مرحبا ، كيف حالكم يا جماعة الخير ، اليوم بصراحة مش جاية علبالي السياسة ، لأن الحق مبين ، وبالنهاية كل مين عدينوا الله يعينوا ، والمحكمة آتية آتية آتية .

المهم اليوم حابب احكي عن المرأة ، بصراحة اترددت كتير قبل ما اكتب عن المرأة ، لأن شو ما كتبت عنها ما رح وفيها حقها ، وخصوصي انها أمي وأختي ومرتي وبنتي ، ومعلمتي و.....

المرأة يا شباب وصبايا ، هي انسانة مفكرة لها أحاسيسها ومشاعرها ، بل انو لها عالمها الخاص فيها ،ويلي أحيان كتير بتتفوق فيه على الرجل .


الكلام عن المرأة مش لمجرد مدحها ، بل لمعالجة مشاكل اجتماعية ابتدعها بعض تجار الدين والفلسفة ، وتوارثتها الأجيال ، مشان هيك حبيت افتح هالموضوع لحتى نمسح الغبار عن نظرتنا لهل الإنسانة ، ونرجع نصيغ نظرتنا لها من جديد على أضواء فكرية وثقافية حضارية ، لا أبوية أو اجتماعية توارثية بشكل أعمى .


بصراحة المشكل كبيرة كتير ، ولكن في مين حكي بهل الموضوع قبلي ، وأكيد متل ما بتعرفوا كل إنسان بيحكي الحق بعاديه قوموا ، بس بالنهاية إذا احنا المثقفين ما احكينا الحق وانهضنا بمجتمعنا مين رح ينهض فيه ، أكيد ما رح نتركوا للعادات والتقاليد العميا ، لأن احنا وانتو جيل العلم والحضارة والتكنولوجيا ، بل جيل الثورة والتغير .

نعم التغير ، تغير العادات البالية والتقاليد القديمة ، وإعادة صياغة الفكر الإنساني بطريقة علمية حضارية تتناسب مع التكنولوجيا الحديثة .


بهالموضوع هيدا رح نقرا مع بعض كتاب للدكتورة نوال السعدواي ، هيدي المرأة ، يلي وقفت بوجه أمة لوحدها ، تحدت الجميع من أجل المرأة ، وهيدا يلي بدنا ياه منكم بدنا كل واحدة توقف وتقول لأخوها الرجل أنا لا أقل عنك شيئا ، وأنا مخلوقة مثلك ، ولي عقل ولي فكر ، ويمكنني القيام بجميع ما تقوم به أنت ، فلماذا تتحكم أنت بالحياة ، لماذا تدير أنت قيادة البشرية ولا أديرها أنا ، أو بالأحرى نشترك معا في إدارتها ؟ لماذا يحمل الولد اسمك ، لماذا أتحجب أنا وأدفن شبابي وراء ثيابي ولا تتحجب أنت ؟ هل أنا مخلوق جنسي شهواني ، وأنا مخلوق قدسي ملائكي ؟؟؟ أنا لا أقبل أن أعمال هكذا ، أنا حرّة ، لي عقل ، ولي كيان ، ولي فكر و.....