الحناجر الذهبية.

[Nader 3:16]

السلام عليكم.

موضوع يختص بعرض المقاطع الرهيبة و الجميلة سواءً للمنشدين او للمشايخ, ممن يتمتعون بحناجر ذهبية وهبها الله لهم فإستخدموها بما يرضيه (اما بتلاوة القرآن او بالابتهالات او بالنشيد)..

ابدأ بمقطع صغير للشيخ النقشبندي....و هو جزء من ابتهال يبدع فيه الشيخ ايما ابداع.

استمعوا للمقطع حيث يصل فيه الشيخ الى طبقات صوت خيااااااااالية ما شاء الله..

[Nader 3:16]

اسمعولنا هالمقطع لنشوف للشيخ طه الفشني...
يا ويلاااااااااي اتعبني...

و ادعو الاخ ابو حسن لمشاركتنا في الموضوع ووضع بعض المقاطع الخيالية اذا صح التعبير...

[أبو حسن]

يا نادر، اليوم حتى انتبهت للموضوع ...

تفضل، رح سمعك شغلات مانك سامعها بحياتك

رح بلّش مع سليمان داوود الله يرحمه وهالمقطع:

بذكرك ربي يطمئن فؤادي

www.4shared.com/file/42965760/8eab78ff/David_Solomon.html

على فكرة، رغم أني مشرف، فأنا ما بعرف حتى هلأ كيف فيكون ترفعو ملفات حجمها كبير بالمرفقات !

[الزاهر]

بكل بساطة يا أبو حسن اجعلها Zip أو Rar فهذه الصيغ مسموح رفع 30 ميغ منها في كل ملف.....

[أبو حسن]

بكل بساطة يا أبو حسن اجعلها Zip أو Rar فهذه الصيغ مسموح رفع 30 ميغ منها في كل ملف.....

العتب عالنظر يا زاهر ... أنا قرأتها 30 كيلو ...

[الزاهر]

العتب عالنظر يا زاهر ... أنا قرأتها 30 كيلو ...

شو بدنا نعمل........هو الواحد بس يختير بيصير بدو نظارات وسماعات وووو..................(عم نمزح ها!!!!)


نادر: شو رأيك ترفعلنا شي مقطع للفران؟؟؟

[أبو حسن]

تفضل 8 ابتهالات كاملة للفرّان:

www.4shared.com/dir/6421651/28ddd1cb/Ibrahim_al_Farran.html

[Nader 3:16]

السلام عليكم ...
اول مقطع كتيييييير حلو يا ابو حسن...و بالمناسبة لقيت شريط لهادا الشيخ بالمحل عند ابو صطيف...هيكا جلسة صوفية شكلها..

بالنسبة للفراّن ...فجّرلي دماغي...
و خصوصاً بإبتهال (الهي عبدك الجاني اتاك) يا ويلااااااااااااي جواباااااااااااااات فوق الخيال مساحة صوت خيالية!!!!!!!

بإبتهال التعطيرة الشريفة هوا و بيطلع من وراهم!! ييييييييييي بتسمع موسيقى....بصراحة شي بوخد العقل الفرّان!!!!!

يا الله ناطرين المزيد يا ابو حسن (بدنا هيكا شغلات نقشبندية او للمنجد او للفشني)...
و كم مقطع قرآن(مصطفى اسماعيل او شعيشع او بهتيمي او منشاوي)...

و سلااااااااااااااام

[الزاهر]

تفضل 8 ابتهالات كاملة للفرّان:

www.4shared.com/dir/6421651/28ddd1cb/Ibrahim_al_Farran.html

هلأ هو صحيح ضليتني شي 10 دقائق لعرفت نزل من هالصفحة................بس مشي الحال......................هلأ منسمعهم بالبيت عرواء!!!


شكرا جزيلا أخي أبو حسن!!!!

[أبو حسن]

راح نكفي مع أشخاص مانكن سامعين فيون، أو يمكن سامعين فيون بس شوي مش كتير ...

نبقى مع محرز سليمان، وصوته بالنسبة لي أجمل من صوت الفران، لأن تسجيلات الفران بمعظمها قديمة وصوته رفيع بعض الشيء ...

على كل، رفعت له تسجيلين فقط على الرابط في الأسفل. سأرفع له لاحقا تسجيلات أخرى إن شاء الله، لكني سأغيب عن المنتدى خلال الأيام الثلاثة المقبلة لانشغالي بمؤتمر.

www.4shared.com/dir/6436225/c74f3ac0/Mehrez_Suleiman.html

[Nader 3:16]

ماشي الحال يا ابو حسن....
بس بيني و بينك ما حدا بيطلعلوا مع النقشبندي

[دوكر]

يا هلا بالجميع.......
موضوع كتير حلو .....و بعتأد كمان الأناشيج كتير حلوة........
يعطيكن العافية .....و ان شاء الله لازم يكون لاي حملت داونلود....
اخوكم دوكر المعوكر......

[Nader 3:16]

يا حبيبي يا دوكر هادي اسمها ابتهالات....مو اناشيد.
يعني بتكون قصيدة بس بلحنها المبتهل على طريقتو وبغير فيها كتيير نغمات و بمد و بزيد عزوقو..يعني مختلفة كتيير عن الاناشيد..

[أبو حسن]

يا نادر العبرة مش بالصريخ ... العبرة بالنقلات النغمية ...

على كل، هذه هدية على الماشي ... مقطع من أذان بصون الأستاذ الكبير حسن الحفار ... ولي عودة قريبة بإذن الله ...

[Nader 3:16]

يا زلمة يا ابو حسن ايشودا....هادا عم يأدّن!!!!!!!!!!
بس بكل صراحة شي بجنن!!!! اي انا بسمع ناشد و ما فيني اتمالك اعصابي وءت بسمعو...
يعني اذا هادا عم يأدن قدامي ما بعرف شبصير فيني....
يا الله ناطرين المزيد.

بس شقصدك انو النقشبندي بصرّخ....؟؟؟؟
رح قلك شغلة صغيرة

النقشبندي بإختصار......أتعب من بعده.

[أبو حسن]

طيب ... هالمرة مين ؟؟؟

[Nader 3:16]

بصراحة ما عرفت مين....صبي صغير مبين!!!
بس بتعجبني هيك نوعيات اصوات...
يا الله ننطر المزيد...
بالفعل صار الموضوع مشوق يعني كل مرة عم تفاجأنا بشغلات حلوة يا اخ ابو حسن.

[Nader 3:16]

طيب يا ابو حسن...
انا هالمرة جايبلك مقطع قرآن للشيخ محمود على البنا....
بصراحة هذا من اجمل ما سمعت للشيخ البنا..قرار+ جواب الجواب.
من سورة طه (و كذلك انزله قرآناً عربياً)

[kata2eb]

**** أول مرة بأيدك .....
في سابقة في حياتي
وللمرة الأولى


أتوافق أنا والندور على مقطع صوتي جميل
عنجد أعجبني
بركا بتكون يا نادر صرت من جماعتنا

[Nader 3:16]

وضح يا معلم بلال الله يوفءك....
اي مقطع يلي عجبك؟؟؟ في عشرطعشر مقطع!!

تانياً شءصدك بأني صرت منكم!!!!!
هلء يلي بيسمعلي ابو عبد الملك و مدري مين هادا بيعرف يسمع!!!

[أبو حسن]

[Nader 3:16]

طول بالك علينا يا اخ ابو حسن....دغري نطيت عمصطفى اسماعيل......
بس يا زلمة ايشودا؟؟؟؟
شي بيوخد العقل...
المرة الجاية رح حطلك شي مقطع لشيعشع..

[أبو حسن]

تم تجديد مكتبة محرز سليمان على نفس الرابط الموجود أعلاه

التسجيل السابق بصوت الطفل، هو للمنشد نورالدين عثمان من طرابلس تربى على يدي الشيخ كبارة وصوته جميل وعذب، وهو الآن في أواسط الثلاثينات من عمره، لكنه يعاني من مرض عُضال، نسأل الله أن يعافيه منه

[Nader 3:16]

تفضل يا معلمي ابو حسن تلاوة من سورة الطارق للشيخ كامل يوسف البهتيمي..
من التلاوات المفضّلة لديّ....

و الله يشفي المنشد يلي حكيت عنو...

[أبو حسن]

الشيخ صلاح الدين كبارة رحمه الله

مقطع من ابتهال على مقام الكرد

[أبو حسن]

تلاوة البنا جميلة، أول مرة أسمع له تلاوة بهذا الجمال ...

بالنسبة للبهتيمي ... يكفي أنه درس أصول المقامات على يدي الشيخ صلاح الدين كبارة رحمه الله !!!

[Nader 3:16]

اهلين بالاخ ابو حسن...
بالنسبة لتلاوة البنا هادي احلى واحدة سامعلو ياها...
و البهتيمي له تلاوات جميلة جداً منها (الاحزاب و فصلت.....)

نزلت ابتهال كبارة بس ما سمعتوا....و انا مقام الكرد بيعجبني كتييييير...هوا و العجم..

[Nader 3:16]

الشيخ ابو العينين شعيشع و مقطع جميل من سورة البقرة.

[محمد]

السلام عليكم
يعني الندور كما اعتدناك ذو أذن موسيقية
أنا حابب أسمع شي بصوت الندور ذاته هو وفرقت الإبتهالات تبعيتو
شرأي الشباب؟؟؟؟؟؟؟؟؟؟؟؟

[Nader 3:16]

اهلين بغبيش...
تسلم....هادا من زوءك.
ازا كان بدك هيكا..
فوت عموضوع اصوات من القلمون و الا ما تحضى بشي شغلة...
بس ما ؤلتلنا شرأيك بالمقاطع يلي عم ننزلها؟؟؟

[محمد]

الله يبارك فيكن
بس أنا هلأ مش بالضيعة متل ما بتعرف
و صعب عليي نزلن ......
بس ارجع عالضيعة رح آخدن منك،(انشاء الله) جهّزن ها .

[Nader 3:16]

اخ ابو حسن آخر مءطع لكبارة ما اشتغل.....
ناطرين ترجع ترفعلنا ياه!!!

[Nader 3:16]

السلام عليكم...
اتفضل يا اخ ابو حسن هذا المقطع الرائع للشيخ الرزيقي من سورة هود..
بصراحة صوته عذب جداً و معبّر وواضح...ما بعرف اذا سامعو من قبل عكل حال عطينا رأيك فيه.

[أبو حسن]

تم تعديل رابط الشيخ كبارة

بالنسبة للشيخ أحمد الرزيقي، فأنا أعرفه من زمن بعيد وعندي له ما يزيد على الثلاثين تلاوة ...

[Nader 3:16]

السلام عليكم...و الله الؤصة منها عم تزبط يا اخ ابو حسن...الملف شكلو منزوع...المهم اقدم لكم ابتهال للنقشبندي بذكرى الاسراء و المعراج ...ابداع متناهي.....و اهديه للأخ وسيم غنوم الذي سبق و طلبه مني...ولاحظ المعاني و القصيدة كتيييييير حلوة ..و اسماع بالدقيقة الخامسة شبيعمل...يا ويلي!!!!!!!!!

[Nader 3:16]

http://www.4shared.com/file/43995056...ed=2087b12مقطع للمنشاوي...راااااااااااااااااااااااااااااااااااااا ااااااااائع من سورتي القارعة والهمزة...نقلته من منتدى قراء القرآن..و أشكر الأخ الذي قام برفع التلاوة.

[Nader 3:16]

السلام عليكم...
شو اخ ابو حسن وينك؟؟؟؟
صار عليك ترفع مقطعين..ها

اسمع لهذا المقطع للمنشاوي من سورة الفجر...التسجيل ليس واضح تماماً ..

و استمع كيف يقف الشيخ المنشاوي على كلمة كلاّ....
بصراحة رااااااااااائعة جداً جداً...

[flauritta]

دخيلو الله...
يا نادر نحنا بالبيت منا ملحقين عليك..ساعة بتسمعنا الشعيشع و ساعة النقشبندي و الفشني الله وكيلكم صرنا حافظين كل الابتهالات من وراهم...
ولا عندي شهادة حل عني و يا ويلك اذا بتعلي الصوت اسا بالبيت.

و ادعيلي يا اخي و اكيد بيطلعلك حلوان.

بس بيني و بينك يا ندّورة مقطع المنشاوي بيوخد العقل.

[wassim.h]

دخيلو الله... يا نادر نحنا بالبيت منا ملحقين عليك..ساعة بتسمعنا الشعيشع و ساعة النقشبندي و الفشني الله وكيلكم صرنا حافظين كل الابتهالات من وراهم...

24-04-2008 03:42 PM

آ شي منيح إنك تحفظيون أختي فلوريتتا ..بعدين تعي تؤللك بيما إنو عندك شهاده لازم تسمعي لل الشعيشع و النقشبندي و الفشني ..منشان الله يوفءك...مو أحسن من الضراب السخن إلي بتسمعي ( فرجي-بلاك أيد بيز- ميكا-ريحانا)........
وإنشاء الله موفقه بالشهادة

[kata2eb]

**** يا نددور .....

بما إنك إنت عم تحط مقاطع جميلة للشيوخ والمنشدين
فأنا بدي منك شغلة
في حفلة كانت ببيروت وأنشد فيها نور الدين خورشيد
فهل عندك شي مقطع ترفعلنا ياه
مشكور سلفا

[Nader 3:16]

و الله يا اخ بلال ما عندي ياها....
بعدين هادا موضوع الحناجر الذهبية مو البرونزية مع احترام لخورشيد.

و الله لا يعطيكي العافية يا flauritta ....
هلء دبارك بالبيت.

[ضيف على القلمونيين]

مشكور أخي نادر على ما قدمت و كذلك أبو الحسن والله مقاطع راااااااااااااااااااائعة
ولي عودة إن شاء الله مع مقاطع تعجبني
تقبلوا تحياتي

[ضيف على القلمونيين]

تلاوة من سورة الحاقة للشيخ الطبلاوي

[الزاهر]

أهلا بك أخي "ضيف على القلمونيين" .............اشتئنالكم والله!!!...........وشكرا لكم على هذه المقاطع الجميلة

[Nader 3:16]

اهلين بالاخ عزيز....
مشكور عالمشاركة الرائعة......
الطبلاوي ...راااااائع

[أبو حسن]

الأستاذ الكبير حسن الحفار

مقطع من قصيدة "غنى الهزار"

عليهم من فؤادي كل آونة * سلام وجد تحيات حكت ألمي

[أبو حسن]

مع الأستاذ الكبير حسن الحفار

مقطع من سبعاوية "مريم فلا مسها بعلا ولا حملا"

والسعاويات هو فرع من فروع الموال يؤدى باللهجة البدوية

[أبو حسن]

دوما مع الأستاذ الكبير حسن الحفار

مقطع من قصيدة أداها في مهرجان فاس عام 2006

لطيبة عرّج إن بين قبابها * حبيب لأدواء القلوب طبيب

خلوا بالكم من التصرفات التي لا يقدر عليها إلا الأساتذة رغم رواق الأداء وهدوئه... وصلوا على الرسول صلى الله عليه وسلم

[أبو حسن]

من أروع ما سمعت للأستاذ سليمان داوود رحمه الله، وآسف على الصدى المزعج في التسجيل

يا من يراني ولا أراه * أنظر بعين الرضا لحالي
وارحم بعفوك ضعفي وذلي * وكن لي عونا عند السؤال
فإني عبد حملي ثقيل * ولي ذنوب مثل الرمال
وإن عفوك ربي جميل * تعفو وتستر قبح الفعال

[Nader 3:16]

يا شباب ...يبدو في مشكلة...
آخر خمس ملفات نزلتوهم ما اشتغلوا...
ما بعرف يا اما في مشكلة من المنتدى او مدري ايش ...فيا اخ زاهر شفلنا شو صاير...
لأنو ابو حسن ما بنزل الا الشغلات الحلوة ..يعني ذو ذوق رفيع.