تعلمي الطبخ متجدد

[Nadine]

اولا الملفوف بالصور

اول شي بتحطي الطنجرة على النار لحتى تغلي الماي

بهل الوقت بنجيب الملفوف وبنقورها بهل الطريقة هاي (صورة رقم 1)

وبس تغلي المي بتسقطي اول ملفوفة بالمي وبتتركيها شي خمس دقائق بتغطي الطنجرة
(صورة رقم 2)

بعدين بتشوفي الوراق ببلشوي لحالهم بطلعوا (صورة رقم 3)

وبعدين لتحطيهم بالمصفاة ( صورة رقم 4)

وبس تخلصي المفلوفة بتبردي الملفوف تخت الحنفيفة وبتصفيهم

هلق بنجي للحشوة
1 ونصف كوب رز مع لحمة مفرومة ةبتحطليها معلقة صغيرة كلا من سبع بهارات وقرفة وكمون وملح وزيت
بتحركهم منيح ليخطلتوا وهاي الحشوة ( صورة رقم 5)

[Nadine]

وبنحط عليها الحشوة بهل الطريقة (صورة رقم 1)

وبنبلش نلفها من راسها بشكل مائل (صورة رقم 2)

وبنبلش نحط ورق الملفوف بهل الشكل هاد يعني صف بالطول والتاني بعكسو (صورة رقم 3)

لحتى نخلص بعدبن بنحط الطنجرو على النار وبنغمرها مي وبنحط على الوجه
صحن منشان ما بنفشو الورق وبخربوا بهل الشكل هاد (صورة رقم 4)

وبنغطيهم وبنتركيه لحتى يغلو بس يغلو بنوطي تحتهم وبتركهم على نا
ر هادية تقريبا بدهم ساعة ونص من بعد ما بغلو بعد نصف ساعة من الغلي
بنحطهم عليهم دبس رمان طبعا الطنجرة مغطاية بهلالشكل هاد (صورة رقم 5)

[Nadine]

وبنميل الطنجرة شوي منشان الدبس يختلط مع المي ويطعم علىالملفوف
دبس الرمان بخلي ورق الملفوف يشد وما بفلش وبعطي حموضة وبعد نصف ساعة
من لما بتحطي الدبس
بتحضري هل الخليط وبتحطيه فوق الملفوف يلي هو
بتجيبي راس توم بدقيه منيح وبتحطي عليه ملعقة نعنع ةبتحطي بمقلاة
مع ملعقة سمنةوبتحركيه لحتى يشقر

وبتحطيه فوق الملفوف مع اضافة ملعقتين سمنة وملح بتوزعيهم بهل الشكل (صورة رقم 1)

وخلص هيدي هيه طبخة الملفوف هينه ما هيك اليوم بدي اعملها ان شاء الله

[فيصل]

صلو على النبي
هلك بتقوليلنا العكوب بيسلقوه وبيقلوه ولك شو هل طبخه

[Nadine]

صلو على النبي
هلك بتقوليلنا العكوب بيسلقوه وبيقلوه ولك شو هل طبخه

ماذا تقصد اخ فيصل , وشو دخل العكوب؟ فيك توضح اكتر

لك اللي ما بيعرف شو بدو يعلق يا ريت ما يعلق, وكمان العنوان بيقول تعلمي الطبخ يعني بدي اعمل حظر الطبخ برأي انو شي بخص المرأة بالبيت , وبهل الموضوع بس النسوان يعلقو, متل ما بيعمل الريس بيقول هالموضوع بس للرجال, انا هالموضوع عاملتو بس للنسوان

وشكرا

[الشامي]

السلام عليكم .. كيفكم يا جماعة ...

الله يبارك فيكي أختي نادين على الموضوع، وهذا بيفيد الإخوة المغتربين العزيبة كما انو بيفيد الصبايا اللي متزوزين جديد (قولة الريس)... فاستمري الله يعطيكي العافية...

أخي فيصل يعني الأخت نادين عم تتعب وتحط مشاركات مُفيدة فيا ريت تراعي قول الرسول صلى الله عليه وسلم (... فليقل خيراً أو ليصمت)... وصللي على النبي يا خينا فيصل...

أخوكم

[Nadine]

اهلا بالاخ زاهر , المرة الجاية رح اكتب كيف بيعملو المجدرة ,لان الهيئة هيدي الاكلة الوحيدة اللي بتاكل منها.

مشكور اخ الشبح على هالوصفات , من ناحية المعكرونة بالدجاج اسا ماني عاملتا , رح جربها ان شاء الله.

بس اللازانيا انا بعمل تقريبا نفس الطريقة, اطيب اكلة اللازانيا.اسا في لازانيا بالسبانخ , اليوم رح جربها واذا طلعت طيبة رح اكتبها.

[الزاهر]

أف أف.....إذا في مجدرة بالدء معناتو رح لزء هون.....وهي أعدة!!!!


على فكرة........المجدرة طيبة بكل أنواعها!!!!!

وكمان الرشتة بعدس.......والبطاطا بعدس وحامض زفير........باختصار........كلشي بعدس طيب!!!! (برأيي!!!)
كما إنو كلشي فيه سليق.......وحميضة.......وشعر العروس .........وخبيزة.............وحندبة.....وعكوب....ها د أكل بيتاكل....(برأيي!!!).....وخصوصي من تحت ايدين أم صلاح!!!

وليك مين عم يحكي بالاكل.....ههههههههههه.......كلني عبعضي ما بطلع 62 كيلو!!!!

يالله.......ناطرين المجدرة.........بدنا نتعلمها......كلهم سنتين زمان ومنصير عايشين وحدنا......ديرنا على بيض مإلي وكيري وشاي ساعتها.......ههههههههههههه!!!!!


سلام

[Nadine]

[Nadine]

السلام بيوصل ان شاء الله ,

انا متل ما بعرف انو فرنسا بلد العجين واطيب شي الكرواسون.

بالنسبة للعجينة اسما

Gow Gee pastry

يمكن مصنوعة باليابان او بشي منطقة اسيوية. لان هنه عندن نفس الطبخة بس ما طريقتن مش مع لحمة حلال.

بيحطوها عادة بالبراد وشكلا 30 قطعة عجين مدورة فوق بعضن متل وئت بتعجن عجينة الشيش برك وبتقطهم بفنجان القهوة.

احسن ما تلبك حالك بالعجينة وما تظبط .

[الزاهر]

أما بالنسبة للرشتة بحليب.........هلأ أكيد ما رح ألكن كيف بيعملوها............لأني ما بعرف...هههههههه....لكن هي من ألذ الأكل خصوصي بهالبرد.......بركا الأرايبة (الإسراء ) بتألنا..........لأن الحمد لله بأيام كانت ستي بهمتها كنا عطول ناكلها عندها.......والحمد لله ستي من الطبيخة نمرة 0 أبل الـ 1 يعني!!!

وهي حليب وسكر ورشتة وما بعرف كنو في شي لسا.......بتنغلى على النار لمدة ......وبتصير جامدة شوية......ما كتير يعني.........وبتجنن .....ومتل ما ألنا خصوصي بالبرد!!!!..........بركدن إذا عملناها قريبا منحاول نألكم كيف بيعملوها........."إذا" عملناها!!..........

السلام عليكم

[shanzimer1]

السلام عليكم............
و الله يا ارايب ذكّرتني بايام من العمر .....يا ريت بترجع...ايام الرز بحليب والرشتا بحليب وحلاوة البطاطا و لفّات الكيري والمربى من تحت ديّات ستّنا أم عصام ....الله يقوّيا ويحفظا ويطوّل عمرا...

الرشتا بحليب....حسب ما بعرف و بتذكّر ...كانت ستّي توقّفنا كلّنا جنبا هي وعم تطبخلنا حتى تعلّمنا كيف بيطبخو....
ما بعرف مقادير دقيقة...بس حسب ما بذكر انو ستّنا أم عصام كانت تغلي الحليب...تسقّط الرشتا بألبن وتنطر تتستوي الرشتا...بعدين بتزيد السّكر ...وهون بصير الواحد بدو يدلّو يحرّك ميشان يدوب السكر منيح وما يلزق بكعب الطنجرة...آخر شي بزيدو ماء الورد وبحركون لحدّ ما يصيرو جامدين ... فيكن تقولو متل الرز يحليب تقريباً بس الفرق الرز بحليب بياكلو بارد(بايام الصّيفيّة)...والرشتا بياكلوا سخنة(بيعملوا بايام الشتويّة) ...لأن كتير بتدفّي...

[الزاهر]

بارك الله بك أختي Shanzimer1................



بس سؤال بلا مواخذة يعني........الفتوش كيف بيعملوه وكمان التبولة....؟؟؟

[دوكر]

يا هلا بالجميع...
يسلمو ست شانزيمر واحد...ع الوصفة السريعة...
يا هلا بالمعلم أطر...اه والله شغلة التبولة و الفتوش...بصير ما بتعرف كيف بيعملون... هينة...
و عندي طليب زوغير...ازا ما فيا سيءلة تحطولنا كل كم يوم أكلة هينة العمل ...بركا بنصير نوكل بالبيت....
يعطيكن العافية...
اخوكم دوكر المعوكر...

[Nadine]

بس سؤال بلا مواخذة يعني........الفتوش كيف بيعملوه؟؟؟

الفتوش

المقادير

طماطم مقطع مكعبات متوسطة
خيار مقشر ومقطع مكعبات متوسطه
خس مقطع شرائح متوسطة
بقلة غير مقطع
نعناع طازج ورق غير مقطع
2 ملعقة سماق
ثلاث ملاعق دبس الرمان
ملعقة خل + قليل من الملح
5 ملاعق زيت زيتون

الطريقة:

نضع جميع المقادير في جاط وتحرك بحذر ثم توضع في الصحن المعد وتزين بالخبز المحمص بالفرن أو المقلي بالزيت ..

[Nadine]

وكمان التبولة....؟؟؟

التبولة

المقادير:

نصف كأس برغل ويمكن تقليل الكمية
حزمتين بقدونس
حزمة نعناع
3 حبات بصل أخضر
حبة طماطم كبيرة
6 ملاعق طعام عصير ليمون
4 ملاعق طعام زيت زيتون
ملح
خس للزينة (حسب الرغبة)


الطريقة:

* ينقع البرغل في ماء ساخن لمدة ساعتان تقريباً، ثم يصفى ويترك جانباً.
*يفرم كلاً من البقدونس والنعناع والبصل فرماً ناعماً .
* تقطع الطاطم مكعبات صغيرة وتضاف للبصل والنعناع
والبقدونس.
*يضاف البرغل وعصير الليمون والزيت والملح وتخلط
السلطة جيداً .
*وتوضع على صحن مغطى بأوراق الخس وتزين بشرائح
الليمون وتقدم.

[Nadine]

انا كمان ما حسيتا زابطة كتير بس القصة وما فيها الكاميرا تبعيتي انتزعت وصور الجوال ما كتير مناح , ف لقيت هالصورة على اساس لبناني بس نحنا ما منقلي الشيش برك..

ليش حتى بهدلك؟؟ وانا وين بهدلتو لفيصل ؟؟ الله يسامحك يا اخ فشلان مبسوطين برجعتك,هيك عم تحكي!!

[دوكر]

يا هلا بالست نادين...
يسلمو و ناطرين الأكلات الجديدة...
يعطيكن العافية...
اخوكم دوكر المعوكر...

[Nadine]

اللحم المشوي
المقادير:
كيلو لحم ضأن من جهة الصدر بصلة مفرومة ثماني فصوص ثوم مفرومة
نصف قشرة ليمونة مفرومة ربع كوب من عصير البرتقال ملعقة فلفل أسود
وعلبة روب.
ملعقتا زيت زيتون وملعقتا مل ربع ملعقة زعفران مطحو
مقادير الصلصة:
ملعقتا زيت زيتون ربع كوب من عصير الليمون نصف ملعقة ملح.
طريقة التحضير:
١ اخلطي جميع المقادير باستثناء الملح واتركيها في الثلاجة لساعتين
وذلك بهدف الحصول على نكهة طيبة ٢ أضيفي الملح الى الخليط واخلطي
المقادير جيدا، ثم اخلطي الزيت بالعصير والملح ٣ ضعي قطع اللحم في
فرن ساخن، أو اشويها على الفحم ثم امسحيها بخليط الزيت من الجهتين
أثناء ذلك وقدميها ساخنة.

[Nadine]

شوربة السبانخ
المقادير:
ملعقة زبدة بصلة مفرومة ٥ فصوص ثوم مفرومة علبتا سبانخ
مفرومتان مكعب مرق دجاج ٥ أكواب ماء نصف ملعقة فلفل اسود نصف
ملعقة ملح ملعقتا عصير ليمون نصف كوب كريمة للخفق.
طريقة التحضير:
١ حمري البصل والثوم بالزبدة لمدة دقيقة واحدة فقط، ثم اضيفي بعد ذلك
السبانخ وحركي المقادير معا ٢ اضيفي مكعب الدجاج والماء والفلفل
الاسود والملح وعصير الليمون، ثم حركي الخليط واتركيه على نار هادئة
لمدة ٣٠ دقيقة، ثم امزجي المقادير في الخلاط الكهربائي، واعيديها ثانية
للقدر ٣ صبي الكريمة، ثم حركي المقادير واتركيها على النار لمدة ٥
دقائق.

[Nadine]

الأرز بالشعيرية
المقادير:
ملعقة زيت زيتون بصلتان مفرومتان ٤ فصوم ثوم مفرومة حبة فلفل
اخضر مفرومة نصف كيلو لحم ضأن مفروم علبة بقدونس مفرومة ملعقة من
البهارات المخلوطة علبة من معجون الطماطم مكعب مرقة الدجاج ربع
ملعقة ملح.
مقادير الأرز:
٣ ملاعق زبد كوب شعيرية نصف ملعقة فلفل اسود ملعقة ونصف
الملعقة ملح مكعب من مرقة الدجاج كوبان وثلاثة ارباع الكوب ماء
كوبا ارز بقدونس للتزيين.
طريقة التحضير:
١ حمري البصل والثوم والفلفل واللحم والبقدونس بالزيت. ضعي بقية مقادير اللحم وحركي المقادير ثم اتركيها على النار ( ١٥ ) دقيقة،
وارفعيها عن النار بعد ذلك ٢ لتحضير الارز حمري الشعيرية في قدر آخر
على النار بالزبد. اضيفي الفلفل والملح ومكعب الدجاج ثم الماء، واتركيه
حتى يغلي دون ازالة الغطاء ٣ اغسلي الارز ثم اضيفيه الى المقادير
السابقة واتركيه على نار هادئة لمدة ( ٣٠ ) دقيقة ٤ ضعي الارز في قالب
آعك ثم اقلبيه في طبق التقديم وضعي في وسطه خليط اللحم، ثم زينيه
بالبقدونس.

[Nadine]

التونة المحمرة
المقادير:
علبة من صلصة البيتزا ٤ حبات باذنجان مقطعة لشرائح علبة تونة
نصف كوب ورق ريحان طازج ٤ ملاعق جبنة بارمازان مبشورة.
طريقة التحضير:
١ اقلي شرائح الباذنجان في زيت عميق، ثم صفيها من الزيت ضعي ثلث
صلصة البيتزا في قاع قالب فرن مستطيل، ثم افرشي نصف كمية التونة
ونصف كمية الريحان مع نصف الجبنة كرري العملية حتى تنتهي المقادير بحيث
تكون آخر طبقة هي صلصة البيتزا.
ادخليها إلى الفرن بدرجة ١٨٠ مئوية، لمدة ٣٠ دقيقة، ثم قدميها مع
السلطة.
ملاحظة:
المقادير كافية لأربعة أشخاص

[Nadine]

الفلفل المحشو بالفطر
المقادير:
فلفلة حمراء فلفلة صفراء فلفلة خضراء نصف كيلو فطر من الحجم
المتوسط، مقطع لأنصاف كوب صنوبر علبة جبنة موزاريلا مقطعة لأجزاء
رفيعة متساوية الحجم ملعقة من خليط البهارات الخمسة بصلة حمراء
مفرومة ناعما ٣ فصوص ثوم مفروم ٤ ملاعق من عصير الليمون
ملعقة كزبرة مفرومة ناعما ٣ ملاعق زيت زيتون.
طريقة التحضير:
١ حمّي الزيت في المقلاة، ثم اقلي فيه البصل لدقيقتين اضيفي
الثوم والكزبرة، وبعد دقيقتين اضيفي الفطر، ثم عصير الليمون بعد مرور
دقيقة أخرى ٢ في انتظار ذلك، قطعي الفلفل لأنصاف، ثم ضعيه في
صينية فرن مربعة، احشيه بخليط الفطر والبصل، ثم اضغطي عليه
قليلا بيديك حتى لا تتسرب الحشوة للخارج أثناء طبخها في الفرن ٣
انثري فوقه الصنوبر، ثم غطيه بقطعة من جبنة الموزاريلا،
واتركيه ينضج في الفرن لمدة ٢٠ دقيقة، أو حتى تصبح قطع الفلفل
ناعمة.

[Nadine]

[Nadine]

[nana]

يعني عنجد الله يبارك فيكي ديما مميزة بإختيارك
زنود الست والقطايف من الحلويات االمفضله عندي
شكرا كتيرررررررررررر

[Nadine]

وفيكم بارك الله اخت نارة ,

انا وئت بعمل حلو او طبخة مميزة , بحب شارك الاعضاء ,

عملنا القطايف طلعوا كتير طيبين.

وكمان زنود الست, بس بدكن تنتبهوا وتخلون يصفو عل الاخر من الزيت

[Nadine]

[Warrior]

شكرا على هل الوصفة هممممممممممممممممم شو بحب الكنافة ،
بس اجنا بالقلمون ما هيك بنعمل الكنافة مهيك ؟؟

[Warrior]

عندي طلب : طيب انا متل مني شايف صار عنا اكتر من ثلاث مواضيع تتناول الطبخ ولكن بعناوين مختلفة ، طلب من المشرفين فتح منتدى للطبيخ والاعمال المنزلية وديكور للمنازل وعفش وجفصين وهيك شغلات ويتم وضع جميع المواضيع بها . او اذا عندكم فكرة تانية بتنظم هل الشي بكون احسن .


وشكرا .

[яiиda]

شكرا" لك اختي الكريمة نادين وعنجد استفدنا من الحلو...
وازا عندك وصفة ال cheese cake???
سلام

[Nadine]

شكرا" لك اختي الكريمة نادين وعنجد استفدنا من الحلو...
وازا عندك وصفة ال cheese cake???
سلام

اهلا بك اخت ريندا,

بالنسبة لل Cheese cake

المقادير :

علبة بسكويت دايجستيف ( الكبيرة)
علبة كريم فريش المخصصة للطبخ وليس للحلويات
علبة جبنة فيلادلفيا
كوب مربى الفريز
نصف كوب قطر
نصف باكيه زبدة lurpac

الطريقة :

يفتت البسكويت ليصبح ناعما مثل الطحين و يضاف إليه الزبدة الطرية ويدعك جيدا ثم يمد الخليط المتماسك في صينية الفرن.
يحمى الفرن على درجة 200 ثم نضع الصينية بالفرن لمدة 5 دقائق ( توضع في الرف الوسط في افرن )، ثم نرفع الصينية من الفرن و نتركها لتبرد في البراد.
في هذه الأثناء نخفق الكريم فريش مع جبنة الفيلادلفيا بالخفاقة اليدية الكهربائية ( الخاصة بخفق البيض ) على سرعة عالية ليتماسك الخليط ويصبح جامداً. ثم يُسكب خليط الكريما فوق صينية البسكويت المبردة و توزع بالتساوي بواسطة ملعقة مسطّحة. ونعيدها إلى البراد.
في هذه الأثناء نخلط المربى مع القطر ليصبح الخليط متجانس و ليّن سهل المد على وجه الكريم فريش أو تشيز كايك.
توضع الصينية في البراد . ويمكن تناولها بعد ربع ساعة فقط. والف صحتين

[shanzimer1]

السلام عليكم

كل عام و أنت بخير يا أم نزيه....

يا سلام !!!!!!!! اسّاتكن عم تطبخو ؟؟؟

الطبخة اللي قبل ال cheese cake اسما "بصمة " و لا" كنافة"؟؟؟

الله يبارك فيكن..

[Nadine]

السلام عليكم

كل عام و أنت بخير يا أم نزيه....

يا سلام !!!!!!!! اسّاتكن عم تطبخو ؟؟؟

الطبخة اللي قبل ال cheese cake اسما "بصمة " و لا" كنافة"؟؟؟

الله يبارك فيكن..

وعليكم السلام

يا هلا ببنت العم, كل عام وانت بألف خير, شو كيفكم بهل الايام؟؟

ايه والله عم نطبخ شو بدنا نعمل هيدي الحياة

بالنسبة للحلوى اللي قبل التشيز كايك هيه بصمة متل ما قلتي , الله يبارك فيكي ..

شو شاركينا بشي طبخة...

[hadid]

عندي طلب : طيب انا متل مني شايف صار عنا اكتر من ثلاث مواضيع تتناول الطبخ ولكن بعناوين مختلفة ، طلب من المشرفين فتح منتدى للطبيخ والاعمال المنزلية وديكور للمنازل وعفش وجفصين وهيك شغلات ويتم وضع جميع المواضيع بها . او اذا عندكم فكرة تانية بتنظم هل الشي بكون احسن .


وشكرا .

وهيك بكون منتدانا من أوائل المنتديات العربية التي تتناول هذه المواضيع !!!

[Warrior]

وهيك بكون منتدانا من أوائل المنتديات العربية التي تتناول هذه المواضيع !!!

ليك شو بيك لاحقتني بروح يمين بتروح يمين بروح شمال بتروح شمال بطلع لفوق بتنزل لتحت بنزل لتحت بتطلع لفوق ولك شو بيك يا هديد . انا بعرفك شي ؟؟؟؟ شي مرة التقينا تحت الشمية بلية ماطرة يعني ومني متزكر ام شي مرة ركبتك على الطرزينة خلفي وناسي ام شي مرة لعبنا كرة الطاولة وراح عن بالي .



انا اقترحت بشكل جدي انو يتم ادارة ولملمة المواضيع بشكل جيد ، لاني بحب اتعلم الطبيخ وحتى البي يلاقيهم بسرعة لانو عم يتعلم الطبخ جديد.