أريد أن ألحق بالصف الأول...

[المبـــارك]

مشهد مأخوذ من الواقع:

أوشك أذان العشاء على الإنتهاء،، وصاحبنا ما زال يحاول أن ينوم أولاده... الأول يقفز، والثاني يضحك.... ثم يتبادلان الدور...

" ولك ناموا عم قلكن !! بدي إرجع من صلاة العشا ولاقيكن نايمين... إذا رجعت وإساتكن فايقين يا ويلكن... ما بخليكن تطلعو تلعبو بالشارع عأسبوع !! " يقولها بصوت مرتفع ومزعج...

يقفل باب غرفة هؤلاء الأبرياء والدمعة قد بدأت تسيل على خد أصغرهم....

يخرج من باب المنزل مسرعاً.... ينتعل صندله ويقفز كل عشر درجات على السلم... يريد أن يلحق بالصف الأول...

يشغل سيارته،،، وينزل إلى الضيعة... لا مطبات ولا زواقيق ولا مفارق.. فقط يده على زمور سيارته الفيراري الحمراء...

" ولك شباك عم بتزمر؟؟؟ " ... (أحد المارة)

" ولك بدي لحق الصلاة !! أووع أحسن ما روحك... " يقولها صاحبنا بثقة..

يصل إلى الطريق العام... يشفط بسيارته 180 درجة ويعطيها دعسة للكهرباء... يريد أن يلحق بالصف الأول..

يصل إلى باحة المسجد فيركنها على باب المستوصف، غير آبه بأنه سد باب الطوارئ في هذا المركز...

" يلا بصلي وبرجع بسرعة "...

يسمع من الخارج إقامة الصلاة،، فيبدأ بالهرولة وكأن هذا يومه الأربعون ويريد أن يكسب تكبيرة الإحرام...

" السلام عليكم أخي " ...(أحد الداخلين إلى المسجد)

" بعد الصلاة بعد الصلاة " .... هذا هو جواب صاحبنا...

تبدأ الصفوف بترتيب نفسها ويتموا الصف الأول فالأول... فيتجاوز الصفوف ليصل إلى الصف الثاني...

" يا الله... يا ريت لو بلاقي شي محل بالصف الأول بعد كل هالسرعة "....

يأمر الإمام مصلي الصف الأول أن يقتربوا من بعضهم البعض، عندئذ، ينتهز صاحبنا الفرصة ويطحش ببطنه المليء بالتفاح والأفوكا والبشار في نصف الصف الأول... في فراغ لا يتجاوز الثلاثون سنتيمتراً...

عن يمينه أناس بدت وجوههم باتجاه القبلة، لكن أجسادهم نحو الحريشة.. وعن يساره أناس بدت وجوههم نحو القبلة، لكن أجسادهم باتجاه راس مسقا... والكل يوجه إلى صاحبنا نظرات انزعاج وغضب...

ينظر صاحبنا إليهم مستغرباً، وعلامات التعجب ظاهرة عليه، ويقول غير آبهم بحالتهم... " أريد أن ألحق بالصف الأول "...

فهل يجوز هذا يا إخوان؟؟

[Nader 3:16]

مينوا هادا ؟
بس اكيد ما بجوز بشكل عام ....
لو كنت محلو بنزل ابل بوءت لأنو اكره شي عليي يلي بكون جايا آخر واحد و بدو يفشخ و يطحش عالصف الاول.

[الوسام]

ذاكر يا ندور يوم الجمعة وقتل اخدوا بالعجقة ... أكيد ما فيك تنسا ههههههههه
بس عنجد عادة منا حلوة أبدا

[أبو عائشة]

ولك يا أمير الشباب كأنك كنت معنا مبارحة على صلاة العشاء في المسجد البحري وحصل مثل هذا الموقف مع أحد الإخوة الذي حاول تخفيف الضغط الجسدي عن المصلين بابتسامته العريضة التي وزعها عليهم يمينا وشمالا لأن أكثرهم كما قلت أجسادهم ليست باتجاه القبلة بل باتجاهه هو...
موضوع بمحله بارك الله بك يا مبارك

[المبـــارك]

ولك يا أمير الشباب كأنك كنت معنا مبارحة على صلاة العشاء في المسجد البحري وحصل مثل هذا الموقف مع أحد الإخوة الذي حاول تخفيف الضغط الجسدي عن المصلين بابتسامته العريضة التي وزعها عليهم يمينا وشمالا لأن أكثرهم كما قلت أجسادهم ليست باتجاه القبلة بل باتجاهه هو...
موضوع بمحله بارك الله بك يا مبارك

الله يبارك فيكم أخي أبو عائشة...

عنجد صارت معك مبارح عصلاة العشاء؟؟ الله يهدي لهذا الشخص.. معو سيارة حمراء متل سيارة صاحبنا ما هيك؟

على كل حال هذه عادة سيئة ودائما نعاني منها علماً أن الرسول صلى الله عليه وسلم نهى عن إزعاج المصلين بتجاوزهم فكيف أن يحشرهم ويضيق عليهم؟؟ أصلا لا تركيز ولا خشوع بالصلاة !!

[المبـــارك]

مينوا هادا ؟
بس اكيد ما بجوز بشكل عام ....
لو كنت محلو بنزل ابل بوءت لأنو اكره شي عليي يلي بكون جايا آخر واحد و بدو يفشخ و يطحش عالصف الاول.

ندور قريبا لح تعرف مينو هذا الشخص... فهو للأسف من رواد المساجد والنائمين داخلها... هههههههههههههههههه

بارك الله بك هذه هي الطريقة السليمة..

أخي وسام مشكور عمرورك...

[Nader 3:16]

ذاكر يا ندور يوم الجمعة وقتل اخدوا بالعجقة ... أكيد ما فيك تنسا ههههههههه
بس عنجد عادة منا حلوة أبدا

ههههههههه ، تنذكر وما تنعاد.....لأنو المرة الجاية رح نطحش و نوأف ادّامون....!

[Nader 3:16]

بس للأخ مبارك (انما الاعمال بالنيات)
فإذا كانت نيتك التحذير من هالعادة السيئة فباارك الله بك
اما اذا كان هدفك تسمع حكي ع فلان او ..... ف (انما لكل امرئ ما نوى)

[المبـــارك]

بس للأخ مبارك (انما الاعمال بالنيات)
فإذا كانت نيتك التحذير من هالعادة السيئة فباارك الله بك
اما اذا كان هدفك تسمع حكي ع فلان او ..... ف (انما لكل امرئ ما نوى)

فعلا أخي نادر الهدف التحذير من هذه العادة السيئة لأنها تتكرر سواء معي أو مع غيري... لكن قصة صاحبنا وما فعله بالمصلين جعلتني أستوحي هذا المشهد..

بس متل ما بقولو إخوانا السوريين.. يلي في مسلة بتنخزو...

وأنا لن أقول إسم هذا الشخص كي لا يكون تسميع حكي ع فلان لكن قربت المشهد من مواصفاته كي يعرف بينه وبين نفسه أنه هو المقصود.. فحبينا نوضحلو الصورة بطريقة ليست هجومية.. بل بطريقة جميلة مثل الفلاشات الصغيرة كي نُفيد ونستفيد..

إلا إذا كان شجاعاً وأراد أن يعترف بخطئه بالعلن فهذا من شيم الرجال والفضيلة...

بس أول ردة فعل لك يا ندور كانت : مينو دا؟... صحيح؟ فأنت من أراد ان يعرف إسم صاحبنا.. وإنما لكل امرئ ما نوى..

[أبو عائشة]

إلا إذا كان شجاعاً وأراد أن يعترف بخطئه بالعلن فهذا من شيم الرجال والفضيلة...
[/B][/RIGHT]

بس يا أخ مبارك إذا ابتليتم بالمعاصي فاستتروا...صحيح هذه ليست معصية لكن التستر أفضل..
المهم أن يتعظ ولا يعاود عمله الذي ينفر من بقربه في الصلاة..
ملاحظة: هناك صنف آخر بعكس هذا الفعل
فهناك من يقف ويفتح رجليه وكأنه يتدرب كاراتيه ويريد أن يفسخ وذلك حتى لا يقترب منه أحد من المصلين...

[المبـــارك]

بس يا أخ مبارك إذا ابتليتم بالمعاصي فاستتروا...صحيح هذه ليست معصية لكن التستر أفضل..
المهم أن يتعظ ولا يعاود عمله الذي ينفر من بقربه في الصلاة..
ملاحظة: هناك صنف آخر بعكس هذا الفعل
فهناك من يقف ويفتح رجليه وكأنه يتدرب كاراتيه ويريد أن يفسخ وذلك حتى لا يقترب منه أحد من المصلين...

صحيح ولكني وضعت إبتسامة بعد الجملة كي تُفهم على أنها مزحة وتزريكة على أخونا الله يستر عليه...

ما بدنا نعدد الأصناف لكن الفكرة هي أن يراعي الإخوة غيرهم أثناء الصلاة...

عم يفسخ بدو يلبط شي حدا يعني؟ بس ما ينخزق البنطلون ساعتها مصيبة...

[أمين أحمد الحاج محمد]

عنجد موضوع شيق جداً ... الله يوفقك يا مبارك ... كل يوم مر عأبو وفاء قصدي أبو عائشة لا تواخذونا ... ونسقو مع بعضكن المواضيع ولا تنسو الإقتباس من واقع الضيعة كل الأمور المهمة والأساسية متل هالموضوع ...
يا زلمة والله المنتدى بلاكن ما بيسوى شي...
عنجد
عنجد عنجد
عنجد عنجد عنجد
خلص ما بقا فيني كمل ما بقا عم يطلع معي حكي

[المبـــارك]

عنجد موضوع شيق جداً ... الله يوفقك يا مبارك ... كل يوم مر عأبو وفاء قصدي أبو عائشة لا تواخذونا ... ونسقو مع بعضكن المواضيع ولا تنسو الإقتباس من واقع الضيعة كل الأمور المهمة والأساسية متل هالموضوع ...
يا زلمة والله المنتدى بلاكن ما بيسوى شي...
عنجد
عنجد عنجد
عنجد عنجد عنجد
خلص ما بقا فيني كمل ما بقا عم يطلع معي حكي

يعني حكي حكي حكي كلو ما لو طعمة...

حبيبي أمين ما قلتلنا رأيك بتصرف صاحبنا... ولا إنت مع إنو الواحد يطحش ويزعج الآخرين؟؟ لأنو هكذا شعرت من خلال استهزائك (كالعادة)..

[aboo nizar]

hale2 3reft min

[aboal3marayn@yahoo.com]

مبارك كان افضل لو حكيت الزلمه بعد الصله واذا كان اكبر منك وما الك عين تحكي كان عليك تؤل لحدا كبير يحكي وعنجد اول مره بنزعج منك بدك ما تواخزني بس بتعرفني ما بحب احكي بي غياب الشخص هاد الشي يلي مفكرينو مزح عيب يعني لو حدا من يلي شاركو وبيعرفو الزلمه نصحو كان احسن

[أبو عائشة]

عنجد موضوع شيق جداً ... الله يوفقك يا مبارك ... كل يوم مر عأبو وفاء قصدي أبو عائشة لا تواخذونا ... ونسقو مع بعضكن المواضيع ولا تنسو الإقتباس من واقع الضيعة كل الأمور المهمة والأساسية متل هالموضوع ...

يا زلمة والله المنتدى بلاكن ما بيسوى شي...
عنجد
عنجد عنجد
عنجد عنجد عنجد

خلص ما بقا فيني كمل ما بقا عم يطلع معي حكي

مشكور أخ أمين على نصيحتك وإن شاء الله سنأخذها بعين الاعتبار
ونتمنى منك أن تتعاون معنا بمثل هكذا أمور
لنسعى مع بعضنا لتصحيح الخطأ
وما دمنا لم نذكر شخصا فهذه ليست غيبة وتنقيص من شخص بعينه
كقوله صلى الله عليه وسلم:ما بال أقوام....
لكن أخ أمين لم أعرف لماذا تقصدت أن تقول أبو وفاء
فكان باستطاعتك حذفها بدل الاعتذار فهي مقصودة
لكنني لم أعرف ما الهدف منها

[المبـــارك]

أخي ابو العمرين بعتقد أبو عائشة جاوب عني الله يوجهلو الخير...

وبالنسبة لإنزعاجك، روق أعصابك وروح خود على حسابي بوظاية من عند مش معقول على حسابي... هههههههه

خدها بروح رياضية يا زلمة... قلت سابقا أن المشهد مثل الفلاش، يعني بدال ما يكون فيديو صغير يتكلم عن هذه العادة السيئة لنتعلم من أخطائنا، حولنا إلى كلام لعدم توفر القدرات لتصوير المشهد..

[ألعمعوم]

فكره حلوه وسديده ولاغبار عليها وارجو بان تكون النصيحه وصلت الى صاحبها عن هذه الطريق والإسم غير مذكور فالنيه حسنه إن شاء الله تعالى
عشت أميرأميراً للشباب