تعلمي الطبخ متجدد

**Nadine** · 13-07-2007, 10:04 AM

اولا الملفوف بالصور

اول شي بتحطي الطنجرة على النار لحتى تغلي الماي

بهل الوقت بنجيب الملفوف وبنقورها بهل الطريقة هاي (صورة رقم 1)

وبس تغلي المي بتسقطي اول ملفوفة بالمي وبتتركيها شي خمس دقائق بتغطي الطنجرة
(صورة رقم 2)

بعدين بتشوفي الوراق ببلشوي لحالهم بطلعوا (صورة رقم 3)

وبعدين لتحطيهم بالمصفاة ( صورة رقم 4)

وبس تخلصي المفلوفة بتبردي الملفوف تخت الحنفيفة وبتصفيهم

هلق بنجي للحشوة
1 ونصف كوب رز مع لحمة مفرومة ةبتحطليها معلقة صغيرة كلا من سبع بهارات وقرفة وكمون وملح وزيت
بتحركهم منيح ليخطلتوا وهاي الحشوة ( صورة رقم 5)

**Nadine** · 13-07-2007, 10:13 AM

وبنحط عليها الحشوة بهل الطريقة (صورة رقم 1)

وبنبلش نلفها من راسها بشكل مائل (صورة رقم 2)

وبنبلش نحط ورق الملفوف بهل الشكل هاد يعني صف بالطول والتاني بعكسو (صورة رقم 3)

لحتى نخلص بعدبن بنحط الطنجرو على النار وبنغمرها مي وبنحط على الوجه
صحن منشان ما بنفشو الورق وبخربوا بهل الشكل هاد (صورة رقم 4)

وبنغطيهم وبنتركيه لحتى يغلو بس يغلو بنوطي تحتهم وبتركهم على نا
ر هادية تقريبا بدهم ساعة ونص من بعد ما بغلو بعد نصف ساعة من الغلي
بنحطهم عليهم دبس رمان طبعا الطنجرة مغطاية بهلالشكل هاد (صورة رقم 5)

**Nadine** · 13-07-2007, 10:18 AM

وبنميل الطنجرة شوي منشان الدبس يختلط مع المي ويطعم علىالملفوف
دبس الرمان بخلي ورق الملفوف يشد وما بفلش وبعطي حموضة وبعد نصف ساعة
من لما بتحطي الدبس
بتحضري هل الخليط وبتحطيه فوق الملفوف يلي هو
بتجيبي راس توم بدقيه منيح وبتحطي عليه ملعقة نعنع ةبتحطي بمقلاة
مع ملعقة سمنةوبتحركيه لحتى يشقر

وبتحطيه فوق الملفوف مع اضافة ملعقتين سمنة وملح بتوزعيهم بهل الشكل (صورة رقم 1)

وخلص هيدي هيه طبخة الملفوف هينه ما هيك اليوم بدي اعملها ان شاء الله

**فيصل** · 13-07-2007, 10:52 AM

صلو على النبي
هلك بتقوليلنا العكوب بيسلقوه وبيقلوه ولك شو هل طبخه

**Nadine** · 13-07-2007, 12:54 PM

المشاركة الأصلية كتبت بواسطة فيصل

صلو على النبي
هلك بتقوليلنا العكوب بيسلقوه وبيقلوه ولك شو هل طبخه

ماذا تقصد اخ فيصل , وشو دخل العكوب؟ فيك توضح اكتر

لك اللي ما بيعرف شو بدو يعلق يا ريت ما يعلق, وكمان العنوان بيقول تعلمي الطبخ يعني بدي اعمل حظر الطبخ برأي انو شي بخص المرأة بالبيت , وبهل الموضوع بس النسوان يعلقو, متل ما بيعمل الريس بيقول هالموضوع بس للرجال, انا هالموضوع عاملتو بس للنسوان

وشكرا

**الشامي** · 13-07-2007, 01:28 PM

السلام عليكم .. كيفكم يا جماعة

...

الله يبارك فيكي أختي نادين على الموضوع، وهذا بيفيد الإخوة المغتربين العزيبة كما انو بيفيد الصبايا اللي متزوزين جديد (قولة الريس)... فاستمري الله يعطيكي العافية...

أخي فيصل يعني الأخت نادين عم تتعب وتحط مشاركات مُفيدة فيا ريت تراعي قول الرسول صلى الله عليه وسلم (... فليقل خيراً أو ليصمت)... وصللي على النبي يا خينا فيصل

...

أخوكم

**الزاهر** · 13-07-2007, 04:46 PM

بس سؤال.....شكلك كل طبخة عم تحضريها وتصوريها......ما هيك!!!
ما متعبة الأصة؟؟؟؟
كمان .......رمضان أصبح قريب......شو رأيك ما دام عم تطبخي وتطبخي.....تمرئيلك كم شغلة منشان يتعلموها ويتقنوها أبل رمضان.....يعني نحنا الشباب ما منحب الأكل المعمول تجربة.....ما طيب....بدو يكون معمول على تآنو يا بلا!!!!!
وبدها الأصة كم طبخة تجربة وكم حرء طنجرة.....فبدنا يتأنوها أبل ما يطعمونا منها.....بس لو فينا نشم ريحة طبخك.......بدنا نشتري الآلة من اليابان ونبرمجها على الروائح......متعبة الأصة!!!!
الله يزيدنا من أفضالك أختي.....وإلى الأمام......بارك الله بك.....تقدمي يا بطلة!!!
لوووووووووووووووووووول!!!!!
ذاكرتيهم بالمدرسة؟؟؟؟!!!!!

سلام

**فيصل** · 13-07-2007, 11:00 PM

صلو على النبي
المشاركه الأصليه كتبت بواسطة nadine. اما من ناحية العكوب فهي اكلة لذيذة جدا, وهاهي طريقة طبخه:

تغسل نبت العكوب جيدا من الرمل ثم تقص الاشواك البارزه بمهارة فائقه (يفضل لبس الكفوف البلاستيكيه)

وبعد قص الاشواك يغسل العكوب ويجفف ثم يوضع بالزيت الحار حتى يصبح لونه ذاهبي داكن

يوضع العكوب مع اللحم والملح والبهارات (حسب الرغبه) بطنجره ويتم على النار حتى نضج اللحم

وخلصت الطبخة, تقدم مع الارز هيدي قصة العكوب

**مصطفى معتوق** · 14-07-2007, 04:06 AM

الى جميع الستات على المنتدى
طالع على بالي اكلة شيش برك هون ما يعجبني بالمطاعم لأني صرت مجرب شي 100 محل واللبن عم يطلع حلو انا بحبو حامض متل لبن عفاف بالقلمون .
يا ريت حدن يقدر يفيدنا بالموضوع؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يعني ازا بتعطوني المقادير عندي استعداد اعملها بالبيت اد منو جاي على بالي

**مصطفى معتوق** · 14-07-2007, 04:33 AM

عندي سطل مليان تمر حولي 100 كلغ
شو ممكن اعمل فيهن ويطلع طيب ؟؟
هل فيني اعمل منن تمر هندي مثلاً؟؟؟؟؟

**amer** · 14-07-2007, 05:25 AM

شكرا للاخت نادين على الموضوع المفيد كتير

بس ليه ما بتجمعوهن بنفس موضوع , لان بالاول في موضوع عن الطبخ

وهذا بيفيد الإخوة المغتربين العزيبة

يسلم تمك يا شامي

(بعدني ناطر الرد على الرسالة

)

الله يرحم الشهيد رامي سمير حمزة

**3ANIF JEDAN** · 17-07-2007, 05:10 PM

هلق شو عم تطبخو هون
ميكون هيدا متل مطبخ قريطم او متل مطبخ المختارة ما بينطبخ فيها الا المؤامرات

**فيصل** · 17-07-2007, 05:26 PM

صلو على النبي يا شباب
ولك حكااااااااااااااا

**Nadine** · 20-07-2007, 03:39 AM

مكرونة فوتشيني اللذيذة

المقادير :

1_علبة مكرونة فوتشيني .
2_بصلة مفرومة ناعم .
3_صدور دجاج مخلية مقطعة صغير مغسولة (تملح وتبهر ببهارات الدجاج بشكل جيد ).
4_فطر مقطع شرائح ممكن تستخدمي المعلب او الطازج .
5_فلفل رومي الوان مقطع مكعبات صغيرة + 1 فلفل حار .
6_ا باكيت كريمة للطبخ .
7_3 ملعقة كبيرة جبنة كرافت السايحة توضع على الصوص +جبنة تشيدر +جبن موزاريلا .
8_ 2 مكعب ماجي في ماء سلق المكرونة +1 مع الدجاج .
9_ بهارات دجاج +اورغانو ( زعتر ) +ملح +باربيكا .

الطريقة :

نحمر البصلة قليلا في الزيت .
ثم نضيف مكعب الماجي ثم الدجاج ونتركه على النار حتى يجف ماؤه ويبدأ في الإحمرار والنضج ،
نضيف الفطر وبهارات الدجاج ثم الفلفل الرومي الملون ونحركهم جيدا ثم الكريمة ونتركها تغلي قليلا حتى تثقل .
وبعدها نضيف الجبنة السايحة وقليل من الجبن التشدر إذا حبيت اذا كان الدجاج متبل بالملح لاتضيفي ملح لان الماجي والجبن مالح .
تسلق المكرونة في ماء مغلي مضاف اليه الماجي والملح والقليل من الزيت حسب الزمن المحدد على العبوة .
تصفي وتغسل بالماء البارد وتوضع في صينية بايركس للفرن وتضاف عليها خلطة الدجاج وتحرك جيدا ويرش وجهها بالموزاريلا والقليل من التشدر وتدخل الفرن من تحت فقط حتى تسيح الجبن وتقدم ساخنة مع السلطة الخضراء .

صور لانواع المكرونة الفوتشيني)1(

صور للكريمة )2(

صورة الدجاج مع الفطر والفلفل الرومي قبل ما نضيف الكريمة )3(

صورة المكرونة بعد ماخلطناها بالصلصة )4(

**Nadine** · 20-07-2007, 03:45 AM

الصورة لما ضفنا عليها الجبن الموزاريلا والتشدر )1(

بعد ما طلعت من الفرن )2(

في طبق التقديم )3(

**Nadine** · 15-08-2007, 06:15 AM

**Nadine** · 15-08-2007, 06:18 AM

**Nadine** · 05-12-2007, 08:08 AM

**الزاهر** · 05-12-2007, 10:32 AM

هلأ هو صحيح هالأكل ما بيتاكل (وهالعبارة منها عبارة!!!).......لكن الصورة حلوة!!!!....بتذكر بالسيرانات.....أوووووووووووف على ايام كان فينا نعمل عشا بسهل النبعة........أو شي سيران هيك ببيوت الحج أو بشي عكويش بالجبل!!!!

جد مشكورة أختي.........بارك الله جهودك!!!!

**الشبح** · 05-12-2007, 01:21 PM

السلام عليكم بركي مفتكرين بس النسوان بتعرف تطبخ؟؟ جربوها و دعولي:

المقادير

ملعقتان زيت زيتون .
فلفله حاره بدون بذور مفرومه ناعمه.
4 صدور دجاج مقطعه لأجزاء صغيره
علبة صغيره من صلصه الطماطم المحضره بالفلفل.
علبة قشطه طرية.
4 ملاعق كزبره مفرومه ناعمه.
ملح وفلفل.
علبة سباجيتي.
جبنة باراميزان.

الطريقه

حمي الزيت بالمقلاة ثم اقلى فيه الفلفل الحار لمده دقيقه واحدة
1-اضيفي الدجاج واستمري في الطبخ لمدة عشرة دقائق إضافيه.
2- اضيفي صلصة الطماطم بالفلفل الحار وبعد مرور

3 دقائق اضيفي القشده الطريه وملعقتين من الكزبرة الطريه والملح والفلفل الأسود حسب الرغبه ثم اخلطي المقادير معا.
4- في انتظار ان ينضج الدجاج تماما اسلقي المكرونه في ماء مملح.
5- اسكبي فوقها خليط الدجاج والصلصه ثم اخلطي المقادير لمده دقيقه واحده.

**الشبح** · 05-12-2007, 01:22 PM

المقادير

صلصة اللحم المفروم
1,5كوب بصل مقطع
4 فص ثوم مفروم
ملعق أكل ريحان يابس (dry basil )
ملعقة صغيرة (dry oregano)
نص ملعقة صغيرة (dried tarragon)
ربع ملعقة صغيرة (dried thyme)
خمس حبات طماطم مطحونة
علبتين " طماطم صاص " -ليست الصلصة -
نص كيلو لحم مفروم مطبوخ
ملح وفلفل أسود

الطريقه

يسخن قليل من زيت الزيتون ويضاف البصل والثوم و والبهارات الجافة ويقلى إلى أن ينضج البصل ثم يضاف الطماطم المطحون والصاص ويترك يغلي تقريباً 15 دقيقة ثم يضاف اللحم المفروم المطبوخ ويترك يغلي إلى أن يثخن قليلاً ثم يضاف الملح والفلفل والأسود
الصلصة البيضاء:
علبة جبن "ريكوتا "ricotta cheese
بيضة
ملعقة بقدونس
فلفل أسود
..... تمزج جيداً ....
بقي من المقادير نص كوب جبنة بارميزان مبشورةparmesan

cheese

كوب جبنة موزريلا مبشورة
وطبعاً ما ننسى : 9حبات مكرونة لزانيا مسلوقة

طريقة عمل صينية اللزانيا:

في صينية مستطيلة يوضع قليل من صلصة اللحم المفروم ثم طبقة من المكرونة (ثلاث حبات) ثم طبقة من الصلصة البيضاء ثم صلصة اللحم المفروم ثم يرش جبة بارميزان ثم طبقة من جبنة الموزريلا ثم تعاد هذه الطبقات
ثلاث مرات ...تغطى الصينية بالقصدير وتدخل في فرن ساخن على درجة 375ف لمدة 25 دقيقة ثم يرفع القصدير وتترك الصينية في الفرن لمدة 20 دقيقة أو إلى أن يذوب الجبن
وبالهناء والعافيه

**الزاهر** · 05-12-2007, 04:31 PM

والله والله......طباخ مخبي بتيابو!!!!
لووووووووووووووووول!!!

**Nadine** · 06-12-2007, 02:01 AM

اهلا بالاخ زاهر , المرة الجاية رح اكتب كيف بيعملو المجدرة ,لان الهيئة هيدي الاكلة الوحيدة اللي بتاكل منها.

مشكور اخ الشبح على هالوصفات , من ناحية المعكرونة بالدجاج اسا ماني عاملتا , رح جربها ان شاء الله.

بس اللازانيا انا بعمل تقريبا نفس الطريقة, اطيب اكلة اللازانيا.اسا في لازانيا بالسبانخ , اليوم رح جربها واذا طلعت طيبة رح اكتبها.

**الزاهر** · 06-12-2007, 04:36 AM

أف أف.....إذا في مجدرة بالدء معناتو رح لزء هون.....وهي أعدة!!!!

على فكرة........المجدرة طيبة بكل أنواعها!!!!!

وكمان الرشتة بعدس.......والبطاطا بعدس وحامض زفير........باختصار........كلشي بعدس طيب!!!! (برأيي!!!)
كما إنو كلشي فيه سليق.......وحميضة.......وشعر العروس .........وخبيزة.............وحندبة.....وعكوب....ها د أكل بيتاكل....(برأيي!!!).....وخصوصي من تحت ايدين أم صلاح!!!

وليك مين عم يحكي بالاكل.....ههههههههههه.......كلني عبعضي ما بطلع 62 كيلو!!!!

يالله.......ناطرين المجدرة.........بدنا نتعلمها......كلهم سنتين زمان ومنصير عايشين وحدنا......ديرنا على بيض مإلي وكيري وشاي ساعتها.......ههههههههههههه!!!!!

سلام

**Nadine** · 06-12-2007, 04:56 AM

**The Knight** · 06-12-2007, 12:20 PM

المشاركة الأصلية كتبت بواسطة amer

شكرا للاخت نادين على الموضوع المفيد كتير

المشاركة الأصلية كتبت بواسطة amer

بس ليه ما بتجمعوهن بنفس موضوع , لان بالاول في موضوع عن الطبخ

يسلم تمك يا شامي

allah yberek fikon........

**أم سفيان** · 06-12-2007, 09:45 PM

مين فيه يسألنا كيف بيعملو كبة راهب وحراء الأصبع وبكون شاكرة لو أو لها

**Nadine** · 07-12-2007, 03:01 AM

المشاركة الأصلية كتبت بواسطة أم سفيان

مين فيه يسألنا كيف بيعملو كبة راهب وحراء الأصبع وبكون شاكرة لو أو لها

يا اهلا بالاخت ام سفيان , جبتلك اكلة حراء بإصبعه.

المقادير:

كاسة عدس بني.

تلات ارباع كاسة معكرونة حلزونية, لازم تكون مسلوقة وجاهزة.

3 بصلات مقلية لدرجة الاحمرار.

خبز عربي مقطع الى مربعات ومقلي.

5 ثوم مدقوقين حسب الرغبة ( انا ما بحب التوم)

نصف حزمة كزبرة وقليهم مع الثوم.

كمان عصير حامضة و 3 ملاعق كبار دبس رمان والكمية حسب درجة الحموضة اللي بتفضليها.

ملح وفلفل وكمون.

الطريقة:

اول شي نسلق العدس مع خمس كاسات ماء , بس يطرى, منضيف المعكرونة ونص كمية البصل ونص كمية الكزبرة والثوم, ومنقلبهم.

بعدين نضيف عصير الحامض ودبس الرمان والبهارات. ونخلطهم. ضيفي عليه نصف فنجان زيت زيتون واتركي على نار هادية لمدة ربع ساعة, ما طولي فيه على النار مشان العدس ما يذوب وبعدان كلشي مطبوخ من قبل.

وبعدان بتسكبي بالجاط, وبتزيني بالخبز المقلي والباقي من البصل والكزبرة والثوم.

وصحتين.

**دوكر** · 30-01-2008, 05:36 PM

يا هلا بالجميع....
كيف هل الوجبات معكم؟...
بدا اطلب منكم طلب...ازا بتريدوا ازا حدا فاي يحطلنا كيف بيعملو الروشتا...
يعطيكن العافية....
اخوكم دوكر المعوكر....

**الزاهر** · 30-01-2008, 07:20 PM

يا دوكر في رشتة بعدس وفي رشتة بحليب..........أياهم بدك......وضح الله يرضى عليك!!!

**دوكر** · 30-01-2008, 07:37 PM

يا هلا بالمعلم أطر....
روشتا بعدس....صرت عم حن و أشتاء لأكل الماما....
و لكن ع طريءكن حطولنا الروشتا بحليب....
ياولاي....عم أتخيل الصحن إدامي....ستعجلو ازا بتريدو....
يعطيكن العافية...
اخوكم دوكر المعوكر....

**Nadine** · 31-01-2008, 01:49 AM

المشاركة الأصلية كتبت بواسطة دوكر

يا هلا بالمعلم أطر....
روشتا بعدس....صرت عم حن و أشتاء لأكل الماما....
و لكن ع طريءكن حطولنا الروشتا بحليب....
ياولاي....عم أتخيل الصحن إدامي....ستعجلو ازا بتريدو....
يعطيكن العافية...
اخوكم دوكر المعوكر....

رشتة بعدس

المقادير
-------
عدس بني
بصل مفروم جوانح رقيقة
ثوم مدقوق
كزبرة خضراء مفرومة
عصير ليمون حامض
كمون
ملح
3 م\ك زيت زيتون

العجينة: طحين وماء ورشة ملح.(بعصر السرعة بيستعملوا المعكرونة جاهزة بس الأصول اصول ما هيك؟)

التزيين: بصل مقرمش مع السماق.
الطريقة
-------
نغسل العدس منيح ونسلقه وفي هذه الأثناء نصنع العجينة بخلط الطحين والملح وإضافة الماء الى ان يصبح لدينا عجينة لا تلتصق باليد.
نرق العجين ونرشها بالكثير من الطحين ونلفها ونقطعها أحبال

ثم نقطع الأحبال قصيرة ونضعها جنباً ونرشها بالطحين كي لا تلتصق ببعضها

في مقلاية نضع 2 م\ك زيت زيتون و البصل ونقلبه حتى يذبل ونضعه فوق العدس ونحمر الكمية الباقية إلى أن تصبح بني غامق (مقرمشة) ونضعها جانباً.

نضع العجين فوق العدس الذي سلقناه ونتركهم 7 دقائق إلى 10 دقائق.
نضع باقي الزيت ونقلب الكزبرة مع الثوم ونضيفهم إلى العدس.

نتركهم يغلوا 3 دقائق ونسكب بالصحن وممكن التزيين بالبصل المحمر ورشة سماق.

**Nadine** · 31-01-2008, 01:50 AM

المشاركة الأصلية كتبت بواسطة دوكر

و لكن ع طريءكن حطولنا الروشتا بحليب....
ياولاي....عم أتخيل الصحن إدامي....ستعجلو ازا بتريدو....
يعطيكن العافية...
اخوكم دوكر المعوكر....

ماني سامعة بروشتا بحليب ,سامعة رز بحليب , شو هادا روشتة بحليب؟؟؟

**دوكر** · 31-01-2008, 01:57 AM

يا هلا بالست نادين....
يسلمو ع الروشتا بعدس....
بس هادي ؤصة الروشتا بحليب ....انا سامع فيا بس ولا مرة دايءا....بس ؤلنا بنسأل عنا ...
يعطيكي العافية....
اخوكم دوكر المعوكر....

**Nadine** · 31-01-2008, 01:59 AM

المشاركة الأصلية كتبت بواسطة Mazen.O

بلا معلمية بس إذا ممكن تحطو شي أكلة بتنعمل وبتنأكل ب نصف ساعة يعني للضرورة وشكرا

ما في طبخة بتنعمل وبتتاكل بنصف ساعة, بدك تجيب شي بينعمل على السريع ,متل دجاج وتقليون , او مقانق ,فيك تعمل صفيحة كفتة,,,,,,,

**Nadine** · 31-01-2008, 02:01 AM

المشاركة الأصلية كتبت بواسطة دوكر

يا هلا بالست نادين....
يسلمو ع الروشتا بعدس....
بس هادي ؤصة الروشتا بحليب ....انا سامع فيا بس ولا مرة دايءا....بس ؤلنا بنسأل عنا ...
يعطيكي العافية....
اخوكم دوكر المعوكر....

اهلا بك اخ دوكر,

يللاجرب الروشتا بعدس وقللنا كيف بتطلع معك؟ اذا فيك تصورا كمان ,من شان نشوف ما تطلع بتشبه العجة تبعيت الاخ عمر.

**Nadine** · 31-01-2008, 02:19 AM

المشاركة الأصلية كتبت بواسطة Al Mozneb

يا ريت عجينة الشيشبرك

العجينة:
1ك دقيق -رشة ملح ماء للعجن
تعجن وتترك لترتاح

على فكرة فيك تجيب العجينة خالصة من الشوب وتحطلا الحشوة وتطبخها

**Nadine** · 01-02-2008, 03:18 AM

السلام بيوصل ان شاء الله ,

انا متل ما بعرف انو فرنسا بلد العجين واطيب شي الكرواسون.

بالنسبة للعجينة اسما

Gow Gee pastry

يمكن مصنوعة باليابان او بشي منطقة اسيوية. لان هنه عندن نفس الطبخة بس ما طريقتن مش مع لحمة حلال.

بيحطوها عادة بالبراد وشكلا 30 قطعة عجين مدورة فوق بعضن متل وئت بتعجن عجينة الشيش برك وبتقطهم بفنجان القهوة.

احسن ما تلبك حالك بالعجينة وما تظبط .

**الزاهر** · 01-02-2008, 05:11 AM

أما بالنسبة للرشتة بحليب.........هلأ أكيد ما رح ألكن كيف بيعملوها............لأني ما بعرف...هههههههه....لكن هي من ألذ الأكل خصوصي بهالبرد.......بركا الأرايبة (الإسراء ) بتألنا..........لأن الحمد لله بأيام كانت ستي بهمتها كنا عطول ناكلها عندها.......والحمد لله ستي من الطبيخة نمرة 0 أبل الـ 1 يعني!!!

وهي حليب وسكر ورشتة وما بعرف كنو في شي لسا.......بتنغلى على النار لمدة ......وبتصير جامدة شوية......ما كتير يعني.........وبتجنن .....ومتل ما ألنا خصوصي بالبرد!!!!..........بركدن إذا عملناها قريبا منحاول نألكم كيف بيعملوها........."إذا" عملناها!!..........

السلام عليكم

shanzimer1 · 01-02-2008, 06:07 PM

السلام عليكم............
و الله يا ارايب ذكّرتني بايام من العمر .....يا ريت بترجع...ايام الرز بحليب والرشتا بحليب وحلاوة البطاطا و لفّات الكيري والمربى من تحت ديّات ستّنا أم عصام ....الله يقوّيا ويحفظا ويطوّل عمرا...

الرشتا بحليب....حسب ما بعرف و بتذكّر ...كانت ستّي توقّفنا كلّنا جنبا هي وعم تطبخلنا حتى تعلّمنا كيف بيطبخو....

ما بعرف مقادير دقيقة...بس حسب ما بذكر انو ستّنا أم عصام كانت تغلي الحليب...تسقّط الرشتا بألبن وتنطر تتستوي الرشتا...بعدين بتزيد السّكر ...وهون بصير الواحد بدو يدلّو يحرّك ميشان يدوب السكر منيح وما يلزق بكعب الطنجرة...آخر شي بزيدو ماء الورد وبحركون لحدّ ما يصيرو جامدين ... فيكن تقولو متل الرز يحليب تقريباً بس الفرق الرز بحليب بياكلو بارد(بايام الصّيفيّة)...والرشتا بياكلوا سخنة(بيعملوا بايام الشتويّة) ...لأن كتير بتدفّي...

**الزاهر** · 02-02-2008, 01:00 AM

بارك الله بك أختي Shanzimer1................

بس سؤال بلا مواخذة يعني........الفتوش كيف بيعملوه وكمان التبولة....؟؟؟

**دوكر** · 02-02-2008, 01:33 AM

يا هلا بالجميع...
يسلمو ست شانزيمر واحد...ع الوصفة السريعة...
يا هلا بالمعلم أطر...اه والله شغلة التبولة و الفتوش...بصير ما بتعرف كيف بيعملون... هينة...
و عندي طليب زوغير...ازا ما فيا سيءلة تحطولنا كل كم يوم أكلة هينة العمل ...بركا بنصير نوكل بالبيت....
يعطيكن العافية...
اخوكم دوكر المعوكر...

**Nadine** · 04-02-2008, 02:23 PM

المشاركة الأصلية كتبت بواسطة Zaher Eddin

بس سؤال بلا مواخذة يعني........الفتوش كيف بيعملوه؟؟؟

الفتوش

المقادير

طماطم مقطع مكعبات متوسطة
خيار مقشر ومقطع مكعبات متوسطه
خس مقطع شرائح متوسطة
بقلة غير مقطع
نعناع طازج ورق غير مقطع
2 ملعقة سماق
ثلاث ملاعق دبس الرمان
ملعقة خل + قليل من الملح
5 ملاعق زيت زيتون

الطريقة:

نضع جميع المقادير في جاط وتحرك بحذر ثم توضع في الصحن المعد وتزين بالخبز المحمص بالفرن أو المقلي بالزيت ..

**Nadine** · 04-02-2008, 02:25 PM

المشاركة الأصلية كتبت بواسطة Zaher Eddin

وكمان التبولة....؟؟؟

التبولة

المقادير:

نصف كأس برغل ويمكن تقليل الكمية
حزمتين بقدونس
حزمة نعناع
3 حبات بصل أخضر
حبة طماطم كبيرة
6 ملاعق طعام عصير ليمون
4 ملاعق طعام زيت زيتون
ملح
خس للزينة (حسب الرغبة)

الطريقة:

* ينقع البرغل في ماء ساخن لمدة ساعتان تقريباً، ثم يصفى ويترك جانباً.
*يفرم كلاً من البقدونس والنعناع والبصل فرماً ناعماً .
* تقطع الطاطم مكعبات صغيرة وتضاف للبصل والنعناع
والبقدونس.
*يضاف البرغل وعصير الليمون والزيت والملح وتخلط
السلطة جيداً .
*وتوضع على صحن مغطى بأوراق الخس وتزين بشرائح
الليمون وتقدم.

**دوكر** · 04-02-2008, 03:57 PM

يا هلا بالست نادين...
يسلمو كتير...
اه والله ...الواحد ما بحس بإيمة الام ت حتى يبلش يعمل تجارب بالمطبخ ههههههه...
يعطيكن العافية...
اخوكم دوكر المعوكر...

**الزاهر** · 04-02-2008, 09:04 PM

بارك الله بك أختي نادين..........أهلي بيعملوها غير شكل شوية.........منبئا نجربها ونشوف كيف بتطلع طعمتها عطريقتكم......منجربها شي يوم صبحيات منشان نخفي آثار الجريمة أبل ما يفيؤو أهلي!!!!...........لوووووووول!!!

**Nadine** · 05-02-2008, 09:49 AM

**فشلان** · 05-02-2008, 09:58 AM

يعني الله يعطيك العافية على مجهودك الجبار... بس إنو هادي صورة شيش برك؟؟؟؟ والله فكرتا قريدس باللبن أو شي نوع حلويات بالقشطة...... ههههه

لا تزعلي مني... بس حطي صورة شيش برك منعرفو.. يعني حطي صور مثل صور الملفوف يلي عملتي.. أو هيك شي.....

على كل حال... الله يعطيكي العافية... ولا تبهدليني مثل ما بهدلتي فيصل بالأول..... ولا تكوني متعصبة لجنسك وبس... ترى نحنا بدنا نتعلم كمان.....

أورفوار...

**Nadine** · 05-02-2008, 10:15 AM

انا كمان ما حسيتا زابطة كتير بس القصة وما فيها الكاميرا تبعيتي انتزعت وصور الجوال ما كتير مناح , ف لقيت هالصورة على اساس لبناني بس نحنا ما منقلي الشيش برك..

ليش حتى بهدلك؟؟ وانا وين بهدلتو لفيصل ؟؟ الله يسامحك يا اخ فشلان مبسوطين برجعتك,هيك عم تحكي!!

**دوكر** · 05-02-2008, 11:10 AM

يا هلا بالست نادين...
يسلمو و ناطرين الأكلات الجديدة...
يعطيكن العافية...
اخوكم دوكر المعوكر...

الموضوع: تعلمي الطبخ متجدد

أدوات الموضوع

عرض

تعلمي الطبخ متجدد

شكر

النجدة يا ستات

سؤال وجيه

المعكرونه بالدجاج والصلصله الحاره(سهلة و لذيذة)

صينية لزانـيــــا

ضوابط المشاركة