أعطوا رأيكم بأسلوب التطور....

[فشلان]

أول الشي السلام عليكم...
تاني الشي... بدي أعرف... من أول ما طلعت الصفحة لحد اليوم.. ما عم شوف شي عم يزيد ولا شي عم ينقص... يعني بالعربي الفصيح واقفة بأرضها.... ورافعة فرام الإيد كمان...
ما رأيكم إنو لازم نرفع دعوة على الإدارة بالضمة، وننصب مشنقة لها بالفتحة إذا ما ردت، ونجرها بالكسرة.. وآخر الشي نعربها في محل خبر كان.... أو إنو لازم نشوف شي جديد.. حركات جديدة... يا عمي معليش بس بالشكل... بس كل الصفحات بتلاقيها كل فترة بتعمل تجديد.. وهيك شغلات.. ما بعرف ليش نحنا مكربجين هيك وما عم نمشي...
أنا بطلب من الأخ الشامي يعطيني رأيو بالموضوع.. ومش بس من الشامي... من كل مين عندو رأي بالموضوع.......
هل صار الوقت يلي لازم تتطور فيه الصفحة أو لأ؟؟؟

[الشامي]

السلام عليكم ..
صحيح أن المشاركة من فشلان ولكن تم تثبيتها للأهمية ...

جزاك الله خيرا خيي فشلان على طرح هذا الموضوع ...

على كل حتى نكون ايجابيين .. ونتعلم من تجربتك مع الفشل .. فنكون ناجحين.. نريد أن نخطو خطوات مدروسة ، يعني نتأخر نعم ولكن نكون قد جهزنا لكل قسم ما يناسبه...

طيب أنا أقترح أن يكون النقاش هنا حول أمور أراها مهمة لتطوير الموقع من كل الجوانب ..

1- فتح قسم خاص بالمنتدى هدفه جمع طاقات الأعضاء للعمل على الدعم والتطوير والتنظير والتنفيذ والتخطيط والتطبيق...
2- أن نسير خطوة بخطوة، الأولى فالأولى (يمكن تحديد الأولويات فيما بعد).
3- الدعاية والإعلان والبانرز (من داخل القرية وخارجها) والتصوير والتوزيع (من داخل القرية في حالة الإستفتاءات أو الإحصاءات ووو ) .
4- العمل التقني والتحضير للمقابلات ( يشمل فريق تحضير الآلات وما يلزم عند المقابلات ووو .. وهذا الفريق يجب أن يكون من داخل القرية وهو شبه جاهز )
5 - العمل التحضيري للأخبار والإستفتاءات والإحصاءات والمقابلات وباقي محتويات المواد في كافة الأقسام (تحضير المادة وليس التحضير التقني وهذا يمكن أن يكون من داخل القرية وخارجها)
6 - البرمجة (وهذا أيضا لا بد من اشتراك كافة الطاقات للإنتهاء من برمجة باقي الأقسام في الموقع).

لذا أدعو كل إخواني ممن يملك المواهب في مختلف المجالات أن لا يبخل على الموقع بها ...

ويا ويل اللي قلبو (قاسي) ...

وهيك خيي فشلان منكون ان شاء الله وضعنا خطوط عريضة لبداية النجاح، (وإيد واحدة ما بتزئفففففف)...

أخوكم

[الشامي]

السلام عليكم ...

فقط للرفع للأهمية ...

شو خيي فشلان وين هربت ....
وينكم يا شباب شاطرين بس بالإعتراضااااات ووقت بيصير وقت الجد كللو بيختفي


أخوكم

[HARD]

نعم انا مع تطوير الصفحة ولكن نريد كادر بيفهم بالموضوع انا مستعد ساعد يعني بفهم نتفه بالتصميم والبرمجة وانا مستعد ساعد لاخر درجة ولكن ليس لوحدي يعني على الاقل نص واحد معي حتى نصبح واحد يعني بدي نصي التاني معلوم خي شامي

[عمر ملاط]

ولو يا أبو الشباب.... إنت نص؟ يا عيب الشوم.. ولك إنت ولا شي... عفواً قصدي إنت القصة كلها... عم تحكي بالنصاص... يا أخي وأنا مستعد ساعد بكل طاقتي... أنا مثلاً فيك تعتبرني نص.... الله يسامحك....
المهم خلينا نرد على السيد فشلان.... ترى في بيني وبينو سجالات.. ومعارك...
مرحباً معلم... بس بدي افهم: إنت نجحت بالفشل؟ ولا بس حاطو شعار؟؟ بس على فكرة نجحت بشغلة منيحة كتير.. وهي اختيارك للموضوع...
على كل حال.. الفكرة كتير حلوة... خلوني بس أقعد مع حالي شوية.. وبشوف شو بيطلع معي.. لأنو هلأ تارك حالي بعيد عني شوية.. ههه.. بتعجبك هادي معلم فشلان.... الله يرحم إيام المسيرات... معناها كنت تشارك فيها... والله نيالك سمعت صوتي... كان راح عليك شي كتير والله.......
أخي الشامي لا تزعل... كل من سار على الدرب وصل... بس بدنا نسير... ما بدنا نشحط فرام الإيد قولة فشلان... خلص لكن مني شوية أفكار... وإن شاء الله بساعد بالبرمجة كمان... ولا يهمكن... أحلى شباب...

[الشامي]

السلام عليكم ...

أهلين بالشباب .. نص ونص بيصيروا واحد خيي قاسي

وواحد وواحد بيصيروا 2 وال2 بيخلفوا ولحق على مبرمجين .. بس طول بالك...

على كل طيب نحن نوينا ان شاء الله تكوين الفريق المبرمج والمصمم.. للموقع ..

1- عنا أخونا هارد ..
2- عنا أخونا عمر ملاط ..
3- وعنا أخونا اللي وعدني يجهز شو النواقص وتقسيم العمل ويمشي معنا من الغد ان شاء الله أخونا مؤمن ...
4- وفي أخونا صلاح الفلو بيساعدنا ان شاء الله ...

بس وينو الفشلااااااااااااااااااااااان ..؟؟؟

طيب لكن كمان حتى نتابع بالإيجابية .. شو رأيكم نقسم مجالات العمل والنواقص المتعلقة بالموقع ...

يعني رح ابدأ أنا ...

1- نواقص صفحة الأدمن الحالية حتى تصبح أكثر فعالية..
2- إكمال الأقسام (منها المتجدد ومنها الثابت (كتعريف ببلدة القلمون مثلا)..+ الأرشفة والبحث في الموقع كاملا أو البحث في قسم محدد في الموقع.. + طريقة عرض الصوتيات والفيديو فيما بعد.. + أظن برنامج الصور قد كفانا إلا إن كان عند الإخوة إقتراح أجمل ..)
3- برنامج خاص للبانرز والدعايات والإعلانات بعد تحديد أماكنها بالصفحة الأولى والصفحات الداخلية..
4- برنامج للميلينج ليست يسهل من خلاله إرسال أي خبر أو نشرة شهرية قد يقررها الموقع فيما بعد (وأظن هذا البرنامج سهل ومتوفر ونستفيد في هذه الأمور من أخونا مؤمن عندما ينضم لنا )...
5- الديزاين الخاص بالموقع ( الشعار "مسابقة عامة" أم بين "أهل الإختصاص والفن يتم إختيارهم" ... ؟ ) (شكل الصفحة الأولى وتقسيمها وكيفية عرض المعلومات والأرشفة... ) ...

أظن أنني لا بد أن أكون قد نسيت أمورا أخرى أترك لباقي إخواني إحصاءها كبداية حتى نعرف ما هي المهام ومن هو الفريق وكيف يتم توزيعها ومتابعتها ...

يالله يا شباب هجووووووم...

بدي إسمع منك يا فشلان ... لأن معرفة الفشل بداية النجاح...

أخوكم

[HARD]

بدنا اداره ناجحة وليست فاشلة

[HARD]

نعم ايها الشامي انا اقول ان الاهداءات بدها اعادة هيكلة والاخبار اعادة التفكير بها وعرضها بطريقة جميلة كما هي الان ، ولكن يجب ان نضرب حساب اذا ارادنا زيادة ركن جديد للاخبار ،لان بكرة الشامي اكيد بحب عطول يعدل وزيد بس اكتر الشى بحب يمحي، اه خي الشامي كما قال الشيخ حفظه الله وكتم سره عمر (كل الحق عليك).... كما ان الاخ اللذي يعمل ... قال لي انك لحوح ،ليك خي انا اعمل على راحتى ،يعني اذا قدر الله وساعدناكم لا تزن كتير ، ولله انا كمان حابب ا شتغل تحت ادين المعلم عمرملاط ... لوك كيفك خي عمر انت مسافر مهيك كيف الهنود معك قالوا لى انك عم تتعلم الهندي بسرعة هههههههههه ..... مزحة لا احد يزعل وخصوصا يلي عم يزرف الدمع و اللذي يملك حساسية كتير اقصد احساس كبير .

[فشلان]

الظاهر يا شباب إني اقترحت شغلة أكبر مني بكتير وماني من قدها....
معليش سامحوني.. صرتو عم تحكو حكي مش عم افهموا أبداً.... مثل الشامي مثلاً قال ألفاظ غريبة جداً ما فهمت شو هية: أدمن، بانرز، ميلينج... شو عم تحكي هندي مثل عمر ملاط يلي عم يتعلم اللغة الهندية؟ ليش هو بالهند ولا بدبي يا سيد قاسي؟
بس هو أنا رأيي... إني لا بقى إدخل بهالموضوع.. خلي الشباب يلي بيفهموا يحكوا... وأنا بحكي لما بشوف شي تغير... أما هلأ فخلوني برات دق الميلينج....
سامحونا... بس نحنا ناطريكن..........

[moumen_o]

بغض النظر عن كل الي انحكا خلينا بشو المطلوب لتطوير الموقع... متل ماذكر الاخ الشامي وبضيف عليه بعض التفاصيل بالنسبة لفريق المبرمجين :

• معرفة بلغة PHP مع MYSQL .
• معرفة بلغة JavaScript.
• وفي جزئية من الموقع كمان AJAX .

بتوقع هادا كل شي ...
الي بيحب يشارك فيه يسجل اسمو عند الأخ الشامي عن طريق رسالة خاصة.
وبترك الباقي للأخ الشامي

[HARD]

بغض النظر عن كل الي انحكا خلينا بشو المطلوب لتطوير الموقع... متل ماذكر الاخ الشامي وبضيف عليه بعض التفاصيل بالنسبة لفريق المبرمجين :

• معرفة بلغة PHP مع MYSQL .
• معرفة بلغة JavaScript.
• وفي جزئية من الموقع كمان AJAX .

بتوقع هادا كل شي ...
الي بيحب يشارك فيه يسجل اسمو عند الأخ الشامي عن طريق رسالة خاصة.
وبترك الباقي للأخ الشامي

على راسى انت والمعلم الشامي بس الا تريد البسبور كمان والشهادة ....
سلام كبير الى الاخ مؤمن والله حابين نشوفك يا امر طال غيابك طال ...

[عمر ملاط]

السلام عليكم..
أنا يا شباب رأيي إنو أسهل الشي البرمجة... ولكن الموضوع يحتاج إلى خطة متكاملة... يعني إذا عنا عشر مبرمجين وما بيعرفو شو بدن يعملو.. شو بيعملو؟
البرمجة بتجي آخر الشي... يعني ورا الكل..:d يعني أنا وقفوني بآخر الصف....
هلأ خلو المزح على جنب.. وأنا حالياً كل يوم عم آخد درس Php كرمال الشباب... وهلأ صرت بمرحلة الجهوزية... وناطر إشارة حتى أطلق...
بس بالفعل بدنا ناس تهتم بالمواضيع الأساسية والتي هي قبل البرمجة.. فإذا ما قرروا إضافة شيء ما.. قام الجهابذة المبرمجون... أمثال السيد هارد، والأخ مؤمن... وغيرهم.. بوضع اللمسات الناعمة التي تحرك العالم بين أصابعها... هي بالفعل أنامل تعرف كيف تتكلم....
ولكم مني كل الشكر والامتنان..

[moumen_o]

نطق أخيرا Hard ... احنا مشتاقين اكتر يا عزيزي.

بالنسبة للأخ عمر, رح يكون في برنامج لجدولة الأعمال موزع على فريق العمل بيتم عن طريقو متابعة كل التطورات, فمن هالناحية ان شاء الله كل الشغل رح يترتب, بس بيبقى الالتزام بالوقت المحدد للتنفيذ.
تحياتي للجميع

[HARD]

الف بوسة للشباب انا معكم ومع الالتزام بالوقت ولن التزم شئ الا واكيد اني سوف اسلمه بوقته . ولكن الاهم وكما قال عمر المرحلة التى تعتبر الاصعب بوجه عام وهي مرحلة الدراسة بالتفصيل الممل وهي عبارة عن دراسة موثقة باليد يعني يا اخي شامي نكتب وصف دقيق لكل خدمة وكيفية عملها ووو.... و ممكن توزيع الدراسه على الجميع بعد احصاء الاخدمات وكل اخ يستلم خدمة ويفصلها في كل مراحلها الظاهرة والمخفية وبعد ذالك الجميع بشوف دراسة الجميع ويتم التعديل والتصليح لنصل الى الصيغة المناسبة لعمل ناجح . واليكم سلامي

[الشامي]

السلام عليكم ...

طيب شباب الله يبارك بالجميع ...

بدكم أنا خطط وحدي أم بدكم تشاركوني؟؟ أنا أفضل أن نتشارك في كل شيء

طيب أخي القاسي رح افتحلك حساب ببرنامج فريق العمل وأرسله لك على ايميلك...

أخي مؤمن ناطرين رأيك ورأي الشباب..
بانتظاركم ..

أخوكم

[HARD]

تفتح لى حساب الله اكبر شايف يا عمر الشامي يريد ان يفتح لى حساب شكرا يا اخي

[moumen_o]

السلام عليكم ...
1- نواقص صفحة الأدمن الحالية حتى تصبح أكثر فعالية..
2- إكمال الأقسام (منها المتجدد ومنها الثابت (كتعريف ببلدة القلمون مثلا)..+ الأرشفة والبحث في الموقع كاملا أو البحث في قسم محدد في الموقع.. + طريقة عرض الصوتيات والفيديو فيما بعد.. + أظن برنامج الصور قد كفانا إلا إن كان عند الإخوة إقتراح أجمل ..)
3- برنامج خاص للبانرز والدعايات والإعلانات بعد تحديد أماكنها بالصفحة الأولى والصفحات الداخلية..
4- برنامج للميلينج ليست يسهل من خلاله إرسال أي خبر أو نشرة شهرية قد يقررها الموقع فيما بعد (وأظن هذا البرنامج سهل ومتوفر ونستفيد في هذه الأمور من أخونا مؤمن عندما ينضم لنا )...
5- الديزاين الخاص بالموقع ( الشعار "مسابقة عامة" أم بين "أهل الإختصاص والفن يتم إختيارهم" ... ؟ ) (شكل الصفحة الأولى وتقسيمها وكيفية عرض المعلومات والأرشفة... ) ...

طيب تعقيبا على النواقص ...
خلينا نبدأ بالمهم,

• ادارة الموقع : بما انو اخونا Hard بلش فيها فانا باقترح انها تكون من نصيبو
• الارشفة - القائمة البريدية - البانرات : انا بلشت فيها ورح تكون من نصيبي.
• البحث : اذا بيحب الأخ عمر يستلمها كمان بيكون خير وبركه.

بتوقع هادي مبدأيا كأولويات .. ناطر رد الشباب

[عمر ملاط]

نحنا هون عبارة عن شركة صغيرة لتصميم البرامج...
بس عادة بهادي الشركة بكون العمل مقسم... وخاصة بالبرمجة.. في قسم اسمو system Analyst وقسم اسمو Programmer
المبرمج ما بيتدخل بشو لازم يكون وكيف لازم يكون... المحلل بقول: بدنا اياه هيك ويعطينا هادي النتيجة... والمبرمج بوصلو للي بدو اياه على طريقتو....
بس هون حاسس ضايعة الطاسة.. وبدي عبي شوية موية، وما عم لاقيها....
في حدا بس يقلي كني أنا الأول ولا التاني.... حتى أعرف وجه تفكيري...
بس إن شاء الله ما كون الاثنين... كالعادة...
يعني مثلاً.. أوكلتو إلي مهمة البحث.. ولزقتوني فيها، وقبلنا... بس مين بدو يقولي شو بدو بالبحث يصير.. ولا عليي كمان اكتشف النتيجة وارجع اكتشف الطريق يلي بتوصلني للنتيجة...
ناطر جواب.... وإن شاء الله بتهونوها عليي

[moumen_o]

عنا هون System Analyst هو الشامي .

[الشامي]

السلام عليكم ... حيا الله الشباب ...

طيب أنا بالنسبة للبحث أرسلت المطلوب لأخونا عمر .. بانتظار تعليقاته عليه ...

بانتظار أخونا الصعب ...

وأخونا مؤمن ناطرين منو آخر التطورات ...

بدنا نزبط شوية الديزاين تاع الصفحة الأولى وطريقة عرض المادة فيها ...وخاصة بعد زيادة القائمة البريدية ..

أخوكم

[HARD]

اخي عمر واخي مؤمن انا قلت كيف يجب العمل من قبل وانا اعيد واقول انه يجب كتابة تفصيل عن الخدمة وهذا ليس ببعيد عن المبرمج يا اخي عمر ولكن بما انو الاخ مؤمن معتبرها من غير ضروريات الان وذلك لخبرته ومعرفته الدقيقة بكل الخدمات ومبرمجهم من قبل كما اعلم والله اعلم ، ولكن اخي مؤمن الا تعتقد ان تدوين تفصيل عن كل خدمة وتداول التفاصيل بين الاخوة شئ مهم ؟؟؟ اخي اولا في المستقبل لتطوير الموقع من قبل الغير وثانيا نحن نستفيد من التفاصيل المكتوبة وممكن ان نستشير على اساسها كتير عالم من خارج الفريق ممن لديهم خبرة في هذا المجال امثال وسيم القص وحسن صهيون ... يعني نريهم الدراسة وبعد ذلك على بركة الله .

[الشامي]

بانتظار الردود...

السلام عليكم
أخوكم

[moumen_o]

اخي عمر واخي مؤمن انا قلت كيف يجب العمل من قبل وانا اعيد واقول انه يجب كتابة تفصيل عن الخدمة وهذا ليس ببعيد عن المبرمج يا اخي عمر ولكن بما انو الاخ مؤمن معتبرها من غير ضروريات الان وذلك لخبرته ومعرفته الدقيقة بكل الخدمات ومبرمجهم من قبل كما اعلم والله اعلم ، ولكن اخي مؤمن الا تعتقد ان تدوين تفصيل عن كل خدمة وتداول التفاصيل بين الاخوة شئ مهم ؟؟؟ اخي اولا في المستقبل لتطوير الموقع من قبل الغير وثانيا نحن نستفيد من التفاصيل المكتوبة وممكن ان نستشير على اساسها كتير عالم من خارج الفريق ممن لديهم خبرة في هذا المجال امثال وسيم القص وحسن صهيون ... يعني نريهم الدراسة وبعد ذلك على بركة الله .

يعني شكرا على هالمعروض .. بس بتوقع الشغلات الي اقترحناها مابدها توصيف!!
بعدين اذا قصدك على التوصيف الاساسي موجود, يلي هو عمتاخدو من الاخ الشامي ... ولا انت عمتشتغل على البركة!
بعدين اذا كان شغلك مرستك مزبوط المفروض انك تحط التوصيف بالكود الي عمتكتبو , وهادا الي بيساعد غيرك انو يفهم الكود , غير هيك بيكون دش على ورق.

[HARD]

هههههه اخي انا لا اعلم نحن نعمل او نحارب اذا معتبر حالك عم تحارب انا منسحب .
الدراسة يا اخي ليست صف كلام وعمر طلبها وانا طلبتها وهي مهمة وانا كتير انصدمت لكلامك وهذه الدراسة تصل حدودها الى توصيف الكلسات مع الوصف العام اكيد ،
وانا احب ان اعمل بهذه الطريقة وليس لها علاقة بالكود او التعليق عليه ، وانا ان يوم من الايام لم انفذ ما احب وذلك لضيق الوقت والحمد لله لقد ضيعت افضل ايامي الاخيرة عندما كنت في لبنان فشكرا لكم .
ونحن الان لا نقيم احد الا اذا كنت تريد انت تقيم اما انا فلست بأهل لها . فخلينا نشتغل بلا صف كلا م .

[فشلان]

مرحبا شباب.. شو القصة معكن...؟؟؟؟
يعني صحيح ماني فاهم طمسي من خمسي.. وشي بقول سيستام أناليست، وهو ليست وهنة ليست... هيأتها الليستا طويلة كتير...
أنا رأيي... يا أخي هلأ صار بدنا نشتغل برد الناس عن بعضها.....
خلص خلوني انا الليست.. ولا تعلقو... كل واحد يشوف شغلو..
ما لحقت وصلت فرحتنا لأرعتنا... شفنا مشاركات... بس ما شفنا شي على أرض الواقع
وأنا وأعوذ بالله من كلمة أنا.. كل هالحكي ما بيخرط ببالي.. يعني إذا ما شفت شي إدام عيني يعني ما في شي جديد...
يرضى عليكن يا شباب حبو بعضكن.. واتفقو..... ويا قاسي، ما طلعت قاسي أبداً.. لازم سميك لين....
أما الأخ مؤمن... فيرضى عليك لينها شوية...
وهاداك المعلم عمر ملاط ما حدى عم يسمع صوتو أبداً... ألووووووووووووووووووووو يا شيخ عمر... وينك؟؟ إساتك عايش؟ بتحكي كلمة وبتغيب...
أنا ما كنت عم شارك منشان ما إطلع حما... بالعربي الفصيح.. لأني ما بفهم... بس لا تفكروني نايم على وداني... أنا عم اقرأ كل شي.. بس تارك مجال للي بيفهمو...
معكن أسبوع تفرجونا شي جديد.. أو بأضرب عن الإكل هه؟؟؟

[الشامي]

السلام عليكم ...

شلون الشباب ..

طيب خيي فشلان معك حق .. حكم ودرر... وإن شاء الله قريبا أبو شي أسبوع يعني أخونا صلاح الفلو سينضم لفريق العمل ...

فهدوا أعصابكم شوية يا جماعة ..

أخوكم

[الشامي]

السلام عليكم ...

ما زلنا بانتظاركم يا شباب ... يالله شدوا الهمة ...

خيي مؤمن وخيي عمر وخيي هارد وخيي صلاح ... وينكم ...؟؟

أخوكم

[mobeid]

Salam Alaykum
First of all, how are you?
Excuse me to write in English but I do not have an Arabic keyboard.

I have just read the comments on the subject and I would like to add the mine.
Concerning the specifications
We absolutely need specifications which explain in details each functionality and that is called: Functional specifications and this part are in load of the Business Analyst.

From the Functional specifications , the developer (programmer) can make its technical specifications (architecture, modelling UML, Database…).

The comment of the code comes at the end of development cycle.
Thus Mr. HARD is completely right to require the specifications and Mr. Moumen are wrong of saying that we can work without specifications.

I wanted just to clear up this point without offending anybody.
Salam

[HARD]

مشكور اخي انا أعتز بشادتك وانا افتخر بك
وها هو لساني مع قلبي يردد بعض الكلمات كنت قد حفظتها عنك...
كنت دائما ارددها بيني وبين نفسي....
والان ابثها لك رغم بعد المسافات...
لو كنت تعلم كم أحبك يا أخي لرأيت قتلي أن تكون بعيدا
وأطلب من الله عز وجل ان ييسر لك امرك وان يوفقك الى كل خير انت وعائلتك وان يجمع بيننا باقرب وقت .

[mobeid]

Thank you for these nice words. And inchallah see you soon my dear brother

[HARD]

اذا شاء الله نراكم قريبا .

[الشامي]

السلام عليكم .. كيفكم يا جماعة الخير ...

الله يجزيك الخير أخي محمد عبيد على المشاركة وان شاء الله تستفيد وتُفيدنا بخبراتك الكثيرة في هذا المجال ...

طيب في المُرفقات وبناء على طلبكم فصلنا قسم بلدة القلمون الذي نسعى لإيجاده .. وأرجو منكم التعليق عليه...

أخوكم

[Mirror]

Mirror is ready to help qalamoun.com in programation using php and mysql and in design (banners , logos , Animations ,Flash) but from the start of the next month (Admin please Replay)....

[HARD]

اهلا بك Mirror ولله انا ناطر واحد متلك ......
اكيد الشهر الجاية رح تكون التحقت بالعمل بس اكيد مافي مصاري والعقد دائم بلا مدة ولا يوجد ضمان صحي ولا بيت ولا سيارة ولا تكت سفر ولا تلفون ، هذا هو الاوفر اذا قبلت امضي الاوفر وابعثة للمدير التنفيذي..... ونصيبك بالجنة.... بي مان

الان كلام جد :

واذا عندك كل هل المهارات فيني افتح انا وياك شركة خلينا نتعرف اوكي
بس ناقص مدير تسويق اذا بتعرف واحد بيحكي كتير وعندو معارف ..... يالله لا تتردد انا ناطر رد منك .

[Nader 3:16]

شو يا شباب وين صرنا بالموضوع ليش هيكا موتوو!!!!!؟؟؟؟