هل تتزوج بنت لها قصة حب سابقة ?

[الحجر]

بسم الله الرحمن الرحيم

السلام عليكم ورحمة الله وبركاته.

أنا عندي سؤالبن دائما بدورو ببالي، فحبيت إطرحن للمناقشة وأعرف رأي كل عضو في المنتدى.

1-هل تقبل بالزواج من بنت لها قصة حب سابقة ؟

2-هل تقبل الزواج من فتاة كانت مخطوبة من قبل؟

بدي إسمع الرد من الشباب والفتيات وووجهات النظر والخلاف .

أولا :لاتتهرب أو تتهربي من الإاجابة لأانك واقع أوواقعة لامحالة
تانيا :أعذروني إن كان الموضوع محرجا بعض الشئ.

[مصطفى معتوق]

الموضوع غير محرج لأنه يحاكي واقع مجتمعنا واي شاب او فتاة منا قد يتعرضون لمثل هذا الموقف .
انا من جهتي لا امانع ان اتزوج من فتاة لديها قصة حب سابقة او ان كانت مخطوبة او حتى ان سبق لها الزواج .
بنظري المرأة هي عبارة عن كتلة من المشاعر والاحاسيس ويحق لقلبها ان يعشق وان يهوى وعلينا احترام رأيها وقرارها فيما يتعلق بأمورها الشخصية لا سيما امور الخطبة والزواج . الى متى سنبقى نعتبر المخطوبة السابقة او المتزوجة السابقة او العشيقة السابقة مذنبة مع العلم انها في اكثر الاحيان تكون اكثر وفاء منا نحن الرجال الشرقيين.
الحب ليس جريمة ولا الخطبة ولا حتى الزواج الفاشل فحدوث شيئ من هذه الامور لا يلطخ شرف الفتاة بالعار. انما قد يساعدها على ان تكون اكثر دراية وخبرة بالحياة ومطباتها الصعبة العديدة .
بالنسبة لي التربية والاخلاق هي المعيار الوحيد لاختيار الشريكة طبعاً بالاضافة الى بعض الجمال على ان يكون هناك اتفاق ان لحظة القران حي صفحة جديدة بحياتنا تطوي كل ما قبلها .

[دوكر]

الله معك يا معلم معتوق .........يعني معإنك بالسياسة مفني اسمعلك .....و بالعقيدة ما فيني شوفك ....بس بالحياة بحب ؤرا نظراتك و احيان بوفأك........
يعني هلأ كلامك جواهر.......
انا من جهتي ازا كانت البنت مرإت بي ؤصة حب و فشلة معندي مانع اني ارتبط فيا .....بس انو تكون كانت كل يومين بي ؤصة حب و كل يومين عم تحكي مع شب فا اكيد لأ.....
انو متل ما ألك المعلم معتوق انو المرا عندا مشاعر .........عجبا شب شفيا .......حبتو ......بس صار مشاكل بيناتون و نسيتو من شي خمس ست سنين......شبنعملا ما حدا بيوخدا ؟؟

بس سمحلي يا خي المظلوم و لي شكلك ظالم بي افكارك ......انو ايشوا زنب واحدة نخطبت و ما صار نصيب و فسخة الخطيبة ايشوا زنبا انو محدا يوخدا ؟؟؟؟؟؟؟؟
انو فهمنا مبدك توخد واحدة غرإت بالحب ........بس واحدة نخطبت؟؟؟؟؟؟؟
اخوكم دوكر المعوكر

[Salim]

الموضوع غير محرج لأنه يحاكي واقع مجتمعنا واي شاب او فتاة منا قد يتعرضون لمثل هذا الموقف .
انا من جهتي لا امانع ان اتزوج من فتاة لديها قصة حب سابقة او ان كانت مخطوبة او حتى ان سبق لها الزواج .
بنظري المرأة هي عبارة عن كتلة من المشاعر والاحاسيس ويحق لقلبها ان يعشق وان يهوى وعلينا احترام رأيها وقرارها فيما يتعلق بأمورها الشخصية لا سيما امور الخطبة والزواج . الى متى سنبقى نعتبر المخطوبة السابقة او المتزوجة السابقة او العشيقة السابقة مذنبة مع العلم انها في اكثر الاحيان تكون اكثر وفاء منا نحن الرجال الشرقيين.
الحب ليس جريمة ولا الخطبة ولا حتى الزواج الفاشل فحدوث شيئ من هذه الامور لا يلطخ شرف الفتاة بالعار. انما قد يساعدها على ان تكون اكثر دراية وخبرة بالحياة ومطباتها الصعبة العديدة .
بالنسبة لي التربية والاخلاق هي المعيار الوحيد لاختيار الشريكة طبعاً بالاضافة الى بعض الجمال على ان يكون هناك اتفاق ان لحظة القران حي صفحة جديدة بحياتنا يطوي كل ما قبلها .

أنا أوافق الأخ معتوق في كل ما كتبه. أود أن أضيف أننا دائماً نتكلم عن البنات ونترك الشباب وكأن على رأسهم ريشه. هذا معيب جداً. أنا أعرف شباباً في القلمون كان لهم صاحبات في الخارج وقاموا بكل ما تشتهيه أنفسهم من ملذات و قد فوجئت أنهم حين عادوا الى القلمون بدأوا بالإشتراط كيف يجب أن تكون زوجاتهم ولم يعجبهم عجب. حتى أن بعضهم تزوج من محجبات دون أن يسأله أحد عن ماضيه...

[مصطفى معتوق]

الله معك يا معلم معتوق .........يعني معإنك بالسياسة مفني اسمعلك .....و بالعقيدة ما فيني شوفك ....بس بالحياة بحب ؤرا نظراتك و احيان بوفأك........

يعني انا بتشكرك يا دوكر المعوكر وبحيي عندك روح الصراحة كنت حابب مرئلك ياها بس ما بتمرؤ لازم تعرف انو انا لمن بحكي بالحياة او بأي موضوع تاني فالمرجع بالنسبة الي عقيدتي يلي مافيك تشوفها ولمن بتصرف بالمجتمع فمن خلال سياستي يلي ما فيك تسمعها.
نحنا العقيدة عنا هي يلي بتعلمنا كيف نتصرف وكيف نفكر وكيف نكتب وكيف نحب وكيف نعبر عن مشاعرنا بالسياسة وبغيرها

[دوكر]

هع هع هع...يا معلم معتوق انا بظن انو حكيك بي الحياة مرجعه الاساسي تربية بالبيت و الضيعة و يمكن شوية اخلاقيات بي مخيمات القومية...بس هدا ما لو علاءة بي افكارك لي عم تكتسبا بعدين...

[الحجر]

والله يا أخ دوكر أنا متل رأيك ورأي الأخ معتوق مفي أي مشكلة عندي، بس أنا حابب أعرف رأي الأعضاء ب هل الموضوع لأنو أنا سامع بعض الإخوة آراؤن كتير شريرة .وبدي إسمع آراء فتيات المنتدى يلا

[HARD]

-هل تقبل بالزواج من بنت لها قصة حب سابقة ؟

حسب القصة

-هل تقبل الزواج من فتاة كانت مخطوبة من قبل؟

لا يوجد مشكلة بشكل عام

[Salim]

والله يا أخ دوكر أنا متل رأيك ورأي الأخ معتوق مفي أي مشكلة عندي، بس أنا حابب أعرف رأي الأعضاء ب هل الموضوع لأنو أنا سامع بعض الإخوة آراؤن كتير شريرة .وبدي إسمع آراء فتيات المنتدى يلا

الظاهر اسم ظالم بيلبقلك اكتر

[الحجر]

ولك إنتو عم تظلمون يا جماعة قال إلي بيعرف بيعرف ولي ما بيعرف بقول كف عدس

[wishes]

بالأول كنت مفكرة إنو الموضوع رجالي بس طالما طلبت اراء البنات اسماع:
بهالإيام صار قليل تلاقي بنت ما عندا قصة حب سابقة أو عالأقل تجربة بهالموضوع. بس في فرق بين الحب الطاهر و الحب من النوع الاخر فإذا كان الحب طاهر وين المشكل؟
ليش الشب مسموح يعشق و يحب قبل ما يتزوج و نحنا البنات محرم علينا هالشي؟

[مصطفى معتوق]

بالأول كنت مفكرة إنو الموضوع رجالي بس طالما طلبت اراء البنات اسماع:
بهالإيام صار قليل تلاقي بنت ما عندا قصة حب سابقة أو عالأقل تجربة بهالموضوع. بس في فرق بين الحب الطاهر و الحب من النوع الاخر فإذا كان الحب طاهر وين المشكل؟
ليش الشب مسموح يعشق و يحب قبل ما يتزوج و نحنا البنات محرم علينا هالشي؟

كلامك جواهر وبيدل على وعي بس المشكلة فيكي انو الوعي تبعك مقتصر على الامور الاجتماعية يا ريت بتصيري بتفهمي السياسة بنفس الطريقة يلي عم تفهمي فيها الحياة
شكراً على المشاركة الرائعة

[wishes]

شكرا" يا معتوق عنص كلامك الحلو أما النص التاني لازم تغير رأيك فيه مع الإيام

[مصطفى معتوق]

شكرا" يا معتوق عنص كلامك الحلو أما النص التاني لازم تغير رأيك فيه مع الإيام

طموحي بالحياة اني غير الايام وخليها تصير متل كلامي
نحن الايام ما بتغيرنا يا اماني لاننا رجال مبادئ ومواقف وعنا رسالة بدنا نأديها
يمكن بهالحياة نصادف اشخاص تنفر منا بسبب الرسالة ويمكن بعض الاشخاص يلي نفرت منا تترك بقلبنا اثر غميييييييييييق من الحزن والاسى يلي ما بينتسا بس منضل على مبادئنا وما منحيد عنها لاننا صخرة من صخور ارض الوطن الغالي يلي انا كتير مشتقلو ورح زورو بعد كم يوم بس للاسف مش رح اقدر زوركن بالقلمون فزيارتي رح تقتصر على دمشق فقط
في نوعين من الناس يا اماني يلي بتحبي علم النفس وهن رجال بتصنع التاريخ وازلام تصنعها الاحداث وطموحي من هالاحياة اني كون من الفئة الاولى. يمكن الحلم كبير والهدف بعيد بس من سار على الدرب وصل.
وبعد اخر قصة صارت معي ولمن قلتلكن انو رح اتفرغ للسياسة وشرفت نارة خانوم وهي عم تمزح (مش رح قول عم تتقل دمها لان دمها خفيف) وسالتني ازا كنت رح انزل على النيابة فانا كان اصدي انو بهالدنيا وبعد ما خصرت اعز انسان ما بقا عندي استعداد اتحمل نكسة تانية واخصر وطني . فكل اهتمامي رح ينصب عليه نحن منتكل على الله وهو نعم الوكيل فيا منوصل للهدف المنشود او نموت دون ذلك
دمتي

[Salim]

طموحي بالحياة اني غير الايام وخليها تصير متل كلامي
نحن الايام ما بتغيرنا يا اماني لاننا رجال مبادئ ومواقف وعنا رسالة بدنا نأديها
يمكن بهالحياة نصادف اشخاص تنفر منا بسبب الرسالة ويمكن بعض الاشخاص يلي نفرت منا تترك بقلبنا اثر غميييييييييييق من الحزن والاسى يلي ما بينتسا بس منضل على مبادئنا وما منحيد عنها لاننا صخرة من صخور ارض الوطن الغالي يلي انا كتير مشتقلو ورح زورو بعد كم يوم بس للاسف مش رح اقدر زوركن بالقلمون فزيارتي رح تقتصر على دمشق فقط
في نوعين من الناس يا اماني يلي بتحبي علم النفس وهن رجال بتصنع التاريخ وازلام تصنعها الاحداث وطموحي من هالاحياة اني كون من الفئة الاولى. يمكن الحلم كبير والهدف بعيد بس من سار على الدرب وصل.
وبعد اخر قصة صارت معي ولمن قلتلكن انو رح اتفرغ للسياسة وشرفت نارة خانوم وهي عم تمزح (مش رح قول عم تتقل دمها لان دمها خفيف) وسالتني ازا كنت رح انزل على النيابة فانا كان اصدي انو بهالدنيا وبعد ما خصرت اعز انسان ما بقا عندي استعداد اتحمل نكسة تانية واخصر وطني . فكل اهتمامي رح ينصب عليه نحن منتكل على الله وهو نعم الوكيل فيا منوصل للهدف المنشود او نموت دون ذلك
دمتي

كلامك غامض كثير يا رفيق معتوق. ممكن توضح لي شو هي رسالتك وشو اللي حتعملو حتى تقوم بالتغيير. بعدين شو طبيعة العمل السياسي يللي حتقوم في؟

[مصطفى معتوق]

كلامك غامض كثير يا رفيق معتوق. ممكن توضح لي شو هي رسالتك وشو اللي حتعملو حتى تقوم بالتغيير. بعدين شو طبيعة العمل السياسي يللي حتقوم في؟

بما انك بتعرف اني رفيق فبعتقد رسالتي صارت واضحة اما الغموض بالكلام فهو لايصال الرسالة لشخص دون اخر وهيدي من قواعد البلاغة اما بالنسبة للعمل السياسي فانا مني نازل على الانتخابات قولة نارة خانوم حتى حطلك برنامج سياسي بس على كل حال رح لخصلك اياهن بكلمتين صغار
ما تفسرن على ذوقك خلي حدن قومي يفسرلك ياهن وهن تحيا سوريا

[دوكر]

الله معك يا ست وشيز .....كلامك مظبوط و مدوزن.....
ليش عنا بالألمون ....الشب كل شبابو بأضي عشق و غرام بالألمون و براتا .....و روحات و طلعات ....و تنخيز ع الصبيا.....و هو و بدو يتزوج ......بيأيبل ع بنت ما عندا ؤصة حب لأنو شريف كتير...........
ما عم ؤل انو لازم يكون عندا ؤصة حب .......لأ ما ضروري ..........
بس وين المشكلة ازا كانت بتحب شب ..............و رجع ما صار نصيب...........
اخوكم دوكر المعوكر

[Salim]

بما انك بتعرف اني رفيق فبعتقد رسالتي صارت واضحة اما الغموض بالكلام فهو لايصال الرسالة لشخص دون اخر وهيدي من قواعد البلاغة اما بالنسبة للعمل السياسي فانا مني نازل على الانتخابات قولة نارة خانوم حتى حطلك برنامج سياسي بس على كل حال رح لخصلك اياهن بكلمتين صغار
ما تفسرن على ذوقك خلي حدن قومي يفسرلك ياهن وهن تحيا سوريا

هلأ تحيا سوريا صارت الدواء لكل مشاكلنا؟؟ وضح لي. بعدين شو هلعمل السياسي يلي حتقوم في وانت قاعد بالبيت؟ أعني لا بدك تشارك بانتخابات ولا تصير نائب فكيف بدّك تغيّر

[مصطفى معتوق]

هلأ تحيا سوريا صارت الدواء لكل مشاكلنا؟؟ وضح لي. بعدين شو هلعمل السياسي يلي حتقوم في وانت قاعد بالبيت؟ أعني لا بدك تشارك بانتخابات ولا تصير نائب فكيف بدّك تغيّر

احاول في هذه الليلة ان لا اكون جدي الا انك تدفعني نحو الجد .
يا عزيزي طلبت منك ان تتطلع على معنى كلمة تحيا سوريا قبل ان تحكم عليها ثانياً ليس هذا المكان الصحيح لهكذا نقاش فمكانه في الساحة السياسية وانت قد اتيت متأخراً اذا راجعت الارشيف تستطيع ان تجد الكثير من النقاشات حول هذا الموضوع.
اما فيما يتعلق بالعمل السياسي فكل الامور المتعلقى بالشأن العام هي سياسة ولييس السياسة حكر على من يدعون العمل بها
بالمناسبة ان كنت تريد معلومات اكثر فراسلني بشكل خاص كي اساعدك بالحصول على بعض المراجع التي قد تكون مفيدة لك

[dania]

1-هل تقبل بالزواج من بنت لها قصة حب سابقة ؟

والله انا شايفة البنت الي ما عاشت ولا قصة حب حقيقي هي الي عم تنترك نعيش وحيدة بدون زواج
والي ما خلت شب ما حكيت معوا هي الي نصيبا انها تتزوج ويصير عندا ولاد وعيلة والحسرة على البنت القادمية شو ذنبا اذا كانت مترابية واخلاقها عالية مع انو الحب مش عيب احلى شي بالدنيا

2-هل تقبل الزواج من فتاة كانت مخطوبة من قبل؟

وليش لاء ؟؟ ما اله نصيب من الاول اكيد مش حرام تنخطب مرة تانية. بها الايام المرأة المحترمة بتتزوج وبطلق بترجع بتتزوج رفيق زوجها بترجع بطلق وبترجع لزوجها الاول . ههههه والله دنيا

وعلى فكرة ما كنت بدي ادخل بالموضوع افتكرتوا للرجال بس انتو طلبتوا رأي البنات

دانيا

[wishes]

اهلا بالسيد دوكر صرلك زمان ما بينت و الله المنتدى ما إلو طعم بلاك
بدي هني دانيا عحكيا المظبوط مية بالمية
والله بالقلمون ما بأ يحلى بعين الشباب إلا البنات يللي عندن ماضي أسود مع بعض الاستثناءات أكيد.

[dania]

بدي هني دانيا عحكيا المظبوط مية بالمية


thank you wishes.

[مصطفى معتوق]

يسلم هالتم يا دانيا
مشكورة على الرأي السديد

[na3nou3]

أنا ما بشم وردة مشمومة قبل يعني ما باس تمة غير أمة
قصة حب كل حكي فاضي أصلا لحب يأتي بعد الزواج
و شكرا

[الزاهر]

سلام جميعا!!!!
هلأ أنا ما أريت الموضوع كلو......بأراه عشية ويمكن يتغير ردي!!!
بس للوهلة الأولى......ما عندي مشكلة......بيكون عندها خبرة وتجربة أكتر مني!!!!......ليش لا!!!.....

سلام

[فيصل]

صلو على النبي
هيك قصص قديمه أنا بقول أنو هيدي القصص قديمه وبس للطايشين أصلآ بس تتجوز الواحد بتنسا الحب و غيرو و بس يأرجيها الرجال شويت دهب أو شويت مصاري بتنسا الواحده الحي ولك هي أهلها بتنسيهن

[Mirror]

بس ما يكون عندها علاقات

[Nader 3:16]

انا بفضل انو ما يكون عندها لا قصة حب ولا قصة ليلى و الذئب

و كمان ما بفضل تكون مخطوبة!!!!!

و لكل انسان رأي!!!

[الزاهر]

أخي نادر......كلنا منفضل هيك.......لكن السؤال.....هل تقبل الزواج......؟؟؟؟
مش هل ما بتتزوج إلا!!!.......ما هيك يا أبو الندر......يعني ممكن ترجمة السؤال على الشكل التالي.....حسب اعتقادي........هل عندك مشكلة إنو تتزوج إلخ إلخ إلخ!!!!

[دوكر]

يا هلا بست وشيز....مرسي ع الترحيب...
لي بدي ؤلو و بكل اختصار...
بنت كانت تحب او كانت مخطوبة مفي مشكل ...بس بنت بتوأف مع شباب...إكس كبيرة...