الحناجر الذهبية.

**Nader 3:16** · 19-03-2008, 04:27 PM

السلام عليكم.

موضوع يختص بعرض المقاطع الرهيبة و الجميلة سواءً للمنشدين او للمشايخ, ممن يتمتعون بحناجر ذهبية وهبها الله لهم فإستخدموها بما يرضيه (اما بتلاوة القرآن او بالابتهالات او بالنشيد)..

ابدأ بمقطع صغير للشيخ النقشبندي....و هو جزء من ابتهال يبدع فيه الشيخ ايما ابداع.

استمعوا للمقطع حيث يصل فيه الشيخ الى طبقات صوت خيااااااااالية ما شاء الله..

**Nader 3:16** · 24-03-2008, 11:21 PM

اسمعولنا هالمقطع لنشوف للشيخ طه الفشني...
يا ويلاااااااااي اتعبني...

و ادعو الاخ ابو حسن لمشاركتنا في الموضوع ووضع بعض المقاطع الخيالية اذا صح التعبير...

**أبو حسن** · 04-04-2008, 09:11 AM

يا نادر، اليوم حتى انتبهت للموضوع ...

تفضل، رح سمعك شغلات مانك سامعها بحياتك

رح بلّش مع سليمان داوود الله يرحمه وهالمقطع:

بذكرك ربي يطمئن فؤادي

www.4shared.com/file/42965760/8eab78ff/David_Solomon.html

على فكرة، رغم أني مشرف، فأنا ما بعرف حتى هلأ كيف فيكون ترفعو ملفات حجمها كبير بالمرفقات !

**الزاهر** · 04-04-2008, 03:39 PM

بكل بساطة يا أبو حسن اجعلها Zip أو Rar فهذه الصيغ مسموح رفع 30 ميغ منها في كل ملف.....

**أبو حسن** · 06-04-2008, 07:36 AM

المشاركة الأصلية كتبت بواسطة الزاهر

بكل بساطة يا أبو حسن اجعلها Zip أو Rar فهذه الصيغ مسموح رفع 30 ميغ منها في كل ملف.....

العتب عالنظر يا زاهر ... أنا قرأتها 30 كيلو ...

**الزاهر** · 06-04-2008, 08:20 AM

المشاركة الأصلية كتبت بواسطة أبو حسن

العتب عالنظر يا زاهر ... أنا قرأتها 30 كيلو ...

شو بدنا نعمل........هو الواحد بس يختير بيصير بدو نظارات وسماعات وووو............

......(عم نمزح ها!!!!)

نادر: شو رأيك ترفعلنا شي مقطع للفران؟؟؟

**محمد** · 16-04-2008, 11:58 PM

السلام عليكم
يعني الندور كما اعتدناك ذو أذن موسيقية
أنا حابب أسمع شي بصوت الندور ذاته هو وفرقت الإبتهالات تبعيتو
شرأي الشباب؟؟؟؟؟؟؟؟؟؟؟؟

**Nader 3:16** · 17-04-2008, 12:03 AM

اهلين بغبيش...
تسلم....هادا من زوءك.
ازا كان بدك هيكا..
فوت عموضوع اصوات من القلمون و الا ما تحضى بشي شغلة...
بس ما ؤلتلنا شرأيك بالمقاطع يلي عم ننزلها؟؟؟

**محمد** · 17-04-2008, 12:16 AM

الله يبارك فيكن
بس أنا هلأ مش بالضيعة متل ما بتعرف
و صعب عليي نزلن ......
بس ارجع عالضيعة رح آخدن منك،(انشاء الله) جهّزن ها .

**Nader 3:16** · 17-04-2008, 11:01 PM

اخ ابو حسن آخر مءطع لكبارة ما اشتغل.....
ناطرين ترجع ترفعلنا ياه!!!

**Nader 3:16** · 18-04-2008, 04:39 PM

السلام عليكم...
اتفضل يا اخ ابو حسن هذا المقطع الرائع للشيخ الرزيقي من سورة هود..
بصراحة صوته عذب جداً و معبّر وواضح...ما بعرف اذا سامعو من قبل عكل حال عطينا رأيك فيه.

**أبو حسن** · 20-04-2008, 06:33 AM

تم تعديل رابط الشيخ كبارة

بالنسبة للشيخ أحمد الرزيقي، فأنا أعرفه من زمن بعيد وعندي له ما يزيد على الثلاثين تلاوة ...

**Nader 3:16** · 20-04-2008, 04:32 PM

السلام عليكم...و الله الؤصة منها عم تزبط يا اخ ابو حسن...الملف شكلو منزوع...المهم اقدم لكم ابتهال للنقشبندي بذكرى الاسراء و المعراج ...ابداع متناهي.....و اهديه للأخ وسيم غنوم الذي سبق و طلبه مني...ولاحظ المعاني و القصيدة كتيييييير حلوة ..و اسماع بالدقيقة الخامسة شبيعمل...يا ويلي!!!!!!!!!

**ضيف على القلمونيين** · 30-04-2008, 04:25 PM

مشكور أخي نادر على ما قدمت و كذلك أبو الحسن والله مقاطع راااااااااااااااااااائعة
ولي عودة إن شاء الله مع مقاطع تعجبني
تقبلوا تحياتي

**ضيف على القلمونيين** · 30-04-2008, 04:58 PM

تلاوة من سورة الحاقة للشيخ الطبلاوي

**الزاهر** · 01-05-2008, 02:00 AM

أهلا بك أخي "ضيف على القلمونيين" .............اشتئنالكم والله!!!...........وشكرا لكم على هذه المقاطع الجميلة

**Nader 3:16** · 01-05-2008, 02:29 AM

اهلين بالاخ عزيز....
مشكور عالمشاركة الرائعة......
الطبلاوي ...راااااائع

**أبو حسن** · 01-05-2008, 06:48 AM

الأستاذ الكبير حسن الحفار

مقطع من قصيدة "غنى الهزار"

عليهم من فؤادي كل آونة * سلام وجد تحيات حكت ألمي

**أبو حسن** · 01-05-2008, 06:58 AM

مع الأستاذ الكبير حسن الحفار

مقطع من سبعاوية "مريم فلا مسها بعلا ولا حملا"

والسعاويات هو فرع من فروع الموال يؤدى باللهجة البدوية

**أبو حسن** · 01-05-2008, 12:46 PM

يبدو أن المشكلة من عندك أخي نادر لأن الملفات عندي تعمل بشكل جيد

والله عم يروح عليك شغلات كتيرة ...

**Nader 3:16** · 02-05-2008, 03:27 PM

هلء هيكا يا ابو حسن...بسيطة بكرا بس تجي علبنان بإذن الله مناخدهم منك........

**أبو حسن** · 04-05-2008, 09:31 PM

المشاركة الأصلية كتبت بواسطة Nader 3:16

هلء هيكا يا ابو حسن...بسيطة بكرا بس تجي علبنان بإذن الله مناخدهم منك........

تكرم عينك يا سيد نادر، جهز هارد ديسك خارجي يكون فيه حوالي 50 غيغا مساحة ولاقيني بالضيعة بإذن الله

**Nader 3:16** · 04-05-2008, 11:05 PM

هيك املنا فيك يا اخي ابو حسن مو متل بعض ناس بيحتكروا التسجيلات (بلا ذكر اسماء)
منتظرينك على أحر من الجمر.
و نسأل الله ان تصلنا بسلامة.

**Nader 3:16** · 09-05-2008, 10:59 PM

السلام عليكم...
أخ ابو حسن يؤسفنا كل الأسف انك لم تتمكن من زيارة أهلك في القلمون .

و سمعنا من مصدر موثوق انو معك تسجيلات نادرة للشيخ محمد عمران اذا كانت الؤصة مزبوطة ما تطول علينا ابداً.....

و بدي اسألك اذا سامع سورة القصص و الشمس لشعيشع من الحسين؟؟؟

**Nader 3:16** · 19-05-2008, 11:16 PM

مقطع للشيخ المنجد...
هل تملك التسجيل كاملاً يا اخ ابو حسن؟؟؟

**أبو حسن** · 20-05-2008, 06:33 AM

بالنسبة لقصيدة "يلومونني"

نعم هي متوفرة لدي بأكثر من صيغة، تفضل هذين الصيغتين لها:

http://www.4shared.com/file/48242767...ified=bd91677f

الصيغة الأولى منهما أداها المنجد قبل وفاته ب3 أشهر وكان عمره 102 عاما !

ولاحظ قوة الصوت وفخامته وليونته في الصيغة الثانية ...

**Nader 3:16** · 20-05-2008, 02:54 PM

السلام عليكم..
بارك الله فيك يا اخي ابو حسن على الصيغتين...عيدووو علي الوصال عيييييييدو....!!!!!شو هادا؟؟؟
على فكرة في حفلة مشتركة بين المنجد و النقشبندي من المدينة المنورة في الستينات و كتييييير حلوة ما بعرف اذا سامعها...
و بالفعل كتييييييير حلوين...
انا كتييييير بيعجبني المنجد...!!!...
بذكر انو شفتو مرة عالتلفزيون...كبير بالعمر كتيييير و يأتي بالعجب العجاب...!! ما شاء الله..
و عندو اناشيد كتيييير حلوة..

شو سمعت مقطع شعيشع من سورة النجم؟؟؟

**أبو حسن** · 20-05-2008, 10:59 PM

المشاركة الأصلية كتبت بواسطة Nader 3:16

على فكرة في حفلة مشتركة بين المنجد و النقشبندي من المدينة المنورة في الستينات و كتييييير حلوة ما بعرف اذا سامعها...

أنا أول شخص رفع هذه الحفلة على النت، لكن تسجيلها لم يكن صافيا، فتشجع أحد الأخوة وقام مشكورا برفع نسخة نقية لها

بالنسبة لتسجيل شعيشع، فقد استمعت له كما أسلفت سابقا وهو تسجيل رائع ككل تسجيلاته في تلك الفترة

**Nader 3:16** · 21-05-2008, 03:34 PM

و الله يا ابو حسن تاريك منك قليل...
اسمعلي عالمقطع للشحات!!!
اول مرة اسمع نهاوند قرأ بهذه الطريقة.

**Nader 3:16** · 02-06-2008, 11:44 PM

اشكر الأخ ابو حسن الذي امدنا بكل ما لديه من تسجيلات......
و بذلك لم يعد بحاجتي اعمل download ابداً....

**Nader 3:16** · 02-07-2008, 04:28 PM

السلام عليكم..
شو يا اخ ابو حسن ما في شي عندك جديد!!!!..... ؟؟؟؟؟
رح اهديكم انشودة وديلي سلامي يا رايح للحرم للمنشد ابو الجود!!....حدا سامعها؟؟؟ اكيد لأ...
و على فكرة في كم شغلة حلوة مو موجودة عندك يا ابو حسن رح ابقا ارفعلك ياهم...
و لا تنسى بس يمرء معك شي شغلة حلوة دغري وديلي سلامي. دووووووووووووووووع.

**Nader 3:16** · 03-07-2008, 09:55 PM

مقطع للشيخ محمد عمران

**Nader 3:16** · 03-08-2008, 04:05 PM

السلام عليكم...
اسمعولنا صوت هالولد الصغير و عطونا رأيكم ..
الله وكيلكم بيعرف ينغّم بطريقة مذهلة جداً.
الملف حصلت عليه من الاخ ابو حسن.

**Nader 3:16** · 21-08-2008, 04:22 PM

هدية الى اخي و حبيبي الاخ عزيز...
مقطع للشيخ المنشاوي...كدليل قوي على توقيعي...
بالفعل ما اخطأ من قال ( المنشاوي بإختصار ...أتعب من بعده).

**أبو حسن** · 04-11-2008, 08:38 PM

شو وينك يا نادر ما عم تبيّن بالمنتدى ؟

تفضل:

أول آذان نقل على المذياع مباشرة من الحرم النبوي الشريف عام 1376هـ.

**أبو حسن** · 11-11-2008, 10:07 PM

حدا يطمّنا عنادر يا شباب...

**الزاهر** · 11-11-2008, 11:34 PM

نادر منيح ... بس آخد فترة نقاهة الهيئة ... أو يمكن عندو مهام تانية شاغلتو بهالفترة !!!!

**Nader 3:16** · 26-11-2008, 07:09 PM

مينو دا يلي عم يأدنّ يا ابو حسن....تعريباتو حلوة....فكّرتو طه الفشني! للوهلة الاولى!!!...

مرسي بوكو.
المرة الجاية رح نغيب مدة اطول منشان تحط شي احلى.

**أبو حسن** · 15-05-2008, 07:41 AM

دائما مع النشيد الأصيل

إمام المنشدين علي محمود رحمه الله

أشرق فيومك ساطع بسام

ما حدا يحاكيني عن نقاء التسجيل، لأن الشيخ علي محمود توفي سنة 1946

لمزيد من المعلومات عنه تفضلوا هذه الصفحة وشوفوا من هم تلاميذه حتى تعرفوا قدره ...

http://ar.wikipedia.org/wiki/%D8%B9%...85%D9%88%D8%AF

**Nader 3:16** · 15-05-2008, 04:48 PM

بالنسبة لمقطع النقشبندي...
اي ما في حدا منو سامعو و انا سبق و حملته لما انتا نزلتو عمنتدى قراء القرآن...

أماّ بالنسبة لعميد المبتهلين الشيخ على محمود في عندي لو ابتهال من عهد الخشبة بعنوان (ان الرسول المصطفى سامي المكان)...
و تسجيلاته قديمة جداً جداً....
واذا كان هؤلاء العمالقة هم تلاميذه(الفشني -البهتيمي-محمد عبد الوهاب.....) فهذا ان دل على شيء فإنه يدل على عبقرية و ابداع هذا الانسان

طيب سماع هالمقطع لشعيشع من سورة النجم...أكيد لازم تكون سامعو...

و ما قلتلنا رأيك بتلاوة سورة القصص و الشمس...

**Nader 3:16** · 18-05-2008, 03:41 PM

شو يا اخ ابو حسن!!!!
ما قلتلنا رأيك بالمقاطع...وما حطيت شي جديد!!!.....

و شو لساتك ناوي المجية ولا بطلت!!......

**أبو حسن** · 18-05-2008, 10:11 PM

التلاوات التي رفعتها جميلة كذلك تلاوة شعيشع في الحسين استمعت لها اليوم صباحا وهي تلاوة رائعة، بارك الله بك لإرشادي إليها

تفضل هذه التلاوة للنقشبندي، سورة طه، فيديو:

www.4shared.com/file/11911124/ad6d5aee/-_-.html

لا أعرف إن كانت لديك سابقا أم لا

سأكون في لبنان خلال أيام إن شاء الله

هل سمعت الملفات التي رفعتها أنا سابقا والتي لم تكن قد تمكنت من تحميلها ؟

**Nader 3:16** · 18-05-2008, 11:16 PM

للأسف لم اتمكن من التحميل حتى الان بس زاهر يمكن نزلهم باخدهم منو...
اماّ لتلاوة النقشبندي...ذاكر اني سامعها من زماااان...
مشكور جداً. مع انو النقشبندي منو مبدع بالتلاوة مثل بقية القرّاء.
وان شاء الله نلتقي بك في القلمون و منعمل صفقات تبادل للتسجيلات.

**ضيف على القلمونيين** · 21-08-2008, 04:49 PM

تم التحميل و الإستماع
التقييم : لا يسعني وفلا يوجد تقييم بقدر هذا الإبداع و هذا الجمال ... غير أني أقول عن حياء 5 نجوم

المقرئ : أحرج من قبله و أتعب من بعده ......

نادر : سميع من الدرجة الأولى ... تسلم حبيبي

**Nader 3:16** · 21-08-2008, 04:53 PM

شكراً على الاطراء يا اخ عزيز....
بإنتظار مشاركاتك....و مقاطعك..

**الزاهر** · 22-08-2008, 01:11 PM

ما عنا حناجر ذهبية بالقلمون يا نادر ؟؟؟

**أبو حسن** · 05-09-2008, 10:35 AM

الشيخ سيد النقشبندي

مولد حماة

الجزء الأول

http://www.4shared.com/file/61668652...ified=bd91677f

الجزء الثاني

http://www.4shared.com/file/61668785...ified=bd91677f

**Nader 3:16** · 05-09-2008, 04:33 PM

السلام عليكم....
ضيعتني يا اخ ابو حسن مولد حلب ولا حماة!!!! لأنو في عندي تسجيل للنقشبندي مولد حلب!!!...
ولا هادا تسجيل تاني؟؟؟؟؟

**Nader 3:16** · 17-10-2008, 03:21 PM

ولا يهمك يا ابو حسن...بس انتا ابقا حطلنا شي..لحتا نتونس شوية.

**Nader 3:16** · 22-01-2009, 09:46 PM

أخ ابو حسن يبدو انه عندك جهاز تنصت...
انا الآن استمع لمقابلة مع مصطفى اسماعيل بنفس الموضوع يلي حطيتو...مع التحفظ على ما بعض ما يقوله.

امّا بالنسبة للشحات..بيعجني العجم بصوتو...!!!!...
سلاااااام...رح حط كم مقطع بهل كم يوم.....
وانت كمانا اتحفنا بكم شغلة من عندك.

الموضوع: الحناجر الذهبية.

أدوات الموضوع

عرض

العرض المتطور

الحناجر الذهبية.

ضوابط المشاركة