السلام عليكم
موضوع مهم خصوصاً نو نسبة كبيرة من الالامنة حوطّين ولادهم بمدارس نصرانية.
وكوني خضت التجربة لما كنت صغير.

من أبرز السلبيات: المفاهيم الغير اسلامية يلي عم تنزرع براسو من صغرو, وأبرزها منافي للعقيدة الاسلامية..يعني صار الولد مثلاً بيعتبر الكرسمس عيد و بينبسط فيه اكتر من الاضحى و الكثير من المناسبات النصرانية يلي توليها ادارة المدرسة اهمية و بتخلي الطلاب يعيشوا اجوائها .
ومع غياب التربية الاسلامية من قبل الاهل صارت المسألة اصعب و أصعب.
وبدك تحسب حساب انو الشاب المسلم لما بيكبر شوية رح تفوتوا صلاة الجمعة ...

امّا الايجابيات فحب قول انو الايجابيات يلي بالمدارس النصرانية هي السبب يلي عم يخلي الاهل يحطو ولادهم بهيك مدارس..اضافة الى تقصير المدارس (الاسلامية) علمياً.
خصوصاً بمجال اللغات، مثلاً ما منشوف مدرسة اسلامية (ولو كانت خاصة) خرجت تلاميذ بيعرفوا يحكو فرنسي او انكليزي (الا اذا كان التلميذ هوا شاطر) بينما منشوف انو المدارس النصرانية بتهتم باللغات الاجنبية اهتمام كبير وانا اساتني بذكر منيح انو كنت بصف الاول و التاني و ممنوع نحكي عربي عساعة الفرنسي.
اضافة انو التلميذ ما بيسمع كلمة حما و جح و ...ازا غلبط !

في كتير افكار..لكن بترك المجال لغيري.

والسلام عليكم.