اشاعة وجود مستوصف في القلمون!!!!!

[سحر الشرق]

السلام عليكم ورحمة الله وبركاته
اول شي اكيد قريته العنوان ويمكن اول سؤال سالتو لحالكن شو هلحكي كيف بدنا مستوصف بالقلمون ليش هلدائرة يلي جنب الجامع البحري شو هية منها مستوصف وانا للاسف رح قلكن:

للاسف ويؤسفني ويؤلمني انه يكون الاسم مجرد اسم وبالنهاية المستوصف مجرد عيادات خاصة ويعود ريع المصاري والواردات لجيوب الموظفين والمسؤولين والمعنيين وكما اعتقد انه هيدي الدائرة الخاصة تابعة لجماعة خاصة والمهم وبلا سير طولة ......
القلمون يا اخوان بلدة صارت كبيرة وهية بحاجة لمستوصف متلها متل سائر المناطق اللبنانية وهدف المستوصف هو تأمين العلاج والدواء للاهالي بسعر بسيط او مجرد كلفة بسيطة لا تتعدى ال10 الاف ولكن للاسف اختلف الوضع فيما اطلق عنه اسم مستوصف القلمون
لان اولا اي طعم لاي طفل بيكلف متله متل اي حكيم بيعطيه بعيادته الخاصة 50000 او اكتر
ثانيا اي حكيم او حكيمة وبالتحديد نسائية فالمراجعة يلي هيه اصلا بعيادتها الخاصة ما بتاخدها بالمستوصف بياخدو عليها 20000
فيا ترى عندي سؤال هل هي اشاعة اطلقت على هذه العيادات الخاصة ونسب اليها مستوصف وهني مظلومين بهلاشاعة ام انهم اطلقوا الاشاعة وصدقوها
بالنهاية الاهالي بحاجة لمستوصف بالبلدة لاعانة الاهالي وهيدا من اقل المطالب اللي ممكن نأمنها لولاد بلدتنا الحبيبة
فارجو اما النظر في بالمطالب لتغيير نظام العيادات الخاصة وتشغيل المستوصف ونحنا ما بدنا اياه مجاني لان منكون عم نشتري سمك بالبحر بل تخفيض الكشفية لان لما بيكون هيك فلافضل الذهاب عند الحكيم على العيادة لما يتوفر عنده من اجهزة ويكون المريض مرتاح اكثر
وثانيا اذا تعثر ذلك فنحن عندها سنسعى الى المطالبة بفتح مستوصف للضيعة التي هي محرومة من مستوصف وهية بحاجة ماسة اليه وبعتقد اهل الخير كتار وما فيها مشكلة بس يحددو موقفهن ويشوفو مصلحة اهلهن قبل مصلحتهن
بدي رايكن شباب وصبايا بالموضوع وانا بقلكن خلص طفح الكيل .

[دوكر]

يا هلا بالست سحر الشرأ...................
انا مبدي طول و لف و دور بالحكي معك..............يا ست المستوصف عم يفيد الاهالي ...و كتير عم يخدمن................هدا لي بعرفو من الاشياء لي عم ينؤلولي ياها الشباب .......و كل فترة بيعملو نشاط......متل هديكا المرة عملو فحص ببلاش عن مرض بصير بالكبد......و مع اني كونت بالضيعة بس ما إنفحصت...........هههههههههههههه......مرة تانية........
بس ليش عم تبخسيلون بعملون و عم تتهميون بالسرأة؟؟؟؟؟.........الله يسامحك......
ناطر خي الريس ت يشوف الوضع ايشويا و هو بكمل الرد عني..............

[سحر الشرق]

لا يا اخ دوكر والله ما بقبلها منك ابدا هيدي انك تتهم هلناس بالسرقة
وبعدين انا كان كلامي واضح وصريح وما فيه اي اتهام بالسرقة ابدا انا قلت عيادات خاصة يعني المستوصف اذا كان هيك فمعناهابيكون بياخد شي رمزي مش كشفيه عادية وانا هيدا يلي قلته نحنا بحاجة لمستوصف ميشان العالم الللي تعبانة وما معها تتحكم وتتعالج وهيدا حقهن
وبعدين انا سمعت بعلشي وهيدا طبيعي يعني لما يكون في حملة بلبنان بيجي هنا بدهن يمنعوها فوين المشكلة يعني هيدي اصلا وظيفتهن ما دفعو شي من جيبهن
ما في داعي نغير الموضوع يلي طارحينه يا اخ دوكر نحنا عم نقول انه البلدو بحاجة لمستوصف وهلشي ما بدها تنين يحكو فيه الله يبارك فيهن انه امنو عيادات لهلدكاترة ما قلنا شي وسلم دياتهن انهن لقيوا وظائف لهلناس وفي كتير عم يستفادو بس بالنهايو ايشو يلي بيمنع انه يوجد مستوصف خيري بضيعتنا وما بعتقد اذا سعينا لهلشي منفشل وفي ناس كتير مستعدين يقدمو فليش لا

[ام السعد]

عزيزتي سحر الشرق ان هذا المستوصف خاص وليس خيري او حكومي وللحق انه جيد جدا وان ريع المستوصف لا يعود الا لاصحاب المستوصف, والموظفين والاطباء لا يقبضون من المرضى بل يتقاضون معاشا شهريا ثابتا والمستوصف لا ياخذ الا مبلغ بسيط على وهو 8000 ليرة فقط ام بالنسبة للطبيبة النسائية فهم ياخذون اكثر لانهم يستخدمون الات وكله مدفوع ثمنها وكما تعرفين انها غالية الثمن وايضا لا يوجد اي طبيب نسائي ياخذ اقل من 35000 ليرة في العيادات الخاصة وايضا بالنسبة للتطعيم يوجد تطعيم ب 5000 ولكن انت اذا طلبتي انني اريد التطعيم الغالي الذي لا يعمل سخونة للطفل فهذا امر مختلف فيشترونه لك مخصوص ,وبالنسبة للصيد لية اسعارها ارخص من غيرها ولكن هذه الادوية لا تاتيهم مجانا بل يشترونها من شركات الادوية ولكن بسعر اقل بقليل فللحق اقول هذا والله شهيد على ما اقول . المستوصف ممتاز بالنظافة والاسقبال الممتاز وايضا باطبائه , وموظفيه ومكيف ومرتب ,
وثانيا انا سمعت ان جمعية العزم والسعادة تبني مستوصف باول القلمون واعتقد انه شبه مجاني والله اعلم ليفتح سنحكم مع صالة للعزاء.

[عبد الله]

سأرد غدا لكن لا بد من هاتين الكلمتين موجهتين للأخت أنها قامت بالافتراء على المسؤلين والجماعة التي ينتمي لها المستوصف من ناحية أن الأموال ريعها يعود لهم ولو حصل هذا الأمر وهو غير حاصل اصلا فهو حقهم ويجب أن تعلمي أن أي شخص من هؤلاء بدون استثناء بيسوى الضيعة بالي فيها وأكبر من أن يأخذ قرش بهذه الطريقة وفي محتاج أولى به

[سحر الشرق]

يا اخت ام السعد
انتي قلتيبالنسبة للطبيبة النسائية فهم ياخذون اكثر لانهم يستخدمون الات وكله مدفوع ثمنها وكما )
(((وايضا بالنسبة للتطعيم يوجد تطعيم ب 5000 ولكن انت اذا طلبتي انني اريد التطعيم الغالي الذي لا يعمل سخونة للطفل فهذا امر مختلف فيشترونه لك مخصوص)))

التطعيم بنفس السعر عند حكيم الخاص!!!
عند الحكيمة النسائية الكشفية هية هية بل بالعكس للمراجعة بعيادتها الخاصة ما بتاخد مراجعة كل مرة خاصة اقصد في الحمل

انتي قلتي(((ان هذا المستوصف خاص وليس خيري او حكومي وللحق انه جيد جدا وان ريع المستوصف لا يعود الا لاصحاب المستوصف, والموظفين والاطباء لا يقبضون من المرضى بل يتقاضون معاشا شهريا ثابتا ))))
وانا معك ام السعد يعني انا وياكي متفقين لان انا كل يلي عمقوله انه بدنا ومنطالب بفتح الكجال قدام فتح مستوصف خيري لان هيدا مستوصف خاص يعني مجرد عيادات خاصة بمجمع يعني انا ما قلت كلمة لا ازود ولا انقص عن يلي حضرتك تفضلتي فيه
انتي قلتي(((. المستوصف ممتاز بالنظافة والاسقبال الممتاز وايضا باطبائه , وموظفيه ومكيف ومرتب ,
وانا اوافقك واصدقك الكلام واشهد الله انك لم تقولي الا الصدق


بس يا جماعة انتو ليش بدكن تقولوني شي انا ما قلته انا قلت نطالب بمستوصف لان ما عنا مستوصف صح كلامي ولا لا
انا ما قلت انه منو عيادات خاصة وريعه يعود لاصحابه وللناس يلي عم يشتغلو فيه عادي يعني هلأ اذذا جيت قلت انه الدكتور فلان بياخد هلقد وريع المصاري بيرجع اله وللموظفين بالعيادة بيكون حكيي غلط
نحنا عم نحكي بموضوع معين انه لازملنا مستوصف لاهالي القلمون حكيي واضح وصريح وما في داعي حدن لا يحتد ولا يرمي عليي تهم وينسبلي كلام انا ما قلته يا ريت تراجعو كلامي كويس وتفهموه لان الظاهر انتو بس عم تحكو من منطلق هجومي دفاعي مع انه اصلا ما في حدن بالمواجهة يعني عم تحاربو طواحين الهوا وعلى مين عم تتهمو الناس وبعدين تبرريولن طيب معقولة انتو هيك يعني

وعلى فكرة يا ام السعد بدي ضيف على معلوماتك طالما اننا نشهد الله انه كمان حكيم الاسنان بياخد اكتر من اي حكيم بعيادته الخاص تكلفة بس يمكن لان متل ما قلتي شاريين اجهزة جديده يعني ومضطرين يرفعوا السعر لان بدهن يطلعو حقها بس يا ام السعد طيب يقولو يعني في اغنيا كتير وممكن نتبرع ماو عيب ما احسن ما تروح على هلناس لمساكين وماو اول مرة الناس بتتبرع بس يمكن متل ما قلتي انه هني معتبرين علعيادات خاصة ومدخولها خاص ومنو خيري
المهم بدنا مستوصف خيري انتو شو رأيكن معي بهلنقطة ولا لا

[سحر الشرق]

اخ عبد الله لاحظ انك انت قلت ماو انا وكلامي ما فيه افترا على حدن ويلي بقولو ما بدي عيدو لان بعتقد اني عم احكي مع ناس مثقفين وفهمانين وانا بحترمهن كتير
المهم انت قلت ريعهم يعود لهن وانا ما الي اني اتدخل بعلموضوع لانه تحصيل حاصل يعني مثلا انا منو من حقي هلأ اطلع مثلا عند مدرسة المنار وقلها وين عم تروح الواردات لان هيدي مدرسة خاصة وما حدن الو يحاسبها والها نظامها وموظفينها ووارداتها وصادراتها والمستوصف نفس الشي مجمع خاص لا بيحقلي اتدخل بنظامه ولا باي شي
انا كل اللي قلته بدنا مستوصف بالقلمون بعتقد لا كفرت ولا شتمت ولا اهنت احد الا اذا كان ممنوع حتى نطالب او نحاول نعمل شي من دون اذن بعض جماعات وهيدا بعتقد شي بعيد انه نوصله

[wishes]

ويجب أن تعلمي أن أي شخص من هؤلاء بدون استثناء بيسوى الضيعة بالي فيها

يا هيك الحوار يا بلا
ما حدا احسن من حدا و كل الناس خير و بركة ما تقارنواالعالم ببعضا
يللي بالمستوصف منن منزلين من السما و منن متعلمين او مثقفين أكتر من حدا
اذا بتريدو انتبهوا عألفاظكن و اتحلو بأخلاق الرسول و بمبادىء الاسلام
هيك الاسلام بقلكن انو انتو احسن من كل العالم و منزهين و معصومين عن الغلط
أنا مع سحر الشرق بكلاما لأنو كل كلمة حكيتا مظبوطة.
ما تدافعو بعواطفكن دافعو بالدلائل الحسية و الملموسة

[مصطفى معتوق]

ويجب أن تعلمي أن أي شخص من هؤلاء بدون استثناء بيسوى الضيعة بالي فيها وأكبر من أن يأخذ قرش بهذه الطريقة وفي محتاج أولى به

..... اول انطباع لي وقبل ان اكمل قراءة الردود احب ان اقول للأخ عبدالله .................

احم احم ..... ما تفتح هالباب لا عليك ولا على الاشخاص يلي اصدك عليين بيكون احسن .حارتنا ضيقة ومنعرف بعض منيح .
والسلام

[الزاهر]

ممممممممم......هل بعتقادك ممكن ينوجد مستوصف "خيري"...بالمعنى اللي عم تحكي عنو...ما هاد أول شي رح يحارب....لأن مانو تحت مظلة شي حزب سياسي.....أو مانو معمول لأهداف خسيسة!!!!

[بسام]

السلام عليكم
واضح جدا أن الذنب أعوج وسيظل أعوج
وواضح أن الأخت سحر الشرق لم تقصد من طرحها للموضوع وجه الله ولا مستوصف مجاني لوجه لله
انما أرادة الفتنة وقد رمتها من خلال بعض الافتراءات
بكل الأحوال نحن مع مستوصف مجاني الذي يستحيل الى أن يتبع لجهة ما ومع أن تعمل الأخت سحر على الموضوع بدون كثرة كلام " استعينو على قضاء حوائجكم بالكتمان"
وشكرا

[سحر الشرق]

الى الاخ بسام ما هو تفسير الفتنة في نظركم؟؟؟
الى الاخ ابو عمر بارك الله فيكم وعلى ما ستسعون لاصلاحه والاعتراف بالخطأ فضيلة
الى الاخ رمضان زيادة لمعلوماتك كنت قد تحاشيت كتابة رد على الاخ كونان وهو ان الحشوة وشيل عصب عند حكيم الاسنان يتراوح بين 25 الف و30 الف وللدكتور زياد وغيره الحرية في اخذ ما يريد ي حين انها لا تقل عن 50الف في مركز القلمون
واخيرا وليس اخرا كل ما طرحناه من تفصيل عن العيادات الخاصة في القلمون موجود بين ايدي حضرتكم ولم نخفي شيئا مما نعلم والله على ما نقول شهيد وان كانت كلمة الحق فتنة فكم هي قليلة الفتن في هذه الايام
كان الله في عون العبد ما دام العبد في عون اخيه

[Abou omar]

بارك الله بكم واتمنى منك أختنا الكريمة أن تتحلي بالشجاعة الكافية - وقد عهدتك هكذا - لتعترفي بخطاك في طريقة واسلوب الدخول الى هذا الموضوع فالخير ممكن الوصول اليه دون ان نقيم غيرنا خاصة وانك كنت اول من طرح هذا الموضوع ولم يكن من داع لاستعمال بعض الكلمات في اول الكلام الا كاذا كان الغرض غير ذلك .وبكل الأحوال انا سألت الاخت صفا عن هذا الموضوع(كونان) فقالت انه لم يسالها احد عن كلفة العلاج علما انها لا تستطيع هي تحديد الكلفة فخاصة عند طبيب الاسنان في البداية يجب ان يعاين هو بنفسه ويحدد ما يجب عمله ويحدد الكلفة بناء على لائحة وضعناها بالتعاون مع الدكتور زياد مصطفى حفظه الله والدكتور صفوان الصوفي حفظه الله وانا أدعوك اختنا الكريمة بأن تتفضلي الى المستوصف -ومن أحب كذلك - في الايام التالية :الاثنين والثلاثاء والخميس من الساعة 5 وحتى الساعة 8 مساء لتتأكدي بنفسك من الاسعار وتقابلي الطبيب المختص .

[سحر الشرق]

بارك الله بكم واتمنى منك أختنا الكريمة أن تتحلي بالشجاعة الكافية - وقد عهدتك هكذا - لتعترفي بخطاك في طريقة واسلوب الدخول الى هذا الموضوع فالخير ممكن الوصول اليه دون ان نقيم غيرنا خاصة وانك كنت اول من طرح هذا الموضوع ولم يكن من داع لاستعمال بعض الكلمات في اول الكلام الا كاذا كان الغرض غير ذلك .وبكل الأحوال انا سألت الاخت صفا عن هذا الموضوع(كونان) فقالت انه لم يسالها احد عن كلفة العلاج علما انها لا تستطيع هي تحديد الكلفة فخاصة عند طبيب الاسنان في البداية يجب ان يعاين هو بنفسه ويحدد ما يجب عمله ويحدد الكلفة بناء على لائحة وضعناها بالتعاون مع الدكتور زياد مصطفى حفظه الله والدكتور صفوان الصوفي حفظه الله وانا أدعوك اختنا الكريمة بأن تتفضلي الى المستوصف -ومن أحب كذلك - في الايام التالية :الاثنين والثلاثاء والخميس من الساعة 5 وحتى الساعة 8 مساء لتتأكدي بنفسك من الاسعار وتقابلي الطبيب المختص .

للاسف اخي الكريم يؤسفني ان اقول لك انني دخلت بشكل محدد وموضوع محدد ولكن انتم ومن تبعكم حاولت تغيير مسارات الموضوع بكافة الطرق والوسائل مع ان كلامي من البداية كان واضح ومحدد والنتيجة كانت واضحة من قبلكم وهي ما انتظرتها منكم اعترافكم بان المستوصف ليس خيري او مجاني وكفى بالله علنا وعليكم شهيدا اذن ليس بيننا خلاف على الموضوع الذي تقدمت بطرحه وهو حاجتنا في هذه البلدة لمستوصف خيري مجاني واعتقد كما ذكرت وتفضلت حضرتك انك تسعى لتحقيق هذا الحلم وانا اشكرك على صراحتك
اما بالنسبة للاخت صفاء بارك الله فيها ولكني اؤكد عدم صدق كلامها وفي النهاية التحري من واجبكم لانكم انتم المسؤرلين وليس انا والناس الذين دفعوا كثيرين ولا يخفى على احد !

[فيصل]

صلو على النبي
السلام عليكم ورحمة الله وبركاته كيف حالك يا أخت سحر الشرق شو رأيك بالطيور يلي كانو بالقلمون
أولك كانو نايمين بالضيعه؟
أو مروا مرار الكرام متل السفير ؟
أو مبعرف شو بدي أول ؟
ولييييييييييي أذن يلاااا باي باي باي

[سحر الشرق]

الحمد لله الذي عافانا مما ابتلى به كثيرا من عباده وفضلنا عليهم تفضيلا