الغدا و بلش باللوبية و اللُّبنية "
حُسَينْ ... !
18-02-2008, 11:21 PM
سلام عليكم
ههههههههههههههههه.....مشكور يا شيخ جابر.......
الزاهر
19-02-2008, 12:47 AM
أما بالنسبة لأختي روعة.........فالمعني هو "عوكر"............وليس دوكر..........فتكرتك عم تحكي عني عفكرة!!!!..........كتير أحيان أد ما بكون معجوء بألف شغلة بطلع ناسي الكل!!!!!
أما بالنسبة لقصة الأخ جابر.........فكما جرت العادة...........لها طعم خاص ............مدري كيف!!!
طيب سمعو لنشوف..........رح نحكيلكم قصة صغيرة عن عوكر هالمرة...........
الزهدي!!!
هاد عوكر "أنا" كان بمدرسة الصبيان طول عمرو..........لكن جرت الأقدار إنو انتقل لمدرسة المنار ليكمل فيها من صف السابع............وكونو طالب جديد وما حدا بيعرفو...........فكان كل ما يفوت استاذ يسألو عن اسمو أو يألو طلاع عاللوح عرفنا بنفسك.............والحمد لله عوكر بأيامها كان ما بيستحي أبدا.............بس كان يصير لونو أسود!!!!...........المهم..........وبعد كم يوم بيسأل أحد الأساتذة عوكر عن اسمو.......خوش كان جديد عالكار........ففجئة بتفز زميلة من آآآآآآآآآآآخر الصف بتألو "زهدي زهدي زهدي!!!"............ومن وئتها لزء إسم "الزهدي" عوكر ولحد هلا ما فلت عنو!!!!
المرة الجاية منحكيلكم أصة "المرحوم" بركا!!!
السلام عليكم
جابر دملوك
19-02-2008, 01:46 PM
(46)
عوكر ع سطح عنكوش.
طلع عوكر لعند عنكوش ع السطح ت يساعدو بتركيب آنتان التلفزيون.
بعد ما خلصوا أعدوا ياكلوا مخلوطة و يشربوا بيبسي.
هِنا و آعدين بلش عوكر ينؤر بأصبعو ع أرض السطح و إطلع ب عنكوش و أللو : " إديش بتأدِّر بدي تحتى أفخت السطح ؟ "
جاوبو عنكوش : " يئطع عمرك ما الظاهر بتسوالك المخلوطة"
جابر دملوك
21-02-2008, 03:07 AM
(47)
عوكر و البصمة.
بعد ما رجعنا من التهجير (تنذكر و ما تنعاد) سنة 1976 بلشوا القلامنة كل واحد يخمن أضرار بيتو و يسجلون ع ورقة.
بس يخلصا يحمل حالو و يروح ع بناية البيضا ع طريق الفوقونية ت يعطيون للجهه هلي كانت عم تدعي إنون بدون يعوضوا للعالم شي من الأضرار هلي صارت عليون.
عوكر موظف من بلدية القلمون كان عم يساعد أهل القلمون و اللجنة بنفس الوقت.
بيوم من الإيام جات حجة كبيرة كتير بالعمر و آلت إنو إبنا إنشغل و ما إدر يجي ف هي جات محلو.
بعد ما راجع عوكر الليستا و عبالا الطلب طلب منا إنا تبصم بما إنو ما بتعرف تكتب.
الحجة كبيرة كتير و جسما ضعيف كتير.
وأتل طلب منا عوكر إنا تبصم مدت إبهام الإيد اليمين.
ف عوكر تطلع بأصبعا شافو ملوي كتير ف آم طلب من تفرجي الإبهام تبع إيد الشميل.
صار يأكد هادا و يأكد هادا و طلع بالقرار النهائي ألا و هو إنا تبصم بإبهام إيد الشميل.
قال لأنو إبهام إيد الشميل بيلبق ع إيد اليمين أكتر من إبهام إيد اليمين.
الزاهر
21-02-2008, 03:13 AM
................الله يديمك يا شيخ جابر!!!!.................ههههههههههههههههههه
جابر دملوك
23-02-2008, 02:53 AM
(48)
عوكر و البسملة.
عوكر تحمس كتير و قرر إنوو يؤرى القرآن كلو ب رمضان الجاية لأنو ما بعمرو آراي كلو من أبله.
و فعلاً وأتل جا رمضان بلش كل يوم بيومو يؤرى أقل شي جزء.
باليوم التاسع من رمضان عوكر صار بالجزء العاشر.
و بالتجديد وأتل خلص سورة الأنفال ب كعب الوجهه و فتح الصفحة هلي بعدا ت يبلش بسورة التوبة بيبلئط عيني وأتل ما بيحضى ب " بسم الله الرحمن الرحيم ".
عوكر بيفتكر حالو فتح أكتر من صفحة مرة واحدة ف بيقوم بيرجع بالرجعاني صفحة.
كمان ما بيحضى ب البسملة.
" و الله شي بيمخول العقل و لك وينيه البسملة " بيقول لحالو.
بيألب الصفحات يمين و شميل و ما بيحضى بشي.
" و الله أحنا العرب ما بيلبالنا شي ... ما كان فيون يوخدوا وقت أكتر و يتأكدو إنو ما في أخطاء طباعة أو ناسينلون شي كلمة " هو مأهور.
بيحط عوكر المصحف ع طرف التخت و بيروح يجيب مصحف تاني من الخزانة و بيفتحو ع نفس الصفحة و بيلائي نفس الشي.
عوكر بيفتح ع آخر صفحة بالمصاحف ت يشوف كنون مطبوعين بنفس السنة بيلاأي إنون مطبوعين كل واحد بسنة مختلفة عن التاني.
عوكر صار يقول " يا حبيبي شو هالإستهتار هلي موجود عنا أحنا المسلمين ؟ يعني ما إلتقى حدا بيفهم و إشتلق ع هالنسوة ... وين الشيوخ و ين الحافظين "
و ساعتا عوكر قرر إنو يدور ع رقم تلفون أو فاكس لدار النشر هلي طابع المصاحف.
و قال " لو بدي إضطر روح ع السفارة السعودية ما رح إهدا ولا كن "
بالليل عوكر راح ع الجامع ت يصلي التراويح و بعد ما خلصوا صلا عيط عوكر ل عنكوش و قلو " في شغلة مهمة بدي ألك عنا "
عنكوش بيجاوبو : " هات ل نشوف "
" و لك كيف بدنا نصير عالم و أحنا كتاب الله سبحانه و تعالى ما بنئهر حالنا ساعتين تلاته و ب نراجعوا أبل ما نطبع ملايين النسخ و نوزعون بكل بلاد العالم " عوكر بيقول هو و عم يعيط.
" و لك شباك شصاير و عن أيش عم تحكي و لك يا عوكر ؟ " بيسألو عنكوش.
إستناول عوكر مصحف من المسجد و فتحو ع أول سورة التوبة و أللو لعنكوش
" شوف ... سورة التوبة ناسيين يطبعوا البسملة بأولا "
بيجاوبو عنكوش : " و لك يا عمي هي هيكه ما لها بسملة من إيام الرسول اللهم صلي و سلم و بارك عليه "
" و منشان ما تزعل بتلائي البسملة تبعتا ب الصفحة التالتة ب سورة النمل "
الزاهر
23-02-2008, 03:32 AM
هههههههههههههههههه
كتيييييييييييييييييير حلوة................خصوصي الحل اللي لئيلو ياه عنكوش!!!
حُسَينْ ... !
23-02-2008, 06:05 PM
هههههههههه...مهضومين يا شيخ جابر:)
مشكور
جابر دملوك
24-02-2008, 04:42 PM
(49)
عوكر و موَية الجنة.
من كزا و عشرين سنة وأتل كانوا بدون يعمروا بناية شرقي بيت اللحام محمد أحمد بلشوا يحفروا ب أرض الكرم ت يصيروا ب مستوى طريق الفوقونية.
هِنا و عم يحفروا ما بيلاقوا إلا و الموية بلشت تخدؤ من محلين.
" الله أكبر " " الله أكبر " " الله أكبر "
بتضج المنطأة بالخبرية و ما بيدل في واحد بالأهوة إلا و بيحمل فنجانو و بيشؤل حالو و بيروح ل يشوف شصاير.
تجمع عالم كتير يومِتا.
وا حد قال : " سبحان الله عينان نضاختان "
رد علي واحد تاني و قَلَّو : " أيوو عينان نضاختان و لك أوول عينان تجريان "
عوكر كان بين الموجودين و ما عاد في يصبر ف قام كب الشايات الباقيين ب الأدح و بلش يعبي و يشرب و صار يقول : " و لك ما بينشبع منا ... بتجنن ... و لك بالجنة ما في منا "
هو و عم يشرب بلشت الموية هلي عم تجري يتحول لونا زهري و معا معا صار اللون يغمأ.
فز واحد من الحضور (من حارة صلاح الدين شبعان من حليب أُمَوو و وأتل فطمتو أموو عن الحليب بلشتلو بالزباع و الزيت و الحميضة والأرعوشة بدل السيريلاك)
و أللو ل عوكر : " ياالله إشربلك كم أدح صار مزاجها زنجبيلا "
و حمل حالو و إتجة صوب العين بسرعة ف لقي بنت ظعيرة عم تلعب بالموية و معا أنينة مناكير.
و طلعت الموية هلي صار عوكر يكع منا كع مظبوط ما في منا ب الجنة لأنا كانت سائية من عين الجامع و مارقة بطريقا ع العُبارة.
Nader 3:16
24-02-2008, 04:50 PM
هههههههههه
يا ويلاي يا عم جابر اديش حلوة هادي الؤصة....
مشكوووور ...
أبو حسن
24-02-2008, 07:53 PM
ألف شكر سيد جابر على هالقصة الحلوة كتير ...
أجمل قصة حتى الآن ...
أيمن غ القلموني
24-02-2008, 11:22 PM
عنجد قصص حلوة كتير ، مشكور كتير أخ جابر.
Arsenic
25-02-2008, 12:05 AM
اليوم ياشباب كنت ماشي أنا ودوكر بزاقوق وبططلع إدامي بلاقي عمّي فا شبعمل أنا , بسّتت وهربت , ف عمي بيططلع وبلاقي دوكر وراه , وأنا فارط من الضحك علي يعني لو ما رجعت طلعت من مطرح منّي متخبّي لكان فرطو أتله .
يلا يا دوكر بسيطة تعيش وتاكل غيره.........
Nader 3:16
25-02-2008, 12:22 AM
دوكر و الاتصال
دوكر كان بالسعودية هوا و عنبر بيشتغلوا هونيك...
فالمهم دوكر مرة من المرات كان مع عنبر بالبيت.ما الهم خلاء ينزلوا عالشغل فقام دوكر الو لعنبر خلينا نتصل بالمعلم ونقلو انو ما فينا ننزل.
ما كذبوا خبر وقلو عنبر لدوكر ناولنا هالتلفون شبءلوا دوكر لا و الف لا ان يلي بدي اتصل..قلو عنبر يا دوكر ما تقوم تتلبك وءت بدك تحكي خلص حقو ودينو بدو يتصل...
المهم بيرفع دوكر السماعة و بيتصل (كان اول مرة بيستعمل التلفون) .
بترد عليه الالة "ان الرقم المطلوب غير موجود في الخدمة" فبقلها دوكر هوا و معصب ..بتسكري بوزك انا طالب العم سعد...و هوا منو عارف حالو انو ضارب الرقم غلط..بيركض عنبر لعندو و بقلو شباك ولا مع مين عالء..
قلو هادي السكرتيرة تبعيت المعلم مجدوبة...
قلو عنبر ولا اي سكرتيرا اكيد ضارب الرقم غلط!!!
بفز دوكر و بقلو سكووووووووت مفكرني ما بعرف صوتها..
و انتهت القصة و دوكر مقتنع انو على صواب...
Arsenic
25-02-2008, 12:37 AM
عنجد عنجد يا اخ نادر هالقصة كتير حلوة , ليك إلو لدوكر يسلملتا عال عم سعد okkkkkkkkkk .........
الزاهر
25-02-2008, 02:24 AM
بالنسبة لأصة نادر...........حلوة...........بارك الله بك...............لكن ما شاء الله هالأصة اللي طلعلنا فيها عمي جابر غير شكل.......بتذكرني بأيام كانت الست حليمة "تخسل الحوايج" (أولة ستي آمنة عشيرة) عالعين...........ونحنا ونجي بدنا نشرب من السائية الفوءانية تفأعنا بهدلة تبلش وما تخلص!!!!...............ههههههههههههه
جابر دملوك
26-02-2008, 03:54 AM
(50)
عوكر و البنت هلي شَعرا أشأر.
بيوم من الإيام فات عوكر ع الكافيتيريا متل العادة ت يتغدا.
هو بيقعد ع هالطاولة ت ياكل من أكتر من عشر سنين.
بس هاليوم بالزات كان قاعد ع الطاولة هلي إدامو بنت شعرا أشأر.
البنت قاعدة و دايرة ضهرا و شعرا الأشأر الدهبي بياخد العقل.
عوكر بينو و بين نفسو قال : " أكيد صاحبة هالشعر ملكة جمال العالم "
عوكر مانو مصدق أيمتن تقوم و يشوف وِشا.
بتمرؤ كم دقيقة و هالبنت بتحتاج تجيب شليمونة ف بتقوم ت تجيبا.
عوكر بيهيي حالو ت يشوف أكتر ما في من هالوش حلو.
البنت هي و رايحة ت تجيب الشليمونة بتدير ب إتجاة عوكر.
عوكر غصبن عنو بيقول : " الله يئطع عُمرَك من بين السعادين ظَعيع ... لحِئِتْنا خطا ع الفاضي "
طلعت ملكة جمال العالم رجال بيشبة وليد هلي جنب بلاط.
الزاهر
26-02-2008, 04:38 AM
ههههههههههههههههههههه...................يأطع خملو هالعوكر!!!!
Arsenic
03-03-2008, 11:54 PM
مرا كان دوكر عم يئلب بال أم بي 4 فوصل عاللغات و لقي هالصيني و الياباني و التركي و الأسباني و الفرنسي و الإنكليزي فحب يجرب الصيني (بس الصيني محبّو هههههههههه فطحنو) و يا جماعة مكذب خبر و جرب الصيني و غلط غلطة العمر لعتاااااااااااااااااااش هيك قال دوكر
من وين جيتنا هالمصيبه و جربنا هل الشغله يعني لو فضيت البطارية و معملنا عملتنا هاديكه مكان احسن .
وعلق دوكر و الأذكى من هيك طلع من محل تغيير اللغات و خليي يرجع يعرف كيف يرجع اللغه.
لك الشركه يلي مصنعتا لل ام بي 4 مؤ بتعرف تظبتا.
وبلش دوكر يدعس عالفئسات شي 3 ساعات وما تظبت معو ,وبعدين بلش يشغل راسو (تذكر الطريق يلي فات فيا عاللغات) وبعد 1000 يا ويلاه مشي الحال ومبروك للمعلم دوكر.....
Nader 3:16
04-03-2008, 12:36 AM
اهلين بالارسينيك ...
تصليح لمعلوماتك هادا رفيقو لدوكر....:)
عمر ملاط
06-03-2008, 01:26 PM
يا سادتنا الكرام لما اجا عوكر عكارة على دبي من كم يوم.... حب يلتقي بصاحبو يلي جاية من كندا... صاحبنا عوكر يتصل بصاحبو.. وصاحبو يتصل في.. لحد ما قررو يلتقو بمول الإمارات.. وهو أشهر من نار على علم...
ما كذب خبر عوكر... وراح مع رفيقو التاني على مول الإمارات... ولما وصل.. رفع هالتلفون ودء لصاحبو الكندي...
ألو.. شو ابراهيم؟ وينك؟
ابراهيم: أنا بمول الإمارات صرت...
عوكر: تمام وأنا بالمول هلأ.. كيف فيني لاقيك؟
ابراهيم: أنا قاعد بقهوة اسما: Second Cup
عوكر ما بيعرف ولا كلمة انكليزي: أيش؟ Fucken Cup
ابراهيم ما انتبه على اللفظ.. وقال أكيد فهم عليي.. قام قلو آآآآآآآ.. وناطرك...
الدنيا عجقة شوية من كترة الناس... بقوم عوكر بيسأل رفيقو يلي معو بتعرف وين الفاكن كاب؟ رفيقو بيقلب أحمر...... بيعملو حالو مانو منتبهلو.. ما بدو يتجرص.. بس عوكر بفكرو مانو سامع... بيقوم بيصير يعلي صوتو.. ولك الفاكن كاب... ما بتعرف وينية؟ ببلش يضحك رفيقو.... بيقوم عوكر بقول لصاحبو الكندي.. خلص ولا يهمك.. يعني إذا ما طلع رفيقي يلي معي بيعرف وين.. منسأل هادي يلي قاعدة على الإستعلامات عن الفاكن كاب.. وهي بتدلنا مظبوط... وبيطبش الخط
رفيقو لعوكر قلك خلي القصة تكمل وتصير أحلى... خليني قلو ما بعرف.. حتى شوفو هو وعم يسأل المخلوقة يلي على الاستعلامات.... بس باللحظة الأخيرة.... بيحس رفيقو بخطورة الوضع.. والموقف.. بقوم قبل ما عوكر يحكي مع البنت... بيكمشو.. وبقلو خلص أنا عرفتا....
وهنى وماشيين... وبيصلو عند الساكند كاب.. بقول عوكر... لك ولو.. اسما ساكند كاب مش فاكن كاب.... ساعتا رفيقو.. ببلش يقلب بالأرض من الضحك..... وعوكو لحد هلأ مانو فاهم شي...
وبالآخر... بعد ما شرحلو رفيقو الكندي.... شو كان عم يقول....فهم على حالو.. قام أد ما عجبتو القصة.. راح مصور آرمة المحل يلي مكتوب عليها بخط كبير: Second Cup وقال بدو يحفظها تذكار ليضل متذكر اديش كان ح....
الزاهر
06-03-2008, 03:45 PM
يأطع خملك يا عمر عهالأصة!!!!...................هههههههههههههههه
جابر دملوك
10-03-2008, 01:09 AM
و الله يا أبو الزوز لو هالمعتر فشلان كان كاتب هالقصة محل المشرف أبو عمير الله يطول ب عمرون لكانوا مسحو فيي الأرض أبل ما يمسحولوا هالكلمة.
يالله الله يحميكون جميعاً و يجمعنا فيكن يا أوادم.
جابر دملوك
10-03-2008, 02:02 AM
(51)
عوكر و السُّمْنِة هلي أوِّصا مدبوحة.
عوكر نزل ع الضيعة بعد فترة طويلة أضاها ب أَجْنَبْيَة.
ب هالنزلة حب يطلع ع صيد السمن.
ف بيوم من الإيام بيدبر مشوار هو و خوو عنبر و رفيئ خوو عملوش.
و صدفت ب هاليوم إنو الدنية صارت تندف و إنتلت السما سمن و بلش الخرطوش يلعلع.
عملوش يأوص و يلم و عوكر مدري أيش و يطم لأنو يأوص و كأنو عم يأوص ع تنك بيبسي.
عنبر ما إدر يدبر بارودة ف طلع معن مِنَّا بيكزدر و مِنَّا بيتفرغ ل دبح السمامن هلي رح يوئعون عوكر.
إِرِب وأت المغرب و بلشوا الشباب يجمعوا كتافن ت ينزلوا من الحرش ع الضيعة.
صاروا يعيطوا لبعضون و تيشوفوا كل واحد ش مأوص.
عملوش كان مأوص 23 سمنة لِئِي مِنُّون 17 و ضيع 6.
عوكر كان مأوص 27 سمنة لِئِي مِنُّون ماشاي و ضيع 32.
لأنو فوق ال 27 ضرب هلي روحون هو و عم يجرب البارودة ت تظبط ع كتفو ضيع 5 ضروب وأعوا من جيبتو و ما حس فيون.
عملوش شفأ ع عوكر ف غمز عنبر و عنبر فهم عليي فوراً.
بعد دقيقتين بتمرؤ سمنة ف عملوش ما بيأوص عليا و بيخليا ل عوكر حرام ما تزفر بيقول.
عوكر بيتنيشن و بيأوص و بيبلش يركد و يؤل : " وأعت وأعت ".
الحئيؤة لا وأعت و لا شي و يمكن ما سمعت الضرب.
عملوش بيسأل عوكر : " وين بتأدر وأعت "
عوكر بيجاوب : " ب هاك الداحة "
التلاتة بيبلشوا يأيبلوا بس ع أيش يا ترى و لو دلوا لتاني يوم ما رح يلاقوا شي.
عملوش بيشيل سمنة من مشكاكو و بيشلحا ع الأرض و بيعيط ل عوكر و بيؤلو : " أَحِّنِي لأَيْتَا "
بيركد عوكر هو و عم يقول :
" يحريئ أبو عرضا ... ألتلك الضرب كلو جايا فيا ... و أنا بأدر كل السمامن هلي أوصت عليون وأعوا متل هادي بس بدك مين يلائيون "
malikatou lwouroud
16-03-2008, 04:37 PM
قال مرّة راح عوكر عند رفيقو المسيحي وكان وقتا فترة صيام عندن فشاف عوكر رفيقو عم يوكل دجاج والاعجب من هيك انو كان عم يغمّص الدجاج بماء ويرجع يوكلو ولمّا سألو عوكر :كيف عم توكل زفرة؟؟؟مانك صايم؟؟!!! فقال له :لاء أنا عم آكل بقدونس!!! استغرب عوكر والّو كيف؟؟؟؟؟!!!!!! قالّو هذه الميّ المقدّسة بقولّا نزلي دجاجة طلعي بقدونس وهيك بكون عم آكا بقدونس!!!!!!!!!!!
Nader 3:16
27-03-2008, 04:28 PM
دوكر بيفهم بكل شي
1-مرة كنا عم نتصيد حجيج و نازلين الشباب قواص فين ودوكر واءف معنا وعم يتأرج..فأحد الشباب اوص حجيجة بجانحا فنزلت عايشة بيركد دوكر ليلعب دور الدكتور ولقط الحجيجة و فردلا جانحا و قال ولا عمّورة ولا بسرعو طلاع جيب aspirine من الصيدلية..
منسمع هالجملة ووقعنا عالارض من الضحك..
2-مرة منا عم نربي صواص فبعد مدة لاحظنا انو واحد من هالصواص ما عم يكبر فقررنا نزينو عالميزان الالكتروني...فات دوكر و واحد تاني ورجعوا شو اديش طلع وزنوا قام قال الشب يلي فات مع دوكر 47,9 غرام ..فقلّنا دوكر تءريباً نثّ كيلو!!
و ساعتها لحء عتمرقع و استلام لدوكر...
و تحية لهذا الدوكر لأنه من اعضاء المنتدى!! لووووووووووووووول
moustafa
27-03-2008, 04:32 PM
ههههه...... ذكرتني يا أخ نادر بهل القصص ... الله يبارك فيك.... و الله إيام!!!!!!!!!!!
Nader 3:16
27-03-2008, 04:36 PM
مرسي ابو صطيف...
بس ما يفوت ويقرا شكاتبين عنو بدو يدعسنا!!!!!1
لووووووووووول
جابر دملوك
08-04-2008, 12:04 PM
(52)
مرتو ل عوكر بارودة
عوكر و عنكوش أدموا ع الجيش و الحمد لله نأبلوا.
الأوادم حملوا حالون و راحوا باليوم المحدد و بعد يومين بلشوا بالتدريب.
و وأتل خلصت الدفعة تبعتون التدريب جا الضابط الكبير (شمشوم خمس نجوم) ت يستعرضون و يتأكد من الجاهزية القتالية تبعيتون.
عوكر و عنكوش واءفين جنب بعضون بالصف مع بَئِية المجموعة.
بيوصل الضابط " شمشوم خمس نجوم " لحِد عوكر و بيسألو : " شإسمك يا إبني ؟ "
" عوكر المدوكر سيدي " بيجاوبو عوكر.
الضابط خمس نجوم : " شماسك ب إيدك ؟ "
"بارودة سيدي " بيجاوب عوكر.
" لاه يا إبني " بيؤلو الضابط شمشوم " هادي مرتك ... هادي شرفك ... هادي أهلك و وطنك ... هادي حياتك "
" حاضر سيدي " بيجاوب عوكر.
بيأدم الضابط فشخة لإدام و بيوأف إدام عنكوش.
و نفس الشي بيسأل عنكوش : " شإسمك يا إبني ؟ "
عنكوش بيجاوب : " عنكوش المنفوش سيدي "
" شماسك ب إيدك ؟ "
عنكوش بيطلع حربوء و بدو يختصر الوئت و المحاضرة ف بيجاوبو :
" مرتو ل عوكر سيدي "
ههههههههههههههههههههههههههههههههه ضحكتني من قلبي
يا هلا بالمعلم جابر......
عنجد متل العادة ؤصص ما في متلا.......
صمصوم الألب بيدحك....
يعطيك العافية .....
اخوكم دوكر المعوكر.....
أيمن غ القلموني
08-04-2008, 10:08 PM
نكتك كتر حلوة أخ جابر ، بوركت أياديكم .
عن جد قصصك روعة وبانتظار المزيد
جابر دملوك
13-04-2008, 05:03 PM
الله يبارك فيكم جميعاً
جابر دملوك
13-04-2008, 06:13 PM
(53)
عوكر لُوْ صَبْحَة بس مَنو مسؤول
عوكر شب طيوب و أنجبار و ما بيحب المنظرة.
هو جديد ع المنطأه ما لو كم يوم جايه.
يوم الجمعة بيحمل حالو و بيروح ت يصلي.
عوكر بيوصل أبكر من غيرو شويه لأنو طلع بكير من البيت كان خايف ما يضَيِّع ب الطريئ.
بيؤعد بأول صف و صدفت أعدتو ب المحل هلي بيؤعد في عضو ب لجنة الجامع و هلي بيعمل الإعلانات بعد الصلا.
و ع فِكرا عوكرنا بيشبه مسؤول الإعلانات بشغلات كتيرة.
(الطول - الكسم - لون الجلد - الصبحة - ... )
بعد شوية بِجَي واحد باكستاني و بيؤعد جُمِّنَو و بيفتكروا هو مسؤول الإعلانات.
الباكستاني بيوأف يصلي ل بينما تبلش الخطبة.
بلشت الخطبة و بعد شي دئيأتين بيجي واحد تاني باكستاني و بيعطي الباكستاني الأولاني ورؤة.
هَلَأ الباكستاني الأولاني بيؤرا الورؤة و بيعرف إِنَّا شوية إعلانات ف بيحطا إدام عوكر و بيخبطلو ع فخضتو و بيأشرلو ب إيدو إنو بعد الصلا.
عوكر بيستغرب إنو كيف واحد ما بيعرفو و لا بعمرو شايفو أو حاكي معو بيخبطلو ع فخضتو.
عوكر ما عجبو الوضع أبدا و لو منو خايف إنو يروح أجر الجمعة كان حكي معو.
عوكر بيشيل الورؤة و بيحطا إدام الباكستاني و بيأشرلو ب إيدو إنو ما لو علاؤه ب الموضوع.
الباكستاني بيرجع بيشيل الورؤة و بيحطا إدام عوكر و بيخبطلو ع فخضتو مرا تانية و بيأكدلو ب إيدو إنو إنت مسؤول الإعلانات و إنت لازم تعملون.
و ها الشي كُلَو إدام الخطيب.
و الخطيب يعيد و يكرر " يا عالم يا هووو ... ما تروحوا أجر الجمعة ب شغلات ما لها طعمة "
و الورؤة دلت تروح و تجي بيناتون و ورمت فخضتو ل عوكر و هِنِّه حريصين ع إنو ما يروح أجر الجمعة.
و لو ما خلصت الخطبة و الصلا ل صار مع عوكر غرغرينا ب إجرو الشميل و صار بدا أطش.
يا هلا بالمعلم جابر...
ؤصصك دوا...
يعطيك العافية...
اخوكم دوكر المعوكر....
يعني يلي بجنني إنو حسب مافهمنا الأخ جابر صرلو سنواتتتتتتتتتتتتتتتتتتتتتتتتتتتت ماإجا الضيعه وحياتو كلا برا
طريقة كلامو والقصص دوكر المعوكر بتخلي الواحد يحتار يعني طريقة سردو للقصص باللهجه القلمونيه بدل إنو عايش كل يوم مع اهل الضيعه
جابر دملوك
16-04-2008, 12:34 AM
الأصة و ما فيا
إنو الألموني إزا عاش كل حياتو بالضيعة و ما راح لمطرح بيعشعش ب راسو إنو الألمون هي عاصمة الأرض كُلا.
بس إزا صارتلو فرصة و فشخلو كم فشخة براتا بتطير هالفكرة من راسوو بالمرة
و بيصير يعتئد إنو الألمون هي عاصمة لبنان بس.
بآ متوءعا إنو جابر دملوك ينسى الألموني و هو بيِحْكِيَا ب الخَمْس طُرُوء.
بستبعدا كتير.
يالله أخ جابر طولت علينا بي قصصك الحلوة
جابر دملوك
24-04-2008, 04:03 AM
(54)
عوكر و فَيِّة الحمار.
بيوم من الإيام إحتاج عوكر يروح مشوار بعيد إيام ما كان (الحمار هو الهاندا) و (البغل هو المرسيدس)
صاحبنا ما كان عندو لا هاندا و لا مرسيدس ف إضطر إنو يطلب من جِحَّاش المنطآ يوصلو.
عوكر ركب ع الحمار و الجِحَّاش آد الحبلة و مِشْيَوا.
ب نص المشوار وئفوا ت يرتاحوا و يتلأحولون شوية و كانت الدنيا شوب و ما في شي يِدَّروا في لا شجر و لا حجر.
عوكر فرش حصيرة ظغيرة و تلأح ب فَيِّة الحمار.
الجِحَّاش شأل عوكر من إيدَي و إجرَي و شندفو بيعيد هو و حصيرتو و ألَّو : " إنت صحيح مستأجر الحمار منشان المشوار بس ظل الحمار ل صاحب الحمار "
و تلأح محلو.
نفض حالو عوكر و آم ت يرد إعتبارو و يفهم الجِحَّاش إنو هالحكي غلط لأنو الحمار و منتفعاتو للمستأجر ت يخلص المشوار.
لا هادا يئتنع مع هاداك و لا هاداك يئتنع مع هادا.
و دلُّون أكتر من ربع ساعة عم يتخانأو ت حتى مرأ واحد ف عملوا حكم بيناتون.
الزلمه حكم مع عوكر. الجحاش آم ما إبل.
هلأ صاروا 2 ضد الجحاش.
بعد شوية مرأ واحد تاني سألو عن الموضوع ف صف مع الجحاش.
هلأ صاروا 2 ضد 2.
و الرِّجالَيْن تحمسوا للموضوع أكتر من عوكر و الجِحَّاش.
ب هالفترة سلحب الحمار هو ظِلَّو و بِعِدوا عن المنطآ.
عوكر و الجحاش إشتلؤ ع الشغلة ف راحوا يدوروا ع الحمار.
و الرجالين دلون متكابشين ب الإيدين و عم يتآتلوا ع ظل الحمار.
Muhammad93
01-05-2008, 02:54 PM
مشكووووور أخ جابر و أخ ouss
أصصكن كتيييييييير حلوة
يللا حضّرولنا غيرن
ناطرين أصصكن الحلوة
Muhammad93:1 (65):
جابر دملوك
06-05-2008, 10:32 AM
(55)
الحج عوكر
وأتل رجع عوكر من الحج سألوو : كيف كان الحج يا عوكر ؟
جاوبون : الحج بيييجننننن.
رحلة من أحلى ما يكون.
نضافة ماني شايف متل هيكه.
الإكل بيشهي.
دكاترة و أدوية معبية الدنيا.
يعني من جميعو.
الحئيأه الله يبارك فيون و يجزيون كل خير.
سألو واحد : و شبتنصح هلي ناويين يحجوا بالمستأبل ؟
نصيحتي لأي واحد ناوي يحج ما يروح إلا ع السعودية
جابر دملوك
06-05-2008, 12:16 PM
(56)
عوكر إبن أصل
حبيبة عوكر إتصلت فيي و آلتلو :
" إهلي راحوا و أنا وحدي ب البيت "
جاوبا : " أءري قرآن ما بتفزعي "
جابر دملوك
06-05-2008, 12:23 PM
(57)
عوكر ما عندو مانع
مَرْة عوكر سألتو : " لش ما بتعمل متل جارنا ؟ وأتل بيطلع من البيت بيبوس مرتو ."
جاوبا عوكر : " بتأدري بتوافِيئ ؟؟ "
محمد أحمد الفلو
06-05-2008, 01:26 PM
على فكره ... هالقصص حلوين كتير
و في جزء كبير منن سامعو من الحج علي الظنط ... بس بدون عوكر
أيمن غ القلموني
06-05-2008, 03:00 PM
(56)
عوكر إبن أصل
حبيبة عوكر إتصلت فيي و آلتلو :
" إهلي راحوا و أنا وحدي ب البيت "
جاوبا : " أءري قرآن ما بتفزعي "
يا هك الشباب يا بلا .
أولك يا حميطون :1 (51):، بفرنسا مفي هك شباب.:)
مشكور أخي جابر.
جابر دملوك
07-05-2008, 12:33 PM
(58)
عوكر أول يوم جامعة
وأتل خلص عوكر الإصم التاني و طلع ع الجامعة كان ضايع متل دْوَيِّك وأتل راح ع بيروت.
وئف بالصف ت يسجل مواد السنة الأولانية.
ب طريئ الصدفة حط إيدو ب جيبتو آم ما لِئِي محفظتو.
بأبش ب كل جيابو ما حضي ب شي طار عألو.
صار يصرخ و يولول سرؤني سرؤني.
بألب الجامعة في مركز للدرك في عنصرين تلاته.
إخدوا الدرك ع جنب و بلشوا يسألو
ب مين بتشك ؟
مين كان إدامك ؟ مين كان وراك ؟
شلون المحفطة و ديش فيا ؟ و أسئلة كتيرة.
و الصبي مفَئِع البِكِة متل ولاد الظغار.
شفيئ علي الضابط و ألو :
" و لا يهمك يا إبني رح جبلك محفظتك من تحت الأرض ... إرجع لعنا بعد الضهر "
هِمِدْ عوكر و نشف دموعو و نوعما طمن بالو إنو المحفظة لا بد راجعة.
سجل عوكر المواد و وأتل طلع من المبنى ع باحة الجامعة حضي ب شغيلين مجارير عم يحفروا ب الأرض ت يمدوا أصطر .
وَئِف عوكر جُمِّنُون و أَلُون :
" شدوا الهمة يا شباب !!! المحفظة لونا أسود و لها سِحَاب و بألبا في هلأده مصريات "
kata2eb
08-05-2008, 03:16 PM
**** عذرا من جابر دملوك ......
دوكر ومنتدى القلمون
آل مرة سمع دوكر بمنتدى القلمون ....... حب يشارك فاي .... فما كذب خبر
إعد على الكبوتر وفتح الموقع
عمل تسجيل وزبط الوضع عل الآخر
تاني يوم حب يشوف شفاي مواضيع
سجل دخول ونطر شوية
.
.
.
.
.
.
.
.
.
.
.
.
طلعلو " أهلا بك مرة أخرى يا دوكر , نسأل الله أن تكون بكامل الصحة والعافية "
فبسرعة ...... كتب دوكر " أنا الحمد لله منيح " وسكر الصفحة وراح مرتاح البال
:):)
wassim.h
09-05-2008, 01:50 AM
عوكرو الدرس
قال مرّة يا سيدنا كان دوكر عندو شهادة وكان أخونا بيلتيهي كتير
وكان كل يوم يوكل بهدلة من أبو........
وبليلة من الليالي عصّب أبو كتير وألّو:" من بكرا وبالرايح بدّي عيّط لرفيئك أنس وبتدرس إنتا ويا من العصررررر للمغرب...ورفءاتك بتنسيلي ياهون....هيدال بينذعوك...أنس رفيئك الجديد"
ومينو يا حزركون أنس؟؟!!!!!....هيدا يا سيدنا نوعو من إلّي بيلبسو هالعوينات إلي سمكو أدّ كعب الأطرميظ..وبيتروّء هال picon والحليب...ومن البيت للمدرسة ومن المدرسة للبيت .....
فهون إنهبل أخوكم دوكر...و آل أيش هالعلءة هيداي؟؟؟!!
ومرء أسبوع و أخوكم موء في عم يستحمل بالمرّة.....كان عم يشوف رفءوتو عم يكزدرو ويلعبو وهاهاها وهوهوهو وهيهيهي !!!!!
(فطءو فيوزاتو عالآخر)
ومرة كانو عم يدرسو ...ودوكر مانو مركّز بالدرس بالمرّة....كان حاصر روسو كيف بدّو يخلص من هالقصة.....
فنأشت معو فكرة....أل:" أحسن شي علّءو مع أبي"
وبعد شي 5 دقائق مرء أبو من جنبون وكان معصب من مرتو لأنا عاملتلو لوبية.....
فشعمل الملعون دوكر هان؟؟؟!!
عللا صوتو منشان يسمع أبو و أللو لأنس:" ولااااا ....حترم حالك...ما تؤول عأبي حمار!!!!!"
فسمع الأب(ومتل ما ءلتلكن كان معصب) وبدون تفكيرألّو:" ولااا شعم تؤوللل؟؟؟!!!" علء أتل أتل أتل بأنس.....فنبصت دوكر و ءام ساعد أبو وبلش بأنس أتل تيفشّ خلءو عالآخر.....
وتان يوم كملت فرحت أخوكم .....طلعت الشمس... ورجع لرفؤوتو الءدام وللعب ولل هاهاها هوهوهو هيهيهي وهالقصص ونجح عالحفّه ....
وتوته توته خلصت الحتّوته
حلوة ولا منكوتة؟؟؟
جابر دملوك
09-05-2008, 10:49 AM
(59)
عوكر أطرش متل بوو.
بيوم من الإيام عوكر شاف بوو مد إيدوو و إستناول البارودة من ورا الخزانة.
أللو : " شو الظاهر رايح ع الصيد "
جاوبو بوو : " لاء ... رايح ع الصيد "
أللو عوكر : " إفتكرتك رايح ع الصيد ... لو رايح كنت روحت معك "
Powered by vBulletin® Version 4.1.11 Copyright © 2026 vBulletin Solutions, Inc. All rights reserved, TranZ by Almuhajir