عجائب الكيمياء!!!!

[Nader 3:16]

منّو عيب اتفضل اشرحلي...

انا يلي فاهمو من النسبية انو ما في حركة حقيقية لكتلة ما...و يضرب المثل انو انا ثايت بالنسبة للقطار في سيره بينما انا اتحرك بالنسبة لرجل واقف خارج القطار...

ما بعرف كنّي فاهم غلط...

اماّ بالنسبة للكتلة و الطاقة و التحول..فما بعرف اصلاً اذا كان الها علاقة بالنسبية و لذلك كتبتها بسطر وحدها!!!!

ناطرك تشرحلي ...................................

[عمار الفلو]

بعد محكيت عن الكيمياء بالمرة الماضية , هلأ صاؤ لازم نحكي عن الرياضيات

فهو طبيعي أداة للفيزياء و الفيزيائيين بأغلبية المرات هن يلي عملوا أهمية للنظريات الرياضية أو هن السبب في وجودها أصلا

أما بالنسبة للرياضيات فهو خيال بلا تطبيق على الواقع

و هذا يعني أنو لمّا مثلا لمن بيطلع جوات الزمن سلبي ( negatif ) بيكون آخر همو أما الفيزيائي فبيقول أن الجواب ليس له قيمة ( من الناحية الفيزيائية )
أو مثلا لما بيكون عم يعمل حساب للطاقة ( Energie ) وبيطلع الجواب infinie بتلائي مكمل و منها فارقة معو , مع إنو لو بيفكر بيعرف إنو مفي شي مبينهي

و في كتير أمثلة بيكون الجواب الرياضي مفي أهين منو بس بيكون جوابنا نحنا الفيزيائيين أنو هذا الجواب ليس له قيمة فيزيائية ( solution qui n'a pas de sens physique )
يعني نحنا منتخيل و منشوف الواقع أيضا , القصة منها بس فلسفة و خيال

و الله من وراء القصد و هو يهدي إلى سواء السبيل

[fadi]

بس بيكون جوابنا نحنا الفيزيائيين

شو يا أخ عمّار أيمتن اينشتاين و نيوتن وباسكال جارتنا الخ الخ ضمّوك لهن
و ويننّا نظرياتك و هل نظرياتك صحيحة
والله بها الأيام اذا كان الواحد دكتور ما الوا عين يقول انّوا دكتور فمن وين حطّيت حالك مع الفيزيائيين
و أنا لم اقرأ كل الموضوع فمفيني علق عشي

[وسيم أحمد الفلو]

أخي نادر صار لازم إفتح موضوع عن النسبية ونظرية الحركة

بس رح بلش بتوضيح بسيط:

أكيد الحركة نسبية وإنت إلي قلتو موجود من إيام نيوتن، بس بعد ظهور نظرية القوى الكهرومغناطيسة صار الناس إنو ممكن يكون في مرجع ثابت فينا ننسب كل الحركات لإلو.

وبناء على تجارب عديدة وخاصة تجربة ميكلسون-مورلي تبين خطأ هذه الفرضية، وتبين أن سرع الضوء هي ثابتة مهما كان المرجع (يعني إذا كن واقف ولا ماشي الضوء بيدلو أسرع منك ب 300000 كم/س).

ومن هيك إجا عمك أينشتين وقال إنو الواحد مش ممكن يعرف إنو واقف ولا متحرك بأي مرجع غير متسارع (في النسبية الخاصة ومن عمم في النسبية العامة) مهما كانت التجربة المستخدمة من دون النظر إلى مرجع آخر.

من هيك طلع مع أينشتاين إنو الوقت بيطول والطول بيتقلص.

والسلام عليكم

[Nader 3:16]

حلو ....مشكور عالمعلومات....
الله يبعتلكم واحد متل انشتاين!!!!

بس مين هو الذي قال انو الكتلة تتحول الى طاقة؟؟(اشرحلي هذه الفكرة يا عكيد وسيم)



سؤال جانبي:لو لو لو

لو كنت فرضاً فرضاً ماشي بسرعة اسرع من الضوء و معي ضوء بإيدي و ضوّيت الضو وين بروح الضوّ؟؟؟

هلء ما تقلي مستحيل تصير ...بعرف انها مستحيلة بس انتو ممكن تتنبأوا فيها قبل ما تصير!

[وسيم أحمد الفلو]

كنت فرضاً فرضاً ماشي بسرعة اسرع من الضوء و معي ضوء بإيدي و ضوّيت الضو وين بروح الضوّ؟؟؟

بالنسبة لنظرية النسبية الخاصة فهذا مستحيل، ولكن يوجد بعض الفيزيائيين الذين قالوا بغير ذلك (مثلاّ ميشيو كاكو في كتابه "أسرع من الضوء").

وما طرحته أنت هو الذي فكر به أينشتين عندما كان صغيراً وتساءل إذا سبقت الضوء فكيف أرى الأشياء.

بالنسبة للكتلة والطاقة فيجب أن نعرف الأمور لنفهم أكثر، ومفهوم الكتلة والطاقة مبهمين عند الناس وحتى عند الفيزيائيين.

لكن فكرة تحول الطاقة إلى جسم هي كذلك نتيجة لنظرية أينشتين، فبما أن سرعة الضوء ثابتة وبما أنه لا يمكن لجسن أن يسرع أكثر من الضوء، فإن الجسم كلما إزدادت سرعته كلما إزدادت كتلته وبالتالي فهناك علاقة بين الطاقة الحركية (Energie Cinetique( والكتلة.

وين هشام تيصححلنا

[Nader 3:16]

ولك يا اهلين بالمعلم وسيم هلء صرت عم تعجبني!!!!

بس بالاول وقت كنت عم تتهجم على اجمل علم بالدنيا ما عجبتني بنوب