اشاعة وجود مستوصف في القلمون!!!!!

[سحر الشرق]

السلام عليكم ورحمة الله وبركاته
اول شي اكيد قريته العنوان ويمكن اول سؤال سالتو لحالكن شو هلحكي كيف بدنا مستوصف بالقلمون ليش هلدائرة يلي جنب الجامع البحري شو هية منها مستوصف وانا للاسف رح قلكن:

للاسف ويؤسفني ويؤلمني انه يكون الاسم مجرد اسم وبالنهاية المستوصف مجرد عيادات خاصة ويعود ريع المصاري والواردات لجيوب الموظفين والمسؤولين والمعنيين وكما اعتقد انه هيدي الدائرة الخاصة تابعة لجماعة خاصة والمهم وبلا سير طولة ......
القلمون يا اخوان بلدة صارت كبيرة وهية بحاجة لمستوصف متلها متل سائر المناطق اللبنانية وهدف المستوصف هو تأمين العلاج والدواء للاهالي بسعر بسيط او مجرد كلفة بسيطة لا تتعدى ال10 الاف ولكن للاسف اختلف الوضع فيما اطلق عنه اسم مستوصف القلمون
لان اولا اي طعم لاي طفل بيكلف متله متل اي حكيم بيعطيه بعيادته الخاصة 50000 او اكتر
ثانيا اي حكيم او حكيمة وبالتحديد نسائية فالمراجعة يلي هيه اصلا بعيادتها الخاصة ما بتاخدها بالمستوصف بياخدو عليها 20000
فيا ترى عندي سؤال هل هي اشاعة اطلقت على هذه العيادات الخاصة ونسب اليها مستوصف وهني مظلومين بهلاشاعة ام انهم اطلقوا الاشاعة وصدقوها
بالنهاية الاهالي بحاجة لمستوصف بالبلدة لاعانة الاهالي وهيدا من اقل المطالب اللي ممكن نأمنها لولاد بلدتنا الحبيبة
فارجو اما النظر في بالمطالب لتغيير نظام العيادات الخاصة وتشغيل المستوصف ونحنا ما بدنا اياه مجاني لان منكون عم نشتري سمك بالبحر بل تخفيض الكشفية لان لما بيكون هيك فلافضل الذهاب عند الحكيم على العيادة لما يتوفر عنده من اجهزة ويكون المريض مرتاح اكثر
وثانيا اذا تعثر ذلك فنحن عندها سنسعى الى المطالبة بفتح مستوصف للضيعة التي هي محرومة من مستوصف وهية بحاجة ماسة اليه وبعتقد اهل الخير كتار وما فيها مشكلة بس يحددو موقفهن ويشوفو مصلحة اهلهن قبل مصلحتهن
بدي رايكن شباب وصبايا بالموضوع وانا بقلكن خلص طفح الكيل .

[دوكر]

يا هلا بالست سحر الشرأ...................
انا مبدي طول و لف و دور بالحكي معك..............يا ست المستوصف عم يفيد الاهالي ...و كتير عم يخدمن................هدا لي بعرفو من الاشياء لي عم ينؤلولي ياها الشباب .......و كل فترة بيعملو نشاط......متل هديكا المرة عملو فحص ببلاش عن مرض بصير بالكبد......و مع اني كونت بالضيعة بس ما إنفحصت...........هههههههههههههه......مرة تانية........
بس ليش عم تبخسيلون بعملون و عم تتهميون بالسرأة؟؟؟؟؟.........الله يسامحك......
ناطر خي الريس ت يشوف الوضع ايشويا و هو بكمل الرد عني..............

[سحر الشرق]

لا يا اخ دوكر والله ما بقبلها منك ابدا هيدي انك تتهم هلناس بالسرقة
وبعدين انا كان كلامي واضح وصريح وما فيه اي اتهام بالسرقة ابدا انا قلت عيادات خاصة يعني المستوصف اذا كان هيك فمعناهابيكون بياخد شي رمزي مش كشفيه عادية وانا هيدا يلي قلته نحنا بحاجة لمستوصف ميشان العالم الللي تعبانة وما معها تتحكم وتتعالج وهيدا حقهن
وبعدين انا سمعت بعلشي وهيدا طبيعي يعني لما يكون في حملة بلبنان بيجي هنا بدهن يمنعوها فوين المشكلة يعني هيدي اصلا وظيفتهن ما دفعو شي من جيبهن
ما في داعي نغير الموضوع يلي طارحينه يا اخ دوكر نحنا عم نقول انه البلدو بحاجة لمستوصف وهلشي ما بدها تنين يحكو فيه الله يبارك فيهن انه امنو عيادات لهلدكاترة ما قلنا شي وسلم دياتهن انهن لقيوا وظائف لهلناس وفي كتير عم يستفادو بس بالنهايو ايشو يلي بيمنع انه يوجد مستوصف خيري بضيعتنا وما بعتقد اذا سعينا لهلشي منفشل وفي ناس كتير مستعدين يقدمو فليش لا

[ام السعد]

عزيزتي سحر الشرق ان هذا المستوصف خاص وليس خيري او حكومي وللحق انه جيد جدا وان ريع المستوصف لا يعود الا لاصحاب المستوصف, والموظفين والاطباء لا يقبضون من المرضى بل يتقاضون معاشا شهريا ثابتا والمستوصف لا ياخذ الا مبلغ بسيط على وهو 8000 ليرة فقط ام بالنسبة للطبيبة النسائية فهم ياخذون اكثر لانهم يستخدمون الات وكله مدفوع ثمنها وكما تعرفين انها غالية الثمن وايضا لا يوجد اي طبيب نسائي ياخذ اقل من 35000 ليرة في العيادات الخاصة وايضا بالنسبة للتطعيم يوجد تطعيم ب 5000 ولكن انت اذا طلبتي انني اريد التطعيم الغالي الذي لا يعمل سخونة للطفل فهذا امر مختلف فيشترونه لك مخصوص ,وبالنسبة للصيد لية اسعارها ارخص من غيرها ولكن هذه الادوية لا تاتيهم مجانا بل يشترونها من شركات الادوية ولكن بسعر اقل بقليل فللحق اقول هذا والله شهيد على ما اقول . المستوصف ممتاز بالنظافة والاسقبال الممتاز وايضا باطبائه , وموظفيه ومكيف ومرتب ,
وثانيا انا سمعت ان جمعية العزم والسعادة تبني مستوصف باول القلمون واعتقد انه شبه مجاني والله اعلم ليفتح سنحكم مع صالة للعزاء.

[عبد الله]

سأرد غدا لكن لا بد من هاتين الكلمتين موجهتين للأخت أنها قامت بالافتراء على المسؤلين والجماعة التي ينتمي لها المستوصف من ناحية أن الأموال ريعها يعود لهم ولو حصل هذا الأمر وهو غير حاصل اصلا فهو حقهم ويجب أن تعلمي أن أي شخص من هؤلاء بدون استثناء بيسوى الضيعة بالي فيها وأكبر من أن يأخذ قرش بهذه الطريقة وفي محتاج أولى به

[الزاهر]

ممممممممم......هل بعتقادك ممكن ينوجد مستوصف "خيري"...بالمعنى اللي عم تحكي عنو...ما هاد أول شي رح يحارب....لأن مانو تحت مظلة شي حزب سياسي.....أو مانو معمول لأهداف خسيسة!!!!

[سحر الشرق]

يا اخت ام السعد
انتي قلتيبالنسبة للطبيبة النسائية فهم ياخذون اكثر لانهم يستخدمون الات وكله مدفوع ثمنها وكما )
(((وايضا بالنسبة للتطعيم يوجد تطعيم ب 5000 ولكن انت اذا طلبتي انني اريد التطعيم الغالي الذي لا يعمل سخونة للطفل فهذا امر مختلف فيشترونه لك مخصوص)))

التطعيم بنفس السعر عند حكيم الخاص!!!
عند الحكيمة النسائية الكشفية هية هية بل بالعكس للمراجعة بعيادتها الخاصة ما بتاخد مراجعة كل مرة خاصة اقصد في الحمل

انتي قلتي(((ان هذا المستوصف خاص وليس خيري او حكومي وللحق انه جيد جدا وان ريع المستوصف لا يعود الا لاصحاب المستوصف, والموظفين والاطباء لا يقبضون من المرضى بل يتقاضون معاشا شهريا ثابتا ))))
وانا معك ام السعد يعني انا وياكي متفقين لان انا كل يلي عمقوله انه بدنا ومنطالب بفتح الكجال قدام فتح مستوصف خيري لان هيدا مستوصف خاص يعني مجرد عيادات خاصة بمجمع يعني انا ما قلت كلمة لا ازود ولا انقص عن يلي حضرتك تفضلتي فيه
انتي قلتي(((. المستوصف ممتاز بالنظافة والاسقبال الممتاز وايضا باطبائه , وموظفيه ومكيف ومرتب ,
وانا اوافقك واصدقك الكلام واشهد الله انك لم تقولي الا الصدق


بس يا جماعة انتو ليش بدكن تقولوني شي انا ما قلته انا قلت نطالب بمستوصف لان ما عنا مستوصف صح كلامي ولا لا
انا ما قلت انه منو عيادات خاصة وريعه يعود لاصحابه وللناس يلي عم يشتغلو فيه عادي يعني هلأ اذذا جيت قلت انه الدكتور فلان بياخد هلقد وريع المصاري بيرجع اله وللموظفين بالعيادة بيكون حكيي غلط
نحنا عم نحكي بموضوع معين انه لازملنا مستوصف لاهالي القلمون حكيي واضح وصريح وما في داعي حدن لا يحتد ولا يرمي عليي تهم وينسبلي كلام انا ما قلته يا ريت تراجعو كلامي كويس وتفهموه لان الظاهر انتو بس عم تحكو من منطلق هجومي دفاعي مع انه اصلا ما في حدن بالمواجهة يعني عم تحاربو طواحين الهوا وعلى مين عم تتهمو الناس وبعدين تبرريولن طيب معقولة انتو هيك يعني

وعلى فكرة يا ام السعد بدي ضيف على معلوماتك طالما اننا نشهد الله انه كمان حكيم الاسنان بياخد اكتر من اي حكيم بعيادته الخاص تكلفة بس يمكن لان متل ما قلتي شاريين اجهزة جديده يعني ومضطرين يرفعوا السعر لان بدهن يطلعو حقها بس يا ام السعد طيب يقولو يعني في اغنيا كتير وممكن نتبرع ماو عيب ما احسن ما تروح على هلناس لمساكين وماو اول مرة الناس بتتبرع بس يمكن متل ما قلتي انه هني معتبرين علعيادات خاصة ومدخولها خاص ومنو خيري
المهم بدنا مستوصف خيري انتو شو رأيكن معي بهلنقطة ولا لا

[سحر الشرق]

اخ عبد الله لاحظ انك انت قلت ماو انا وكلامي ما فيه افترا على حدن ويلي بقولو ما بدي عيدو لان بعتقد اني عم احكي مع ناس مثقفين وفهمانين وانا بحترمهن كتير
المهم انت قلت ريعهم يعود لهن وانا ما الي اني اتدخل بعلموضوع لانه تحصيل حاصل يعني مثلا انا منو من حقي هلأ اطلع مثلا عند مدرسة المنار وقلها وين عم تروح الواردات لان هيدي مدرسة خاصة وما حدن الو يحاسبها والها نظامها وموظفينها ووارداتها وصادراتها والمستوصف نفس الشي مجمع خاص لا بيحقلي اتدخل بنظامه ولا باي شي
انا كل اللي قلته بدنا مستوصف بالقلمون بعتقد لا كفرت ولا شتمت ولا اهنت احد الا اذا كان ممنوع حتى نطالب او نحاول نعمل شي من دون اذن بعض جماعات وهيدا بعتقد شي بعيد انه نوصله

[wishes]

ويجب أن تعلمي أن أي شخص من هؤلاء بدون استثناء بيسوى الضيعة بالي فيها

يا هيك الحوار يا بلا
ما حدا احسن من حدا و كل الناس خير و بركة ما تقارنواالعالم ببعضا
يللي بالمستوصف منن منزلين من السما و منن متعلمين او مثقفين أكتر من حدا
اذا بتريدو انتبهوا عألفاظكن و اتحلو بأخلاق الرسول و بمبادىء الاسلام
هيك الاسلام بقلكن انو انتو احسن من كل العالم و منزهين و معصومين عن الغلط
أنا مع سحر الشرق بكلاما لأنو كل كلمة حكيتا مظبوطة.
ما تدافعو بعواطفكن دافعو بالدلائل الحسية و الملموسة

[RAMADAN]

حسب علمي فإن المستوصف خيري؟؟ لذا نطلب توضيح من الذين لهم علاقة بالمستوصف

[مصطفى معتوق]

ويجب أن تعلمي أن أي شخص من هؤلاء بدون استثناء بيسوى الضيعة بالي فيها وأكبر من أن يأخذ قرش بهذه الطريقة وفي محتاج أولى به

..... اول انطباع لي وقبل ان اكمل قراءة الردود احب ان اقول للأخ عبدالله .................

احم احم ..... ما تفتح هالباب لا عليك ولا على الاشخاص يلي اصدك عليين بيكون احسن .حارتنا ضيقة ومنعرف بعض منيح .
والسلام

[سحر الشرق]

ايه والله اختي اماني ما حدن احسن من حدن وكلنا ولاد تسعه بس للاسف انه صرنا نخون بعضنا ونشك ببعضنا ونرمي الكلام على بعضنا لمجرد انه الواحد قال كلمة الحق بس معليش كلنا ولاد ضيعة واحدة ويا ريت نخاف على بعضناوصدقوني يا جماعة الي ما فيه خير لاهله ما رح يكون فيه خير للغريب وخيركم خيركم لاهله

[سحر الشرق]

اخ مازن كلامك هيدا انا سمعت فيه من فترة ماضية وكل اهل القلمون سمعوا فيه ولا يخفى على احد Kan min wa2it lays bi ba3id badou ysir moustawsaf dakhim bil kalamoun bas man3it 7ousoulou ba3id il jihat bil kalamoun bisabab masali7 khasa,w kan hal moustawsaf ra7 ykoun akbar moustawsaf bi chmal w kan mad3oum min kil nawa7i lmaliye wil 3ilajiye,walakin lil asaf da2iman ta2ti lmasali7 did masla7it il aha

[سحر الشرق]

اخ رمضان والمنار الاسلامية اول ما انشأت كانت خيرية بس رجعت صارت مع الوقت خاصة

متل ما قلت نرجو التوضيح ممن لهم علاقة بالمستوصف مع اني لا ارى بانه خيري يمكن تكون اشاعة وطلعوها عليهن بالضيعة وانت بتعرف الاشاعات منها تاركة حدن

[مصطفى معتوق]

بصراحة كلام الست سحر الشرق منطقي ..

يعني هي ما هاجمت حدن ولا اتهمت حدن بالسرقة عم تطالب انشاء مستوصف خيري بالضيعة وبعتقد انو هاد واحد من انبل الطلبات .....
بالاخص انو انتو اكدتو انو مستوصف القلمون منو حكومي ولا خيري ......

وين المشكلة ... الا ازا في ناس بتتضرر من انو يكون في مستوصف خيري بالقلمون ؟؟؟

[سحر الشرق]

اخ معتوق يمكن الاخ عبد الله تسرع بهلاجابة شوي وهو لا يقصد الاهانة بس يعني طلعت منه عفوية الجملة ونحنا منقول للاخ عبد الله نحنا اخوة واهل ضيعة واحدة ومسلمين ولا فرق بين عربي واعجمي الا بالتقوى
والله يسامحك

[sana]

كيف حالك يا سحر الشرق والله كلامك مو مدوزن ، اذا متل ما قلتي انو هي عيادات خاصة ليش المحتاج والفقير ما بيدفع وبيتحكم ببلاش؟ وكل هل الادوية التي تقدم مجانن ليش ؟كفاكم تعصبا انتم باختصار لا تحبون ان يكون هناك مشروع ناجح بالقلمون !!!!!
انا بشجع كتير تيار المستقبل وكما بشجع العزم والسعادة(بس انا مع التيار ) و اعمال الميقاتي كتير خيرة ومفيدة والدليل اخر مشروع له بالقلمون بس كمان لازم تعطي كل واحد حقو بكل موضوعية وتجرد وبلا ما نعمم بعض الامثله الخاصة مع بعض العالم لكي نحكم على المستوصف بالاجمال مهيك يا سحر الشرق.
( حذفت من المشرف )

[عبد الله]

ويعود ريع المصاري والواردات لجيوب الموظفين والمسؤولين والمعنيين وكما اعتقد انه هيدي الدائرة الخاصة تابعة لجماعة خاصة والمهم وبلا سير طولة ......
لو الهدف طلب مستوصف خيري كان الأولى عدم ذكر هذا الأمر لكن اذا احسستي ان في ردي عليكي اي اهانة فأنا اعتذر والله يسامحنا كلنا.
المستوصف انشاء الله سيتغير اسمه من كلمة موستوصف الى .................
ايضا في طلبك لمستوصف خيري او شبه مجاني بالمعنى المذكور فهو شبه مستحيل الى اذا تكفل الحريري او امثاله من اصحاب المال بتحكيم أهل القلمون على حسابه الى أبد الآبدين ونحن لا نزعل في حال حصل هذا الأمر بل ندعو اليه ونشجعه
واخيرا ندعو الله ان يكون لكل قلموني مستوصف خاص ومجاني
أكمل الرد لاحقا

[فيصل]

صلو على النبي
مرحبا أول الشي ......بعدين أبل الكلام والسلام ...... هل يا أخت سوسوأنتي زرتي المستوصف صابقا كيف كان وهلأ كيف صار .....أولك وين جابو المصاري وحسنوه؟....وبعدين كم حاله مزمنه أي سلطان عالجوها بالخارج وعلى حسابهم .....إزا بدك معي الأعداد والأسماء.....بعدين كم واحد غريب بيجي يتعالج بالمستوصف لأنو أرخص من غيرو.....وهل أنتي زرتي المستوصف شو مره بسبب شو حاله وزرتي غيرو برات الضيعه وقارنتي.....بعدين الأدويه بشتروها بنفس السعر يلي ببيعوه.....وأنو العمال يلي بالمستوصف بيقبضو من التبرعات ......وكان هناك محاوله كي يقبضو من الدوله بس للأسف ماظبط لأنو تابع للجماعه الإسلاميه.....علماً أنو امراض السلطان بكل أنواعه من ثدي أمعده أو......يغطونه بالكامل وأقل مبلغ شوفتو بل سلم أمامي هو 6000دولار وأشهد ألله على كلامي هدا أقل مبلغ بالنسبه لهذا المرض وإذا بدك بشرحلك كيف يصرف المبلغ ... وبألك أني مني من الجماعه ولا من غيرهم ومني عم دافع عنهم بس هل الأمور شويه عندي علاقه فيها........... أرجو أن تردي يا سوسو عن أسألتي بلا باي باي

[سحر الشرق]

يا اخ عبد الله لا يخفى على احد ان هذا المستوصف تابع لادارة خاصة ولاشخاص معروفين ولجهة خاصة حتى الموظفين من نفس الجماعة يعني لا تلاعبني بالكلام ولا تغشم حالك وانا ما غلطت لما قلت انه يعود ريعه للموظفين والمعنيين والمسؤولين تصحيحا لمعلوماتك وانا ما بقول شي ما بدي قوله ابدا فطالما انه خاص معناه انه نظامه خاص
ايوة يا ريت يا اخ يتغير اسمه الى عيادات خاصة حتى لا يختلف على الناس الامر
وبعدين قلنا ثور قلتو حلبوه شو باك يا اخ عبد الله وينك عايش انت معقول ما وصلك الخبر من زمان انه الحريري كانم بالفعل بده يفتح مستوصف بكامل اجهزته الحديثة مما كان سيؤثر سلبا على العيادات الخاصة التي عملت جاهدا لتفشيل الموضوع والله يا اخ عبد الله امرك عجيب يا اما انت تقول ما لا تعلم يا اما تعلم انك لا تعلم وتقول وهذا اصعب شي

[سحر الشرق]

اولا السلام عليكم لاننا قوم يا اخ فيصل يسبق سلامنا كلامنا وافشوا السلام بينكم
ثانيا الله يهديك يا اخ فيصل ويصلحك وما توقعتها من شب متلك انه يقول سوسو بس للاسف على كل رح نعتبرها مجرد غلطة وجل من لا يخطئ
ثالثا انت قلت المستوصف وين كان ووين صار يعني عم تحكي بموضوع لا انا ولا الموضوع كله ما خصو فيه يعني يا اخ عادي كل واحد حر يطور عمله وما بيحقلي جي لعندك على بيتك وقلك ليش عم تظبطه وين المشكلة مني فاهمة يعني كل واحد بيحاول يطور عمله الخاص
كم واحد غريب بيجي بيتعالج بالمستوصف لانه ارخص هيدي ما حبيتها منك لانك هيك معناتها انك عم تقول انهن عم بيعاملو ناس وناس يعني لان بشهادة اهل القلمون انه المستوصف مش ارخص وانزل على مستوصف الحميدي الخيري في طرابلس وشوف كيف بيكون الارخص وما بعتقد رح يعود الك عين تقلي الاسعار تحت والاسعار هون بس انا مني ناطرة جوابك لاني بعرف
بس اذا بدك ممكن تسأل وتقول للاخوة يلي بهلمنتدى لتكون ريحت ضميرك وقلت الحق عن فرق الاسعار
يا ترى يا اخ فيصل انا بدي اسألك سؤال واشهدك الله على جوابك قلت انه في كم حالة سلطان تعالجه بالخارج طيب يا ريت تقلنا هلحالات ما كانت تبرعات من اشخاص للعيادات الخاصة يعني اقل ما فيها انهن يقدموها للمستحقين ومنن عم يدفعوا شي من جيبتهن اذا مني غلطانة
انت قلت ماو انا انه تابع للجماعة الاسلامية ونحنا بدنا مستوصف خيري تابع للدولة اذا امكن فوين المشكل انه نطالب او انه نطالب اصحاب الخير انهن يفتحوه بضيعتنا طالما انه الجماعة ما عم تقدر تأمن الاسعار المتوجبة على مستوصف خيري والله لا يكلف نفسا الا وسعها ونحنا ما عم نقول عليهن ولا كلمة خارجة عن الطريق
وعلى فكرة بالمستوصف يبيعون عينات مجانية من اين يحق لكم بيعها وهي خيرها يا اخي الكريم
يا ريت يا اخ فيصل تقلي اسماء يعض الاشخاص الذي تم التبرع لهم ومعالجتهم في الخارج ويا ريت نعرف حتى نقدر نساعد وكيفية وطرق المياعدة ومن يستلم
وعلى فكرة لدي معلومات انكم تاخذون من البلدية لتحسين المستوصف

[فيصل]

صلو على النبي
آآآآآآآآآهههه آن للشافعي أن يمد رجليه
عدنك بس بدك نتاقري .وأول الشي بدي إسأل إذا بقبلو إن أكشف أسمائهم .وللأسف كل معلوماتك يا سوسو خطأ فجددي معلوماتك فسألي وكتبي وأنا رح إسأل وأكتبلك أسماء المرضا بهذا المرض مييمكن مابحبو يكتو أسماؤن مو.بعدين عطيني إسم مستوصف تابع للدوله مانو لحدن من الزعماء يلا باي باي باي

[سحر الشرق]

من ناقش جاهلا كان اغبى منه
للاسف خيي انكم بتقيمو الناس على اساس انكن اعلا منهم بس انا مني زعلانة منك زعلان عليك وعيى هلجيل يلي تربي على اللا موضوعية والاستهتار جيل التبعية وبس للاسف
انا مني ناطرة منك اسماء بس انا قلتلك منو عيب تقولولنا اسماء المحتاجين حتى نوصلهم بطرقنا الخاصة ومنو باسم جماعة من الجماعات
وهيدا لا عيب ولا حرام اقل شي فينا نعمله لمساعدة اهلنا وولاد ضيعتنا ويلي ما في خير لاهله ما في خير لحدن
انت قلت كل المستوصفات تبع بس للاسف يمكن يكونو تبع بش عم بيقدمو بالنهاية خدمة مجانية ماو متل العيادات الخاصة يلي عنا منسمية علينا بانها مستوصف للضيعة
وعليكم ما رميتم خيي فيصل

[سحر الشرق]

جميل كلامك يا سنا بس على قول الشاعر كلام في كلام ولا نأخذ منه سوى الكلام وما في اشطر منكم بالكلام والسلام خير ختام
وما حدن بيقول على زيتو عكر

[sana]

جميل كلامك يا سنا بس على قول الشاعر كلام في كلام ولا نأخذ منه سوى الكلام وما في اشطر منكم بالكلام والسلام خير ختام

شكرا على كلامك ولكن انت الان تنظرين بنظرة فوقية تعيبين هذا على فيصل وانت وقعت فيه .
اختي يا سحر لماذا الناس يقبلون عليه مادام كما تقولين هناك ظلم بالاسعار ؟؟؟؟؟ جاوبيني

وما حدن بيقول على زيتو عكر
بس انا مني مع يلي بفكرك فيه

[دوكرة المعوكرة]

السلام عليكم
و الله حيرتيني يا سحر الشرق بكلامك ساعة مع و ساعة ضد
انت وجهتي اتهام في بداية كلامك و هلق عم بتغيري اقوالك
انا رح اعتبر اني ما قرات كلامك ابدا و لا حتى تعليقات الاخوة الكرام
انا رح احكي كاني فاتحة موضوع خاص عن المستوصف
و للعلم انا لا مع المستوصف و لا ضده و لا حتى لي علاقة فيه عن قريب او بعيد
بس انا من الضيعة و بتعالج بهالمستوصف متلي متل غيري
شو مفهوم المستوصف الخيري ؟ يعني بعالج ببلاش اكيد لا يعني الو كشفية رمزية و هيدا اللي عم بصير عنا بالقلمون و هيدي الكشفية هي 8000 في ارخص من هيك؟
اكيد لا انا بعرف بطرابلس بياخدو من 5000 الى ال 10000 يعني هنو بالوسط
ثانيا بالنسبة للادوية هني لما تجيهم مساعدات ادوية بقدموها ببلاش ما بياخدو حقها و الادوية الان التي تباع بتكون ارخص من اي صيدلية و بتوفري فيها اكتر من 3000 ليرة بالدواء الواحد
يعني حتى الان يعتبر هو مستوصف خيري
و ان كان لا يحمل هذا الاسم
و بعدين تعي حتى قول لك اذا كانت اذنك عم توجعك و بدك تروحي عند حكيم دنين اديش كشفيتو بتكون من بين 40000 و 60000 بالمستوصف عم ياخدة 8000 توفير او لا
و عند حكيم الاسنان كمان في توفيرشو 10000 عن غيرو .
ايه حاجة تبربري حكي عالفاضي و ما كان لازم تطقي حنك كنتي من البداية قولي نطالب بفتح مستوصف خيري و ما في داعي تذمي بمستوصف القلمون و تحكي الحكي اللي قلتيه
و للعلم يخل المستوصف مرضى بارقام خيالية و حتى من المراتب العالية بالقلمون و اذا بدك بعطيكي اسماء
لانو اهم شي الحكمة المنيحة و الدكاترة من افضل الدكاترة و صيتهم بيرفع الراس
و شو قصدك ب هو منو مستوصف قلموني كيف يعني؟
لانو بيجي دكاترة من برا ما فهمتها !
من زمااااااااااااااااااااان الدكتور الايوبي بيجي من طرابلس و ما عنا دكتور مختص بالاذن انف حنجرة فعشان هيك بيجي كمان من طرابلس و دكتور الاسنان خليها بينا و بينك و لا دكتور من الضيعة قبل يشتغل بالمستوصف و كانت الدكتورة هبة دنكر تشتغل بس بعد الزواج تركت و بالنسبة لدكتور القلب كمان من طرابلس لانو السبب ما عنا دكتور بيفحص لانو دكتور علوان هو جراحة
و هيدي المعلومات كلها معروفة للعيان ما بدها 2 يحكو فيها
فريحيلي بالك و نامي و انت مرتاحة
و انا ضد افتتاح مستوصف تاني خيري او خاص
وانا رح كون اول من يطالبو باغلاقو
و ابقي وريني وجهك يا حلو اذا تم افتتاح مستوصف اللي جنب المنار مين رح يشتغل فيه !
و للعلم قبل الختام انو هيدا المستوصف بيكفل ايتام يعني بكون الفحص و الادوية مجانية
و بالنسبة للفحص المخبري كمان ارخص من غيرو
و المدخول اللي بفوت هو حق للموظفين لانهم عم يكدحوا من عرق جبينهم
و بالنسبة للمصاريف الكبيرة الكل يعلم انو البلدية تساهم و تساعد و تدعم المستوصف
و شكرا اصغائكم و متابعتكم للكلام و اللي عندو تعليق يا اهلا و سهلا و هيدي اول مشاركة فعلية لي بالمنتدىو انا كتير مبسوطة

[سحر الشرق]

انا رح قلك يا اخت سنا لان انا سألت نفس السؤال للاهالي وكان الجواب انه الاكترية بينولو لانن ما بمقدورهم ينزلو على البلد والبعض منهم بيستقربو وهو بنفس السعر يعني وبعدين يا اخت سنا انتي بتعرفي انه اكتر النسوان ازواجهم موظفين فبيلاقو انهن ينزلو على عيادة الحكيم بالقلمون افضل من انهم ينزلو على البلد
بس بالنهاية اللي بيقدر وبيتأمنلو مواصلات عم يروح علبلد
وبالنسبة لمستوصف الحميدي فهناك الكثير من رواده من القلمون
واخيرا وليس اخرا يا اخت سنا اذا الناس عم تبلع وتسكت فصدقيني ما حتضل ساكتة على طول وطخنت كتير يعني

[sana]

انا رح قلك يا اخت سنا لان انا سألأت نفس السؤال للاهالي وكان الجواب انه الاكترية بينولو لانن ما بمقدورهم ينزلو على البلد والبعض منهم بيستقربو وهو بنفس السعر يعني وبعدين يا اخت سنا انتي بتعرفي انه اكتر النسوان ازواجهم موظفين فبيلاقو انهن ينزلو على عيادة الحكيم بالقلمون افضل من انهم ينزلو على البلد
بس بالنهاية اللي بيقدر وبيتأمنلو مواصلات عم يروح علبلد
وبالنسبة لمستوصف الحميدية فهناك المثير من رواده من القلمون
واخيرا وليس اخرا يا اخت سنا اذا الناس عم تبلع وتسكت فصدقيني ما حتضل ساكتة على طول وطخنت كتير يعني

للتصحيح انا اخ مني اخت

اختي هناك حقائق بالارقام وانا اكيد ما بعرفها ولكن وهذا اكيد انو انا ناطر من المستوصف ان يرد بهذه الحقائق فهل سوف تقتنعين اذا بين لك الحق ؟

[سحر الشرق]

يا اخ سنا اقتنع بماذا بان كان المستوصف خيري ام لا وان كان نظام الدفع فيه كاي مستوصف خيري ام
هذا هوة موضوعي اللي انا عم قوله ما بعرف انت وين بدك تناقش وشو بدك تناقش بس ناطرتك
المهم انت مع انه يكون في مستوصف خيري بالضيعة لتأمين الحكمة المجانية للاهالي ولا لأ ؟؟؟

[عبد الله]

السلام عليكم
هل تستطيع الجماعة أن تقف في وجه الحريري عندما يريد أن ينشئ مستوصف بالقلمون ؟؟؟ أمر تافه

اذا كان باعتقادك أن المستوصف سيتعطل في حال انشاء مستوصف مجاني فغلطانة كتير...
مسؤل المستوصف من الجماعة أما موظفيه فبنسبة 99% هم من غير الجماعة وريعه يعود للموظفين أما من يقول للمعنيين أو للجهات التي يتبع لها فهذا محض افتراء

مستوصف خيري يتبع للدولة: باعتقادي أنه سيكون متل يلي بيركب جحش الدولة وبسافر فيه على مصر
مستوصف خيري يتبع لأصحاب الخير مع انعدام وجودهم: فمعك حق لأن السارقين من أهل القلمون ما عم يشبعو فلازملن واحد

والله انتي يلي امرك عجيب
اخيرا ندعو القيمين على المستوصف للتوضيح وشكرا

[سحر الشرق]

شوف يا خيي عبد الله في 3 احتمالات :
اما انك تكون نايم وكلامك مجرد تهيؤات او احلام يقظة وهيك بقلك صباح الخير
اما انك تكون بعدك عايش بالخسة
او انك عم تحكي عن مستوصف غير هيدا يلي يطلق عليه هلأسم جنب الجامع البحري
يا اخ عبد الله انا ما عندي احتمالات وعندي جواب واحد:
لما اجي انا فاعلة خير بدي افتح مستوصف ويوصلي خبر انه فيه مستوصف وانه وانه وانه فساعتها اكيد بغير الفكرة وبحاول اعمل شي تاني
2_انا ماو باعتقادي انه سيتتعطل العيادات الخاصة لا سوف تغلق ابوابها الى ابد الابديين اذا فتح مستوصف خيري.
3_مين هني موظفين المستوصف انا يلي بعرفه انه يمكن غلطت انت بالجملة لان 99% من الجماعة الاسلامية اذا انا غلطانة ممكن تقول الاسماء والناس تحكم
4_خليه يكون متل مستوصف الحميدية وما بدنا شي بزيادة والف نعمة من الله
5_ما حبيتها منك هيدي كلمة سارقين على اهل ضيعتك واصلا كل واحد بيحكي بأصله وحسب نظرته لمجتمعه ودائرته ومحيطه واكيد كلامك بدو يكون من خلال نظرتك ورؤيتك لما يحصل امامك وانا ما بلومك بس اللي بيتستر على سارق بيكون سارق متله فيا ريت اذا بتعرف حدن تقوله وتريح ضميرك تجاه ربك
اخيرا وليس اخرا يا اخ عبد الله لا طاعة لمخلوق في معصية الخالق

[فيصل]

صلو على النبي
من ناقش جاهلا كان اغبى منه
للاسف خيي انكم بتقيمو الناس على اساس انكن اعلا منهم؟؟؟؟؟؟؟
عفكره عندك تناقد بكلامك كتير ... وليش عم تكبري خطك الحمد لله بنشوف منيح ...وهل الألوان يلي عم تلونيها عجبتك ياسوسو هانوم ....ولك ألنا عطينا إسم مستوصف واحد مجاني ....أو مابيوخد أجر شي رمزي أو خيو لرمزي بتعرفي ذكرتيني برمزي المهم عطينا إسم مستوصف واحد يا كبيره يلي كلك فهم معليش ستحملينا بما أنك كلك فهم وبكم نستفيد
سمعتي هل النكته :قال إستاذ لتلاميذو الغبي يوقف فمر وقت طويل آم رجع وقف تلميذ آم الإستاذضحك وهز براسو وآل للتلميذ أخيراًعرفت حالك آم ألو التلميذ لا ولله يا إستاذ زعلت عليك لظانك واقف وحدك

[سحر الشرق]

ههههههههههههههههههههههههههه
حلوة منك فيصل شكلها اجتكن التعليمات انكن تجاوبو بنفس هلجمله (شكلو في تناقد بكلامك )او انها توارد افكار والله اعلم ما بحط بدمتي ان بعض الظن اثم!!!!

وبعدين كل واحد في يكتب باللون والخط يلي هوة عاجبه واذا خطك لاقيه ظغير فبعلمك كيف تكبر الخط منو مشكل
شكلك بالخط الكبير ما عم تقدر تقرا وصرت زاكرة اكتر من مرة اسم مستوصف بس للاسف انو كلامك معناته انك عم تجاوب حسب ما يمليه عليك غيرك ويلقنك لا حسب ما تقرا او انك اصلا ما قرات شي عم تدخل تفضي وتطلع
ومشكور خيي فيصل على هلنكتة اضحك الله سنك
ويلي ربه معه ما بينطر عبد يوقف معه

[sana]

( حذفت من المشرف )

المهم ولكن ليش مهم المهم هو التالي :
اختي انا مع فتح مستوصف خيري مجاني مجاني بدون رسم ولا شيئ .

ولكن الان نحن نتكلم عن مستوصف القلمون فان امكن توفير الف اوالفين او ثلاثة او .... من السعر و الغاء الفاتورة عن الفقيروتدبير من يكفل بعض مصاريف الاستشفاء للامراض الخطيرة والعمليات المكلفة فهذا افضل من لا شيئ اليس كذلك ؟

[سحر الشرق]

الاخ سنا
[SIZE=7][COLOR=#ff00ff] ( حذفت من المشرف )
تالت شي انا مع انه نساعد وتفضلو طرحولنا اسماء من هم بحاجة وان كان برسالة خاصة وانا بعرف كيف بساعد وبوصل لاهلي المحتاجين وانسى كلمة مستوصف القلمون لانه بعد ما نوجد مستوصف وبالنسبة للعيادات الخاصة فانا ما بيعنيني ولا هدفي ادعمها او طورها والله بيرزق الجميع
وان شاء الله سنسعى الى فتح مستوصف بس ما تستلمه جهات ممعينة على حسب ما عم اسمع عن المستوصف الجديد اللي يسعى بعض الجماعات الى السيطرة عليه قبل ان يفتح ابوابه وان شاء الله بيتركوه لاهل الضيعة لان بالنهاية هيدول اهلهن منن غربا عنهن وما الهدف احتكار المستوصفات واستغلالها المهم انه نعرف انه في الله شايفنا والمحتاجين اهلنا وولاد ضيعتنا منن اعداءنا

[أبو عنتر]

طيب ليش الواحد ما بيقدر يطرح فكرة جديدة بالمنتدى؟؟؟

سحر الشرق سألت سؤال بالأول... إنو هل مستوصف القلمون اسم على مسمى؟ أم هو عيادات خاصة.... هي لم تكن تقصد (والله أعلم) الإهانة... هي تقول أن المستوصف من صفاته أن يكون أرخص من العيادات.. والحقيقة (حسب ما تراه هي) أن الأسعار متوافقة مع أسعار العيادات...
وقد انطلقت من هذا المبدأ إلى السؤال الأهم... هل يجب أن يقوم مستوصف بمعناه الحقيقي؟

لا أدري كيف تذهب المناقشات إلى الأبعاد الثلاثية والرباعية... ويدخل الأعضاء في الاتهامات، والنوايا والخفايا...

لقد لاحظت مراراً هذا الأسلوب عند كل الأعضاء... إنسان موالي لشي معين (في هذه الحالة المستوصف والجماعة) يسمع سؤالاً لا يعجبه عن أوليائه، فيبدأ بالدفاع، وشن الهجوم المباشر وغير المباشر....

لو قرأتم الموضوع من الأول.. لوجدتم كيف تحورونه من نقاش إلى تبادل اتهامات وحروب...

من الممكن أن يكون لسحر الشرق أبعاد سياسية لموضوعها.. أو أغراض شخصية تريد أن توصلها... ولكن هذا لم يظهر في كلامها... فلماذا نحملها ما لم تحتمل؟؟؟
نعم يمكن أن تكون من مناصري الحريري، الذي هم بإنشاء مستوصف في القلمون ثم عدل عن الفكرة لوجود مستوصف... ومن المحتمل أن تكون من مناصري الميقاتي وشباب العزم... وسؤالها تمهيد لتقبل الناس فكرة المستوصف الجديد...
هناك آلاف الاحتمالات... فهل سألت الأخت السؤال الواضح لنجاوب نحن على الاحتمالات الخفية والمبهمة؟؟؟

ليس من العدل أبداً أن يضع الإنسان في نفسه احتمالاًَ وظناً ويبدأ بإلقاء الخطب والمقالات ضد الظن الذي أوجده هو....

بالله عليكم.... انتبهوا لكلامكم.. وهذه مجرد نصيحة... والسلام عليكم ورحمة الله

[سحر الشرق]

شكرا لكم وشكرا لتعاونكم ومجهودكم في تغير المسار وتشتيت الموضوع واعدكم انني لن اكون عند حسن ظنكم

انا موضوعي المستوصف الخيري في القلمون هل تشجعونني يا من هم من اهالي بلدتي في وجوده ام انكم ستظلون مستسلمون للعيادات الخاصة ؟؟؟؟
ربنا بيقول اسعى يا عبدي لاسعى معك
يعني لازم نتحرك ونطالب حتى ينفتح مستوصف خيري مجاني كما في كل المناطق اللبنانية وانتم ايها الاعضاء ما رايكم ؟؟؟
نحن نريد اراءكم ومجهودكن وتأييدكن النا ولا اريد شعارات ولا تنفيض غبرة فهل انتم لي مساندون ؟؟؟؟

[سحر الشرق]

حضرتنا المحقق كونان , نزل امس على مستوصف القلمون , وسأل الاخت صفا الحج

ما هي كلفة شيل عصب ضرس مع حشو ,

فقالت لنا : الكلفة 60 الف ليرة لبنانية

انتهى

مع العلم انو الكتور زياد المصطفى كان بيأخذ ا45 الف ليرة وفي عيادته الخاصة في طرابلس

فقط للعلم وليس للتمشكل

بارك الله فيك محقق كونان على مجهودك وتحقيقاتك
بس ماو هيدا موضوعنا الموضوع يا اخ كونان يلي عم نطرحه هل انت مع مشروع بناء مستوصف خيري في بلدة القلمون
وعفوا منك ولكن لا يحق لك ان تطلب التسعيرة لانه هيدي عيادات خاصة لادارة خاصة وكل حكيم بياخد بعيادته السعر يلي بيعجبه وما بيحقلك انك تحارجه عجبك ممكن تتعالج عنده ما بيعجبك فيك تروح لعند غيرة يعني انت مثلا ما بيحقلك تروح علجامعه الاميركية وتقله للدكتور ليش بتاخد كشفيتك 100 دولار لان ساعتها من حقه يقلك هيدا سعري وفي مستوصف خيري بالجامعه ممكن تنزل عليه لو حبيت وبسعر رمزي
يعني لا اعلم لماذا قمت انت بكل هذا العناء والجهد والتحقيق
ولكن مع ذلك جزاك الله كل خير
على فكرة انا بعرف دكتور اسنان بياخد فقط 30 الف ليرة لبنانية واذا بيهمك الامر ممكن اعطيك اسمه برسالة خاصة حتى لا نكون قد استغلينا المنتدى للدعاية ولا يحق لنا ذلك وكان الله في عون العبد ما دام العبد في عون اخيه

[الشامي]

السلام عليكم ... كيفكم يا جماعة...

وصلنا التوضيح التالي من مستوصف القلمون أرجو أن يفي بالغرض، ومشكورين جميعا على التفاعل وإلى الأمام ...
أخوكم

----------
توضيحا" لما ورد في منتداكم الكريم يهمنا أن نوضح ما يلي:
1. يستوفى من المريض القادر على الدفع مبلغ 8000 ليرة للمعاينة وتكون المراجعة مجانية خلال أسبوع من المعاينة وخلال أسبوعين منها في بعض الإختصصاصات (كالعظم مثلا") علما" أن المعاينة في العيادات الخاصة تتراوح بين 40000 و 50000 ليرة.
2. إن كلفة الأسنان في المستوصف هي بنصف الكلفة في العيادات الخاصة وأحيانا" كثيرة هي أقل من ذلك علما" أن المواد المستعملة هي من أفضل المواد (فعلى سبيل المثال يكلف خلع الضرس في المستوصف 15000 بينما هو في العيادات الخاصة 35000 ، والحشوة البيضاء15000 بينما هو في العيادات الخاصة 35000ل ل .
3. إن كلفة المعاينة النسائية هي كغيرها من المعاينات في المستوصف 8000 ليرة إلا إذا لزم الأمر لصورة صوتية فهي تكلف 20000 ليرة علما" أن كلفة المعاينة النسائية في العيادات الخاصة هي بين 40000 و 75000 وكلفة الصورة الصوتية هي 75000 ل.ل
4. يهم المستوصف أن يوضح للإخوة الكرام أن المستوصف يقدم شهريا ما يقرب من مليون ليرة لبنانية كمساعدات دوائية واستشفائية ومعاينات مجانية ولم يحصل أن أتى الى المستوصف محتاج ورجع دون مساعدة.
5. بالنسبة للعمليات الجراحية الطارئة، فهي بربع- أو أقل- من كلفة المستشفيات (مثلا" التقطيب في المستوصف يكلف 15000 الى 25000 بينما في العيادات الخاصة أو في المستشفيات لا يقل عن 100000 ليرة.
6. ومن المهم ذكره للاخوة أن فريق العمل في المستوصف يتكون من ممرضان مجازان من الجامعة اللبنانية – كلية الصحة وهما يملكان من الخبرة ما يكفي في مجال الطوارئ وقسم العمليات ومن مساعدتين لا تقل خبرتهما عن 10 سنوات في العمل المستوصفي .
ونحن كإدارة المستوصف مستعدون لإستقبال الإخوة الراغبين في الإستيضاح والتأكد من المعلومات الواردة أعلاه ضمن أوقات دوام المستوصف وبعد أخذ موعد مسبق على العنوان التالي:
مستوصف القلمون –جانب المسجد البحري – القلمون لبنان
أو على الأرقام التالية :
06/400700-06/401468 - 03/439065

كما ونعد الإخوة بنشرة مفصلة عن نشاطات المستوصف لمن يرغب وعلى هذه الصفحة الكريمة.

مدير مستوصف القلمون
جمال جابر

[سحر الشرق]

السلام عليكم ... كيفكم يا جماعة...

وصلنا التوضيح التالي من مستوصف القلمون أرجو أن يفي بالغرض، ومشكورين جميعا على التفاعل وإلى الأمام ...
أخوكم

----------
توضيحا" لما ورد في منتداكم الكريم يهمنا أن نوضح ما يلي:
1. يستوفى من المريض القادر على الدفع مبلغ 8000 ليرة للمعاينة وتكون المراجعة مجانية خلال أسبوع من المعاينة وخلال أسبوعين منها في بعض الإختصضاصات (كالعظم مثلا") علما" أن المعاينة في العيادات الخاصة تتراوح بين 40000 و 50000 ليرة.
2. إن كلفة الأسنان في المستوصف هي بنصف الكلفة في العيادات الخاصة وأحيانا" كثيرة هي أقل من ذلك علما" أن المواد المستعملة هي من أفضل المواد (فعلى سبيل المثال يكلف خلع الضرس في المستوصف 15000 بينما هو في العيادات الخاصة 35000 ، والحشوة البيضاء15000 بينما هو في العيادات الخاصة 35000ل ل .
3. إن كلفة المعاينة النسائية هي كغيرها من المعاينات في المستوصف 8000 ليرة إلا إذا لزم الأمر لصورة صوتية فهي تكلف 20000 ليرة علما" أن كلفة المعاينة النسائية في العيادات الخاصة هي بين 40000 و 75000 وكلفة الصورة الصوتية هي 75000 ل.ل
4. يهم المستوصف أن يوضح للإخوة الكرام أن المستوصف يقدم شهريا ما يقرب من مليون ليرة لبنانية كمساعدات دوائية واستشفائية ومعاينات مجانية ولم يحصل أن أتى الى المستوصف محتاج ورجع دون مساعدة.
5. ولم يحصل أن أتى الى المستوصف محتاج ورجع دون مساعدة.
.
6. ومن المهم ذكره للاخوة أن فريق العمل في المستوصف يتكون من ممرضان مجازان من الجامعة اللبنانية – كلية الصحة وهما يملكان من الخبرة ما يكفي في مجال الطوارئ وقسم العمليات ومن مساعدتين لا تقل خبرتهما عن 10 سنوات في العمل المستوصفي .
ونحن كإدارة المستوصف مستعدون لإستقبال الإخوة الراغبين في الإستيضاح والتأكد من المعلومات الواردة أعلاه ضمن أوقات دوام المستوصف وبعد أخذ موعد مسبق على العنوان التالي:
مستوصف القلمون –جانب المسجد البحري – القلمون لبنان
أو على الأرقام التالية :
06/400700-06/401468 - 03/439065

كما ونعد الإخوة بنشرة مفصلة عن نشاطات المستوصف لمن يرغب وعلى هذه الصفحة الكريمة.

مدير مستوصف القلمون

جمال جابر

بسم الله الرحمن الرحيم
اما بعد
ردا على ما ذكرتم للايضاح والتبيان وما قرأناه من كلام فقد توجب علينا قول ما نعلم لنريح ضكيرنا امام الله
1_بالنسبة للعلاج النسائي فعند الدكتورة ....... وغيرهن من اشهر الطبيبات في طرابلس فان كلفة المعاينة + التصوير للمرة الاولى 30الف والمراجعة اثناء الحمل مرة 20000 ومرة لا شئ مع العلم انه في العيادات الخاصة بقرب الجامع البحري فان كل مراجعة ب 20000 ومع التذكير بانه الصورة موجودة في كل زيارة عند الطبيبات
ولم يحصل أن أتى الى المستوصف محتاج ورجع دون مساعدة.
بالنسبة لهذه النقطة وللتوضيح ليس الا فان الاخت حليمة الحج من المرضى المحتاجين التي سمعتها باذني تقول بانها نزلت الى العيادات الخاصة التي تنسب نفسها الى كونها مستوصف ولم يعطوها الدواء ودائما يقال لها غير متوفر فمن المحتاج اكثر من تلك المرأة ومثيلاتها

. بالنسبة للعمليات الجراحية الطارئة، فهي بربع- أو أقل- من كلفة المستشفيات (مثلا" التقطيب في المستوصف يكلف 15000 الى 25000 بينما في العيادات الخاصة أو في المستشفيات لا يقل عن 100000 ليرة.
للاستفسار فقط لا اكثر هل يوجد غرفة عمليات معقمة ومجهزة بكافة الاجهزة من دون علم الاهالي ؟؟
اما بالنسبة للتقطيب فانه لا يخفى على احد ان كلفة التقطيب في عيادة الطبيب لا تتعدى ال 20000 واذا كانت تقطيب شرايين 50000كما ويجب التذكير انه يتم اعطاء ورقة ضما ن بالمبلغ


. يستوفى من المريض القادر على الدفع مبلغ 8000 ليرة للمعاينة وتكون المراجعة مجانية خلال أسبوع
للتذكير فقط كما نعلم جميعا انه حين يطلب منكم المريض ورقة ضمان تأخذون كشفية كاملة 25 الف ليرة لبنانية
اما المراجعة فبكافة عيادات الاطباء فهي مجانية لمدة شهر من تاريخ المعاينة

كما نعلم انكم تبيعون حليب الاطفال والادوية التي جاءتنا مجانا ومنها من العراق ولكن بسعر مخفض فمن اين يحق لكم دينا وشرعا فعل ذلك

من اين يحق لكم بيع المساطر المجانية دون ابلاغ المريض بانها مجانية وان كانت بسعر مخفض

كما اريد ان اعلم من حضرتكم عل نقص االصيادلة من القلمون حتى يكون الصيدلي المسؤول من خارج القلمون ام ان هناك مصالح خاصة

وللاستيضاح فقط ليس الا هل بامكان الممرضتان ذوات الخبرة العشر سنوات ان يستقبلون حالات الطارئة للاسعاف السريع

شكرا لتعاونكم ونتمنى الاستيضاح والله على ما تقولون ونقول شهيد

[سحر الشرق]

حضرتنا المحقق كونان , نزل امس على مستوصف القلمون , وسأل الاخت صفا الحج

ما هي كلفة شيل عصب ضرس مع حشو ,

فقالت لنا : الكلفة 60 الف ليرة لبنانية

انتهى

مع العلم انو الكتور زياد المصطفى كان بيأخذ ا45 الف ليرة وفي عيادته الخاصة في طرابلس

فقط للعلم وليس للتمشكل
ما رايكم بكلام احد الاخوة؟؟؟
وهل تتهمون موظفيكم باستغلال المرضى حسب انتماءاتهم ام الكل يجب ان يعامل على انه فرد لا يجزء من هذه البلدة؟؟؟

[بلقيس]

السلام عليكم ورحمة الله وبركاته
اهلين سو سو سحرتني كلماتك الجميلة فيا ريت بدون ما تشتغلي بكثرة الكلام تفرجينا هالمستوصف الخيري يلي بدها تفتحوا الدولة . وان شاء الله نستفيد من ارائك الحكيمة بالمستوصف الجديد .

[سحر الشرق]

لك يا هلا وغلا باختي بلقيس نورت والله بس اللهم لا تجعلنا من اصحاب الكلام وانا بقلك ايد وحدها ما بتصفق يا شاطرة ميشان هيك انا نزلت موضوعي بهلمنتدى يلي هوة مجتمع مصغر لبلدتنا الحبيبة
وبعدين هني يبعدوا ايدهن عن التلة وهية بتعمر يا بعد عمري انتي
ودعائك معنا حبيتي واختي بلقيس وان بعد العسر يسرا وما بيدوم على ما هو الا هو تفاءلوا بالخير تجدوه يعني ما منحط ايدنا على خدنا ومنقول يا ريت ربنا بيقول اسعى يا عبدي لاسعى معك وبهمتي وهمتك وهمة الشباب وتضامنهم وحياة عينك اخلى واكبر مستوصف بيتعمر

[بلقيس]

السلام عليكم
اهلين بكم اخت سوسو بس ما بعتقد بهالطريقة حتلاقي ايادي تصفق معك لانه الانسان بينعرف من كلامه و ما بهالطريقة بتتعالج الامور :بالاتهمامات والافتراءات على الناس .

[HARD]

السلام عليكم ،

انا لا اريد ان ادخل بنقاش عن شيئ أجهله ولكن الاخت حليمة هي جارتي الله يشفيها .
بالمختصر انا اقترح على صاحب الموضوع زيادة تصويت لانو في عالم ما بتحب تحرج حالها وتناقش وخصوصا انه لا يوجد ضوابط بالكلام عند المحاور الاول .

اما نص التصويت اللذي اقترحه كمثال:
ماذا تعتبر المستوصف اللذي بالقرب من الجامع البحري ؟
الخيارات :
هل هو مستوصف خيري
هل هو مستوصف ربحي
هل هو مستوصف شبه خيري

او غير التصويت كما تراه ....

انا اقترح سلسلة من التصاويت التي تقيم العاملين و الاطباء... ويلي بيطلع معكم ....

[سحر الشرق]

اخ هارد كلام جميل ولكن هذا يمكن تطبيقة لو كنا مختلفين على التسمية ولكن نحن نقول هل نحن بحاجة الى مستوصف خيري ام ان العيادات الخاصة تكفينا ؟؟؟
اما عن الاطباء فلا شك انهم اطباء جيدين بشهادة الجميع
اما عن الموظفين فهم كزيج من الكفوئين المتعلمين حملت الشهادات والاخرين البعيدين كل البعد عن مهنة التمريض ولكن المصالح والمحسوبيات وضعتهم في اماكنهم تلك!!!وهذا ايضا لا خلاف عليه
وفي النهاية نحن لسنا بصدد تقييم مجمع خاص بل بصدد البحث عن حاجة بلدتنا لمستوصف خيري والسعي من خلال تأييدكم الى تشييده والسعي للموافقة عليه وتغيير نظرت الجهات المختصة على ان القلمون خاليه من وجود مستوصف خيري !

[Abou omar]

اخواني الأعزاء
اريد ان استوضح من الاخت الكريمة التي طرحت هذا الموضوع عن السيدة حليمة الحج من هي؟اذ لا اسم لهذه السيدة في المستوصف.واعتذر من اخي الهارد فجارته هي حليمة قزيحة وان كانت هي المقصودة فليسالها اخي الهارد من ساعدها في عمليةالورك عندما وقعت في سنة 2006 وسيجد الجواب انه المستوصف ممثلا بالاخ جمال جابر وتيار المستقبل ممثلا بالسيد
ضيا قطان جزاهما الله خيرا ولتسال هذه السيدة الفاضلة وهي خالة الاخت الموظفة في المستوصف من يؤمن لها الدواء وعند من تنزل كلما الم بها مرض.
واما فيما يخص العمليات الجراحية فانا احيل الاخت المتسائلة الى الدكتور فداء وهوالمعروف من الجميع بخبرته وكفاءته عن هذا الموضوع علما انه هو بنفسه يجري مثل تلك العمليات في المستوصف .
وأما الاخوات الموظفات فنحن اختنا الكريمة لا ندعي بأننا مستشفى متخصص لاستقبال الحالات الطارئة وانما نحن مستوصف يسعى لان يؤمن ما يستطيع من الحاجات الطبية الممكنة وان كنا نغطي اكثر من 10 ساعات يوميا بالاختصاصيين الممرضين ونحن نعمل باذن الله على ان يكبر المستوصف ويصبح كما تتمناه الاخت سحر مؤهلا بكل التقنيات الحديثة .ونحن اليوم في حوار دؤوب ومستمر مع الاخوة في الجماعة الاسلامية والاخوة في نيار المستقبل والاخوة في جمعية العزم والسعادة والاخوة المغتربون حول امكانية العمل المشترك لتطوير العمل الصحي في البلدة.
وأخيرا فاني اشكر الاخوة الذين شاركوا في هذا الموضوع القيم وأخص بالشكر الاخت سحر واتفهم مقصدها وان شاء الله يتحقق حلمها ويكبر المستوصف ليصبح مستشفى متخصصا يضم كافة الطاقات القلمونية وما اكثرها .ودمتم للخير اعوانا.

[القلموني]

السلام عليكم نحنا ليش على طول بس ننحط على المحك أو بننحشر بالزاوية بتجينا الهمة الكبيرة و لما بنكون وحدنا على الساحة و من كون آدرين نعمل شي منطنش
و سلام للست سحر الشرق

[Abou omar]

أنا لم أقصد أن أحشرك بالزاوية ولا بالمربع يا أخي الكريم
ولم أقصد كذلك أن أحشر أختي سحر وانما أحببت التوضيح لا أكثر ولا أقل واعتذر منكما علنا اذا فهمت خطا أو فهمت انك حشرت بالزاوية

[القلموني]

سلام إلى أبو عمر
و لما الواحد بيكون عما يحكي الواقع بتبلشوا في على فكرا أنتوا هيك على طول إلي معكون هو الصح و إلي بيكون مش معكون بيكون على غلط و هيدي من تجارب سابقا فيا معلم إذا بدكن تعملوا متل أمريكا الله يوفقكن و بعدوا لساناتكم عنا و الله يخليلكم المستوصف و التيار كمان
و السلام