الناس.....عقليات مختلفة....

[Nader 3:16]

السلام عليكم....
كيفكم يا شباب؟؟؟....
رح نفوت بالموضوع دغري بدون مقدمات...

عقليات العالم شيء عجيب غريب يعني الواحد منا بيتمنى انو كل العالم بفكّروا متلو...و احياناً بستغرب من شخص يتصرف تصرف معين...يعني بءول بيني وبين حالي طيب هادا كيف بفكّر ليش عمل هيكا...

يعني سبحان الله الواحد مفيه يغير بعقلية فلان وفلان....بس بالنهاية في شي صح و في شي غلط....

فالموضوع انو خلينا نناقش عقليات الناس بشكل عام و كيف كل واحد بفكر و طريقة تقويم تصرف كل شخص لأنو ما حدا في يغير عءليتو....

[الزاهر]

يا نادر لا تتخيل اديش صرلي عم فكر بهالموضوع.........لكن بك تعذرني حاليا..........مني آدر أعطي شي!!!!

بس نطلع من الأزمة إن شاء الله

السلام عليكم

[Nader 3:16]

مشكورين يا شباب على هذا التفاعل القوي مع الموضوع ....
يعني من كترة الافكار يلي طرحتوها ما بعرف عمين بدي رد!

[أنس المجاهد]

و الله يا اخ نادر هاي من المواضيع النادرة الوجود التي لا مثيل لها و التي و ما زالت من البراهين على فكرة اغلاق المنتدى قد تكون خاطءة.و ذلك لأن الموضوع ذو اهمية كبيرة و له علاقة بكل من كان و يكون و سيكون.
لقد رأيت بعد انخراطي بالمجتمع بأن هناك عقليات كثيرة فمنهم من يصر على الخطأ مع معرفته به. و منهم من لا يعرف الخطأ اصلاً و هو الذي ينطبق الشاعر.
ان كنت لا تدري فتلك مصيبة..و ان كنت تدري فالمصيبة اعظم

ومن الناس من يتراجع عن خطءه و ذلك لأن نفسيته و عقليته تتقاضى ان يمشي مع مستلزمات المجتمع التي لا تحتاج الى الاخطاء و الا دمّرت.

[Nader 3:16]

كلام جميل يا اخ انس..
يعني هادا يلي يصر على الخطأ رغم معرفته به...هادا من اكبر المصائب بالمجتمع!!! يعني اتخيل واحد ؤاعد يعمل شي غلط قدامك و انتا عم تألو يا اخي هادا غلط و عم يقلك بعرف انو غلط بس ما حدا لو علاءة يعني هيك عقليات صعب التعامل معها لكن منو مستحيل..

النوع التاني يلي زكرتوا كمان مشكلة وحدها ....يعني تخيل واحد ما بيعرف الصح من الغلط ..وهؤلاء في منهم قسمين:

-قسم ممكن يتقبل النصيحة حين يعرف الخطأ من الصواب..
-و قسم لا يتقبل فكرة انه على خطأ بل يصر على خطأه و هو مقتنع بأنه على صواب..
القسم الاول يسهل التعامل معه اما التاني فمنبقا نناءش كيف طريءة التعامل مع هيك عءليات...

و تالت نوع كاتبو خيل لي اني اقرأ شي تربية مدنية بصف الخامس...
ولكن العقلية الصحيحة وحدها لا تكفي لتقويم المجتمع بل هناك ما يقوي صحة العقليات الا و هو الدين...
يعني الدين بيلعب دور مهم في التأثير على العقليات و الادلة واضحة..يعني في ناس بتشوفهم انقلبوا مية درجة بعد ما صاروا دينين..

و لنا عودة بعد ردود الاخوة.....

[THE TERRORIST]

السلام عليكم يا إخواني...
موضوع متل هادة بدو مين يشارك فيّ متلاي...
ميشان هيك ما رح خيبلك أملك يا نادر..
من خلال ما شفت من مشاركات الشباب(أنش) ..و من مشاركات الطارح للموضوع(نادز)..
طلع معي هالحكي:
نحنا كألمونيين منلاقي إنو تأريبن كلنا متل بعضنا ... (يمكن ما بتوافءوني الرأي, بس طولوا بالكم لوضحلكن).. بينما بطرابلس و بالمدن كل واحد بفكر عزوءو...
هادة بسبب إنو القلمونيين عاشوا مع بعضن كتير و تناقشوا مع بعضن و تعاكشوا عالمسرون كمان مع بعضن... و لأن الألمون ضيعة... بس هللء و بهل الإيام منلائي إنو ما في ألموني عأليتو متل التاني... هادة بسبب إنو تكاترت المشاكل و تكاترت الأفكار يللي جاية من برا.. أو الأفكار المبتكرة...
برجع بكمل الرد في وفت لاحق إن شاء الله

[Nader 3:16]

لا اوافقك الرأي يا ارهابي في خصوص ما قلته ان كل القلمونيين لهم نفس العءليات ....و اصلاً ما بدها اتنين يحكوا فيها!!!!!

و انا حابب اعرف اذا كان هناك فرق بين الطباع و العقليات...
فيا ريت حدا يجاوبني..

[ابو عمر]

يا حبيبي يا أستاذ إنت وياه......مستحيل تلاقي تنين متل بعضن لا بالقلمون متل ما تفصحنت و حكيت و لا برّاتها ... و بس تلاقين تعا لعند أبوالروم و خود مليون دولار......

[Nader 3:16]

يا نادر لا تتخيل اديش صرلي عم فكر بهالموضوع.........لكن بك تعذرني حاليا..........مني آدر أعطي شي!!!!

بس نطلع من الأزمة إن شاء الله

السلام عليكم

و هلء صار فيك تقدم ...بسرعة يا زاهر...:) و كمانا البقية.

[Warrior]

اختلاف التفكير ومنطق الحياة
نعم لكل شخص منطقة في النظر لكافة المسائل التي تمر عليه بحياته .....

وليس المعنى كما قيل انه يوجد تفكير غلط وصح انما يوجد صح واصح واصحصح
ان كان الانسان مختلف معنا بالتفكير او باسلوب معالجة الامور ليس معناه انه على "غلط"، وانما هو انسان لديه استقلالية بالتفكير، يحلل بشكل مختلف، يعطي اهمية لاشياء على اشياء ،
وكل فرد منا لديه فلسفة مختلفة وليس علينا فرض او الانتقاص من منطق اي فرد اخر ،

نعطي مثالا صغيرا : انا مثلا اميل الى التعنيف في بعض الاحيان ولكن حسب الشخص المخاطب(هل هو ملتزم منذ زمن بعيد ام لا، هل اعرفه كثيرا ام لا .......هل هو صغير ام كبير... بنت ام شب) بحيث لا يصبح نوع من التنفير عن الدين او او .....اما ان يحزن ويغادر المنتدى فهو حر.
والبعض انكر علي هذا الاسلوب ........ هنا لكل انسان تفكيره الخاص واسلوبه بمعالجة الامور .

وشكرا.

[Barbie]

السلام عليكم و رحمة الله و بركاته ,






تختلف طريقة تفكير كل شخص بحسب محيطه من أهل و أصدقاء ...
و بالفطرة أيضا ً كل إنسان يرى الأمور بطريقة و له أولويات في الحياة .






و المشكلة بالطبع لا تكون بالإختلاف , بل بعدم تقبله .



فنرى مثلا ً البعض لا يتفهم الغير طالما أن لديه نظرة لا تشبه نظرته لأمور ٍ معينة !!!






و بهذا الأسلوب سيضطر الآخرين لتجنبه !






إذ أن الحياة لا تكون أنا أو أنت , فكما أنا أفكر بطريقة , الآخرين يفكرون كما يشاؤن و ليس لأحد ٍ الحق في محاسبة غيره معتمدا ً دائما ً بأن رأيه هو الصواب و ما دونه خطأ .






طالما أن الهدف يدعو إلى الخير , فلا ضير في تعدد الآراء و بالتالي تعدد الطرق الصحيحة لبلوغه .





و أهم شيء تقبل الآخرين و أفكارهم , و عدم التسرع بإطلاق الأحكام عليهم بحجة أن ما نفكر به هو التفكير المثالي !!






و ما من أحد ٍ يحب أن يعامله الغير بفظاظة و لو كان مخطأ ً فكلنا نخطىء ...

و من يدعي أن تفكيره و أسلوبه هو الأصح , فاليراقب طريقة معاملته مع الناس و ليتخذ من النصيحة سبيلا ً في توعيتهم و إبعادهم عن الخطأ .




و بما أن لكل شخص ظروفه , إذا ً له أفكاره الخاصة .



و لكن طبعا ً يبقى الصواب فوق كل شيء و يجب أن يحكم تفكير الجميع قدر المستطاع .

[gardinia]

أولا اشكر الأخ نادر على هذا الموضوع.
في الحقيقة, يختلف تفكير كل شخص حسب تربيته, دينه و مجتمعه الذي يعيش فيه.
و أعتقد أنّ الناس ذوي الدين الواحد لديهم أفكار مشتركة(في مواضيع حاسمة الدين) و لكن أيضا أفكار مختلفة, و هذا ينطبق أيضا على الناس الذين تلقوا تربية واحدة (الإخوة) و الناس الذين يعيشون في مجتمع واحد.
فمثلا فتاتين مسلمتين تعرفان أن فرض عليهما مساعدة من يحتاج المساعدة فيما يمكن لواحدة منهما أن تعتبر المساعدة المالية أهم من المعنوية بينما الأخرى تفكر انّ المساعدة المعنوية أهم.
التفكير يختلف من إنسان لآخر مهما كان بينهما من نقاط مشتركة,و هذا الإختلاف يمكن ان يكون بإعطاء أهمية لفكرة أكثر من غيرها أو باعتبار فكرة خاطئة يعتبرها الآخر صحيحة.
و انا لا أعتقد أن الصح معروف إنو صح و الخطأ معروف. وفالصح و الخطأ يختلفان بحسب الدين, التربية و المجتمع.
فالمجتمع الشرقي يرفض فكرة خروج الفتاة مع الشاب فيما يرى المجتمع الغربي أن هذا أمر طبيعي و ليس فيه أي خظأ.

[Nader 3:16]

شكرا لواريور و باربي وغردينيا على المداخلات.

بالفعل.مثل ما قالت باربي انو اذا كان الهدف يدعوالى الخير فلا ضير ان تتعد الآراء الصحيحة للوصول اليه.

ولكن اريد ان اتكلم عن مسألة الطباع..يعني يوجد كتييير ناس طباعهم حادة مثلاً. كيف السبيل لتخطيها اذا كانت هالطباع خالءا معووووو!!!!!!!!!!!!

[яiиda]

السلام عليكم ورحمة الله وبركاته ....

كل الناس لهم عقلية وطباع محددين ومختلفين ....

يمكن التنبيه على الخطأ الذي يقوم به من وراء طباعه الحادة في كل مرة والتكلم بكل هدوء و مسايرة على إنفراد مما سوف يعوده على التغير وتغيير طريقة التعامل مع الناس من خلال إعطاء النصائح التي تفيده ..... ويمكن أيضاً التعامل مع هذا الشخص بنفس الطريقة التي يعاملكم بها فقط من أجل أن تريوه كيف يتعامل معكم (لأنه في أكثر الأحيان لا يلاحظ طريقة تعامله الخاطئة .... )....عندها يستفيد ولا يأخد على خاطره لأنكم نبهتموه .....
سلام :)