أعطوا رأيكم في هذه النظرة...!!!

[lina k]

السلام عليكم ورحمة الله وبركاته:
أحمل لكم اليوم موضوعا هاما(حسب رأيي)ومنتشراً بكثرة في مجتمعاتنا ألا وهو"نظرة المجتمع للخدم".حيث ينظر المجتمع للخدم نظرة إستحقار وعار دون معرفة الظروف التي دفعت الإنسان لممارسة هذه المهنة.مع العلم أنّ هذه المهنة شريفة ولكن تبقى نظرة المجتمع إليها سيئة.
-ولكن برأيكم ما السبب الذي يجعل المجتمع يتناسى شرف المهنة والظروف التي أدت إلى ممارستها,ويعتمد هذه النظرة؟ولماذا يتبرّأ المجتمع من الخدم ويحرمهم حقوقهم الطبيعية بدلا من مساعدتهم؟وكيف السبيل لإزالة هذه النظرة؟
أرجو من الجميع المشاركة....

[الزاهر]

أف أف......وين اختفى هالخموضوع هالخفية!!!.....يالله......وقت تاني إن شاء الله.....هلأ عندي مختبر!!!!

سلام

[shanzimer6]

موضوع جميل....
الله يبارك فيكي...
ان شاء الله رح نشوف كيف هالعالم لها ألب تعمل العمايل مع الخدم, يلي تركوا أهلن وبلادن, وجوا للمجهول....

[فيصل]

صلو على النبي
هيدا الموضوع حلو وبعتقد لزم أن الخدم يتعاملو بقسوه وشده بعدين هو العمل بيفرض حالو مكان عملو بس برجع وبقول لزم يعاملو بشد وبقسوه لأنون غير هيك مابيمشي حالون وشو هي الحقوق يلي عم تحكي عنها أختي الكريم بس بدي قول شغله أنو موش الكل متل بعضن

[دوكر]

يا هلا بالست لينا.....يعطيكي العافية ع هل الموضوع ........
هلأ حبيت شارك بي هل الموضوع ......لأنو انا كمان ما بحب التعالي و التكبر.......و كل هل المظاهر.....و يمكن الحكي لي بدي احكاي هو نتاج لشوية خبرة و شوية معرفة بمتل هل المواضيع......من ورا شوية اسفار....و التنؤل بين المناطء و البلاد....
ابل ما بلش بؤلكن انو ما في متل الشعب اللبناني بالتعامل مع الناس .....منو تعصبا للبنان......ولا ايمان بالوطنية......بس العالم نفسيات و نفسيات اكتر اللبنانية حلوة....بدلو في كتير شوازات بس الاكترية نفسياتون حلوة....يمكن لأنو عانينا بالحروب.....يمكن لأنو من هل الشام لي الرسول صلى الله عليه و سلم ؤل بما معناه .....اللهم بارك لنا في شامنا........المهم.......مظاهر القسوة و الاستحقار و التاعالي بالمعاملة بنلاحظا اكتر الشي بالبلاد العربية.......في منا بأجنبة ....بس اكتر الشي بنلاحظا بالبلاد العربية....متل السعدية....و الامارات......و الكويت......
كم مرة سمعنا عن خادمة عملت جريمة بولاد لي عم تشتغل عندا....او كم مرة سمعنا عن انواع التعزيب لي بيستخدما كتير من الناس لي بلا ؤلوب مع الخدم........
مودنا نفوت بالتعامل.....و خلينا بالموضوع الاساسي و لي هو النظرة السيئة للخدم.....و مع اصطلاح هل النظرة بيصطلح التعامل...........
حسب رأي انو هل النظرة بترجع لنءص بفكر الانسان.....هك نظرة بتعبر عن مدى بعد الانسان من ربنا عز و جل........
في ملاحظة زغيرة .........منو كل الناس الاغنيا عندن نظرة استحقار للخدم.........وفي قاعدة يمكن فنا نعمما شوية ......و لها اكيد شوازات.....بس بتنطب كتير ع المجتمع......
الانسان لي بيتعب ع حالو ت يوصل لمرحلة الغنى بدلو بحس بالفءير..........و من ضمنون الخدم........بكون عاش شوية من مرارة الحياة.........
بس الانسان لي بجي ع الدنيا.....غني .....و كل ما بيطلب طلب ببلبولو ياه.........ف ما بكون عندو هيكا احساس ....هدا بأغلبية.........بس بضل في ناس نفسياتون متل الدهب........
بالاخر الانسان لي بيعرف قدر ربنا جل جلاله......و بيعرف انو الشي و النعم لي عندوكلا من ربنا....و انو لولا ربنا ما كان وصل للهل المرحلة ما بعمرو بيستحقر انسان......و بحاول دائمن يكون تعاملو مع الكل منيح......بحاول يعطي .......و يساعد.......

يعطيكن العافية.......
اخوكم دوكر المعوكر.....

[فيصل]

صلو على النبي
ولك كيفك يا أخي الكريم دوكر ....هل تعاملت ....مع أحد من الخدم ....لأنو يوجد فرق بين الخدم .....والعامل ......وبالأخص خدم البيوت ....ششششوووو ؟

[دوكر]

يا هلا بخي فيصل....
تعاملت مع كتير من الخدم......و كتير من العمال.............
يعطيك العافية........

[nana]

لافرق بين عربي واعجمي إلا بالتقوى
كلنا خلق الله سبحانه وتعالى وكلنا راح نكون نندفن بنفس الحفرة ونتحاسب نفس الحساب
ويلي بيعامل الخدم بطريقة سيئه او بطريقة غرور هيدول بكونو عندون حاله نفسيه الا وهي التعالي والغررو

[a7la 3amoura]

السلام عليكم ورحمة الله وبركاته:
أحمل لكم اليوم موضوعا هاما(حسب رأيي)ومنتشراً بكثرة في مجتمعاتنا ألا وهو"نظرة المجتمع للخدم".حيث ينظر المجتمع للخدم نظرة إستحقار وعار دون معرفة الظروف التي دفعت الإنسان لممارسة هذه المهنة.مع العلم أنّ هذه المهنة شريفة ولكن تبقى نظرة المجتمع إليها سيئة.
-ولكن برأيكم ما السبب الذي يجعل المجتمع يتناسى شرف المهنة والظروف التي أدت إلى ممارستها,ويعتمد هذه النظرة؟ولماذا يتبرّأ المجتمع من الخدم ويحرمهم حقوقهم الطبيعية بدلا من مساعدتهم؟وكيف السبيل لإزالة هذه النظرة؟
أرجو من الجميع المشاركة....

الكل متساوي عند الله عز وجل لا يفرق بين أحد من عباده

[مصطفى معتوق]

الموضوع مهم من اكثر من ناحية الا اني سأتوقف في هذه المشاركة الاولى على الجانب الاجتماعي على ان اتحدث مي مشاركات اخرى عن باقي الجوانب ان شاء الله .

تضاربت الاراء حول الخادم كمهنة واختلفت التكهنات والاجتهادات لدرجة ان بعض الناس اثارو اكثر من مرة مسألة جواز الاختلاء بالخادمة على اساس انها ملك اليمين.
لن اتطرق الى الردود او الفتاوي التي صدرت عن الجواز او عدمه الا اني سابقى في صلب الموضوع وهو انحدار حد احترام الخدم الى حضيض الخلط بين الخادم والعبد.
انا برأي ان خدمة البيوت هي واحدة من الحرف او المهن التي يمتهنها انسان معين لاسباب خاصة منعته من تعلم صنعة اخرى يحصل من خلالها على قوت يومه وهي تبقى في الكثير من الاحيان اشرف من عديد المناصب التي يتمنطق اصحابها البذات الفاخرة وقد تلوثت ادمغتهم بالسرقة او العمالة او ما هنالك من انعدام الشرف او الضمير المهني او الاخلاقي .
كل انسان يكسب عيشه من عرق جبينه هو اهل للاحترام والعيب ليس في ما يمتهنه الانسان في كسب قوته وقوت عياله .

[محمد أحمد الفلو]

ابل ما بلش بؤلكن انو ما في متل الشعب اللبناني بالتعامل مع الناس .....منو تعصبا للبنان......ولا ايمان بالوطنية......بس العالم نفسيات و نفسيات اكتر اللبنانية حلوة....بدلو في كتير شوازات بس الاكترية نفسياتون حلوة....يمكن لأنو عانينا بالحروب

غلط 100 %
قال اللبنانيه قال
نحنا شعب الله المختار ما بس منشوف حالنا عالخدم حتى عالجنسيات العربيه ولك وعا بعضنا كمان
روح شوف مؤسسات الدوله وهونيك تعرف عالنفسيات

أما بالتعامل مع الخدم فمن شهر نشحونا على TF1 ببرنامج envoyé special ...
عملوا تحقيق عن الخادمات بلبنان ...

بعد ما تحضروا فيك تفهم أحد أسباب عدم الإستقرار بالبلد ....

[مصطفى معتوق]

غلط 100 %
قال اللبنانيه قال
نحنا شعب الله المختار ما بس منشوف حالنا عالخدم حتى عالجنسيات العربيه ولك وعا بعضنا كمان
روح شوف مؤسسات الدوله وهونيك تعرف عالنفسيات

....

انا بوافقك الرأي يا محمد
99 % من اللبايين عندن نرجسية منها طبيعية وبيعتبرو انو الله خلقن وكسر القالب
مع العلم انو 90 % من هال 99 % متل يلي بالقبو عند الاستاذ شفيق حفظهما الله

[lina k]

صلو على النبي
هيدا الموضوع حلو وبعتقد لزم أن الخدم يتعاملو بقسوه وشده بعدين هو العمل بيفرض حالو مكان عملو بس برجع وبقول لزم يعاملو بشد وبقسوه لأنون غير هيك مابيمشي حالون وشو هي الحقوق يلي عم تحكي عنها أختي الكريم بس بدي قول شغله أنو موش الكل متل بعضن

سلام,أولا أرحّب بمشاركتك واشكرك عليها.
ثانيا,أنا ضدّ فكرة المعاملة القاسية في كافة النواحي.لأنني لا أقبلها على نفسي فكيف أقبلها على غيري؟ألسنا كلنا بشر؟وأوضّح لحضرتك أنني في هذا الموضوع أتحدّث عن نظرة المجتمع لهذه الفئة من الناس حيث يعتبرهم حثالته.ويحرمهم أهم حقوقهم ألا وهي"الإحترام".لماذا لا يحترمهم المجتمع؟لماذا يستعرّ منهم؟لماذا لا يعالج الظروف التي دفعتهم لهذه المهنة؟
هذه هي اسئلتي...
شكرا لك.

[lina k]

[quote=دوكر;28112]يا هلا بالست لينا.....يعطيكي العافية ع هل الموضوع ........
الله يعافيك
كلامك صحيح,ويجب علينا التذكّر أنّ الله سبحانه وتعالى وهب الغنيّ المال ليس للتكبّر بل لمساعدة الغير.فلو ساعد كلّ منا أخاه فهل سيبقى أحد محتاج؟وهل سيضطرّ أحد حينها للعمل كخادم في المنازل؟طبعا لا.
أشكرك كثيرا على مشاركتك.
وأخيرا,أوضّح للجميع أن هذا الموضوع يشمل كلّ الخدم(اللبنانيين-الفيليبنيين....).وأريد منكم مناقشة نظرة الإستحقار الموجّهة إليهم ورأيكم بها.

[lina k]

لافرق بين عربي واعجمي إلا بالتقوى

كلنا خلق الله سبحانه وتعالى وكلنا راح نكون نندفن بنفس الحفرة ونتحاسب نفس الحساب

ويلي بيعامل الخدم بطريقة سيئه او بطريقة غرور هيدول بكونو عندون حاله نفسيه الا وهي التعالي والغررو

سلام,أشكرك كثيرا على ردّك المهم.ومن جهتي,أدعم رأيك تماما.ولكن وللأسف هذه النظرة موجودة وتتفاقم كثيرا.لذا طلبت منكم إعطاء طريقة لإيقافها.

[lina k]

الموضوع مهم من اكثر من ناحية الا اني سأتوقف في هذه المشاركة الاولى على الجانب الاجتماعي على ان اتحدث مي مشاركات اخرى عن باقي الجوانب ان شاء الله .

تضاربت الاراء حول الخادم كمهنة واختلفت التكهنات والاجتهادات لدرجة ان بعض الناس اثارو اكثر من مرة مسألة جواز الاختلاء بالخادمة على اساس انها ملك اليمين.
لن اتطرق الى الردود او الفتاوي التي صدرت عن الجواز او عدمه الا اني سابقى في صلب الموضوع وهو انحدار حد احترام الخدم الى حضيض الخلط بين الخادم والعبد.
انا برأي ان خدمة البيوت هي واحدة من الحرف او المهن التي يمتهنها انسان معين لاسباب خاصة منعته من تعلم صنعة اخرى يحصل من خلالها على قوت يومه وهي تبقى في الكثير من الاحيان اشرف من عديد المناصب التي يتمنطق اصحابها البذات الفاخرة وقد تلوثت ادمغتهم بالسرقة او العمالة او ما هنالك من انعدام الشرف او الضمير المهني او الاخلاقي .
كل انسان يكسب عيشه من عرق جبينه هو اهل للاحترام والعيب ليس في ما يمتهنه الانسان في كسب قوته وقوت عياله .

سلام,أنا معك في كلّ ما تفضّلت بقوله.ولكن ما سبب هذه النظرة المنتشرة في مجتمعنا اليوم؟لماذا يخجل المجتمع منهم؟لماذا لا يحسّن أحوالهم؟لماذا؟وكيف السبيل لتغيير هذه النظرة؟
شكرا على ردّك.

[lina k]

من ناحيتي بعتقد إن ما في داعي للخدم ـ إلا بحالات ـ إذا فهمو النسوان مسؤولياتن

سلام,أولا أشكرك على ردّك.ولكن في حال تحمّلن المسؤولية,هل تختفي ظاهرة الخدم من مجتمعنا وهل تتغيّر نظرة المجتمع لها؟وأريد أن أوضّح لك أن الموضوع لا ينحصر على الخادمات السريلنكيات والفليبينيات كما فهمت بل على كلّ أنواع الخدم. مثلا,هناك نساء لبنانيات محتاجات للنقود فلا يجدن مهنة لهن سوى مهنة الخدم سواء في البيوت أو في المطاعم.....ما رأيك بهذا؟وأريد منك إخباري عن سبب وجود هذه النظرة؟وعن طريقة إزالتها؟

[lina k]

سلام,أشكركم جميعا على ردودكم.ولكن أريد التوضيح لكم :
1-هذا الموضوع يتحدّث عن نظرة المجتمع إتجاه جميع أنواع الخدم.
2-ما سبب هذه النظرة؟وما رأيكم بها.
3-كيفية التخلص من هذه النظرة.
هذه هي الأسئلة المطروحة,وأي شيء آخر يُعدّ خروجا عن الموضوع.
دمتم بخير وبإنتظار ردودكم.

[shanzimer6]

إنّ من الظواهر الخطيرة والفتن الكبيرة التي ظهر خطرها وعظم ضررها ما ابتلي به بعض الناس في هذا الزمن من استقدام الخدم للبلاد من المسلمين وغيرهم لغرض الخدمة في البيوت.
مما أدّى ذلك إلى تفشي المنكرات, وضياع كثير من الأبناء والبنات, بسس سوء التربية, وعدم المراقبة والاهتمام.

أسباب وجود الخدم:
- دخول المجتمع عصر الترف, فتغيرت صورة البيت من حيث البناء والأثاث والمقتنيات, فزادت أعباء الخدمة في هذا البيت الكبير.
- اتساع وتعدّد مجالات عمل ربّ الأسرة.
- خروج المرأة للعمل وغيابها عن البيت.
- إقبال الفتيات على مواصلة التعليم بغرض الحصول على الشهادات العليا ومن ثم العمل.
- تقصير بعض الأمهات والزوجات في واجباتهنّ المنزلية.
- وكذلك تقصير بعض الآباء تجاه الأسرة من حيث تلبية حاجاتها.
- التقليد والمحاكاة, وحبّ الظهور بالمظاهر البراقة, والتفاخر بكثرة الخدم والسائقين.
- الرغبة في التنافس, وحبّ التقليد.

من أين جاءوا إلى بلادنا؟
جاءوا من بلاد تحكم بالقوانين البشرية الفاسدة, فظهرت الفاحشة في مجتمعاتهم , وانتشرت الرذيلة فيما بينهم, حتى أصبحت شيئاً مألوفاً عندهم.


ليكي ضجرت من الفصحى, رح انتقل عالعربي المشبرح.

ما الذي دفعهم إلى المجيء( = الظروف) تاركين وراءهم عائلاتهم وأهليهم؟
برأيي, قساوة العيش, وغلاء المعيشة دفعهم للعمل في أية مهنة , ومهنتهم مهنة شريفة.

لماذا لا يحترمهم المجتمع؟
ليش أصلاً المجتمع محترم حالو!!!!!! حكمتنا العادات والتقاليد وأسرتنا فصرنا عبيداً لها, وهي لا صحة لها!!!

لماذا لا يعالج الظروف التي دفعتهم إلى العمل بهذه المهنة؟
في كتير أشياء لازم المجتمع يعالجا......
بعتقد بس يحترمن بيعالج الظروف.....

أيمتن بدو يحترمن؟
أو ليش ما بيحترمن؟
لأن العالم يلي مهتمين فقط بالمنافسة والتقليد والتفاخر, ويلي عندن نظرة الاستعلاء عالبشر ما ممكن يتنازلوا لخادم_ هدا حسب قولهم_.
مع انن عالم متلنا, لهم حقوق, أدناها " الاحترام" و" حسن المعاملة" و....
هدا مع إنن هنّا عم يقوموا بواجبن, بس عم تزيد الواجبات, وعم تصعب ظروف المعيشة, أو يمكن عم يتلقوا معاملة سيئة, فمنلاقيّن بيهربوا من بيوت يلي بيشتغلوا عندن_ وهدا شي طبيعي_.
أنا لا أوافق أبداً الأخ فيصل بمعاملتهم بقسوة ( وصحيح ما كلن متل بعضن), بالعكس, من أول ما بيجوا عالبيت, منشربن مبادئنا وأحكامنا, ووين المشكلة انو نعاملن معاملة الصديق أو الأخ, لأن هدال عالم بدن يعيشوا معنا عمر....مع إني ما بنصح أبداً وما بحبّ يكون عنا خادم....لأن مهنتهم شريفة.... بس ما عم يلاقوا مين يحترمن!!!!!

لماذا يخجل المجتمع منهم؟
ليش الواحد من أيش ما بيخجل!!!! ما بتلاقي الواحد ما لو عين يمشي مع أمو, أو أبو أو.....
يمكن لأنن أجانب_ وحتى لو قصدك لبنانين_ يمكن مظهرهم, أو لباسهم, أو عرقهم, أو..... كل هدي أشياء بيستحوا منا, مع إنن الخدم بيعكسوا صورة العالم يلي بيشتغلوا عندن, يعني إجمالاً, ما منلاقي إنسان يا دوبو معيّش عيلتو جايب خدم, يعني العالم الكلاس الأغنيا هنة يلي بيجيبون....

المهم, مني جاملة الكل, بس ما بعرف ليش انطبع عهالحديث الجهة السلبية!!!! يمكن لأن طبيعة الأسئلة آخدة المنحى السلبي!!!!

أخيراً, المعاملة الحسنة, والاحترام هنة أساس لأي علاقة بين البشر, بينا وبين العالم الخارجي, فشحال مع عالم عايشين معنا_ مع العلم انو فيّن ما يكونوا عايشين معنا_ والواحد ما بيصبر عأخو أحياناً, بآ بدو يصبر عليّن.....

وبيكفي الواحد منا يفكر بإنن عالم, لهن حقوق, وعليّن واجبات, واذا عم يقوموا بواجبن عأكمل وجه, فليش تنظلمن أو نعذبن؟
إن شاء الله كون جاوبتك عأسئلتك

[الزاهر]

ما رأيكم بأم تعود من العمل باكرا فتدخل بسرعة......(مزنوئة!!!).....فبتلائي الخادمة بالغرفة مع الولد.......وتنيناتهم ساجدين للصنم!!!!

من جهة تانية.....ما رأيكم برب منزل.....تمرض بنت "مرتبة المنزل" (هادا سمها يا عالم......شي بيألي خادمة وشي بيألي سرلنكية.....ما نائصا إلا أمة!!!) خاصته فيرسلها على حسابه لدولتها لتزور بنتها ثم يعيدها على حسابه .........تأكل من ما تطبخ للعائلة.....وتلبس مما يلبس افرادها......يشتري لها ما تشتهي ويعاملها كأخته!!!

مني عم احكي من الخيال ها!!!!.....